PINAS

Ang Lihim ng Panginoon (Ikaapat na Bahagi)

Sonspeak

Recent News:

COVID-19

Spain, nalagpasan ang China sa dami ng death toll sa COVID-19

by

CRESILYN CATARONG

 

NALAGPASAN na ng spain ang kabuuang death toll ng China dahil sa COVID-19 kung saan nakapagtala ang Spain ng 738 na nasawi sa loob lamang ng isang araw dahilan upang lomobo sa 3,434 ang total fatality ng bansa dahil sa COVID-19.

Mas mataas ito ng 149 kumpara sa 3,285 deaths na naitala sa China.

Dahil dito, pumangalawa na ang Spain sa may pinakamaraming napatay dahil sa virus.

Nananatili namang pinaka-apektado ng pandemic ang Italy na ngayon ay mayroon nang kabuuang 7,503 na nasawi.

Lalawigan ng Cebu, walang balak magpatupad ng lockdown

by

Ni: BRYAN CAPUNONG

WALANG balak magpapatupad ng lockdown ang probinsya ng Cebu, kahit pa nakapagtala na ng unang kaso sa Coronavirus Disease 2019 (COVID-19) ang lalawigan.

Ito ang napagdisisyunan ng mga top officials ng Cebu sa isiginawang pagpupulong kaugnay pa rin sa lumalalang kaso ng COVID-19 sa bansa.

Ayon kay Cebu Governor Gwen Garcia, sapat na ang kanilang ginawagang hakbang upang mapigilan ang pagkalat ng nasabing sakit sa probinsya.

Kung magpapatupad anya ng lockdown ang lalawigan, ayon kay Garcia siguradong apektado ang ekonomiya ng probinsya.
Maapetukhan din ang pagpasok ng mga produkto at suplay na galing sa mga lungsod at bayan na sakop ng lalawigan.

Kasama na rin na maapektuhan kung ipapatupad ang lockdown ang pag-uwi ng mga trabahante sa kanilang tahanan lalo na kung nakatira ang mga ito sa labas ng Metro Cebu.

Matatandaang nagpapatupad na ang lalawigan ng boarder control sa lahat ng pantalan at airport upang maiwasan ang pagkalat ng COVID-19 sa probinsya.

Istriktong ipapatupad na rin ang one meter social distancing policy sa lahat ng mga publikong sasakyan lalawigan.

Patuloy namang nanawagan si Garcia sa mga sugbuanon na manatili nalang sa mga bahay, ugaliing gawin ang maayos nga personal hygien at manatiling kalmado kahit pa nagpapatuloy ang banta ng COVID-19 sa bansa.

Samantanla, nakatakdang magbigay ng libreng bigas ang lungsod ng Cebu sa mga residenting apektado sa ipanatupad na community quarantine sa lungsod.

Christopher de Leon, nagpositibo sa COVID-19

by

Ni: EYESHA ENDAR

KINUMPIRMA ng aktor na si Christopher de Leon na nagpositibo ito sa Coronavirus Disease 2019 (COVID-19).

Ayon sa aktor wala siyang travel history at wala rin itong matandaan na nakahalubilo na kontaminado ng virus.

Ngunit dahil sa kanyang trabaho, sinabi nito na marami itong nakakasalamuha.

Dahil dito, hiniling ng aktor sa lahat ng kanyang nakahalubilo simula noong nakaraang linggo na mag-self-quarantine at sundin ang mga paalala ng Department of Healht (DOH).

Sa ngayon, sumasailalim na ang kanyang asawa, anak at mga kasambahay sa self-quarantine.

Transport minister ng Indonesia, dinapuan ng COVID-19

by

Ni: YNA MORTEL

ISINUGOD sa pagamutan sa Jakarta ang transport minister ng Indonesia makaraang dapuan ng COVID-19.

Ayon kay State Secretary Pratikno, tinukoy ng health ministry bilang case 76 si Minister Budi Karya Sumadi sa kaso ng COVID-19 sa bansa.

Kasalukuyan nang ginagamot si Budi sa Gatot Subroto Army Hospital at tiniyak naman ng mga doktor na bumubuti ang kondisyon ng 63-anyos na si Budi.

Habang nagsasagawa naman ng contact tracing ang health ministry sa mga nakasalamuha ni Budi.

Kamakailan nang napaulat na dumalo pa sa pulong ng gabinete ang opisyal.

Itinalaga naman ni President Joko Widodo si Coordinating Maritime Affairs and Investment Minister Luhut Pandjaitan bilang pansamantalang hahalili kay Budi.

Europe, idineklarang panibagong epicenter ng COVID-19

by

Ni: TROY GOMEZ

ITINUTURING na ngayon bilang bagong epicenter ng coronavirus pandemic ang Europa.

Ayon sa US Center for Disease Control and Prevention (CDC), ito ay dahil mahigit 70% ng panibagong kaso ng COVID-19 ay nanggaling sa Europa.

Dahil dito binansagang “New China” ng CDC ang Europe sa gitna ng patuloy na pagtaas ng kaso ng virus sa kontinente.

Batay naman sa Danish health authority kung pagbabasehan ang day-by-day developments, ang Europe ang mayroong pinakamalaking COVID-19 case growth.

Biyahe patungong Mainland China, pwede na ulit maliban lang sa Hubei Province

by

Ni: MELODY NUÑEZ

INALIS na ng Pilipinas ang travel ban sa Mainland China maliban sa probinsya ng Hubei na sentro ng coronavirus disease (COVID-19) outbreak.

Ayon sa Department of Foreign Affairs (DFA) ang pag-alis ng ban ay batay sa naging rekumendasyon ng inter-agency task force on management of emerging diseases noong Marso a-12.

Kaugnay nito nilinaw ng DFA na hindi lahat ay kasama sa lifting ng travel ban.

Ayon sa ahensya, tanging ang mga nagbabalik ng OFWs na makakapag-present ng kanilang valid IDs o work permits, Overseas Employment Certificate, notarized at iba pang mahahalagang dokumento na kailangan ng awtoridad ang papayagang makabiyahe patungong China.

Gayundin ang mga government officials na may official duty ang papayagan.

Hindi naman papayagan sa pagbawi ng travel ban patungong China ang mga OFWs na first-timer, students, dependents of OFW’s at mga turista.

Close Bitnami banner
Bitnami