PINAS

Ang Lihim ng Panginoon (Ikapitong Bahagi)

Sonspeak

Recent News:

Carlo Aquino

Nadine Lustre binigyan ng magandang regalo ang mga fans sa Cebu

by

Ni: Jonnalyn Cortez

 

ISANG magandang regalo ang natanggap ng mga fans ni Nadine Lustre sa Cebu ngayong Pasko. Nagsagawa ang Kapamilya actress ng meet and greet sa North wing Atrium sa SM City Cebu, hatid ng make-up line nitong Lustrous.

Matapos pahangain ang lahat sa taglay niyang ganda sa nagdaang Asian Academy Creative Awards sa Singapore, pinasaya ng 26-anyos na dating miyembro ng all-female group na Pop Girls ang kanyang mga fans sa Cebu.

Hindi magkamayaw ang kanyang mga tagahanga nang masilayan si Lustre sa kanilang harapan. Meron pa ngang ilang maswerteng nakakuha ng larawan kasama ang aktres matapos makakuha ng passes mula sa kiosk ng kanyang make-up line sa SM City Cebu Department Store.

Nagpasalamat naman ang bida ng “Indak” sa kanyang mga fans sa isang post sa Facebook. “Thank you, Cebu,” wika nito na may kasamang dalawang selfie pictures.

Samantala, nagwagi bilang Philippine’s best actress si Lustre mula sa ACAA para sa kanyang pelikulang “Ulan.” Hindi naman nito nakuha ang overall actress award na napunta kay Shefali Shah na mula sa India.

Kasama ni Lustre ang isa pang Kapamilya actress na si Dimples Romana, na naiuwi ang Best Supporting Role para sa hit teleserye nitong “Kadenang Ginto.” Ngunit, sa kasamaang palad, hindi rin nito nakuha ang overall award na napanalunan ng 10-taong-gulang na aktres ng Myanmar na si Pyae Pyae.

Nagwagi rin ang kasama ni Lustre sa pelikulang “Ulan” na si Carlo Aquino ng Best Actor in a Leading Role, habang nakuha naman ni Irene Villamor ang Best Direction (Fiction). Itinanghal din si Tirso Cruz III bilang Best Actor in a Supporting Role para sa teleseryeng “The General’s Daughter.

Katulad  ni Lustre at Romana, hindi rin nila nakuha ang overall category.

Sa karagdagan, nakatakdang dumalo ang nobyo ni Lustre na si James Reid sa Overpass Music Festival sa Oak Canyon Park sa Orange County, California, sa Marso 7, 2020.

Makakasama ng Kapamilya aktor ang Pinoy rapper at singer-songwriter na si Curtismith. Pangungunahan ng  American singer-songwriter  na si Jhené Aiko ang naturang event, na dadaluhan din ng South Korean singer at miyembro ng WINNER na si Minho, Thai artist na si Phum Viphurit at Malaysian artist na si Yuna.

Angelica, hanga sa pagiging mahusay na artista ni Zanjoe

by

Ni: Rommel Placente

MAY bagong serye si Angelica Panganiban sa ABS-CBN 2, ang “Playhouse” na katambal nito si Zanjoe Marudo. Although, magkasama sila sa gag show na Banana Sundae, ito ang unang    pagkakataon na nagsama at nagtambal sila sa isang serye. At puring-puri ni Angelica si Zanjoe bilang leading man.  

ANGELICA PURING-PURI SI ZANJOE

“Magaan siyang katrabaho. Hindi naman siya nali-late sa set at magaling naman siyang artista,” sabi ni Angelica tungkol kay Zanjoe.

Ang “Playhouse” ay napapanood mula Lunes hanggang Biyernes bago ang “It’s Showtime.”  Ito ang pumalit sa time slot na iniwan ng seryeng “Sana Dalawa Ang Puso”   Mataas ang rating ng nasabing serye, na pinagbidahan ni Jodi Sta. Maria. Kaya aminado si Angelica na may pressure siyang nararamdaman, na sana raw ay tangkilikin din ng tao  ang kanilang serye, na gaya ng pagtanggap sa “Sana Dalawa Ang Puso.”

MAY PRESSURE NA NARARAMDAMAN

“Siyempre may kaba kaming nararamdaman, may kaba talaga. Dahil alam naman nating lahat kung paanong sinuportahan si Mama Jodi sa oras niya, bago mag-Showtime. So, may kaba, may pressure, pero dahil nga pinaghirapan naman namin, at confident naman kami sa tinrabaho namin, mas hopeful kami, na positive way, na mas dun kami nagli-lead, na mas excited kami,  na panonoorin ito ng mga tao,”

HINDI PA GANUN KAKILALA SI ZANJOE

Sampung taon nang magkakilala at magkaibigan sina Angelica at Zanjoe, so masasabi ba ni Angelica na basang-basa o kilalang-kilala niya na si Zanjoe?

“Hindi pa rin siguro ganun ka- basang-basa. Pero siyempre alam ko na kapag  hindi niya gusto yung mga nangyari, yung sitwasyon, ayaw niya ‘yung lugar, hindi siya kumportable, sa mga ganun, siguro kilala na namin yung isa’t-isa.”

IE-ENTERTAIN ANG PANLILIGAW NI ZANJOE

Since single siya ngayon, at single rin si Zanjoe, kung sakaling ligawan siya ni Zanjoe,ie-entertain ba niya ang panliligaw nito?

“Kung sakali? Diyos ko naman grabe, parang ang choosy ko naman.”

“Oo naman ie-entertain ko siya kung gugustuhin niya ako, kung na-pretty-han na siya sa akin.”

MALAMBING AT MAASIKASO SI ZANJOE

Ano yung mga katangian ni Zanjoe na masasabi niyang boyfriend material ito?

“Ang awkward, eh. Kasi nakita ko siya sa lahat ng mga naging girlfriends niya, kaibigan ko yung mga ex niya kaya alam ko siya bilang isang boyfriend.”

“Siguro masasabi ko na malambing siya, maasikaso. Talagang hindi ko naman siya nakitaan na parang nag-cheat siya sa naging partner niya.”

HINDI NILIGAWAN ULIT NI CARLO

Samantala, may ginawang pelikula si Angelica with her ex boyfriend Carlo Aquino, ang “Exes Baggage”  Ang akala ng marami, lalo na ng  mga tagahanga ng dalawa, ay magkakabalikan sila, dahil lagi silang nagkikita noong ginagawa pa lang nila ang nasabing pelikula. Pero walang balikang nangyari.

“Hindi naman kasi siya nanligaw ulit sa akin,eh,” natatawang sabi ni Angelica.

“Siguro mas gusto niyang maging friends na lang kami, di ba?”

DALAWANG BESES NAKARELASYON SI CARLO

Ikinwento ni Angelia na dalawang beses silang naging magkarelasyon ni Carlo noong mga bata pa sila.

“Naging kami, tapos naghiwalay kami, taon din ‘yun. Tapos nagkabalikan kami, kasi nagpa-cute siya ulit sa akin, na-fall ulit ako. Tapos naghiwalay na naman kami, tapos nagkabalikan ulit.”

“Nung naghiwalay na kami ulit. hindi na kami nagkabalikan. Parang hindi na siya sure kung gusto pa rin niya ako, kaya hindi na siya nanligaw ulit, hindi na siya nag-effort na magkabalikan kami.”

“Pero siyempre, hindi naman lagi siya ‘yung may mali. Siyempre, may nagawa rin ako. May pinagselosan din siya.  Siyempre, bata kami noon, eh.”

Bela Padilla, bumibida rin ba sa lovelife?

by

Ni: Crysalie Ann Montalbo

KUMIKINANG ngayon ang career ng Kapamilya actress at screenwriter na si Krysta Elyse Hidalgo Sullivan o mas kilala sa stage name na Bela Padilla mula sa kanyang sunod-sunod na pelikula noong 2017 hanggang sa kasalukuyan.

ROMANTIKONG PELIKULA

Sa kanyang hit romantic film na “100 Tula para kay Stella” na pinagbidahan kasama ang aktor na si JC Santos, kinabiliban ng marami ang pagganap niya bilang rock star na si Stella na hinandugan ng 100 tula ni Fidel, isang lalaking may problema sa pananalita na humahanga sa kanya.

Hindi nagtagal ay sumabak ulit siya sa panibagong romantic-comedy film na “Meet me in St. Gallen” kasama ang Kapamilya aktor na si Carlo Aquino at ginampanan naman ang role bilang si Celeste.

Bakas na sa aktres ang pagiging isa sa mga hugot queen lalo na kapag bumibisita siya bilang host sa noontime show na “It’s Showtime” at nakikipagkulitan kasama si Vice-Ganda at nagpapanggap rin na karibal ng Showtime dancer na si “Ate Girl” o si Jackque.

Ang una nilang pelikula na “100 Tula para kay Stella” ay kumita sa takilya ng P95 milyon sa loob ng isang linggo. Kaya’t sa darating na Agosto, matutunghayan natin uli sa paparating na Pista ng Pelikulang Pilipino (PPP) ang pagganap ng tambalang Bela at JC sa bagong pelikula na “The Day After Valentine’s” kung saan sila naman ay gaganap bilang sina Lani (Bela) at Noel (JC).

 

FREE SPIRIT

Nagiging star nga rin ba si Bela pagdating sa usaping lovelife?

Maraming umaakibat na isyu kay Bela Padilla pagdating sa Kapamilya actor na si Zanjoe Marudo. Maaalalang umulan ng kontrobersiya sa pagitan nila noong kasagsagan pa ng ABS-CBN Primetime Teleserye na “My Dear Heart”.

Noong February, maaalalang nakapanayam si Bela Padilla sa entertainment talk show program tuwing gabi, ang “Tonight with Boy Abunda” kung saan tinanong siya kung ano ang mayroon sa kanilang dalawa ni Zanjoe.

“Di ko po alam, Tito Boy. Kase parang naging ano ako eh… free spirit. So I don’t belong anywhere and I don’t belong to anyone. I am just happy right now, ” kwento ni Bela.

“I watched his interviews, I read his interviews. He’s very vocal naman na he’s not ready right now and I respect that,” dagdag ng aktres.

Subalit sa mga lumipas na buwan ay tila naudlot na talaga ang namamagitan sa kanilang dalawa. Sa comedy talk show na “Gandang Gabi Vice,” sa segment ng “Tanong Mo, Mukha Mo”, ipinakita sa huli ang larawan ng aktor na si Zanjoe Marudo at hindi mawari ang ekspresyon ni Bela.

“Paano ba ang magmahal, kailangan bang nasasaktan?” ang pabirong awit ng dalaga biglang tugon sa larawan ni Zanjoe.

Sinabi rin ng Chinita Princess na si Kim Chiu sa nakaraang episode na bilang isang kaibigan, nagawa na niyang pakialaman ang phone ni Bela at nagbigay siya ng payo na hindi na dapat ipagpilitan ang kanyang sarili sa taong hindi naman pinapansin.

Sa huli ay nilinaw naman ni Bela na masaya siya ngayon at walang boyfriend.

“Nope. I’m not entertaining, I’m not seeing anyone. I’m happy,” sabi niya.

Ibinunyag niya rin na may nanliligaw sa kanya pero hindi niya ito ini-entertain.

“Meron pero wala na, tapos na.”

CAREER OVER LOVELIFE

Para sa kanya, mas pipiliin niya na lang muna ang career kaysa lovelife.

“Kahit sinong tao, kahit ‘yung ex ko, jino-joke na niya dati na kapag pinapili ako kung trabaho or siya. Kahit saan or kahit anong panahon, kung papapiliin ako kung trabaho or lovelife, laging trabaho ‘yung pipiliin ko kasi kailangan ko ‘to eh,” saad ni Bela.

“Parang hindi na lang din ito tungkol sa fact na tumutulong ako, kailangan ko na rin siya para sa sarili ko. Masiyado ko na siyang mahal,” dagdag ng aktres.

Bukod sa “The Day After Valentine’s” movie nila ni JC, excited na rin siyang makatrabaho ang Phenomenal Box Office Star na si Vice Ganda sa upcoming movie na “Fantastica: The Princess, The Prince, and The Perya sa paparating na Metro Manila Film Festival ngayong 2018.

“It would be the first time that I am making a pure comedy film. I watched Vice Ganda’s MMFF entries every year, so I am really happy,” galak niyang sinabi.

Hinahanda niya rin ang sarili niya sa isang martial arts training para sa gagampanan niyang karakter sa pelikula.

“There is a fight scene at the end, so I am just preparing myself for a little bit more,” dagdag ng aktres.

INILABAS na ang official poster ng upcoming movie na “The Day after Valentine’s” na pinagbibidahan ni Bela Padilla at JC Santos.

Maine Mendoza nagpaka-fan girl kay Carlo Aquino

by

Ni: Beth Gelena

FAN girl rin pala itong DubSmash Queen na si Maine Mendoza.

Dumalo si Maine ng premiere night ng movie nina Carlo Aquino at Bela Padilla, ang ‘Meet Me In St. Gallen’. Kilig-to-the-bone ang Kapuso star nang makita si Carlo, kaya naman pala ay dahil big fan siya ng aktor. Agad siyang nagpakuha ng picture with Carlo at ipinost sa kanyang Twitter account with matching caption ‘pwede mag-fan girl?’

Kesehodang hindi taga-Kapamilya network ang dalaga ay keber sa kanya.  Isa siya sa surprise guests celebrity na dumating para suportahan ang director ng movie na si Irene Villamor na nakatrabaho niya sa kanyang mother network.

Close Bitnami banner
Bitnami