PINAS

Ang Lihim ng Panginoon (Ikatlong Bahagi)

Sonspeak

Recent News:

Barangay Anti-Drug Abuse Council (BADAC)

BADAC, solusyon sa drogang pinapasok sa baybaying dagat

by

BADAC

BLOKE-BLOKENG cocaine natagpuang lumutang sa karagatan ng Surigao del Sur, Davao Oriental at Aurora.

 

Ni: Jonnalyn Cortez

KASUNOD ng nakakagulat na ulat tungkol sa naglutangang bloke-bloke ng cocaine sa karagatan ng Surigao del Sur, Davao Oriental at Aurora, hinimok ni Senate President Vicente Sotto III ang Pangulong Rodrigo Duterte na muling buhayin ang Barangay Anti-Drug Abuse Council (BADAC) upang maiwasan ang pagpasok ng iligal na droga sa bansa, lalo na sa mga baybaying dagat.

Inamin ng presidente kamakailan na isang pagsubok ang pagbabantay sa mga shorelines, at marahil ang Medellin drug cartel ang nasa likod ng pagpasok ng cocaine bricks sa ating karagatan.

Inihayag ni Sotto na mas mahaba ang baybaying dagat ng Pilipinas kumpara sa United States, kaya lubhang nahihirapan ang Philippine coastguard na mag-monitor.

Dito naman papasok ang BADAC, na maaaring magkaroon ng malaking papel sa pagpigil ng pagpasok ng droga dahil mas masusubaybayan ng mga lokal na opisyal ang kanilang lugar.

Si Sotto ang may-akda ng BADAC na nakapaloob sa Republic Act (RA) 9165. Sa kasamaang palad, hindi ginamit ng nakaraang administrasyon ang naturang batas kahit pa ipinangako ng Department of Interior and Local Government (DILG) ang pag-activate nito.

“DILG was saying that they were activating it some time ago but very few followed. In fact, the more important ones covering the islands are not activated,” wika ng senador.

Nagsampa ng kaso ang DILG laban sa mga opisyal ng barangay na nabigong ayusin ang BADAC sa kanilang lugar.

Sa isang memorandum na inilabas ng DILG noong Hunyo 2015, binago ang BADAC upang bigyang-diin ang papel nito sa programa ng pamahalaan na pigilan ang pagkalat ng iligal na droga. Dapat umanong kabilang at pinapangunahan ng barangay ang pagsugpo sa droga.

Naglabas rin ang DILG at ang Dangerous Drugs Board noong Mayo 2018 ng isang joint memorandum na nagsasaad ng patnubay sa pagpapatupad ng tungkulin at pagiging epektibo ng lokal na anti-drug abuse councils.

SOLUSYON SA PAGPASOK NG ILIGAL NA DROGA 

Iminungkahi ni Sotto na maaaring maging solusyon ang paggamit ng BADAC sa matagal nang problema ng bansa sa pagpasok ng iligal na droga sa mga baybaying dagat.

“That problem has been there for a long time and that is why I created the BADAC in RA 9165,” pahayag ni Sotto na siya ring author ng Comprehensive Dangerous Drugs Act of 2002.

Dagdag pa ni Sotto, kumpara sa US na may kumpletong mekanismo upang bantayan ang kanilang shorelines, hindi kumpleto ang kagamitan ng Pilipinas.

“Our shoreline is longer than the US shoreline yet our Coast Guard is not as equipped as theirs,” wika ng dating vice mayor ng Quezon City.

Bunsod nito, ang muling pagbuhay ng BADAC ay magiging malaking tulong para sa administrasyong Duterte na pigilan ang shipment ng iligal na droga sa tulong ng barangay sa bawat isla, na mamumuno sa kampanya laban sa droga sa kanilang lugar.

“But there is a barangay in every island; therefore, activating the BADAC would greatly help,” paliwanag niya.

Sinabi naman ni Senator Sherwin Gatchalian na kailangang tukuyin ng mga anti-drug operatives ang mga namumuno ng drug cartels na nagpapasok ng iligal na droga sa bansa. “So that the full force of the law can be imposed upon them,” pahayag ng dating mayor ng Valenzuela.

ANO ANG BADAC?

Tinuturing na grassroots program ng DILG ang BADAC na naglalayong organisahin ang opisyal ng barangay at iba pang kinauukulan bilang unang linya ng depensa sa pagsugpo sa mga krimen na may kaugnayan sa droga sa kanilang lugar.

Binubuo ang konseho ng punong barangay bilang chairperson at ng miyembro ng sangguniang barangay, na siyang chair ng peace and order committee bilang vice chairperson.

Ilan sa mga miyembro nito ay ang miyembro ng sangguniang barangay na siyang chair ng committee on women and family, sangguniang kabataan chair, principal ng pampublikong paaralan o kanyang representante, executive officer o chief ng tanod, at isang representante mula sa bawat organisasyon na may kinalaman sa relihiyon o non-government organization.

Magsisilbi namang adviser ng BADAC ang municipal chief ng siyudad, pulis o kanyang representante.

MAHIGPIT NA SCREENING 

Matapos ang pagkaaresto ng isang miyembro ng BADAC sa buy-bust operation sa Cebu City, iminungkahi ni Cebu City Police Office (CCPO) director, Senior Supt. Royina Garma ang mahigpit na proseso ng pag-screen ng mga miyembro ng naturang konseho.

Dagdag pa niya, kailangan ding i-monitor ang aktibidad ng bawat miyembro sa oras na maging parte na sila ng BADAC.

“It’s very alarming kaya meron tayong BADAC because they should help or stop the proliferation of illegal drugs,” pahayag ni Garma.

“When you’re a member of BADAC, you’re supposed to be the model. And if you’re engaged in illegal drugs, it’s very bad.”

Kailangan din mag background checks ang opisyal ng barangay sa kanilang miyembro paminsan-minsan.

Nais din hingin ni Garma ang ligal na opinyon ng DILG ukol sa kanyang proposal. “We will refer it to the DILG in Cebu City,” wika niya.

Sa ngayon, hinihikayat ni Garma ang lahat ng istasyon ng pulisya na patuloy na makipag-ugnayan sa BADAC sa kani-kanilang lugar upang labanan ang pagkalat ng iligal na droga.

REORGANIZATION SA PAMPANGA

Sumailalim sa reorganization ang lahat ng BADAC sa 505 barangay sa Pampanga.

Sa isang campaign rally na dinaluhan ni House Speaker Gloria Macapagal-Arroyo at administration senatorial candidates Francis Tolentino, Ronald de la Rosa at Bong Go, kanilang hinikayat ang mga miyembro ng BADAC na huwag mapapagod magsikap na linisin ang kanilang barangay sa pinagbabawal na gamot.

“There can be no real economic growth without a stable peace and order situation,” wika ni Tolentino.

Dagdag naman ni De la Rosa, tumatakbo siya bilang senador upang tulungan ang pangulo na linisin ang bansa sa iligal na droga at krimen.

Pinayuhan din ng dating director general ng Philippine National Police (PNP) ang miyembro ng BADAC na bantayan at protektahan ang pamilya bilang istratehiya para iiwas ang kabataan sa bawal na gamot.

Sa karagdagan, hinimok ni Vice Governor Dennis “Delta” Pineda ang iba’t-ibang sektor na tulungan ang BADAC upang magampanan at ma-improve ang kanilang gawain.

“If you go easy, drug syndicates, peddlers, and users come back. Our villages need to be safe,” pahayag ni Pineda.

Bagong barangay officials frontline sa war on drugs

by

Ni: Quincy Joel V. Cahilig

TAPOS na ang mga ingay ng mga tambol at jingle, at mga pasiklaban. Mabilis na nagdaan ang halalan sa Barangay at Sangguniang Kabataan.  Ang tanong: Ano na ngayon ang dapat asahan?

Sa takbo ng mga pangyayari sa pamayanan, kung saan magkakaroon ng pagpapasa ng kapangyarihan ng liderato sa mga barangay, isa sa mga inaasahan ng pambansang pamahalaan, lalo na ng mga mamamayan, na magpapatuloy ang laban kontra sa ipinagbabawal na gamot.

Hinamon ni Department of Interior and Local Government (DILG) Undersecretary for Barangay Affairs Martin Diño ang mga nanalong opisyal ng barangay, lalo na ang mga naitala sa narcolist, nitong nakaraang eleksyon na pangunahan ang kampanya kontra droga.

“Ichachallenge ko ang mga nanalong barangay officials na nasa narcolist na manguna sila sa laban sa kontra droga sa inyong barangay,” kanyang sinabi sa isang media forum.

“Hindi lang illegal drugs, ang inyong trabaho, pati sa illegal parking, pati sa sidewalks,” dagdag ni Diño, na nagsilbi bilang kapitan ng Barangay San Antonio, Quezon City sa loob ng 13 taon.

Kamakailan ay sinampahan ng DILG ng kasong administratibo ang 15 barangay captains sa hindi nila pagtatag sa kani-kaniyang barangay ng Barangay Anti-Drug Abuse Council (BADAC).

Batay sa datos ng ahensya, 70 porsyento lang ng mga barangay sa buong bansa ang nagtatag ng BADAC, na kumakalap ng mga impormasyon tungkol sa mga suspected “drug personalities” sa komunidad. Ito rin ang nagoorganisa ng mga aktibidad gaya ng counseling, sports fest, Zumba dancing, at mga proyektong pangkabuhayan upang matulungan ang mga tao na makaiwas sa pagdo-droga.

Ngunit para kay Bubot Sarmiento, host ng radio program na AyoKo sa Droga sa DWDD 1134 khz, at chairwoman ng anti-drugs campaign ng Rotary International District 3800, mas matinding aksyon pa mula sa DILG sapagkat ang problema ng droga sa barangay ay masalimuot at malalim ang pinag-uugatan.

“Di talaga titigil ang mga nagtutulak at gumagamit ng droga ang ating mga kababayan. Bakit kaya? Una, madali ang perang kinikita rito, marami pa rin ang di sumusuko sa paggamit ng iligal na droga. Pangalawa, marami pa ring mga nakapwestong barangay officials ang walang ginagawa sa nasasakupan nila, dahilan kasangkot sila o duwag lang,” wika ni Sarmiento. “Naniniwala ako na di kailangan ng pondong malaki para ito ay maaksyonan.”

Napaulat kamakailan na sinampahan ng DILG ng kasong kriminal ang isang barangay captain sa Lungsod ng Malabon dahil sa di umano’y pagkakasangkot nito sa kalakaran ng ipinagbabawal na gamot sa mismong komunidad na kaniyang pinamumunuan. Para sa ilan, isa itong pagpapakita na seryoso ang ahensya sa pagtugis sa mga tiwaling opisyal na ahente ng pagpapalaganap ng bawal na gamot.

Mga nanalong opisyal sa narcolist, ‘di abswelto

Dalawang linggo bago ang eleksyon ng Barangay and Sangguniang Kabataan, naglabas ang Philippine Drug Enforcement Agency (PDEA) ng listahan ng mga pangalan ng mahigit 200 na mga opisyal ng barangay na di umano’y sangkot sa droga.

Naniniwala si Philippine National Police Chief Oscar Albayalde, na nakatulong sa mga botante ang naturang listahan upang matukoy kung sino ang mga karapat-dapat na iluklok sa pwesto.

Sa kabila nito, nilinaw niya na ang pagkakapanalo ng ilang mga opisyal na nasa narcolist ng PDEA ay hindi nangangahulugan ng pag-abswelto sa kanila.

“Hindi porke nanalo na sila ay excused na sila sa iligal na droga,” wika ni PNP chief.

“Unang-una kasi, the barangay election is parang ano yan, mabigat yung kakilala, kaibigan, kapamilya kasi you’re speaking of one barangay. Baka malaking pamilya yan. Alam mo naman, basta kapamilya, kahit may hindi ginagawang maganda kung minsan, kinukunsinti. Although hindi natin sinasabi na guilty sila,” wika ni Albayalde.

Aniya, anim sa 12 barangay officials sa Metro Manila na umano’y sangkot sa droga ang natalo nitong nagdaang barangay elections, na maaring nanalo kung hindi inilabas ng PDEA ang narcolist.

Patuloy na mangangalap ang PNP ng ebidensya na mag-uugnay sa mga opisyal sa listahan upang masampahan ng kaso ang mga ito.

Ang mahalagang tungkulin ng barangay officials kontra droga

Ang barangay ang basic unit ng pamahalaan ng bansa. Bagama’t ito ang pinakamaliit na sangay ng pamahalaan, ito naman ang direktang naghahatid ng mga pangunahing serbisyo ng gobyerno sa mga mamamayan tulad ng pagbabakuna at iba pang health programs, peace and order, at pangangalaga sa kalikasan.

Pagdating sa kampanya kontra droga, mahalaga ang gampanin ng mga opisyal ng 42,000 na barangay sa buong bansa. Kabilang sila sa mga inatasan ni Pangulong Rodrigo Duterte sa anti-drug campaign, sa pangunguna ng Interagency Committee on Anti-Illegal Drugs, na binuo upang arestohin ang mga big-time drug dealers at mga street-level pusher.

Noong 2017, nag-isyu ang DILG ng circular kung saan inaatasan ang mga barangay officials na gawin ang mga sumusunod na hakbangin bilang suporta sa kampanya kontra droga ng Administrasyong Duterte:

Inaatasan ang barangay officials na bumuo ng grupo ng mga impormante mula sa mga residente na magbibigay ng impormasyon tungkol sa mga drug suspects sa kanilang komunidad. Ang mga datos na isusumite sa kanila ng mga impormante ay masusing pag-aaralan ng mga opisyal bago nila ito ibigay sa PNP, PDEA, at DILG.

Kailangan ding maghanda ng mga opisyal ng listahan ng mga drug suspects sa kanilang barangay, sa pakikipagtulungan ng pulisya. Kabilang dito ang pagtukoy sa mga suspected drug dens, mga kamag-anak, kaibigan, kakilala, at maging kinakasama ng suspek.

Ang mga makukumpirmang drug suspects ay hihikayatin ng barangay na sumuko at isailalim sa community-based rehabilitation program, kung saan kabilang ang training, seminar, capability building, at counseling sessions upang sila ay matulungan na makapagbagong-buhay.

Obligado rin ang barangay na magpatupad ng drug awareness program sa mga pampubliko at pribadong paaralan na kanilang nasasakupan upang maprotektahan ang mga kabataan laban sa panganib na dulot ng pagdo-droga.

Kung may anti-drug operations naman ang pulisya, kakailanganin dito ang koordinasyon ng barangay upang masiguro ang tagumpay nito.

At kada buwan ay kailangan magsusumite ng drug campaign report ang barangay officials sa DILG.