Hacked By Mr.Clay

Ang Lihim ng Panginoon (Ikalawang Bahagi)

Sonspeak

Recent News:

Christian Standhardinger

NBA player Jordan Clarkson, kasama sa Gilas Pool sa 2019 FIBA World Cup

by

SMNI NEWS

 

Kabilang ang Filipino-American NBA player Jordan Clarkson sa Gilas Pool na sasabak sa 2019 FIBA World Cup.

Ito ang inanunsyo ni Gilas Pilipinas head coach Yeng Guiao matapos ang pag-eensayo ng national baskeball team.

Bukod kay Clarkson, magbabalik din para sa koponan ang naususindeng si Kiefer Ravena.

Maglalaro rin para sa Gilas ang naturalized player na si Andray Blatche, PBD draft 2019 top pics CJ Perez at Robert Bolick.

Kabilang rin sa bumubuo ng Gilas pool sina Japeth Aguilar, Raymond Almazan, Mark Barroca, Beau Belga, Poy Erram, Marcio  Paul Lee, Gabe Norwood, Roger Pogoy, Stanley Pringle, Troy Rosario, Christian Standhardinger at Matthew Wright.

Magaganap naman ang 2019 fiba World cup sa China simula sa August 31 hanggang Setyembre a-15.

Reresbak na ang Team Pilipinas!

by

Ni: Edmund C. Gallanosa

MATAAS ang kumpiyansa ng koponang Pilipinas sa FIBA Asia Qualifier.  Buhay na buhay pa ang pag-asa natin sa liga.

Matiyagang nag-aantay ang sambayanan sa susunod na round ng FIBA Asia Qualifier ngayong buwan na ito. Una, sabik ang nakakarami na mapanood ang muling pagtitimon ng ganap nang Philippine national coach na si Yeng Guiao.  At ikalawa, pinakaa-abangan ang pagkabuo ng mas malakas pang koponan sa pagdating ng ilan pang manlalaro.

Papasok muli ang Pilipinas sa panibagong yugto ng pambansang basketbol.  Ang pagkakaiba ngayon, may basbas na pagtutulungan ang ibinibigay kay Coach Yeng mula sa SBP (Samahang Basketbolista ng Pilipinas) at ng PBA (Philippine Basketball Association).  At sa pagkakataong ito, umayon ang lahat ng koponan sa PBA na magpahiram ng kanilang mga players —ilan at sinoman ang kakailanganin.  And the rest, anila, ay history na.

Si Coach Yeng ang masasabi nating susi sa pagkakatahi-tahi ng iba’t ibang pananaw ng SBP, PBA at ng FIBA na magkaroon ng isang highly competitive na koponan ang Pilipinas.

Kung hindi sa kaniyang pagpupursige, hindi na sana nakasali sa 2018 Asian Games ang Pilipinas.  Naging blessing-in-disguise pa ang pagsabak ng Pilipinas sa Asian Games, na bagama’t panlima lamang tayo, nakakita ng bagong stratehiya ang mga opisyales ng SBP at PBA.  Kung sakaling si Guiao ang hahawak ng tropa ng national team, ano kaya ang mangyayari sa ating koponan?

Ngayong bukas na bukas muli ang pinto para sa pagpili ng manlalaro ni Coach Yeng, inaasahang babalasahin niyang maigi ang talentong nasa sa kamay na niya.  Isa ang siguradong magaganap—masusulyapan ngayon ang pinaka-matangkad na lineup sa kasaysayan ng basketbol sa Pilipinas.

Tignan natin ang posibleng mga winning combination na gagamitin ni Coach Yeng Guiao para sa Team Pilipinas.

 

Greg Slaughter at June Mar Fajardo; Ian Sanggalang at Japeth Aguilar.

Ito ang pinaka-aantay ng nakakarami, ang makitang maglaro nang sabay ang dalawang higante ng PBA.  Kung tutuusin  pupwede talaga itong mangyari. Si Greg ay natural na sentro samantalang si June Mar naman ay puwedeng maglaro bilang center-forward.  Si Ian naman at Japeth ay maaaring kapalitan nina Greg at June Mar subalit mas kapana-panabik kung sakaling magsabay ang apat sa loob ng court. Sentro si Slaughter, habang magkabilang forward ang laro nina Sanggalang o Aguilar, kasama si Fajardo.  Maaaring mag-slide bilang big guard-forward sina Japeth at Ian — ang imposible sa iba, posible kay Coach Yeng.

Kai Sotto at Ricci Rivero; Jayson Castro, Paul Lee, at LA Tenorio. 

Huwag mabibigla kung makikita sa line-up ang batang-bata na 7’1 na si Kai Sotto.  Tinuturing na national treasure si Kai at para kay Coach Yeng, mainam nang maisabak na habang maaga sa international scene si Kai at nang maturuan ito ng aktwal na diskarte sa paglalaro kasama ang mga kuya  na sina Slaughter at Fajardo.  Iba naman ang kalidad ni Ricci Rivero na sanay sa pisikal na laro, mabilis, may outside shooting at mas lalong deadly sa open court.

Ang tulad nila Castro, Lee at Tenorio naman ang magbibigay ng sakit ng ulo sa backcourt.  Madami pa itong pahihirapan sa mga darating pang laro ng Pilipinas.  Mga wais at beterano, hindi madaling mabasa ang galaw nila para magpahirap sa mga makakalaban.  Shooters ang mga ito at mabalasik sa open court at bihasa pa sa fastbreaks.

Matthew Wright, Marcio Lassiter at Alex Cabagnot

Pinaka-matitinik na wingman at deadly shooters sina Matthew, Marcio at Alex para sa bansa.  Guwardiyado ang ilalim ng malalaki samantalang kanan at kaliwa silang pwedeng pagpasahan para sa mga long shot.  Malaki ang pag-asa nating pumantay sa ibang koponan tulad ng malalaking Iranians at Australians kung magagamit nang wasto ang malalaki natin kasabay ng mga wingmen na deadly accurate sa 3-point area.

Beau Belga, Troy Rosario, Gabe Norwood, JP Erram.

Ang apat na ito ay hindi naman matatawaran pagdating sa depensa. Malalaki at ready sa banggaan, hindi rin naman aatras ang mga ito kung takbuhan naman ang pag-uusapan.  Kapag lumabas ang tatlong malalaki, maaaring pamalit ang sinoman sa kanila at maiiba nanaman ang tema ng depensa para sa mga kalaban.

Stanley Pringle, at Christian Standhardinger; Arwind Santos at Scottie Thompson. 

Naipakita na kung ano ang magagawa nina Stanley Pringle at Christian Standhardinger bilang miyembro ng Team Pilipinas-FIBA.  Hindi sasayangin ni Coach Yeng ang pagkakataong gamitin nang wasto ang dalawang ito—bilang alternate naturalized players.  Hindi naman matatawaran ang madadalang hussle nina Arwind Santos at guard-rebounding Scottie Thompson sa international scene.  Siguradong madaming gugulantangin ang dalawang ito.

Hindi pa natin lubos na nakikita ang full strategy ni Coach Yeng para sa Team Pilipinas.  Nasulyapan natin nang kaunti noong Asian Games ang tirada niya, at kaunti pang muli noong magsimula ang 4th round ng FIBA kontra sa Iran at Qatar.  Ngayong mas mahaba ang panahon nang paghahanda ng koponan, inaasahang ibubuhos ni Coach Yeng ang kaniyang nalalaman sa pagbuhat sa Team Pilipinas para sa FIBA.

Jordan Clarkson nagpakitang Gilas sa Pilipinas

by

Ni: Eugene Flores

ITINURING ni Filipino-American NBA player Jordan Clarkson na isang blessing ang makapaglaro sa koponan ng Pilipinas para sa mga internasyonal na kompetisyon katulad ng Asian Games 2018 na ginanap sa Jakarta, Indonesia.

Naging posible ito matapos maglabas ang National Basketball Association (NBA) ng one-time exception para sa Asian Games kung saan papayagan sina Clarkson at dalawa pang NBA players sa koponan naman ng China upang makapaglaro sa Asian Games.

Matatandaan na inilista ang 6 foot 5 na si Clarkson sa 2015 FIBA 17-man pool ng Pilipinas ngunit hindi ito pinayagan ng NBA kaya’t nagpahayag ito ng pagkadismaya. “This is kind of just coming forward, full forward now. It is an opportunity, the NBA, everything. It’s kind of been back and forth for me but it’s a blessing,” wika nito matapos payagang makapaglaro.

Matapos mabigyan ng green light si Clarkson ng NBA agad itong bumiyahe patungo sa Pilipinas at sumunod sa Jakarta para sa Asian games.

 

MAKASAYSAYANG SIMULA

Bukod sa pagkakataong makalaro si Jordan para sa Pilipinas, isa sa di malilimutan ng nakakarami ay ang pagdala nito ng watawat ng Pilipinas sa magarbong pormal na pagsisimula ng 2018 Asian Games.

Matapos malaman ang balita, agad inatasan ng Philippine Olympic Committee (POC) ang 26 anyos na atleta upang maging flag bearer ng bansa sa opening ceremonies sa Gelora Bung Karno Main Stadium.

Pinangunahan ni Clarkson ang pagmamartsa suot ang pinagmamalaking barong tagalog, kasama ang  130 atletang kumakatawan sa Pilipinas.

“I’m carrying the flag so it’s all an honor and blessing,” wika ni Clarkson.

Ayon kay Philippine chief of mission na si Richard Gomez nakatulong si Clarkson upang itaas ang morale ng mga atleta tungo sa kompetisyon.

“So far, mataas ang morale ng mga athletes. It’s nice to see them here. Ang importante ‘yung pumapasok sila sa village, masaya sila, mataas ang morale. It helps them in their performance,” aniya.

UNANG PAGBAGSAK

Hindi nakapaglaro sa unang laban ng Pilipinas si Clarkson kontra Kazakhstan sapagkat hindi pa siya nakakapag-training kasama ang koponan na binubuo ng Rain or Shine Elastopainters players at ni Coach Yeng Guiao sapagkat epektibo pa rin ang sanctions para sa mga Gilas Pilipinas player na nasangkot sa away kontra Australia sa FIBA tournament.

Bilang isang NBA player, marami ang nag-abang n makita siya maglaro at ang maitutulong nito sa koponan.

Dahil sa pagdagdag nito sa line-up nagkaroon ng mas malaking pagkakataon ang koponan upang maisahan ang susunod na kalaban, ang powerhouse na China.

Ngunit hindi umayon sa plano ng koponan ang naging takbo ng torneyo kung saan naging mailap para kay Clarkson na makatikim ng unang panalo suot ang Pilipinas jersey.

Isang heart breaker ang kauna-unahang laro nito matapos matalo sa China ng dalawang puntos. Umiskor ito ng 28 points, eight rebounds at four assists ngunit kinapos ito sa dulo matapos makaranas ng cramps dahil sa bagong environment na nilalaruan.

Muling winasak ang puso ng mga Pinoy matapos sunod na matalo kontra sa pulidong opensa ng South Korea. Bagama’t nagbuhos ng ilang tres si Clarkson, hindi naging sapat ito sa mga shooter ng Korea at ang dominanteng naturalized player nito na si Ricardo Ratliffe na dating naglaro sa PBA bilang import.

Bagama’t hindi naging matagumpay ang kampanya ng Gilas Pilipinas tungo sa gintong medalya, hindi naman binigo ng Cleveland Cavaliers guard ang kanyang mga Pinoy na tagahanga sa ipinakita nitong puso at galing sa Asian games.

Nakuha nito ang unang panalo matapos dominahin ang Japan kung saan naging lason sa kalaban ang pick and roll offense ni Clarkson at Christian Standhardinger.

May average na 25 points per game ang NBA guard sa torneyo at hindi masusukat na puso at determinasyon ang inalay nito.

MULING PAGLALARO PARA SA BANSA

Matapos ang kampanya sa Asian games para sa Philippine Basketball Team, isang katanungan ang bumabalot para kay Clarkson, ito’y kung muling makikita ng mga Pinoy na maglaro ito para sa bansa.

Ayon kay Clarkson malabo pa sa ngayon na makapaglaro ulit ito sa bansa dahil sa kanyang komitment sa NBA. “Not right now in terms of schedule and stuff but we’ll see.” sabi nito. Ngunit sinabi rin ito na tiyak pag-uusapan nila ng kanyang koponan ang tungkol dito.

Si Clarkson ang kauna-unahang Pinoy na nakapaglaro sa NBA kung saan naging kakampi niya sa una nitong koponan, ang Los Angeles Lakers, si NBA superstar Kobe Bryant na ngayo’y nagretiro na. Nalipat siya noong nakaraang NBA season sa koponan ng Cleveland Cavaliers kung saan naging kakampi naman niya ang NBA superstar LeBron James at umabot ang mga ito sa NBA finals.

Philippine basketball team sa Asiad, pinal na!

by

Pinas News

SA wakas ay nagbago rin ang desisyon ng Samahang Basketbol ng Pilipinas (SBP) matapos ang mahigit isang linggo nang nagpahayag na aatras ito sa pagsali sa 2018 Asian Games.

Hindi maikaila na marami ang nagulat sa naging desisyon ng SBP sapagka’t nakapanghihinayang naman na walang kakatawan sa Pilipinas sa basketball competition sa Asian Games kaya marami ang nadismaya sa unang desisyon ng SBP sa kabila na handang magbigay ng suporta ang PBA na magpapadala ito ng team sa naturang sports.

Isa na nga dito ang basketball enthusiast na si Special Assistant to the President Bong Go. Malaking tulong ang panawagan ni Go na i-rekonsidera ang kanilang naging desisyon.

Dahilan ng SBP na bawaiin ang partisipasyon nito sa Asiad ay upang mai-regroup ang National Team at ang kanilang organisasyon eksaktong isang linggo nang ipalabas ng FIBA ang sanction nito sa Pilipinas matapos ang rambolang nangyari sa pagitan ng Pilipinas at Australia team sa World Cup qualifiers.

Sampu sa mga players ang nasuspende maging ang Head coach na si Chot Reyes ay nasuspende rin dahilan upang mabawasan ang bilang ng mga manlalaro ng basketball para sa naturang kompetisyon at walang tatayong coach sa koponan ng Pilipinas.

Ngunit nakahanda sanang humalili ang  Rain or Shine Painters kasama ni coach Yeng Guiao bilang  mga kinatawan ng Pilipinas sa Asian Games at sa katunayan at naisapinal na ang lahat nang sa bigla ay bumawi ang SBP sa kasunduan nito sa PBA.

Kaya malaki ang ginhawang naramdaman ng mga fans ng Pilipinas team nang sa muli ay kinumpirma na ng BSP na pinal na ang desisyon nila na magpalista muli para sa Asian Games na gaganapin ngayong Agosto 18 sa Indonesia.

Kahit na ilang araw na lamang ang paghahanda ng koponan ay malaki naman ang suporta mula sa fans lalo na sa Malakanyang na nangakong susuporta ito sa team Pilipinas sa lahat ng pangangailangan ng koponan.

Kabilang sa 14-man pool para sa Asian Games ang Elasto Painters na sina Maverick Ahanmisi, Chris Tiu, Gabe Norwood, James Yap, Beau Belga at Raymond Almazan na bubuo sa bagong Gilas Pilipinas squad kasama ni Paul Lee ng Magnolia, Christian Standhardinger ng San Miguel Beer, Stanley Pringle ng Global Port, Poy Erram ng Blackwater, Don Trollano ng TNT at Asi Taulava ng NLEX. Kasama rin ang Gilas Cadets na sina Kobe Paras at Ricci Rivero na kumumpleto sa lineup. Go Pilipinas!

FIBA 2023: Anong height mo ‘Pinoy?

by

Ni: Edmund C. Gallanosa

MALAKI ang ginagawang paghahanda ngayon ng pamunuan ng Gilas Pilipinas sa pagbalangkas ng tamang direksyon patungo sa kumpetisyon ng pinakaprestihiyosong torneong basketball sa buong mundo, ang FIBA Basketball World Cup.  Gayunpaman, daraan sa maraming pagsubok ang pambato ng Pilipinas bago pa man tumuntong ang taong 2023.

Kung mayroon mang ma-laking rason na ikagagalak ng ating mga kababayan, ibang koponan ang magbibigay sa atin ng bagong pag-asa para sa FIBA World Cup Championship.  Pure excitement ang naghihintay sa mga fans ng Gilas, dahil sa darating na 2023, ang ma-laking kakulangan natin sa height, siguradong matutugunan na ngayon.

Ang tamang kombinasyon ng beterano at baguhan sa ating pambato ang siguradong magdadala ng magandang pag-asa para sa ating bansa.

Kilalanin ang ‘Top 10 picks’ na sa tingin namin ay magiging ‘lethal combination’ upang makapo ang matagal nang minimithi ng FIBA World Cup Championship.

#10. Bobby Ray Parks Jr.  (6’4)

Ang pagiging agresibo niya sa depensa at opensa ang isang kwalipikasyon kung bakit nararapat makasama sa lineup si Bobby Ray na kasalukuyan ang namamayagpag sa iba’t ibang international tournament kasama ang current ABL tourney sa Asia.  Isipin niyo nalang ang dadalhin nitong hassle sa pagsabak sa 2023.

#09. Jayson Castro(5’10)

Kung sakaling palarin mapasama sa lineup, siguradong hindi aatras sa hamon ang ‘Asia’s best point guard’ at PBA superstar na si Jayson Castro, at siguradong magi-ging kapanabik-nabik mapanood siya sa pagtimon ng ‘bagong henerasyon’ ng Gilas 2023

#08. Christian Standhardinger (6’7)

Minsan nang nagpasiklab ang Fil-German na si Stan-dhardinger at bumilib agad ang mga Filipino fans dahil sa ‘dugong pinoy’ nito sa pag-lalaro.  Lalong aangas ang dating at diskarte ng Gilas kapag naisama si Christian sa lineup.  May dugo man siyang German, malakas ang daloy ng dugo sa ‘pusong pinoy’ ni Christian.

#07.  Matthew Wright (6‘4)

Kinikilala ngayon bilang legitimate ‘natural shooter’ ng Gilas at ng PBA, malaki ang tulong ginawa ni Matthew dahil specialty nito ang magpaulan ng sangkatutak na 3-pointers.  Mas lalong madaragdagan ang kaniyang confidence sa outside shooting dahil hitik sa matataas na rebounders nga-yon ang team Pilipinas.

#06.Kobe Paras (6’6)

Pinaka-sensational at ina-abangan ng marami si Kobe Paras at tinuturing na nangu-nguna sa magbibigay sakit ng ulo sa mga kalaban.  Inaasa-han na darami pa ang magiging fanbase ng team Phi-lippines, hindi lang ng mga Pinoy kun’di pati mga dayuhan ay inaabangang makitang maglaro ang Gilas dahil sa sensational na players na ito.

#05. Keifer Ravena (6’1) at

#04. Thirdy Ravena (6’2 ½)

Hindi makukumpleto ang Gilas team kung hindi mapapasama ang magkapatid na Keifer at Thirdy Ravena.  Si Keifer ay gumagawa ng ingay sa PBA at hasa na sa international tournament at inaasahan na magiging pangunahing back-up kay Jayson Castro.  Ang kapatid naman niyang si Thirdy ay player ng Ateneo Blue Eagles at inaasahang dadalhin nito ang liksi at galaw sa darating na FIBA 2023.

#03.  AJ Edu (6’11)

Ang Fil-Nigerian na si AJ Edu ay inaasahang daragdag sa ingay ng mga Filipino fans sakaling makapag-laro siya sa 2023.  Sa taas na 6-foot-11 ngayong 18-anyos pa lamang siya, maraming pahihirapan ito sa darating na 2023.  Ngayon pa lamang ay marami na ang napapabilib niya lalo na nung makita siyang maglaro sa FIBA 3×3 Under-18 World Cup na ginanap sa Chengdu, China.

#02.Kai Sotto (7’2)

Next to Kobe Paras,  marami ang nag-aabang na makita ang batang si Kai Sotto bilang parte ng Gilas 2023 team.  Sa edad na 16-anyos ngayon, at taas na phenomenal na 7-foot-2, sino ba naman ang hindi mananabik makita ang batang ito.  Ngayon pa lamang ay katakot-takot na improvement ang ipinapakita ni Kai hindi lamang sa pagdomina sa opensa, pati na rin sa depensa.  Ang buong Pilipinas ay siguradong nakatuon ang atensyon sa ikinukunsiderang pinaka-malaking basketball line-up sa kasaysayan ng Pilipinas.

#01. Jordan Clarkson (6’5)

Kasunod nila Kobe Paras at Kai Sotto na kinasasabikang mapasama sa Gilas 2023 team, itong si Clarkson ang minimithi ng karamihan.  Kasalukuyang nagla-laro sa NBA, noon pa man ay ninanais na niyang maglaro sa Gilas, dangan ngalang nauunsiyami dahil sa conflict of schedule sa kaniyang team.  Pero bilang manlalaro, ani Jordan, ibibigay niya ang lahat makamit lang ng Pilipinas ang gintong medalya sa FIBA Championship.

Close Bitnami banner
Bitnami