PINAS

Ang Lihim ng Panginoon (Ikalawang Bahagi)

Sonspeak

Recent News:

CRESILYN CATARONG

Sen. Dela Rosa, isinusulong pa rin ang death penalty

by

SENATOR Ronald ‘Bato’ Dela Rosa

 

CRESILYN CATARONG

 

MARIING iginiit ni Senator Ronald ‘Bato’ Dela Rosa na isinusulong pa rin nito na mapasa ang death penalty sa bansa.

Ito ang inihayag ng senador sa naging panayam ng Sonshine Radio.

Sa gitna ng mga kontrobersiyang nagaganap sa bansa ay hindi pa rin nawawala ang usapin ng iligal na droga maging sa loob ng New Bilibid Prison.

Dagdag pa ni Dela Rosa, hindi matitigil ang mga ganitong gawain kung hindi tuluyang masusugpo ang mga drug lord sa bansa.

Ibinahagi rin ni Dela Rosa na isang patunay ang naging pagpatay kamakailan kay Atty. Frederick Santos na matatandaang nagbunyag sa mga anomalyang nangyayari sa loob ng Bureau of Correction.

Sa ngayon aniya ay hindi pa rin umuusad ang panukala niyang ito sa Kongreso.

Ceres Negros, pinataob ang Cambodian Club Svay Rieng sa AFC Cup 2020

by

CRESILYN CATARONG

 

PINATUMBA ng Ceres Negros ang Cambodian Club Svay Rieng sa iskor na 4-0 para sa AFC Cup 2020.

Nanguna sa panalo ng Ceres sina Takashi Odawara at Joshua Grommen sa kanilang laro na ginanap sa Rizal Memorial Coliseum.

Sa loob lamang kasi ng 14 minutes ay nakapagtala ang dalawang manlalaro ng tig-iisang puntos.

Tinapos naman ni Bienvenido Marañon ang laro na nakapagtala ng puntos sa loob ng 55th at 70th minutes.

Sunod na makakaharap ng Ceres ang Tahn Quang Ninh ng Vietnam sa darating na Pebrero a-25.

 

Cavite Laguna expressway, maniningil na ng toll fee simula sa susunod na lingo

by

 

CRESILYN CATARONG

 

MANININGIL na ng toll ang CALAX o Cavite Laguna expressway simula Pebrero a-10.

Sa abiso ng Metro Pacific Tollway, magkakahalaga ang bayad sa toll para sa mga class 1 vehicles ng 47 pesos, 97 pesos para class 2 at 143 naman sa class 3.

Ang naturang halaga ay base sa inaprubahan ng toll regulatory board na ipatutupad na provicional toll fee sa CALAX.

Tintayang umaabot sa 6,000 mga sasakyan ang dumaraan sa CALAX kada araw simula nang unang magoperate noong Oktubre a-30.

Ang CALAX ay ang alternatibong daan patungo sa at galing sa Binan at Sta. Rosa, Laguna at mula at patungong Tagaytay at Silang, Cavite.

Petisyon ng online news site na Rappler, kinatigan ng korte

by

CRESILYN CATARONG

PINABORAN o pinagbigyan ng Manila Regional Trial Court Branch 46 ang motion for leave of court to file demurrer to evidence ng online news site na Rappler at ng CEO nito na nahaharap sa kasong cyberlibel.

Nakasaad sa isang pahinang kautusan na nilagdaan ni Judge Rainelda Estacio-Montesa na nakitaan niya ng merito ang mosyon ng Rappler at ng CEO nito na si Maria Ressa.

 

Sa ilalim ng motion for leave of court to file demurrer to evidence ay pinayagan ng korte ang petitioner at ang prosekusyon na maghain ng demurrer to evidence sa loob ng sampung araw at matapos nito ay magiging submitted for resolution na ang kaso.

Nag-ugat ang kasong cyber libel na kinakaharap ng CEO ng Rappler na si Maria Ressa dahil sa isa sa mga artikulong lumabas sa Rappler noong 2012 matapos na isinulat ng dati nitong reporter na si Reynaldo Santos na ipinagamit ng negosyanteng si Wilfredo Keng ang sasakyan nito kay noon ay Chief Justice Renato Corona noong panahon ng impeachment hearing.

 

Manila Mayor Isko Moreno, nagpasalamat sa papuri sa kanya ni Pang. Duterte

by

MANILA Mayor Isko Moreno

 

CRESILYN CATARONG

 

NAGPASALAMAT si Manila Mayor Isko Moreno kay Pangulong Rodrigo Duterte matapos siya nitong purihin dahil sa kanyang ginagawang aksyon para linisin ang lungsod.

Sa isang statement, inamin ni Moreno na isa ang pangulo sa mga naging inspirasyon niya sa kung ano mang klase ng liderato mayroon siya ngayon.

Ayon kay Moreno, kinuha niya ang kanyang pamumuno mula sa paraan ng pamalalakad ni Pang. Duterte sa Davao City ng ilang dekada kung saan mahigpit na ipinatutupad ang mga batas.

Kwento pa ng alkalde na tuwing nasa Davao siya ay takot na takot siyang manigarilyo dahil alam niyang huhulihin siya.

Naniniwala rin si Moreno na ano man ang nakikitang pagpupursige ng mga alkalde sa buong Pilipinas ay reflection lamang ng klase ng liderato at pangulo na meron ang bansa.

Kaya aniya utang na loob nila ito sa pangulo para sa pagbibigay inspirasyon at pagiging mabuting halimbawa sa kanilang lahat.

Dagdag-pondo  para sa 2020 National Budget, pinaliwanag

by

 

Cresilyn Catarong

NAGPALIWANAG ang Department of Budget and Management (DBM) hinggil sa mas mataas na pondo na hinihingi ng Office of the President para sa taong 2020.

Ayon kay DBM Acting Secretary Wendel Avisado, ang hirit na dagdag na budget ay upang tugunan ang isyu ng seguridad sa bansa lalo na sa usapin sa West Philippine Sea.

Dagdag pa ni Avisado, kailangan din ang naturang pondo para sa kaayusan at kapayapaan sa mga lugar sa Pilipinas na magulo pa kasabay ng kinakailangang suporta para sa Bangsamoro Autonomous Region in Muslim Mindanao Normalization Program.

Kaugnay naman nito ay tiniyak ng DBM na maisailalim pa rin ito sa pagsusuri ng Commission on Audit (COA) upang masigurong magagamit sa tama ang pondo.

Sa proposed 2020 National Budget, nasa 8.2 billion ang hinihinging budget ng Office of the President, kumpara sa 6.7 billion lamang nitong 2019.

Kung titingnan ang confidential at intelligence fund, nasa isang bilyon ang itinaas ng budget nito na nasa 2.25 billion para sa 2020 mula sa 1.25 billion noong 2019.

Samantala, naglabas ng kautusan si Pangulong Duterte na pabilisin ang pagre-release ng mga pondong nasa ilalim ng 2019 National Budget.

Ito’y upang magamit na at tuloy-tuloy ang pagsulong ng mga proyektong pinaglaanan nito.

Dahil sa naranasang pagka-antala ng pagpasa ng budget para sa 2019, kailangang maisulong ang pagre-release at paggastos ng pambansang budget para maka-recover ang gobyerno sa naranasang growth slump.