PINAS

Ang Lihim ng Panginoon (Ikapitong Bahagi)

Sonspeak

Recent News:

ComElec

Higit 500,000 deactivated overseas voters, hinikayat na muling magparehistro

by

 

CHERRY LIGHT

 

HINIKAYAT ng Department of Foreign Affairs-Overseas Voting Secretariat (DFA-OVS) ang nasa higit kalahating milyong overseas voters na muling magparehistro.

Ito ay matapos ipaalam ng Commission on Elections sa DFA-OVS ang pag-deactivate sa registration sa halos 578,185 na overseas voters dahil sa hindi pagboto noong 2016 at 2019 national at local elections.

Ayon sa DFA-OVS, dapat muling magparehistro ang mga ito kung nais nilang bumoto sa 2022 presidential elections.

Maaaring magparehistro ang mga OFW sa anumang embahada ng Pilipinas, Consulate General, mission, o Manila Economic and Cultural Office (MECO), at Overseas Voter Registration Centers na itinalaga ng COMELEC.

Mocha Uson, bagong deputy administrator ng OWWA

by

mocha

ITINALAGA ni Pangulong Rodrigo Duterte si Esther Marguax Uson o mas kilala sa tawag na Mocha Uson bilang deputy administrator ng Overseas Workers Welfare Admi­nistration ng Department of Labor and Employment.

Base sa inilabas ng talaan ng palasyo ng mga latest presidential appointees ay itinalaga si Uson sa posisyon nitong September 23, 2019.

Unang naitalaga bilang board member si Uson ng MTRCB noong January ng taong 2017 at pagka Mayo naman ay itinalaga sa PCOO bilang assistant secretary.

Nagbitiw sa pwesto noong nakaraang taon si Uson nang tumakbo sa eleksiyon bilang party­list representive ng AA Kasosyon Partylist ngunit hindi pinalad.

Kaugnay nito, walang nakikitang masama si Senate Pres. Tito Sotto III sa pagkakatalaga kay Mocha bilang ang bagong deputy executive director ng OWWA.

Wala ring nakikitang paglabag ang COMELEC sa pagkakatalaga sa bagong posisyon sa pamahalaan dahil sa hindi ito saklaw ng 1-year ­appointment ban.

HANNAH JANE SANCHO

4 sa 5 Pilipino, nasiyahan sa May 13 elections —SWS

by

ISINAGAWA ang survey mula June 22 to 26 sa pamaagitan ng face-to-face interviews sa 1,200 adults sa buong bansa.

 

CRESILYN CATARONG

 

MAYORYA o apat sa limang Pilipino ang nasisiyahan sa pagkalahatang pagsasagawa at resulta ng May 13 elections.

 

Batay sa survey ng Social Weather Stations (SWS) sa second quarter ng taon, 80% ng mga Pinoy ang nagsabing kontento sila sa isinagawang eleksyon habang 12% ang hindi nasiyahan at 7% ang undecided.

Ayon sa SWS, sa kabuuan ay nakakuha ng +68 o very good net satisfaction rating ang nakaraang midterm election na mas mababa ng limang puntos mula sa record high na +73 o excellent noong 2016 presidential elections.

Sa kaparehong survey, 79% naman ng mga pinoy ang sumang-ayon na nagampanan ng Comelec ang kanilang tungkulin ng walang pinapaborang kandidato o grupo, 10% ang hindi naniniwala habang 11% ang undecided.

 

Nakita rin sa survey na 86% ang nagsabing kapanipaniwala ang resulta ng May 2019 elections para sa senators, 88% sa House of Representatives, 84% sa mga governor at 89% sa mga alkalde.

 

Edu Manzano, bumoto pa rin

by

SMNI NEWS

SA kabila ng pag-diskwalipika sa kaniya ng COMELEC, itinuloy pa rin ng aktor na si Edu Manzano ang pagboto sa Xavier School, sa San Juan City.

Si Manzano ay tuma­takbo sa pagka-congressman sa lungsod ng San Juan kung saan katunggali ang bigating politiko na si Rep. Ronnie Zamora.

Kamakailan idineklara ng COMELEC ang pagiging American citizen ni Manzano na dahilan ng kaniyang diskwalipikasyon.

Paliwanag ng COMELEC, hawak ng aktor ang dual citizenship o pagi­ging “citizen of the Philippines at ng United States Of America.”

Pero ayon kay Manzano, nag-abiso na si­ya sa US Embassy na bibi­tawan na ang kanyang US citizenship dahil kakandidato siya.

Aminado ang aktor na hindi pa siya dumaan sa proseso ng pagpirma sa oath of renunciation.n

Debate na!

by

Debate

Ni: Louie C. Motemar         

Sabi ng isang kampo, “Magdebate tayo.” Sagot naman ng isa: “Basta hindi ‘palengke style’.”  Ayon naman pala. Ayon naman pala… Pwede bang simulan na? Pakiasikaso na nga COMELEC.

Ano naman kasi ang pagbabatayan talaga nating mga botante sa pagpili ng mga kandidato?  Ang dami nila at medyo lugi pa ang iba kasi wala silang kakayanang umikot sa buong bansa at magpamudmod ng mga campaign materials gaya ng iba. Popularidad na lamang ba ang pagbabatayan namin ng aming desisyon?

Paano huhugutin ang impormasyon para maikumpara ang mga kandidato? Magbabasa tayo? Makikinig ng mga paid ads? Manonood ng mga programa sa mga bayan-bayan?  Maraming paraan upang mas maipakilala at masuri ang mga kandidato ngunit, sa aking tingin, pinakamainam ang pagkakaroon ng mga debateng maipalalabas o maipapakinig sa telebisyon, social media, o sa mga radio man lamang.

Isa sa mga kinikilalang unang tagapagtaguyod ng pag-aaral ng Agham Pampulitika sa bansa ang yumaong si Dr. Remigio Agpalo.  Pinalad akong maging propesor siya sa graduate school sa UP.  Sa isa sa mga pinakatutuwang lektyur niya sa amin noon, pinaliwanag niya ang kanyang pananaw na ang politika sa Pilipinas ay tila isang “Pandanggo sa Ilaw”.  Nilinaw niya na ang Pandanggo sa Ilaw ay mainam na metapora upang ilarawan ang politikang mayroon tayo—ang mga mamamayan ay tagapanood lamang at tagapalakpak sa isang palabas na pandanggo kung saan ang mga mananayaw (ang mga politiko) ay maingat na nagbabalanse ng kanilang dala-dalang ilaw habang sumasayaw at inaaliw ang mga tao.

Hindi minumungkahi ni Dr. Agpalo na literal na sumayaw ang mga politiko.  Isa ngang metapora lamang ang kanyang “Pandanggo sa Ilaw Politics.”  Ngayon, sa iba’t ibang gimik ng mga politiko mula sa lahat ng partido, lalo lamang nagiging akma ang metapora.

Kung gayon, sana naman kumilos ang COMELEC nang mabilis at organisahin na nga ang mga debateng ito.  Tulungan nating makapagdesisyon ang publiko sa napakahalagang halalang parating. Hindi tayo dapat maaliw na lamang at bumoto para sa mga politiko dahil sa kanilang kakisigan o pagsasayaw, Pandanggo man, Dabbing, Dougie, Nae-nae, Fortnite o kung ano pa man.

Close Bitnami banner
Bitnami