PINAS

Ang Lihim ng Panginoon (Ikalawang Bahagi)

Sonspeak

Recent News:

CHAMPAIGNE LOPEZ

TAGUMPAY NI ALYSSA VALDEZ

by

Pinatunayan ni Alyssa Valdez na hindi mahalaga ang pagkatalo, dahil ang mahalaga ay kung paano ka babangon mula sa pagkatalo.

 

Ni: Champaigne Lopez

 

MULI ay pinatunayan ni Alyssa Valdez na isa siya sa mga mahuhusay na volleyball player sa Pilipinas. Ito ay matapos niyang makuha ang kanyang ikatlong MVP PLUM sa premier volleyball league ngayong season 3 sa Reinforced Conference noong Hulyo 13, 2019.

 

Pangatlong volleyball trophy na ito ni Alyssa na nagtala ng 35.77% attack efficiency base sa kanyang 93 spikers, 23 aces at 4 blocks habang siya ay naglalaro sa grupo na Creamline. Nakuha rin niya ang second best spiker award para makasama sina Banko Perlas Nicole Tiamzon na first best open spiker, Dzi Gervacio best opposite spiker at Kathy Bersola first best middle blocker. Nakuha rin ni Creamline Jia Morado ang best setter, PacificTown Army’s Angela Nunag na best Libero. Si Cuban spiker Wilma Salas ng Petro Gazz nanalo rin bilang best import award o best foreign guest player award.

 

PASASALAMAT NI ALYSSA SA KANYANG ANKLE INJURY

 

Sa kalagitnaan ng laro kontra Petro Gazz Angels ay bigla namang nagkaroon ng injury sa kaliwang paa si Alyssa, na nagresulta ng sunod-sunod na pagkatalo ng kanyang grupo simula ng pansamantalang tumigil siya sa paglalaro. Ngunit imbes na panghinaan ng loob ay ipinagpapasalamat pa niya ito dahil daw sa kanyang injury ay mas nagkaroon siya ng lakas ng loob at nagbigay ito sa kanya ng dahilan upang mas alagaan pa ang kanyang sarili. Makalipas ang ilang araw ay agad ring bumalik sa paglalaro si Alyssa.

 

“Well I think the injury is better. Hindi pa rin nawawala ‘yung pain sa paa, but you gotta be brave to face it,” sabi ni Alyssa sa kanyang interview.

 

PAGBANGON SA PAGKATALO

Sa pagkapanalo ng Creamline noon sa Reinforced Conference at Open Conference ay siya namang pagkatalo nila ngayon laban sa Petro Gazz Angels. Ngunit ayon kay Alyssa ay dapat silang matuto sa pagkakatalo nila at mas galingan na lamang sa susunod na laro.

 

Ayon kay Alyssa, “Going to the next conference, I’m not saying that we’re all equal but I always say to the local players that we will all work because we all want to win.”

 

Dagdag pa ng dalaga ay karapat-dapat na manalo ang Petro Gazz Angels dahil sa paglalaro nila ng malinis at sa husay ng kanilang mga imports o foreign players na si Wilma Salas at Finals MVP Janisa Johnson.

 

Masakit sa kanila ang pagkatalo ngunit normal naman ito sa laro na may mananalo at mayroon ding matatalo. Tanggapin na lamang ito at paghusayan pa sa susunod.

 

KAMUSTA ANG LOVELIFE NI ALYSSA?

 

Ang Volleyball star player na si Alyssa Valdez at ang Basketball phenomenon na si Kiefer Ravena ay patuloy na masaya sa kanilang 3 years relationship. Kahit na may kanya-kanyang career at responsibilidad ang dalawa ay nabibigyan pa rin nila ng oras ang isa’t-isa na siyang nagpapatibay sa kanilang relasyon.

 

Sa isang TV show interview ni Alyssa ay kinuwento nya rito kung paano sila nagkakilala ni Kiefer. Nagsimula ang lahat sa pagkakaibigan hanggang sa nahulog din sila sa isa’t-isa. Ipinahayag niya rin dito kung paano nila napapanatili na matatag ang kanilang relasyon, ito raw ay nagsisimula sa mga maliit na bagay lamang gaya ng pagsasabay kumain ng dinner, pag-uusap kahit na saglit lang. At respeto sa isa’t-isa na may kanya-kanya silang oras na mahalaga umano sa isang relasyon na hindi mawawala ang friendship dahil bukod sa dito sila nagsimula ay yung samahan ng isang tunay na pagkakaibigan ay dapat pahalagahan dahil ito raw ang magpapatibay sa dalawang taong magkarelasyon.

 

Mga patok na negosyo online

by

NI: CHAMPAIGNE LOPEZ

 

MGA iba’t-ibang klase ng negosyo online ang pinaguusap-usapan ngayon! Patok ito para sa mga bata, estudyante, magulang o kahit sa mga matatanda na nasa bahay lamang.

 

Sa panahon ngayon kung saan halos lahat ay nakatutok na sa kani-kanilang gadgets, hindi malayo na ito ay ating pagkakitaan din. Dahil sa maraming tao ang may access sa Internet ngayon, marami rin ang lumabas na iba’t-ibang klase ng negosyo o trabaho online.

 

HELLO GUYS! WELCOME BACK TO MY CHANNEL!

 

Marami na ang kumita at patuloy na kumikita ng milyon-milyon gamit lang ang camera at paggawa ng kakaibang video content. Walang pinipiling edad sa pagiging vlogger, bata ka man o yung kahit may edad na ay pwedeng-pwede ka pa rin dito basta’t kaya mo mag-video ng sarili, magsalita at magpatawa ng tao.

 

Nagsimula ito lahat sa isang sikat na application sa buong mundo, ang Youtube. Dito nila inuupload ang mga videos nila at kapag marami ang nakapanuod nito ay maaari na silang kumita. Kaya ngayon marami na rin ang sumusubok at nag-eenjoy dito. Madalas na ina-upload nila dito ang iba’t-ibang klase ng tutorials tulad ng kung paano mag make-up, paano kumita sa social media, paano gumamit ng iba’t-ibang klase ng mga bagay at napakarami pang-iba.

 

May mga video naman na tungkol sa pagbibiyahe, pagpunta sa iba’t-ibang lugar sa Pilipinas at maging sa ibang bansa. Sikat din ang mga videos kung saan ay gagawin ng vbloggers ang challenge sa kanila na talaga namang kinakatuwa ng mga manunuod.

 

May mga videos na kumakanta, sumasayaw o maging habang kumakain ay binibidyuhan na. Iba’t-ibang paraan, iba’t-ibang diskarte, iba’t-ibang konteksto para makuha ang atensyon ng manunuod. Ganyan ang trabaho ng vbloggers, bonus na rin sa kanila ang mga kumpanya na nagiisponsor sa kanila o yung nagpapadala sa kanila ng produkto na libre at ang kapalit ay gagawan ito ng review-video para mahikayat ang mga viewers na bumili.

 

 

PM SENT!

 

Subok na rin sa pagnenegosyo ang pagbebenta ng produkto online, madalas ginagawa ito ng mga single moms o yung mga nanay/tatay na nasa bahay lang at walang mapag-iwanan ng anak kaya mas piniling mag negosyo online. Nariyan ang pagbebenta ng damit, furniture, tickets, make-up, pre-loved items at marami pang iba.

 

Maari rin na mag-resell dito o yung hindi kinakailangan maglabas ng pera dahil magbebenta ka ng produkto ng iba at magkakaroon ka ng porsyento sa kung magkano ang mabebenta mo. Ang pagpasok sa mundo ng online selling ay hindi rin madali, na  kaakibat dito ang mahabang pasensya sa mga customers, dahil sa online lang ang usapan madalas ang hindi pagkakaintindihan nang maayos.

 

Maari ka rin maloko dito o yung tinatawag na scammer na laganap at patuloy na kumakalat online.  Sila yung mga nagkukunwari na buyer o seller na kapag naipadala mo na yung bayad mo sa binili mong item ay agad ka nyang iba-block o kaya naman mag seset ng meet-up at biglang hindi sisipot. Kinakailangan ang ibayong pag-iingat sa mga nakakausap online upang maiwasan ang mga ganitong klase ng pangloloko.

 

 

FREELANCER PERO HINDI FREE

 

Patok din ang freelance writing bilang online business, kung may background ka sa pagsusulat ay tiyak bagay ka sa trabahong ito. Sa mga online job websites marami ang nangangailangan ng writing services para sa mga freelancers. Marami ang may kayang magsulat ngunit hindi lahat kayang magsulat ng tama at angkop. Kaya patok din ito sa gusto magtrabaho online dahil hindi ka lang mag-eenjoy sa pagsusulat kundi marami ka rin matututunan at matutulungan.

 

GOODMORNING KIDS!

 

Isa ang mga Pilipino sa mga pinakamagaling sa

pagsasalita ng Ingles at dahil dito marami sa atin ang

nagtratrabaho sa mga BPO industry, ngunit maari din magturo ng Ingles kahit nasa bahay lang. Ang mga bansang Japan, Korea at China ang may pinakamalaking demand para sa mga online English tutor at madalas Pilipino ang kinukuha nila para sa trabahong ito. Maaaring kumita ng 30,000 sa isang buwan o mas malaki depende pa kung gaano ka kasipag. Madalas ay mga bata ang tinuturuan at dahil dito hindi rin sya madali dahil kailangan ng mahabang pasensya dahil may mga makukulit na estudyante na kailangan mong turuan.

 

Napakaraming benipisyo ang pagtratrabaho o pagnenegosyo nang nasa bahay lang katulad ng hindi na kakailanganing bumiyahe o sumabak sa trapik para pumunta  para pumnta sa opisina. Hindi ka rin maghahabol ng oras dahil sa ganitong klase ng negosyo o trabaho ay hawak mo ang sarili mong oras bukod pa dito ay magkakaron ka pa ng oras sa pamilya mo. Mas mapagtutuunan mo sila ng pansin dahil araw-araw mo na silang makikita dahil nasa bahay ka lang at kumikita ka pa.

 

Ngunit, kahit marami itong benipisyo hindi pa rin  ito madali at katulad sa ibang trabaho ay kinakailangan maging masipag at matiyaga upang maging maganda ang kita, may mga pagkakataon na malakas ang benta o kaya naman ay walang benta. Kung gusto mo na magkakotse o magkabahay o ano pang pangarap mo ay hindi imposible sa kahit na anong klaseng trabaho o negosyo dahil ang mahalaga dito ay marangal at gusto mo ang ginagawa mo at kapag gusto mo ang ginagawa mo hindi malabo na maabot mo ang inaasam mong tagumpay.

 

Good Posture Malaking Tulong sa Pagtaas ng Confidence

by

Ang Good Posture ay hindi lamang simpleng bagay lamang. Mas kaaya-aya na tignan ang mga taong may maayos na tindig at nakakatulong   ito upang makaiwas sa anumang sakit dulot ng maling pag tindig at makakapagresulta naman din ito sa pagtaas  ng kompyansa ng isang tao.

 

CHAMPAIGNE LOPEZ

 

Malaki ang epekto ng Posture o Tamang tindig ng isang tao, dahil sa pamamagitan  ng maayos na tindig ay mas nabibigyan  ng mataas na kompyansa ang mga taong alam ang wastong pustura at sa tamang posture ay pinapabuti nito ang daloy ng dugo sa ating katawan dahil mas nakakadaloy ang ating dugo ng maayos na nagdudulot rin ng mabuting epekto sa ating kalusugan.

Ang pagkakaroon ng maganda at maayos na tindig ay sadyang magandang tignan. Nagmumukhang kagalang-galang at marangal ang mga tao na wasto ang pustura.

Samantala, ang mga taong may maling posture naman ay maari naman magbunga ng hindi mangandang resulta at pinsala sa kanila katawan.

Narito namn ang mga bagay na dapat natin malaman upang magkaroon ng maayos na tindig o Good Posture:

  • Kung ikaw ay nakatayo, ihanay ng maayos ang iyong katawan.
  • Kung ikaw ay nakaupo, ideretcho ang likod at ipantay ang dalawang balikat.
  • At kung magpapahinga na at matutulog siguraduhin na may unan lagi sa ialalim ng iyong ulo dahil maaaring sumakit ang iyong leeg , likod at balikat na maaring mag-resulta ng hindi maayos na pustura.

 

Benepisyo ng Good Posture

Ang pagkakaroon ng maayos at magandang pustura, makakaiwas ka sa ano man sakit kagaya ng biglaan na pagsakit ng katawan at pagka-ngalay. At makaktulong rin upang makaiwas sa injury at stress.