PINAS

Ang Lihim ng Panginoon (Ikapitong Bahagi)

Sonspeak

Recent News:

CHERRY LIGHT

Bukod sa 1 Pinoy seafarer ay wala nang naiulat na nagpositibo sa 2019 nCoV sa Diamond Cruise Ship

by

 

CHERRY LIGHT

PATULOY na  nakikipag-ugnayan sa Japanese authorities ang  Philippine Embassy sa Tokyo para tiyakin na maibigay ang lahat ng pangangailangan ng mga Pilipino na kasalukuyan pang nakasakay sa Diamond Princess Cruise Ship na nakadaong sa  Yokohama, Japan.

Kabilang sa mga ipinamamahagi ng embahada para sa mahigit limang daang Pilipinong nakasakay sa cruise ship ay mga pagkain, medisina, mask at iba pang supplies habang isinasailalim pa ang mga ito sa 14 day quarantine kasama  ang libu-libo pang mga dayuhang  pasahero.

Ayon sa Philippine Embassy ng Tokyo panibagong grupo naman sa sampung katao ng MV Diamond Princess ang nagpositibo sa 2019 nCoV pero bukod sa isang Pinoy seafarer  ay wala nang naiulat na nagpositibo pang Filipino  sa ikinababahalang virus.

Una nang naiulat na isang pasahero ng barko na galing Hongkong ang unang kinumpirmang may 2019 nCoV ARD.

Deployment ban ng mga OFWs sa Kuwait, partially lifted na

by

CHERRY LIGHT

 

APRUBADO na ang partial lifted ng deployment ban ng mga OFWs sa bansang Kuwait.

Ito ay matapos na malagdaan ng Pilipinas at Kuwait ang ilang kasunduan para sa proteksyon ng mga manggagawang Pinoy.

Magugunita na ipinatupad ang total deployment ban sa Kuwait matapos patayin ng kanyang amo ang Pinay worker na si Jeanelyn Villavende.

Hindi naman sakop ng partial deployment ban ang pagpapadala ng household service workers.

Tanging ang mga bago at skilled worker lamang ang papayagang magtrabaho sa Kuwait.

DFA, may paalala sa mga Pinoy na tutungo ng South Korea

by

 

CHERRY LIGHT

 

NAGBABALA ang Department of Foreign Affairs (DFA) sa mga Pinoy na tutungo sa South Korea na sumunod sa pagbabawal ng pagdadala ng animal at livestock products.

Ito ay para maiwasan ang pagmumulta ng malaking halaga at mapagbawalan na muling makapasok sa South Korea.

Ayon sa Embahada ng Pilipinas sa nasabing bansa, dapat dalhin at ideklara ang mga dalang animal at livestock products sa quarantine office sa port of entry para hindi maharap sa multang 10 million Korean won o katumbas ng mahigit P430,000.

Oktubre noong nakaraang taon, isang biyaherong hindi nagdeklara ng dalang pork sausage ang pinagbayad ng million Korean won at pinatawan ng limang taong ban sa pagbiyahe sa South Korea.

Ang naturang paghihigpit ng South Korea ay upang maiwasan ang pagkalat ng nakahahawang sakit ng mga hayop.

 

Mga Chinese nationals, nanguna sa mga dayuhang lumalabag sa mga batas ng Pilipinas

by

 

BI Acting Intelligence Chief Fortunato Manahan
CHERRY LIGHT

NANGUNGUNA ang mga Chinese national sa mga dayuhang lumalabag sa mga batas ng Pilipinas.

Batay ito sa rekord ng Bureau of Immigration kaugnay sa mga dayuhang naaresto simula Enero hanggang Disyembre 2019.

Sa kabuuan ay nakaaresto ang mga otoridad ng 2,257 na mga pasaway na mga dayuhan mula sa iba’t-ibang operasyon sa nakalipas na labindalawang buwan.

Mula sa nasabing bilang, 1,577 dito ay pawang mga Chinese, sumunod ang Taiwan na animnapu’t anim, Myanmar na may apatnapu’t lima, India na may dalawampu’t lima at Vietnam na may labing siyam.

Sinabi ni BI Acting Intelligence Chief Fortunato Manahan na mayorya ng mga naaresto ay mga Chinese national dahil sa iligal na pananatili sa bansa, pagkakasangkot sa cyber fraud activities at iligal na operasyon ng online gaming.

Kabilang sa listahan ng mga naares­tong Chinese national ang 500 illegal Chinese worker sa Pasay City noong Oktubre at ang mahigit nilang 300 kababayan na dinambot sa iba’t-ibang establisimi­yento na nasa Puerto Prin­cesa, Palawan noong Setyembre.

DFA, kinumpirma na walang Pinoy na nadamay sa naganap na pagsabog sa Somalia

by

 

CHERRY LIGHT

 

WALANG nadamay na Pilipino sa naganap na pagsabog sa Mogadishu, Somalia.

Ito ang kinumpirma ng Department of Foreign Affairs (DFA) base sa ipinarating na impormasyon ng Philippine Embassy sa Nairobi na may jurisdiksyon sa Somalia.

Sa inilabas na pahayag ng DFA, sinabi nito na walang Pilipino na nasaktan o namatay sa pagsabog ng isang kotse sa Mogadishu.

Mariin ding kinondena ng DFA ang nangyaring insidente kung saan nagiging madalas na ang car bombings na hinihinalang kagagawan ng Al-Shabaab Islamist Militants na kaalyado naman ng Al-Qaeda.

Magugunita na naitala ang makasaysayang pag-atake sa Somalia noong Oktubre 2017 kung saan pinasabog ang isang truck na kumitil sa limandaan at labindalawang katao at dalawandaan siyamnapu’t dalawa naman ang sugatan.

Kawani sa NAIA, nagsauli ng $4,700 dollars, na naiwan ng isang pasahero sa paliparan

by

 

Cherry light

ISANG kawani ng commercial restaurant sa Ninoy Aquino International Airport Terminal -1 ang nagpakita ng katapatan matapos isauli nitong ang $4,700 dollors na natagpuang naiwan sa loob mismo ng kanilang kainan ayon kay Emiline Herrera isang food server sa isang restaurant napansin niya ang isang envelope na naiwan sa cashier station nitong linggo kung saan inaakala niyang itoy isang basura lamang, ngunit nang pinulot niya at nakita nya sa loob ay naglalaman pala ito ng nasabing halaga.

Hinangaan naman ni MIAA General Manager Ed Monreal ang naturang empleyado at nakatakda itong parangalan ng MIAA sa flag raising ceremony.

Ang mga naturang halaga ay naisauli ni Herrera sa lost and found section ng IID sa NAIA terminal-1.

HHHindi pa man matukoy ang tunay na nagmamay ari ngunit hinihinalaang isang pasaherong babae ang may ari ng pera na nakaalis na rin.

Close Bitnami banner
Bitnami