PINAS

Ang Lihim ng Panginoon (Ikapitong Bahagi)

Sonspeak

Recent News:

Cristiano Ronaldo

Manny Pacquiao kasama sa pinakamayayamang Sports Icon ng Forbes

by

Ni: Jonnalyn Cortez

 

MULING pinatunayan ni Manny Pacquiao na isa siya sa pinakamayayamang sports icons sa buong mundo. Napabilang ang Filipino boxing legend sa listahan ng 10 pangunahing pinakamayayamang atleta ng dekada ng international magazine na Forbes.

Nakapagtala ang People’s Champ ng $435 milyon na kita mula 2010 hanggang 2019, na naglagay sa kanya sa No. 8 spot sa listahan ng Forbes magazine. Sinasabing kalahati ng kanyang naipon ay nagmula sa laban nila ni Floyd Mayweather Jr. noong 2015.

Itinuturing na “Fight of the Century,” nakapag-uwi si Pacquiao ng $150 milyon mula sa kanilang labas sa kabila ng kanyang pagkatalo. Nakakakuha naman ng tig-iisang milyon ang eight-division world boxing champion mula sa kanyang mga laban kina Timothy Bradley, Jeff Horn at Adrien Broner.

Inaasahan namang mas malaki pa ang maiuuwi ni Pacquiao sa pagdepensa nito sa kasalukuyang hawak na titulo na World Boxing Association welterweight.

Sa kabilang dako, nakuha naman ni Mayweather ang top spot sa listahan ng Forbes dahil sa kanyang net worth na $915 milyon. Sa kabila ng kanyang pagreretiro, kumita ang boxing promoter ng $10 milyon sa kanyang exhibition match laban kay Tenshin Nasukawa noong 2018.

Sinundan naman ito ng mga football icons na sina Cristiano Ronaldo ($800 milyon) at Lionel Messi ($750 milyon), NBA star na si LeBron James ($680 milyon), tennis legend na si Roger Federer ($640 milyon), golf players na sina Tiger Woods ($615 milyon) at Phil Mickelson ($480 milyon), isa pang NBA star na si Kevin Durant ($425 milyon) at Formula 1 world champion Lewis Hamilton ($400 milyon).

 

Football Star Cristiano Ronaldo, nanguna sa panalo ng Portugal sa qualifying round ng 2020 European Championship

by

HUMATAW ang football star na si Cristiano Ronaldo sa naging match ng team Portugal kontra sa Lithuania sa qualifying game para sa 2020 European championship.

Nai-angat ni Ronaldo ang kaniyang koponan matapos makapag-goal ng apat na beses sa 5-1 victory score ng Portugal.

Sa unang half pa lamang ng game ay nagpasiklab na si Cristiano at pinakawalan ang karagdagang tatlong puntos sa second half.

Samantala naitala ni William Carvalho ang 5th goal at tinapos ang game.

Ito na ang ikalawang beses na nagwagi ang team Portugal matapos magbukas sa Group B.

Umangat na rin ang koponan sa second place ng standing with 8 points.

 

Soccer player Luka Modric nasungkit ang Ballon d’Or sa unang pagkakataon

by

Ni: Jao Gregorio

TINULDUKAN na nga ng soccer player nasi Luka Modric ang sampun gtao ng paghahari ng kaniy ang mga rival na sina Cristiano Ronaldo at Lionel Messi matapos masungkit ang tropeyo ng Ballon d’Or sa unang pagkakataon.

Iginawad kay Modric ang parangal kamakailan sa ika-anim naputtatlong pagpupugay ng Ballon d’Or sa mga outstanding football player.

Matatandaan din na itinanghal na FIFA player of the year si Luka Modric nitong Setyembre dahil sa pagkakapanalo nila ng Real Madrid sa  Champions League  at matapos nitong tulung ang makapasok ang Croatia sa World Cup Finals nitong Hulyo.

Kasama ring naparangala nan gNorwegian forward na si Ada Hegerberg na nakuha din ang una nitong Ballon d’Or trophy sa Women’s Division. Habang iginawad naman kay Kylian Mbappe ang Raymond Kopa Trophy bilang pinaka batang footballer nanakapag-score sa world cup finals.

Luka Modric nasungkit ang FIFA best player of the year award

by

Tinanghal bilang FIFA Best Player of the Year at kasama sa team of the year ang Croatian midfielder na si Luka Modric.

 

Ni: Eugene Flores

NATAPOS na ang paghahari nina Cristiano Ronaldo ng Juvetus Football Club at Lionel Messi ng Spanish club Barcelona matapos tanghalin bilang player of the year ng FIFA si Luka Modric ng Real Madrid.

Taong 2007 nang may huling nanalo ng titulong ito bukod kina Ronaldo at Messi.

Naungusan ng Croatian midfielder na si Modric sina Ronaldo at Mohamed Salah ng Liverpool FC.

“It’s a great honour and a beautiful feeling to stand here with this trophy,” wika ni Modric.

Hindi naman sumipot sa seremonya si Ronaldo at Messi na ginanap sa Grimaldi Forum, Monaco.

“I would like to give congratulations to Mohamed and Cristiano for the great season that they had. I am sure in the future you will have another opportunity to fight for this,” ani Modric para sa kalaban niya sa parangal.

Iniwasan naman nito ang diskusyon sa usap-usapang karapat-dapat ba siya sa parangal. Aniya, hindi ito makikipag-debate ukol sa isyu bagkus ay nagpapasalamat ito sa lahat ng bumoto at sumuporta sa kaniya.

Pinasalamatan din niya ang kanyang koponan at pamilya. “This trophy is not just mine. It is for my Real Madrid team-mates, the Croatia national team and all my coaches. This is also for my family, without whom I would not be the player I am,” sabi nito.

“Everyone has their own reasons. Obviously I would have liked them to be here but they aren’t, wika ni Luka.

Ayon naman sa kakampi nito sa Real Madrid na si Sergio Ramos, karapat-dapat ito sa nakuhang parangal.

“I am as happy as if I had won it. (Modric) deserves it, he is an excellent player and has marked an important era in the history of Real Madrid,” aniya.

Umani rin ng samu’t- saring papuri si Luka.

“It’s not easy to stop Modrić because he’s such a clever player, he can read the game so well and can play in many different areas.” wika ni José Mourinho dating Madrid manager.

Even if we leave trophies aside, the way he plays and the way he dominates for Real Madrid is impressive.” sabi ng dating Madrid at Croatia midfielder Robert Prosinečki

“He is a player who has a very different talent, he improves anyone who is around him. It shows when he is not on the field, Madrid is a different team without Luka.” wika ng kanyang kakampi na si Ivan Rakitic.

UEFA CHAMPION AT WORLD CUP FINALIST

Malaki ang naidulot ng pagkapanalo ng kampyeonato ni Luka sa Madrid at ang kanyang appearance sa finals ng FIFA World Cup 2018 para sa nakuhang parangal.

Matagumpay na nadepensahan ng Real Madrid ang tropeo kontra Liverpool upang makuha ang ikatlong sunod na kampyeonato sa UEFA Champions League.

Ito ang ika-13 titulo ng Madrid sa Champions League at ikaapat sa huling limang season.

Nadala naman niya sa kauna-unahang finals ng World Cup ang national team ng Croatia ngunit bigo itong maiuwi ang tropeo matapos talunin ng France sa iskor na 4-2.

Bigo man para sa titulo, nakuha naman ni Modric ang Golden Ball award sa torneyo.

Isang taon ng tagumpay ang nakamit ni Modric kung kaya’t naging malakas ang laban nito para sa prestilyosong parangal.

IBANG ATLETANG NAGNINGNING SA 2018

Tinanghal bilang Best FIFA Woman’s Player si Marta ng Orlando Pride at Brazil, ang kaniyang ika-anim na parangal at pinakamarami sa kasaysayan ng Women’s football.

Best FIFA Men’s coach si Didier Deschamps at Women’s coach si Reynald Pedros. Best FIFA Goalkeeper si Thibaut Courtois.

Nakuha naman ni Mohamed ang FIFA Puskas Award.

Pasok sa FIFA team of the year ang mga sumusunod: Luka Modric, Kylian Mbappe, Cristiano Ronaldo, Raphael Varane, David de Gea, Dani Alves, Eden Hazard, N’Golo Kante, Sergio Ramos at Marcelo.

Ronaldo, kasaysayang inukit sa Real Madrid

by

Nasungkit ni Cristiano Ronaldo ang kaniyang ikalimang Ballon d’Or trophy.

 

Ni: Eugene B. Flores    

MATAPOS ang makulay na karera sa mundo ng football dala ang pangalan ng Real Madrid, napagdesisyunan ang isa sa pinagdedebatihang greatest player in the world na si Cristiano Ronaldo na lumipat sa Juventus Football Club matapos ang kanilang 112 million euro deal.

Ikinagulat ng marami ang paglipat ng 33-year old forward mula La Liga patungo sa Serie A kung saan dapat nagsimula ang kanyang karera bilang professional footballer.

Ligtas nang sabihin na nakaukit na ang pangalang Cristiano Ronaldo sa kasaysayan ng football bilang “one of the greatest of all time.” Hindi na mabilang ang mga parangal na kanyang natanggap sa kanyang nagpapatuloy na alamat. Kabilang sa mga ito ang limang Ballon d’Or awards na tumabla sa pinakamarami ng isang European player. Siya rin ang nag-iisang manlalaro na nanalo ng apat na European Golden Shoes.

Bago lumipat ng koponan si Ronaldo, huli itong naglaro sa World Cup Russia 2018 para sa Portugal National Football Team kung saan ay ginulantang sila ng Uruguay, 2-1 sa Round of 16 gayundin ang koponan ng kanyang mortal na kalaban na si Lionel Messi matapos maisahan ng France ang Argentina sa iskor na 4-3.

Bagama’t hindi naging matagumpay ang naging paglalakbay para sa World Cup ni Ronaldo, hindi pa rin maikakaila na makasaysayan ang naging takbo ng kaniyang karera, lalo na ang walong taon niyang pananatili sa Real Madrid.

 

Nagpamalas ng isang overhead kick si Ronaldo kontra sa Juventus FC noong nakaraang Champions League.

 

KOPONAN NG KAMPYEON

Bumuhos ang kampyonato na naibigay ni Ronaldo sa Real Madrid kabilang ang dalawang La Liga titles, dalawang Copas del Rey, apat na UEFA Champions League titles, dalawang UEFA Super Cups, at tatlong FIFA Club World Cups. Sa kabuuan, 15 tropeo ang nakuha ng Real Madrid sa pangunguna si Ronaldo, na tinaguriang best Portuguese player of all time ng Portuguese Football Federation.

SIMULA SA MADRID

Taong 2009, naging parte si Ronaldo ng Madrid matapos ang kanilang 94-million euro deal na naging world record transfer fee ng panahong iyon. Umabot sa 80,000 fans ang sumalubong sa pagdating ng kanilang bagong manlalaro na nagkamit ng 2008 UEFA Club Footballer of the Year award sa kanyang dating koponan na Manchester United.

Sinimulan niyang maglaro suot ang jersey number 9 imbis ang kaniyang kilalang number 7 sapagkat ito’y gamit ng kanilang kapitan na si Raúl González Blanco. Maganda ang naging simula ng kampanya ni Ronaldo na nakapag-ambag ng 33 goals sa buong season ngunit bigong makapagbigay ng kampyonato sa Real Madrid. Pumangalawa rin siya para sa Ballon d’Or at FIFA World Player of the Year award na pinangunahan ni Lionel Messi ng FC Barcelona, karibal na koponan ng Madrid. Sa pagsisimula ng 2010 season, naibigay kay Ronaldo ang jersey number 7 matapos umalis si Raúl.

EL CLASICO

Ang tapatan ng Real Madrid at FC Barcelona ay isa sa pinakapinapanuod ay masu-sing inaabangan na taunang laban sa mundo ng sports. Mas pina-igting ang banggaan sa naglalakihang syudad ng Spain nang dumating si Ronaldo sa Madrid kung saan katapat niya ang kapwa five-time Ballon d’Or awardee na si Lionel Messi ng Barcelona. Humakot ng milyong tagahanga sa social media at sa buong mundo ang dalawang pinakamatagumpay na koponan kasama ang dalawa sa pinakamagaling na manlalaro ng football sa kanilang generasyon. Dahil sa tindi ng laban sa pagitan ng parehong koponan at ng kanilang pambatong manlalaro, nabuo ang Messi-Ronaldo rivalry sa pagitan ng kanilang Argentinian fans (Messi) at mga Portuguese (Ronaldo).

HIGIT SA FOOTBALL

Hindi lang sa paglalaro ng football pinahanga ni Ronaldo ang kanyang fans sa Real Madrid at maging sa buong mundo dahil marami na rin ang natulungan at tinutulungan ng superstar. Noong 2015, pinangalanan siya bilang world’s most charitable sportsperson ng dosomething.org. Kabilang sa mga nagawa ni Ronaldo ay ang pagdo-donate ng mahigit 5 milyon euro para tumulong sa mga nabiktima ng lindol sa Nepal. Tumulong din siya para sa isang proyekto upang mapanatili ang mga mangrove sa Indonesia. Pinondohan din niya ang ilang bata para sa kanilang operasyon.

“My father always taught me that when you help other people, then God will give you double,” sabi ni Cristiano noong 2013. “And that’s what has really happened to me. When I have helped other people who are in need, God has helped me more.”

Kamakailan ay ipina-auction niya ang kanyang 2013 Ballon d’Or trophy sa hala-gang mahigit 600,000 euros, at ang lahat ay mapupunta sa Make-A-Wish foundation. Sa kasalukuyan ay inaasahang popondohan ni Ronaldo ang pagpapatayo ng isang pediatric hospital sa Santiago, Chile kasama ang isang Italian businessman.

Tunay na isang modelo ng huwarang atleta si Ronaldo at maasahang marami pa siyang maipapakita sa football sa bago niyang koponan na Juventus FC at maging sa pagtulong sa kapwa.

Close Bitnami banner
Bitnami