PINAS

Ang Lihim ng Panginoon (Ikatlong Bahagi)

Sonspeak

Recent News:

CRESILYN CATARONG

Pagtanggal ng martial law sa Mindanao dapat ipaubaya sa lokal at national na

by

 

CRESILYN CATARONG

 

IPINAUUBAYA na ni Senator Christopher Bong Go sa local at national government ang pagpapasya kung dapat nang alisin o palawigin pa ang martial law sa Mindanao.

Sinabi ni Go na tiwala siya sa assessment na gagawin ng pamahalaan at handa niya itong suportahan anuman ang maging desisyon.

Ayon kay Go, bilang isang Davaoeño ay pabor siyang maalis na ang martial law sa lungsod lalo pa at tiwala naman siya sa desisyon ni Mayor Inday Sara Duterte.

Kinumpirma din ni Go na magkakaroon ng general assessment hindi lang sa Davao kundi sa buong Mindanao para makapagpasya ang mga kinauukulan hinggil sa martial law.

Sa kabila nito, nilinaw ni Go na batid niya pa rin na may banta talaga ng  terorismo lalo na aniya kapag naalis ang martial law na posibleng samantalahin ng mga lawless elements.

Nagpapabakuna kontra polio sa bansa, bumaba

by

CRESILYN CATARONG

BUMABA ang bilang ng nagpapabakuna kontra polio sa bansa dahil sa pagkatakot sa kontrobersiyal na isyu sa Dengvaxia vaccine.

Ayon kay Dr. Lulu Bravo, professor ng pediatric infectious and tropical diseases sa ekslusibong panayam sa Sonshine Radio, hindi dapat katakutan ang pagpapabakuna at dapat makumpleto ng bata ang 95 % ng bakuna kontra sa iba’t ibang sakit na maaaring kumitil sa buhay ng tao.

Ang pagbabakuna rin aniya ang nakaliligtas laban sa mga sakit sapagkat napatunayan na ang pagiging epektibo nito sa nagdaang mga taon.

Dagdag pa ni Bravo na dapat kumunsulta at maniwala sa mga doctor at huwag basta naniniwala sa mga kumakalat na maling balita tungkol sa pagbabakuna.

Ramon Tulfo, muling sinampahan ng kasong libelo

by

 

CRESILYN CATARONG

 

MULING nagsampa ng panibagong kaso si Executive Sec. Salvador Medialdea laban sa mamamahayag at Special Envoy to China na si Ramon Tulfo dahil sa mga batikos sa artikulo sa pahayagang Manila Times.

 

Kasama ni Medialdela na nagtungo kamakailan sa Manila Prosecutors Office ang kanyang abogado na si Atty. Elvis Balayan kung saan pinanumpaan nito sa harap ng piskalya ang kanyang reklamong libel.

Ibinase ang panibagong reklamong libel laban kay Tulfo sa artikulo nito noong July 25 at August 1 na umaatake sa kredibilidad at pagkatao ni Medialdea.

Ito na ang ikatlong libel case na isinampa ni Medialdea laban kay Ramon Tulfo.

Magugunitang may nakabinbin pang 2 counts ng libel case laban kay Tulfo na paglabag sa Revised Penal Code at dalawang ulit na reklamong cyber libel na paglabag sa ilalim ng Republic Act 10175.

Kasama sa inireklamo ang mga opisyal ng The Manila Times na sina Dante ang bilang president at Chief Executive Officer; Blanca Mercado, Chief Operating Officer; Nerilyn Tenorio, Publisher-Editor; Leena Chuna, News Editor at Lynette Luna, National Editor.

Humihingi si Medialdea ng P80 million para sa moral damages, at P60 million para sa exemplary damages.

 

Gender fair ordinance, ipinag-utos ni Mayor Joy Belmonte

by

 

CRESILYN CATARONG

 

MARIING kinundena ni Quezon City Mayor Joy Belmonte ang naganap na diskriminasyon sa isang transgender woman sa isang mall sa Cubao sa kabila ng pagkakaroon ng ordinansa na nagpoprotekta sa karapatan ng mga miyembro ng LGBT community.

Kasunod ito ng insidente ng sapilitang pagpapaalis ng isang janitress ng Farmers Mall kay Gretchen Custodio Diez sa CR ng pambabae at sinampahan ng unjust vexation.

Binigyan-diin ni Belmonte na hindi dapat nangyari ang insidente dahil sa ipinatutupad ng Gender Fair Ordinance na pinagbabawal ang lahat ng uri ng diskriminasyon laban sa LGBT sector. 

Sinabi ni Belmonte na malinaw na lumabag ang Farmers Mall sa nasabing ordinansa dahil sa kabiguan nito na maglagay ng “All Gender Toilets” para sa LGBT community.

Bunsod nito, ipinag-utos ng alkalde sa Business Permit and Licensing Department (BPLP) na siguruhin na susunod sa lalong madaling panahon ang lahat ng business establishments sa Gender Fair Ordinance ng lungsod.

 

4 sa 5 Pilipino, nasiyahan sa May 13 elections —SWS

by

ISINAGAWA ang survey mula June 22 to 26 sa pamaagitan ng face-to-face interviews sa 1,200 adults sa buong bansa.

 

CRESILYN CATARONG

 

MAYORYA o apat sa limang Pilipino ang nasisiyahan sa pagkalahatang pagsasagawa at resulta ng May 13 elections.

 

Batay sa survey ng Social Weather Stations (SWS) sa second quarter ng taon, 80% ng mga Pinoy ang nagsabing kontento sila sa isinagawang eleksyon habang 12% ang hindi nasiyahan at 7% ang undecided.

Ayon sa SWS, sa kabuuan ay nakakuha ng +68 o very good net satisfaction rating ang nakaraang midterm election na mas mababa ng limang puntos mula sa record high na +73 o excellent noong 2016 presidential elections.

Sa kaparehong survey, 79% naman ng mga pinoy ang sumang-ayon na nagampanan ng Comelec ang kanilang tungkulin ng walang pinapaborang kandidato o grupo, 10% ang hindi naniniwala habang 11% ang undecided.

 

Nakita rin sa survey na 86% ang nagsabing kapanipaniwala ang resulta ng May 2019 elections para sa senators, 88% sa House of Representatives, 84% sa mga governor at 89% sa mga alkalde.

 

Meralco, may bawas-singil sa kuryente ngayong Agosto

by

CRESILYN CATARONG

 

MAY bawas-singil sa kuryente ang Meralco ngayong buwan ng Agosto.

Sa abiso ng Meralco, nasa 0.42 sentimos kada kilowatt hour ang ibababa sa kanilang singil bunsod ng mababang generation charge.

Ang bawas singil ay katumbas ng 83 pesos na bawas bayarin sa mga kumukunsumo ng 200 kilowatt hour; 125 pesos sa mga kumukunsumo ng 300 kilowatt hour; 167 pesos sa mga kumukunsumo ng 400 kilowatt hour at 209 pesos sa mga kumukunsomo ng 500 kilowatt hour.

Ito na ang ika-apat na sunod na buwang may bawas-singil sa kuryente na kung susumahin ay aabot ng halos piso kada kilowatt hour.