Davao City

DOH, tiniyak na may sapat na bakuna ang bansa laban sa Polio

September 30, 2019 by PINAS

TARGET ng kagawaran na mabakunahan ang 5.5 milyong bata.

NAGTUTULUNGAN na ang Department of Health (DOH) at World Health Organization (WHO) na gumawa ng epektibong pagtugon sa Polio outbreak sa bansa.

Ipinangako rin aniya ng WHO na kumpleto ang lahat ng kailangan para sa nasabing sakit at lahat ng batang dapat mabakunahan ay mabibigyan nito.

Matatandaang noong nakaraang linggo nang kumpirmahin ng DOH ang muling pagbabalik ng polio sa bansa matapos ang dalawang dekada ng pagiging Polio-free country.

Bilang pagresponde sa Polio outbreak, magsasagawa ng Simultaneous Vaccination Programs ang DOH sa mga batang edad limang taong gulang pababa sa Metro Manila, Davao at Lanao Del Sur sa susunod na buwan.

WILLIAM VALENCIA

Matibay na relasyon ng PH-China, malaking pakinabang sa Pilipino?

April 15, 2019 by Pinas News

MGA proyektong imprastraktura na pinondohan ng China at iba pang pautang, hindi ginamitan ng collateral.

Ni: Jonnlyn Cortez

SA kabila ng mga batikos, malinaw na nakikita ang matibay na relasyon sa pagitan ng China at Pilipinas. Patuloy ang pagpopondo at pagpapautang ng karatig bansa sa mga proyekto ng gobyernong Duterte, na sinasabing malaking pakinabangan sa maraming Pilipino.

Sa likod ng mga kontrobersya, sinabi ni Finance Secretary Carlos Dominguez III na ang pagkakasundo ng dalawang bansa ay makakatulong upang harapin ang mga pandaigdigang problema. Sa katunayan, isa ang China at Pilipinas sa nangunguna pagdating sa paglago ng ekonomiya sa buong Asya.

“With our increased cooperation, we can better defy the adverse developments at the global level and continue our rapid expansion to benefit our people,” wika ni Dominguez.

Dagdag pa niya, naghahanda na ang China upang tugunan ang mga prediksyon ng mas mabagal na “global growth” sa pamamagitan ng isang pinagsamang polisiya, kabilang ang pagpapalakas ng consumer demand at expansionary monetary policy.

“The rest of the region depends much on China’s impressive growth. We are confident this great nation will continue its remarkable economic transformation,” pagpapatuloy ni Dominguez.

Katulad ng China, nasa posisyon din ang Pilipinas upang panatilihin ang pagpapalawak ng ekonomiya.

“Despite the adverse trends in the global economy, we are confident our internal growth engines will continue driving the economy to support a GDP (gross domestic product) expansion of 7 percent — this is our fighting target,” pahayag ni Dominguez.

Sabay ang mga programang imprastraktura ng gobyernong Duterte na “Build, Build, Build” sa mas malaki at malawak na proyektong Belt and Road ng China.

Hindi na nga makakaila ang paglago ng kalakalan at turismo sa pagitan ng dalawang bansa. Tumaas ng 13 porsyento ang kabuuang kalakalan ng Pilipinas at China noong isang taon, habang 27 porsyento naman ang nilaki ng bilang ng turista na dumating sa bansa noong 2017.

“Improved interconnections between the economies in this part of the world will raise all ships. We look forward to a seamless network for the flow of goods, the exchange of best practices and boundless cooperation in the coming years,” he said.

PANGULONG Rodrigo Duterte pinagmamalaki ang matatag na relasyon sa pagitan ng China at Pilipinas, at ang pakinabang nito sa tao.

Pakinabang ng Pilipino

Sa harap ng Filipino-Chinese businessmen sa 32nd biennial convention of the Federation of Filipino-Chinese Chambers of Commerce and Industry Inc. kamakailan, sinabi ni Pangulong Rodrigo Duterte ang malaking pakinabang sa matatag na relasyon ng China at Pilipinas.

“The meaningful ties of friendship forged between Chinese and Filipinos have enabled us to empower our people, especially those who are vulnerable and marginalized,” wika ng pangulo. “By devoting your resources to the improvement of our society, the Federation has consistently played a vital role in ushering a period of greater cooperation [and] understanding not only in the promotion of business and trade, but also in facing various challenges that we face as a nation.”

Bunsod nito, nagpasalamat ang presidente para sa kanilang suporta sa kampanya ng administrasyon laban sa korapsyon, kriminalidad at iligal na droga.

“Through your deeds, you have become our important partner in building the foundations of a more inclusive and sustainable society,” wika ni Duterte.

Hinimok naman ng presidente ang Filipino-Chinese businessmen na gumawa ng mas maraming inisyatibo upang mapabuti ang paglago ng industriya at malinang ang business environment sa bansa. Humiling din si Duterte ng patuloy na kooperasyon mula sa grupo sa pagbuo ng mas progresibong Pilipinas.

“It is my hope that your remarkable traits and values will continue to fuel your pursuit of a dynamic and vibrant Chinese-Filipino business community that contributes to our nation’s overall advancement,” pagtatapos ng pangulo.

Dalawang bagong tulay popondohan ng China

Handang pondohan ng China ang pagpapagawa ng dalawang bagong tulay sa Visayas at Mindanao.

“The Davao-Samal Bridge Project in Mindanao and the Panay-Guimaras-Negros Interisland Bridge Project in Western Visayas are also two other projects in the pipeline for possible Chinese financing,” wika ni Dominguez sa isang pahayag.

Idudugtong ng Davao-Samal Bridge ang Davao City sa Samal Island, habang ang Panay-Guimaras-Negros Interisland Bridge naman ay bababaybayin ang mga lalawigan ng Iloilo hanggang Negros Occidental.

Kabilang sa pangalawang batch ng mga proyektong posibleng pondohan ng China ay ang Safe Philippines Project Phase 1, Subic-Clark Railway Project, limang tulay sa kabuuan ng Pasig-Marikina River at Manggahan Floodway at ang proyektong Ambal-Simuay River at Rio Grande de Mindanao River Flood Control.

Pinangunahan umano ni Undersecretary Mark Dennis Joven ang delegasyon ng bansa upang makipag-usap sa mga opisyal ng Export-Import Bank of China (China-EXIM) at China International Development Cooperation Agency (CIDCA).

“Both sides discussed the updates of ongoing projects, as well as those in the pipeline,” wika ni Joven. “The Chinese side also conveyed its continuing commitment to support the infrastructure projects of the Philippines, including its openness to provide available sources of financing for other projects.”

Nakipagpulong din si Joven kasama ang mga representante ng National Economic and Development Authority (NEDA), Department of Budget and Management (DBM), Bases Conversion and Development Authority (BCDA), and the Department of Public Works and Highway (DPWH) kay CIDCA Chairman Wang Xiaotao upang pag-usapan ang general arrangements ng pagbibigay ng pondo at paraan kung paano mapapabilis ang proseso ng popondohang proyekto ng China.

Mga kritiko walang tiwala — Dominguez

“You of no faith in your country,” yan ang sagot ni Dominquez sa mga kritiko ng administrasyon.

Natatakot umano ang mga mamumuna na hindi kayang bayaran ng gobyerno ang utang sa China para sa mga proyektong imprastraktura ni Duterte.

“The Philippines has never, never defaulted on its loans,” wika ni Dominguez. “The Philippines has not done it even in the worst of times, and the worst time was right after Marcos.”

Hindi umano pumalyang magbayad ang Pilipinas sa anumang utang kahit pa wala na itong pera.

“The Philippines has no history of defaulting on its loans. So why are people saying now that we will default? They have no faith in the Philippines? I don’t know why people are saying, ‘there might be a default.’ That means to say those people have no faith in their own country,” dagdag pa ni Dominguez.

Binigyang-diin pa ni Dominguez na walang collateral na ginamit ang gobyerno sa mga nakuhang pautang sa anumang bansa. Hinimok pa niya ang mga kritiko na suriin ang mga kasunduan na pinasok ng administrasyon na pawang naka-post lahat sa website ng Department of Finance (DoF).

Dati nang sinabi ni Dominguez na hinding-hindi mahuhulog ang Pilipinas sa tinatawag na debt-trap ng China. “In conformity with the Constitution and our laws, none of the pipeline projects funded with official development assistance (ODA) from countries like Japan and China allow for the appropriation or takeover of domestic assets in the event of failure to pay, which is unlikely,” paliwanag niya.

“The government’s borrowing program remains very conservative in the sense that we only borrow to invest in projects that will generate economic gains which are greater than the borrowing cost. No infrastructure project is funded through ODA without going through a rigorous system of reviews and approvals by the Cabinet and the President, and unless there is certainty that the project is economically viable and highly beneficial for the Filipino people,” dagdag pa ni Dominguez.

Masinsinang pag-uusap sa firecracker ban, iminungkahi

January 29, 2019 by Pinas News

Mga kaso ng naputukan noong selebrasyon ng Bagong Taon, bumaba na.

Ni: Jonnalyn Cortez

PARTE na ng tradisyon ng mga Pilipino ang pagpapaputok tuwing magpapalit ang taon. Ngunit sa kabila ng kasiyahang dala nito, marami ring kaakibat na disgrasya ang paggamit nito.

Taon-taon, hindi nawawalan ng mga kaso ng mga naputukan tuwing selebrasyon ng Bagong Taon. May napuputulan ng kamay, daliri at minsan pa nga ay nabubulag at nalalason.

Bunsod nito, matagal nang nais ni Pangulong Rodrigo Duterte na mag-deklara ng total firecracker ban sa buong bansa kung siya lang ang masusunod.

Sa katunayan, sinabi niya na maaaring maglabas ng bagong utos na magbabawal sa paggamit ng paputok. Kapag natuloy ito, mababago ang Executive Order No. 28 na nililimitahan ang paggamit ng mga paputok sa community fireworks display areas.

“I will issue an executive order para warning na sa lahat that I am banning firecrackers altogether,” wika ng Pangulo.

Matatandaang eksaktong isang taon na mula nang sabihin ng Pangulo na nais niyang magpasa ang Kongreso ng batas na magbabawal sa paggamit ng paputok at pyrotechnics.

Secretary Francisco Duque III iminungkahi ang masinsinang pag-uusap ukol sa firecracker ban.

Noong Oktubre ng nakaraang taon, inutusan ni Duterte ang Philippine National Police (PNP) na isara ang mga iligal na pagawaan na nagbebenta at gumagawa ng mga paputok at pyrotechnic devices. Iniutos din niya na hindi maaaring bigyan ng bagong lisensya o permit ang industriya ng paggawa nito hangga’t hindi nasusuri kung kumpleto ang kanilang mga dokumento at sumusunod sila sa batas.

Sinang-ayunan naman ng Department of Health (DOH) ang hakbang na ito at sinasabing ito ang dahilan ng pagbaba ng mga kaso ng fireworks-related injuries sa 77 porsyento noong 2018.

Total firecracker ban, iminumungkahi.

Matagal naman nang ikinakampanya ng EcoWaste Coalition ang firecracker ban sa kabuuan ng bansa. Katulad na lamang ng Davao City, kung saan matagal nang ipinagbawal ang pagpapaputok, sinabi ng grupo na maaari ring ipatupad ito sa iba pang lungsod.

Sa ngayon may ilang mga siyudad na ang nagpapatupad na ng firecracker ban.

Ang Las Piñas City ay mayroong City Ordinance No. 1484-17, na nagbibigay kapangyarihan sa Las Piñas City Police na kumpiskahin ang anumang uri ng iligal na paputok at bantayan at imbestigahan ang mga paglabag sa ordinansa.

Inatasan naman ng gobyerno ng Zamboanga City ang kapulisan na ipatupad ang total firecracker ban ordinance at hulihin maging ang mga kabataan na sumusuway dito upang masigurong maiiwasan ang mga firecracker-related accidents. Ipinagbabawal din dito ang fireworks displays sa ilalim ng Ordinance No. 431 o ang Firecracker Ban Ordinance of 2014.

Meron ding ganitong ordinansa sa Quezon City, ang City Ordinance No. SP 2618 na nagbabawal sa paggamit ng paputok at iba pang pyrotechnic devices sa lahat ng pampublikong lugar tuwing may pagdiriwang at sa anumang okasyon.

Pagbebenta ng paputok maaaring ipagbawal na sa buong bansa.

Malungkot na balita para sa ‘Fireworks Capital’

Umani naman ng iba’t-ibang reaksyon ang balak ni Duterte na nationwide total firecracker ban mula sa probinsya ng Bulacan na kilalang “Fireworks Capital” ng bansa.

Sinabi ni Malolos City Mayor Christian Natividad na ang pahayag ng Pangulo ay kabilang sa “inherent powers of the state and the police,” kaya’t wala silang magagawa kundi sundin ito.

“If the government uses these powers, it is incumbent for us to follow the order of the highest official of the land,” wika nito.

Isa namang malungkot na balita ito para sa mga fireworks manufacturers and sellers sa Bulacan, ayon kay Vice Governor Daniel Fernando.

“Many will surely be affected and lose livelihood opportunities because of the total ban on firecrackers,” sabi nito.

Bilang presiding officer ng provincial council ng Bulacan, aatasan ni Fernando ang mga miyembro ng konseho na pag-aralang mabuti ang utos ng Presidente.

Sinabi rin nitong mag-aapila sila na ipatupad lamang ang total ban sa mga paputok at hindi sa mga fireworks o mga produktong pailaw.

Dagdag naman ng presidente ng Fireworks Association of the Philippines na si Joven Ong, na sa kaniyang pagkakaintindi, ang sinasabi ng Pangulo ay ang pagtingin ng Kongreso sa mga “pros and cons” ng pagbabawal ng paputok.

Magbibigay na lamang daw ito ng pahayag kapag nasa ilalim na ng deliberasyon ang nasabing usapin.

Sa karagdagan, sinabi naman ng presidente ng Philippine Pyrotechnics Manufacturers and Dealers Association Inc. na si Lea Alapide na babasahin muna nito ang executive order bago magbigay ng reaksyon.

Batay sa datos ng Bulacan Polytechnic Regulatory Board (PRB), nagbibigay ng livelihood opportunities ang industriya ng paputok sa halos 100,000 katao sa lungsod. Sa tantya rin nito, halos 20,000 indibidwal ang direktang nakinabang dito noong 2017.

Gayunpaman, ibinahagi ng mga fireworks stakeholders, na ang lokal na industriya ng paputok ay nakararanas ng malaking pagbagsak ng produksyon. Pawang ilang malalaking pagawaan, na may kakayanang gumamit ng mga high-tech devices, safer mode at gumagawa ng pyrotechnics at aerial displays, na lamang ang natitira at maging sila ay nahihirapan na panatilihing buhay ang industriyang ito.

Pangkabuhayang programa sa manggagawa ng paputok

Nabanggit ni Duterte sa dating Cabinet meeting na nais nitong gumawa ang Department of Trade and Industry (DTI) ng alternative livelihood program para sa halos 75,000 indibidwal na nasa industriya ng paputok na maapektuhan ng posibleng total firecracker ban, na siya namang sinang-ayunan ng DOH.

Sinabi ni Health Secretary Francisco Duque III na hindi madaling maipatupad ang pangkalahatang pagbabawal ng mga paputok dahil na rin kailangan muna nilang makapagbigay ng alternatibong pangkabuhayan para sa mga manggagawa.

“We cannot be reckless. We have to be clear about the alternative livelihood programs for people who will be displaced because of the ban. That is the more compelling reason that we need to look into,” wika nito.

Dagdag pa niya, kailangan ng masinsinang pag-uusap tungkol sa isyung ito kasama ang mga opisyal ng Department of Trade and Industry, Department of Labor and Employment at Department of Finance dahil na rin sa malawak na implikasyon nito.

Ngayong taon, nakapagtala ang DOH ng 139 firecracker-related injuries. Bumaba ito ng 68 porsyento kumpara sa mga kasong natala noong 2018.

Kahalagahan at karapatan ng indigenous people

September 24, 2018 by Pinas News

SA pagsuporta sa mga Indigenous Peoples (IP) itinatag ang Farming Family Food Security Model Project ng Department of Agriculture (DA), at ng Philippine Fiber Industry Development Authority (PhilFIDA).

Ni: Noli C. Liwanag

IPINAGDIRIWANG tuwing buwan ng Oktubre ang National Indigenous Peoples Month, sa bisa ng Presidential Proclamation No. 1906 na nilagdaan noong 2009 ni dating pangulong Gloria Macapagal-Arroyo.

Base sa datos ng Philippine Association for Inter-Cultural Development, Inc., noong 2005, tinatayang 14 porsyento ng populasyon ay maituturing na kabilang sa sektor ng Indigenous Peoples (IP).

Base sa tala ng National Commission on Indigenous Peoples (NCIP), sa buong bansa ang bawat region ay may tala ng IP tulad sa Cordillera Autonomous Region (CAR), na may 1,252,962; Region I, (1,039,447); Region II, (1,014,955); Region III, (230,270); Region IV, (714,527); Region V, (185,488); Region VI & VII, (175,109); Region IX, (993,232); Region X, (1,509,436); Region XI, (1,882,622); Region XII, (1,447,972); at Region XIII, (874,456) na may kabuuang populasyon na 11,320,476.

IPRA DAY AT GONG FESTIVAL

TULAD ng iba’t ibang mga tribo, sa rehiyon ng Cordillera, ay nagkakabuklud-buklod at nagpapahalaga sa kanilang kultura at tradisyon sa pamamagitan ng Indigenous Peoples Reform Act (IPRA) Day at Gong Festival.

Ang mga nakatatanda, mag-aaral, local government (LGU) officials at tribal organizations mula sa lalawigan ng Abra, Benguet, Mt. Province, Ifugao, Kalinga, Apayao at Baguio City, sa pangangasiwa ng National Communites for Indigenous Peoples (NCIP), ay nagpakita ng pagkakaisa sa pamamagitan ng tribal dancing parade at mga programa.

“Umpisa pa lamang ito at malaki ang aming pag-asa na magtuluy-tuloy para maimulat sa mga kabataan sa kahalagahan ng kultura na minana pa namin sa aming mga ninuno,” pahayag ni Philippine Communications Office (PCO) Assistant Secretary Marie Rafael Banaag, dating mayor ng Natonin, Mt. Province.

Sabi ni Banaag, todo suporta si Pangulong Rodrigo Duterte sa kahalagahan at karapatan ng indigenous people sa bansa, kaya ipinagdiriwang ang IPRA Day kasabay ng selebrasyon ng Gong Festival, sa layuning mapagkaisa at mapalakas ang samahan ng mga ka-Igorotan sa Cordillera.

Ang okasyon ay makasaysayan para sa mga indigenous people, hindi lamang sa Cordillera, kundi sa lahat ng mga katutubo sa bansa sa mga susunod pang taon na kaakibat din sa turismo na kilalanin ang kahalagahan at karapatan ng bawat tribo.

World’s Indigenous Peoples Day.

ROAD RIGHT-OF-WAY

NILAGDAAN nina DPWH Secretary Mark Villar at NCIP Chairperson Atty. Leonor T. Oralde-Quintay ang Memorandum of Agreement (MOA), na naglalayong mapabilis ang implementasyon ng mga proyektong pang-imprastraktura sa bansa.

Dahil dito, bubuo ang DPWH at NCIP ng panuntunan para sa Road Right-Of-Way (RROW) claims, partikular sa mga lupaing sakop ng ancestral domains.

Sa ilalim ng kasunduan, kailangang bumuo ng DPWH-NCIP technical working group (TWG) na magbibigay sa Komisyon ng proseso ng implementasyon ng proyekto ng gobyerno tulad ng mga kalsada, tulay at iba pang imprastraktura, gayundin ang pagproseso sa mga kailangang dokumento sa pagkuha ng road right-of-way.

Bubuo ng mga panuntunan at pamamaraan ang TWG, para mapadali ang pagproseso ng mga dokumentong kailangan sa pakuha ng kompensasyon sa mga apektadong pag-aari ng mga IPs/ICC sa proyekto ng DPWH.

Indigenous people, Salinlahi: Alliance for children’s concerns, kaisa ang Children’s Rehabilitation Center.

AYUDA SA MGA INDIGENOUS PEOPLE

AABOT sa P100 milyon ang ibibigay na ayuda para sa livelihood programs at agricultural development sa komunidad ng mga katutubo sa Mindanao.

Inihayag ni Pangulong Rodrigo Duterte, ang kanyang hakbang matapos siyang magsalita sa harap ng mga lider ng katutubo sa idinaos na Indigenous Peoples’ Leader’s Summit sa Davao City kamakailan.

Nangako rin si Duterte na aapurahin ang pagpasok ng mga investor at tulong ng pamahalaan sa mga tribal area, upang mabigyan sila ng mga programang pangkabuhayan.

Tinalakay din ng pangulo ang kahalagahan ng edukasyon upang maiangat sa kahirapan ang mga Lumad community.

PROGRAMANG PANGKABUHAYAN

MAY mahihiraman na ang mga katutubo upang magamit sa pagtatayo ng negosyong pangkabuhayan.
Sa pamamagitan ng Department of Agriculture (DA), ang programang Kabuhayan At Kaunlaran ng

Kababayang Katutubo (4K), na inilunsad ng kagawaran kamakailan, maaaring pagkalooban ang mga benepisyaryong katutubo ng hanggang P300,000 sa kada limang ektaryang lupain na ancestral domain.

Hahatiin ang loan sa P5,000 kada buwan at hindi papatawan ng interes.
Sasanayin din ang mga katutubo na magtanim ng iba’t ibang mapagkakakitaang puno at mag-alaga ng mga hayop gaya ng baboy, kambing at manok.

Tinatayang nasa P1 milyon kada ektarya ang inaasahang kikitain ng mga benepisyaryo ng programa, kung saan aabot sa 20,000 pamilya ang makikinabang sa programa.

Matapos ang dalawang taon, para sa masa, Duterte pa rin!

July 16, 2018 by Pinas News

Iba talaga ang karisma ni Digong, saan man siya magpunta, talagang dinudumog ng tao. Napaka-simple niya kasing pangulo—madaling lapitan, maka-masa.

Ni: Edmund C. Gallanosa

Sa dalawang taon nang panunungkulan ni Pangulong Rodrigo Duterte, nananatili pa rin siyang popular sa nakakaraming Pilipino.

Sa kabila ng samu’t saring kritisismo, paninira at pagtutol ng iba sa mga pagdedesisyon ni Digong kung paano papatakbuhin ang ating gobyerno, nananatiling mataas pa rin ang approval rating niya sa madla. Kamakailan naitala sa kakatapos na SWS (Social Weather Stations) survey ang bagong approval rating ng pangulo. Mula sa ‘excellent’ na rating sa 75 points ng Disyembre 2017, ngayon ito na lamang ay nasa ‘very good’ na rating sa 65 points.

Very good na rating para sa isang pangulo. At bumaba pa raw ito ayon sa SWS. Sampung puntos ang ibinaba nito mula sa 75-puntos limang buwan na ang nakakalipas. Ayon sa huling survey result, 76 bahagdan sa mga nasa tamang edad na Pilipino ay nagsasabing may tiwala sila sa pangulo samantalang 10 bahagdan lamang ang ‘mababa ang tiwala’ sa pangulo, habang 14 bahagdan sa mga Pilipino ang ‘undecided’ o hindi makapagdesisyon kung may tiwala sila o wala habang isinasagawa ang survey.

Bakit popular pa rin si Pangulong Duterte? Matapos ang dalawang taon bakit popular pa rin ang pa-ngulo? Malaki kasi ang pagkakaiba ng pangulo ngayon at sa kaniyang pinalitan. Kinakitaan ng kakaibang personalidad si Digong na walang katulad sa mga nakaraang pangulo ng Pilipinas. Dala na rin marahil sa kultura at mind-set ng nakakarami, saan ba nila ilalagay ang kanilang tiwala, sa taong mag-aahon daw sa kanila sa kahirapan sa pamamagitan ng salita lamang o sa taong nakakaunawa at ginagawa ang mga paraan upang maka-ahong tunay sa kahirapan?

Tunay na maka-masa ang pangulo. Si Pangulong Duterte kasi ay totoong ‘people’s man.’ Malapit siya sa mga ordinaryong mamamayan. Alkalde pa lamang siya sa Davao City, ‘no holds barred’ ang approach niya sa pakiki-salamuha niya sa mga mamamayan. Hindi nagkukunwari, walang halong kaplastikan. Kapag galit nararamdaman sa salita, kapag may nais maisakatuparan, nakikita sa gawa.

Ganun din ang ginagawa niyang pamamalakad sa bansa. Hindi siya nag-aatubiling maki-halubilo sa mga tao at malaman ang kanilang hinaing at pangangailangan. Maagap pa lamang sa kaniyang pagkakaluklok sa pwesto ay dinalaw na niya ang mga OFWs sa ibang bansa at inalam ang kanilang kalalagayan. Ganun dun sa ating mga sandatahang lakas—at sa iba pang sektor ng ating lipunan ay kaniyang hinaharap upang makuha ang kanilang saloobin nang personal.

Nakikitaan din ng tapang ang pangulo upang personal niyang pangunahan ang laban sa kriminalidad at ipinagbabawal na gamot. Hands-on ang approach niya sa mga isyu at hindi nagtuturo ng kung sino-sinong isasabit kung magkaroon ng suliranin sa isang bagay—maghahanap ng solusyon at hindi nag-aaksaya ng panahon. ‘Yan ang istilo ni Digong na siya namang tinatangkilik ng mas nakakarami.

Gagawin ang nararapat sa kapakanan ng kababayan. Minsan nang sinubukan ng pagkakataon na masilayan ng tao kung hanggang saan ang kakayanan ni Digong bilang pangulo ng Pilipinas. Minsan na niyang pinilay ang isang bansa noong pahintuin niya ang pagpapadala ng mga manggagawa sa Kuwait, dahil na rin sa inaabot na pang-aabuso sa mga kababayan natin doon. Ang kaniya lang naman, totohanin ng mga taga-Kuwait ang sinasabing ‘proteksyon sa manggagawa’ at noong ilang Pilipino na ang pinasya na niyang pigilin ang pagbabyahe sa nasabing bansa. Malaki ang naging epekto nito sa Kuwait, at makailang buwan lamang ay gumawa na ng panibagong kasunduan sa pagitan ng Kuwait at Pilipinas. Sino ang nagwagi dito? Malinaw na ang mga overseas contract workers natin.

GDP (Gross Domestic Product) Ayon kay Political Analyst Ramon Casiple, dalawa ang mabigat na dahilan sa popularidad ng pangulo na mahalaga sa bawat Pilipino. “It’s largely positive, in two counts ‘yan—economy, ‘yung patuloy na mataas na GDP (Gross Domestic Product) growth natin and inclusive growth, bumaba unemployment eh,” Sa ganitong paraan aniya, ninanais ng pangulo na guminhawa ang buhay ng lahat ng Pilipino.

Gumanda ang ekonomiya ng bansa sa pagpasok ng 2018 sa antas na 6.8%, at bumaba naman ang unemployment rate lalo na noong buwan ng Abril, 5.5% ang ibinaba mula sa 5.7%.

Hindi biro ang ‘approval rating na natatanggap ng ating pangulo sa masa. May tutol man, at mga sumasalungat, wala pa sa kalingkingan ng bilang ng mamamayan na para sa kanila, aprub na aprub pa rin ang ginagawa ng ating pangulo. Kailan tayo nagkaroon ng presidente, sa mga lumipas, na umabot sa ganitong taas ang approval rating? Aminin man natin o hindi, iba magpalakad si Digong—may angas, at matindi ang political will. ‘Yan ang hinahanap ng mga nakakarami.

Ika nga ni Harry Roque, Presidential Spokesperson ng pangulo, hindi mada-ling makakuha ng ganitong kataas na grado sa harap ng maraming puna at pag-atake sa kredibilidad ng pangulo. Lalo na ang laban niya sa ipinagbabawal na gamot. Ani Roque, magtutuloy-tuloy ang pangulo sa ganitong istilo hanggang sa huling araw ng kaniyang paglilingkod. “He will continue to steer the ship of State until we reach a drug-free destination where the country’s macroecono-mic fundamentals would be strong and resilient so Filipinos could lead comfortable lives.”

Bumaba man ng 10 puntos ang rating ng pangulo sa Kalakhang Maynila, nanatiling ‘excellent’ pa rin ang grado niya sa Visayas, Mindanao at sa iba pang parte ng Luzon. Popular pa rin ang pangulo lalo na sa mga college graduates kung saan tumala siya ng ‘excellent’ na rating sa marking +76, kumpara noong nakaraan na +73 lamang.

Pambihira ang ganitong antas para sa isang president ng bansa. Ika nga ni Stephen Sackur ng BBC World News sa Estados Unidos mahirap para sa isang politiko ang makatuntong sa ganiyang antas. “If a western politician pick a man 75% approval rating they would regard it as the happiest day of the life.”

Hindi na kailangan pang lumayo sa katwiran kung bakit popular pa rin si Pangulong Duterte. Tama ng sukatan ang GNP (Gross National Product) ng bansa. Tuloy-tuloy ang pagtaas sa ating GNP. Patuloy ang paglalagak ng mga negosyo sa ating bansa mula sa mga dayuhang mangangalakal, at natanggalan ng malaking buwis ang mga mamamayang maliliit ang kita. dumarami ang mga trabaho—dumarami ang nagkakanegosyo. Sa bandang huli, ito ang pinakamahalagang bagay sa bawat mamamayan ng bansa, ang gumanda ang buhay. Sa mga karaniwang mamamayan, ito na ang pinaka-malinaw na batayan.

Benham Rise, pag-aari ng Pilipinas — Duterte

May 23, 2018 by Pinas News

Ni: Quincy Joel Cahilig

SA paggunita ng unang taon ng Philippine Rise, muling binigyang diin ni Pangulong Rodrigo Roa Duterte na walang ibang bansa ang pwedeng umangkin dito at sa mga yamang taglay nito. Sinabi pa niya na handa siyang makidigma sa sinomang bansang aangkin dito.

“Hindi ako papayag. And it will mean war. Nandoon na ‘yung Marines, huwag kayo matakot. Kasama ako doon, sabay tayo sa barko,” matapang na sinabi ni Duterte sa kanyang talumpati sa National SWAT Challenge sa Davao City.

“We will never agree to an insult like that na just because ganito lang tayo you start to fuck with the areas there. I’ll go to war. Do not mess with us because we would not allow it. If it’s time to go to heaven, so be it. Huwag kayo matakot, mauna ako doon,” aniya.

Mayo 2017 nang opisyal na palitan ni Pangulong Duterte ang tawag sa Benham Rise bilang Philippine Rise sa bisa ng isang Executive Order matapos makita ang ilang barko ng China sa karagatang sakop ng teritoryo ng ating bansa.

Kinikilala ng United Nations Commission on the Limits of the Continental Shelf na bahagi ng teritoryo ng Pilipinas ang Benham Rise, ang undersea plateau 135 milya mula sa dalampasigan ng lalawigan ng Aurora, na may lawak na 13 milyong ektarya. Tanging ang bansa lamang ang may karapatan dito.

Ang pagkilalang ito ng UN ay sinusuportahan ng mga iprinisinta ng Pilipinas na iba’t-ibang mga scientific at technical evidence, gaya ng geodetic, bathymetric, geophysical, at geological data mula sa iba’t-ibang ahensya ng pamahalaan at mga international sources upang mapatunayan na sakop nga ng pambansang teritoryo ang Benham Rise.

Ngunit nitong Pebrero ay lumutang ang balitang pinangalanan at matagumpay na nairehistro ng China ang limang undersea features ng Philippine Rise sa International Hydrographic Organization. Inaangkin ng China na sila ang “nakadiskubre” sa mga ito noong 2004.

Matapos pumutok ang balita, ipinag-utos ng Pangulo na tigilan na ang lahat ng pagsisiyasat na isinasagawa ng mga dayuhan sa Philippine Rise. Kinansela niya ang 30 lisensya ng mga maniniyasat mula sa United States, China, Japan, South Korea, at Germany at inatasan ang Philippine Navy na magpatrolya sa nasabing lugar.

Ano ba ang mayroon sa Philippine Rise?

Ang Benham Rise ay natuklasan ni U.S. geologist Andrew Benham noong 1933. Ito ay tinatawag na “natural submarine prolongation” of Luzon na may lalim na 3,000 hanggang 3,500 metro. Pinaniniwalaan ng mga eksperto na mayaman ito sa mineral at gas deposits.

Sa Benham Bank ang pinakamababaw na bahagi nito, na may lalim na 48 hanggang 70 metro, naninirahan ang iba’t-ibang klase ng hayop at halamang dagat.

Ayon sa mga siyentipiko, nasa 200 fish species ang makikita sa Philippine Rise na kinabibilangan ng surgeonfish, hawk fish, at damselfish, kasama na din ang dambuhalang tiger shark, at mga soft at hard corals, algae, at sponges. Sinasabi rin na maraming klase ng tuna ang makukuha din dito tulad ng big-eye, yellowfin tuna, at albacore. Kaya naman malaki ang pakinabang sa Philippine Rise ng mga mangingisda sa mga lalawigan ng Quezon, Aurora, at Catanduanes.

Batay naman sa pag-aaral ng Department of Environment and Natural Resources, may mga indikasyon ng malalaking deposito ng solid methane, na isang uri ng natural gas sa ilalim nito.

Kaya naman hindi na kataka-taka na maraming bansa ang interesado sa nasabing yamang taglay ng Pilipinas.

Maritime research susi sa proteksyon ng Philippine Rise

Nakasaad sa Article XII, Section 2 ng Saligang Batas, ang Estado ay may mandato na protektahan ang mga yamang dagat na sakop ng teritoryo ng bansa, at exclusive economic zone upang mapakinabangan ang mga ito ng mamamayang Pilipino.

Upang maprotektahan ang Philippine Rise, magsasagawa ang gobyerno ng national maritime scientific research (MSR) program dito, na pangungunahan ng 50 Pinoy scientists.

Lulan ng BRP Gregorio Velasquez, ang research vessel na donasyon ng Amerika, lalayag ang mga eksperto sa Philippine Rise at isasagawa ang kanilang pag-aaral hanggang sa huling linggo ng Mayo.

Layunin ng pag-aaral na pangalanan ang limang undersea features sa Philippine Rise, na paghahayag din ng di pagkilala ng Pilipinas sa mga pangalang ibinigay ng China sa mga ito.

Bukod dito, nais ding maunawaan ng mga siyentipiko ang mga prosesong nangyayari sa ating mga karagatan mga impormasyong mahalaga para sa sektor ng pangingisda sa bansa.

Mataas ang kumpiyansa ni Dr. Mario Aurelio, director, UP National Institute of Geological Sciences, na sapat ang kakayahan ng mga siyentipikong Pinoy na magsagawa ng MSR sa Philippine Rise.

“Yes, indeed we have the technical capability, meaning, the expertise,” wika ni Aurelio.

Aniya, matagal nang isinasagawa ng mga Filipino scientists ang pag-aaral sa ating mga karagatan ngunit hindi nga lang laganap sa kamalayan ng publiko ang kanilang mga gawain sa mga nakalipas na taon.

Bagamat tiwala sa kakayahan ng ating mga siyentipiko, aminado si Aurelio na pag dating sa kagamitan ay mayroon pa ring kakulangan. Ngunit, pinag-uusapan na umano ng pamahalaan at ng iba pang mga sektor na may kinalaman sa marine scientific research and exploration, ang pagbili ng karagdagang mga kagamitan at sasakyang pandagat upang malubos ang mga pagsisiyasat na isasagawa sa hinaharap.

“At present, the Philippines does not have a comprehensive agenda that would incorporate all the sectors or all the perspective of scientific research from solid earth to atmospheric to meteorological,” wika ni Aurelio. “And so the objective of this, what we call roundtable discussions now, is geared towards establishing the National Marine Research Agenda.”

Dagdag ni Aurelio, layunin ng itatatag na National Marine Research Agenda na makabili ng karagdagang equipment tulad ng underwater drones, research vessels, at remote operated vehicles.

Aminado naman ang naturang ekperto na, sa ngayon, ay hindi pa sapat ang pondo ng pamahalaan para sa pagsasagawa ng MSR. Wika ni Aurelio, umaaot sa PHP 5 bilyon ang kailangang halaga para makabili ng isang marine research vessel. Samantalang ang isang MSR abroad ay magkakahalaga ng PHP 3.8 milyon kada araw.

Recent News: