Bill Gates

Ni: Kristine Joy Labadan

KUNG isa ka sa mga negosyanteng nag-iisip ng bagong estratehiya upang makakuha ng mas maraming kustomer o mga taga-tangkilik, o di naman kaya’y nagbabalak pumasok sa mundo ng pagni-negosyo, alamin ang mga epektibong social media trends ngayong 2018 hanggang sa mga susunod pa na mga tao na tiyak na makakatulong sayo.

KAPAKINABANGAN NG SOCIAL MEDIA TRENDS

Ayon sa kilalang negosyante at imbentor ng microcomputer na si Bill Gates, “If your business is not on the Internet, then your business will be out of business.” Sa mga nakalipas na taon nang magsimulang umusbong ang social media, naging paboritong paraan na sa merkado at ng mga negosyante ang paggamit nito para sa paglago ng kanilang negosyo. Mala-king papel ang ginagampanan nito sa komunikasyon ng mga negosyante sa kanilang mga kliyente kung kaya’t nilulubos nila ang mga bagay at malaking kapakinabangan nito.

Base sa Statista.com, ang social media na Facebook ang kauna-unahang social network na nalagpasan ang isang bilyong nag-sign up ng mga rehistradong accounts at kasalukuyang may 2.2 bilyong aktibong gumagamit kada buwan. Sa likod ng mga naglalakihang numero na ito ay ang reyalisasyon na ang social networking site katulad ng Facebook ay isa sa mga pinaka-epektibong plataporma upang makakalap ng mga kustomer lalo na sa mga kabataan o tinatawag din na “tomorrow’s consumers” na karaniwang naglalaan ng humigit kumulang siyam na oras sa social platforms sa loob ng isang araw.

Sa paggamit ng social networking sites maliban sa pagsi-share ng mga larawan o opinyon at pakikipag-usap sa mga kaibigan, naroon din ang maraming posibilidad na maaaring subukan ng mga negosyante na makakatulong sa pagpapalaganap ng impormasyon o pag-imporma sa masa tungkol sa kanilang produkto o serbisyo upang ito’y subukan, at sa kalaunan ay tangkilikin. Ilan sa mga ito ay kung imposible man sa ibang plataporma ay mayroon lamang mas mababang tyansang maging epektibo kumpara sa paggamit ng social media.

MGA EPEKTIBONG SOCIAL TRENDS

PERSONALIZED CONTENT. Malaking hamon ang pagkakaroon ng personalized content online at mas lalong hamon ang pagsasa-publiko nito. Ang mga konsyumer na makakakita ng naisa-publiko mong deskripsyon tungkol sa iyong produkto o serbisyo ay dapat makapagbigay ng magandang impresyon sa unang tingin. Ito ay hindi kasing-simple ng pagkakaroon ng display sa social media kung ‘di ay para sa mga posibleng makuhang benepisyo para sa iyong negosyo na maidudulot ng magandang tugon ng online community.

Kung nais ng isang negos-yante ang umangat sa merkado sa pamamagitan ng social media trends, isang mabisang paraan na dapat gawin ay ang paghatid ng natatanging konsepto tungkol sa iyong produkto o serbisyo upang mabilis itong maka-konekta at maka-akit ng mga kustomer. Kung hindi nito tinataglay ang mga katangiang nabanggit ay may posibilidad na mawalan ng interes ang mga posibleng maging kustomer.

LIVE VIDEO STREAMING. Kung batid ng isang negosyante ang social networking site kung saan mas marami ang naaabot niyang konsyumer sa pamamagitan ng kanyang online content, maiging bigyan din ng pansin ang ibang sites kung saan maaaring pang makalakap ng mga posibleng konsyumer ng produkto o serbisyo.

Sa ganitong paraan papasok ang tinatawag na social media overlapping kung saan katulad ng Facebook, Instagram, Snapchat, at WhatsApp ay may feature na maaaring makapag-live video nang magkasabay upang ma-engage ang maraming tao kung mayroon mang mahalagang pangyayari kaugnay ng iyong negosyo.

Sa kabila ng pagkakaroon ng iisang mensahe ng videona ipinapakita sa madla, ang pumapasok naman na pagkakaiba ay ang dami ng taong naaabot nito gayundin ang interaksyon sa iyong live video.

Ayon sa mga gumagamit ng social media trend na ito, ang Instagram ang pinaka-epektibong site upang mag-live video na may sampung porsyento ang lamang ng viewership kumpara sa ibang social networking sites.

Sa kabilang banda nama’y nakakatanggap ng epektibong tugon ang Facebook pagdating sa video content. Dito ay maaaring makita ang mga taong nagku-komento, namamahagi at nagugustuhan ang bidyo mo. At habang dumadami ang mga taong gumagawa nito ay siya ding pagsikat at paglabas nito sa newsfeed ng iba.

SOCIAL LISTENING. Sa pamamagitan ng web mo-nitoring, ang mga datos na makakalap mula sa online content ng iyong negosyo ay maaaring magamit upang malaman kung sino ang mga social media users na nagkaroon ng interaksyon sa iyong content dahilan para maging epektibong simulan ang pakikipag-ugnayan sa kanila.

Malaki ang posibilidad na umangat ang pagkaka-kilanlan ng iyong negosyo sa online community dahil dadami ang mga tao na babanggitin ang iyong negosyo sa kanilang mga usapan. Ang pagiging magiliw sa pakikipag-usap sa mga kustomer at maluwag na pagtanggap ng mga rekomendasyon at suhestyon ay isa rin sa mga susi ng pagtatak ng iyong negosyo sa mga tao.

LEVERAGING INFLUEN-CERS. Isa pa sa social media trends na may positibong epekto sa isang negosyo ay ang mga personalidad na kinukuha ng isang kompanya. Mapa-bloggers, video creators, o digital brands, maaaring makipagtulungan sa kanila ang isang negosyanteng nagnanais ng epektibong online content.

Marami na’ng kompanyang nagsimulang isagawa ang social media trend na ito sa pamamagitan ng micro influencers upang mapataas hindi lamang ang kanilang benta kundi maging an kanilang kredibilidad.

Ang isang micro influencer ay isang tao na hindi nasa larangan ng show business pero maraming tao ang nakakakilala. Maaaring sila ay fashion o travel bloggers at iba pa. Ang kanilang mga taga-hanga ay malaki ang kasiguraduhang susubukan ang mga produkto o serbisyong niri-rekomenda nila.

Minsan ay hindi kailangang magbayad ng isang negosyante sa micro influencers bagkus ay binibigyan nila ito ng mga libreng produkto o serbisyo kapalit ng pag-endorso ng mga ito.

HAMON NG SOCIAL MEDIA TRENDS

Habang patuloy na sumasailalim sa pagbabago ang mga social networking sites ay ganun din naman ang mga platapormang nakapaloob dito na pinapaunlad para mas lalong umayon at matugunan ang mga panga-ngailangan ng mga nego-syante at kustomer.

Ang mga datos na maku-kolekta ng mga namamahala sa pag-promote ng iyong negosyo ay may malaking ambag sa pagpapabuti pa ng iyong online content. Kung ang isang negosyante katuwang ang mga katulong niya sa pamamahala ay magiging maparaan at malikhain sa pagpapaunlad ng content distri-buting ay tiyak na unti-unting magiging susi ang mga ito sa pagtuklas ng mga mabisang marketing tricks.

Para sa mga kompanya o maliit na negosyong siguradong makikisabay o susubukan pa lamang ang todong pag-utilize ng social media para makakuha ng malawakang konsumer, ang positibong resulta ng mga gagawing investment ay asahang may magandang bawi sa negosyo.

Ilan sa mga social media sites na katulad ng Facebook na maaaring makapagbigay ng malaking tulong sa pag-promote ng iyong negosyo ay Twitter, Instagram, Snapchat, Carousell, Pinterest at marami pang iba.

Ni: Jomar M. San Antonio

ISIPIN mo na lamang kung ang gasolinang ginagamit ng mga sasakyan natin ngayon sa lansangan ay nagmula sa mismong hangin sa ating kapaligiran. Ito ang misyon ng teknolohiyang Direct Air Capture (DAC) na naglalayong gamitin ang carbon dioxide (CO₂) sa ating atmosphere upang makagawa ng liquid fuel bilang kapalit sa fossil fuels na numero unong nag-aambag ng air pollution sa ating atmosphere dahilan ng global warming.

Nang magsimula ang rebolusyong industriyal (1780s-1830s ) sa kanluran ay hindi na tumigil sa pagdudulot ng polusyon sa hangin hanggang sa kasalukuyan ang karamihan sa mga industriya sa mundo. Patuloy ang pagsusunog ng fossil fuels upang magamit sa iba’t ibang klase ng pangangailangan tulad ng transportasyon kapalit ang mabilis na pagtaas ng carbon emissions sa ating atmosphere.

ANG “DAC” SA MAS MURANG HALAGA

Sa isang pag-aaral na inilathala ng Joule energy journal nitong Hunyo 2018, nagawa ng Carbon Engineering, isang kumpanya na nag-pakadalubhasa sa teknolohiya ng DAC na makapagtayo ng pasilidad nito na kayang humigop ng isang milyong tonelada ng carbon dioxide sa isang taon sa mas murang halaga.

Positibo si David Keith, founder ng Carbon Engineering sa Canada at isa ring propesor ng Applied Physics sa Harvard University na magagamit ang teknolohiya nila sa mas malakihang operasyon upang makagawa ng langis para sa mga sasakyan tulad ng kotse, truck, at eroplano kumpara sa paggamit ng fossil fuels bilang raw material.

“Until now, research suggested it would cost $600 per ton to remove CO₂ from the atmosphere using DAC technology, making it too expensive to be feasible solutions to removing legacy carbon at scale…we now have the data and engineering to prove that DAC can achieve costs below $100 per ton,” ika ni Keith.

Malaki ang pinagkaiba nito kumpara sa tinatayang presyo ng direct air capture technology nang buuin ni Klaus Lackner ng Center for Negative Carbon Emissions sa Arizona State University ang ideya noong 1990s. Ayon pa kay Lachner, nasasabik siya sa potensyal ng bagong technique ng Carbon Engineering. Tunay na magamit ito ng mga pangunahing industriya sa buong mundo sa pagbabawas ng carbon emissions sa kanilang mga siyudad.

ANG “DAC” AT PROSESO NITO

Ang DAC ay may dalawang layunin: Mabawasan ang carbon dioxide sa atmosphere upang labanan ang climate change sa mas murang paraan at ang makagawa ng cost-competitive na paraan sa paggawa ng gasolina, diesel, at jet fuel kung saan hindi na ito magdagdag pa ng CO₂ sa kalikasan.

“It’s unlike CO₂ capture that’s designed to work from a power plant. We’re capturing CO₂ from the atmosphere –that’s what our technology does…the purpose of capturing from the air is that you can make low carbon fuels from renewable power,” ika ni Keith.

Bagamat marami nang commercially-used na renewable energy ang ginagamit ngayon tulad ng solar at wind power upang makapagbigay ng e-nerhiya sa mga komunidad ay hindi pa naman ito nagagamit upang makapagpalipad ng eroplano o makapagpaandar ng truck. Ito ang nais mapunan ng Carbon Engineering gamit ang DAC at renewable energy sa pagproseso nito sa malinis, carbon-neutral at murang paraan.

“You can make gasoline or diesel fuel [via direct air capture] but, of course, they didn’t come from the ground, so the amount of carbon they emit when they burn is just the amount you used making them, so they’re carbon neutral,” dagdag pa niya.

Nagagawa ang bersyon ng kanilang fuel mula sa pagkuha ng carbon dioxide sa atmosphere gamit ang Direct Air Capture technology na pinapaandar ng renewable energy. Matapos nito ay sini-synthesize ang CO₂ gamit ang Air to Fuels^TM technology ng Carbon Engineering upang makagawa ng transportation fuel na compatible sa mga makina ng sasakyan ngayon. “Our proven technology can provide global-scale quantities of clean synthetic fuels, using inputs of only air, water, and renewable power,” ika ni Keith.

MALAWAK NA SUPORTA

Nakikita mang paraan ang DAC upang mabawasan kahit papaano ang carbon emissions sa hangin ay nangangailangan pa rin ito ng malawakang suporta sa lahat ng klase ng industriya upang magamit.

Malaki ang potensyal ng teknolohiyang ito upang mabago ang paglaban sa global warming. Maaari rin gamitin ang proseso ng teknolohiyang ito upang masubukang bawasan ang epekto ng green-house gases sa mundo sa malinis na paraan

“This isn’t going to save the world from the impacts of climate change, but it’s going to be a big step on the path to a low-carbon economy. I’m reasonably optimistic. The markets for these ultra-low carbon fuels really seem to be there now. California, especially, has a low carbon fuel standard, Canada’s developing a standard but these standards to reward low-carbon fuels are starting.”

Nagsimula ang pag-aaral ng Carbon Engineering noong 2009 at naisakatuparan ang proyekto noong 2015 sa pasilidad nila sa Squamish, British Columbia. Ang kumpanya ay pinopondohan ng ilang ahensya sa ilalim ng gobyerno, sustainability-focused agencies, at mga pribadong investors tulad ng Microsoft na pagmamay-ari ni Bill Gates.

Recent News: