PINAS

Ang Lihim ng Panginoon (Ikapitong Bahagi)

Sonspeak

Recent News:

Department of Budget and Management

Wastong paggamit ng natitirang pondo para sa 2019, magpapalakas ng ekonomiya

by

 

MARGOT GONZALES

 

NANAWAGAN si Senate Committee on Finance Chairman Sen. Sonny Angara na bilisan pa ang pagsasakatuparan ng pending infrastructure at social projects bago matapos ang taon.

Ayon kay Angara, maliban sa makakatulong ito sa pagsasakatuparan ng mga proyekto ng gobyerno, mapapa-angat pa nito ang tamang paggamit ng pondo para sa ekonomiya ng bansa.

Ito ang tugon ni Angara sa ulat ng Department of Budget and Management (DBM) na halos 96 percent pa lang ng P3.662 trillion national budget para sa 2019 ang nailalabas.

Giit ng senador, kung maisasakatuparan ang tamang paggamit ng pondo, maaari pang makahabol ang ating ekonomiya sa target na seven percent economic growth.

Matatandaang isa sa nakapagpabagal sa pagsasakatuparan ng mga proyekto ang atrasadong pagpasa ng 2019 National Budget.

 

Budget Reform Bill, mapapabilis ang mga proyekto

by

Ni: Ana Paula A. Canua

APRUBADO na sa huling pagbasa ng kamara sa botong 158-8 ang House Bill 7302 o ang budget reform bill.

Sa ilalim ng nasabing reporma masisigurado  ang integridad,  transparency at fiscal responsibility ng contractors,  mga kompanya pati na rin ng pamahalaan,  lalong-lalo na sa pagpatupad sa  infrastructure at investment projects sa ilalim ng Build, Build, Build program na may 75 major flagship projects na nasa P180 bilyon ang badyet.

Ayon kay Rep. Joey S. Salceda ng Second District ng Albay at House appropriations committee vice chairman ng House Bill (HB) 7302, ang mataas na ambisyon ng pangulo sa proyektong Build, Build, Build ang nagtulak sa kanila na ipasa ang reporma, lalo pa’t tatakbo hanggang susunod na dekada ang infrastructure programs, “it needs a backing of a more transparent, result-oriented budgetary reforms”, giit niya. “It also promotes people empowerment in the management of public resources by enforcing their right to access to information on, and to contribute in the formulation and implementation of the financial affairs of the government,” dagdag niya.

Bagong Sistema

Sa isinagawang plenary deliberation, pinaliwanag ni Salceda na mula sa obligation-based budgeting, magiging cash-based budgeting ang sistema sa contractors o sub-contructors ng mga proyekto.

Nakasaad na mula sa dalawang taon at higit pa na kontrata, tatakbo na lamang ng isang taon ang kontrata sa paggawa. Ang mahabang taon aniya ay nagreresulta sa mabagal na budget utilization ng proyekto at mabagal na pagpasa ng mga report of transactions.

Ibig sabihin sa pamamagitan ng  budget reform bill, mapipilitan ang mga contractors ng proyekto na tapusin agad ang paggawa ng tulay, daan at mga gusali dahil nakasaad sa kontrata na mayroon lamang silang isang taon upang matapos ang imprastruktura, at kapag nabigo silang  matapos ang proyekto, nakasalalay lamang sa kanilang natapos ang bayad.

Mariin ding sinuportahan ni Sen. Loren Legarda ang reporma at sinalarawan ang pait na dinadanas ng pamahalaan at publiko sa mabagal na pagtapos ng mga proyekto. Aniya sa buong mundo, tanging Pilipinas lamang ang mayroong two-year obligation based budget system, ito rin ang tinuturo niyang dahilan na mabagal na pag-unlad at pagmodernize ng infrastructures sa bansa.

“This new system will result in better planning of programs and projects by government agencies, reduced underspending, greater focus on implementation, and will foster a better business environment,” paliwanag ni Legarda.

Aniya “Savings will now be limited to released but unobligated appropriations that result from (1) completion, final discontinuance, or abandonment of an activity or project; and (2) implementation of efficiency measures resulting in the delivery of the required or planned targets at a lesser cost.”

“With this reform, the controversial Dengvaxia deal will never happen again.”

Cash-Based Budget

Isa sa mga tinitingnang dahilan ng pagkakaroon ng maanomalyang proyekto gaya ng Dengvaxia ay ang kawalan ng budget mechanisms na maghihikayat sa citizen engagement.

Dahil sa kawalan ng kaalaman ng publiko at iba pang ahensya sa mga nasabing transakyon, maaring magkaroon ng underspending at madaliin ang pagbili habang hindi natitiyak kung ito ba ay lubos na mapapakinabangan.

Dahil rin sa mahinang fiscal policy kaya hirap ang pamahalaan na makuha ang refund sa nabiling Dengvaxia vaccine.

Ayon kay Legarda aatasan ang Department of Budget and Management na magpublish ng “People’s Budget,” isang citizen-friendly summary ng fiscal policies at expenditure priorities ng pamahalaan.

Walang takas ang dapat managot 

Kapag napatunayan na may kakulangan o pagkakamali ang contractor o kompanya na pinagmulan ng supply, sila ay papatawan ng sanctions at penalties. Una ay hindi maglalabas ang DBM ng kaukulang budget, pangalawa ang Commission of Audit ay hindi magdedeklara ng expenditures at pangatlo hindi papahintulutan ang disbursement o ang kulang na bayad sa proyekto.

Sa ilalim ng reporma mas palalakasin ang kapangyarihan ng Kongreso na imonitor at ireview ang actual performance at resulta ng proyekto. Magkakaroon na rin sila ng kakayahan na panagutin ang sangkot na ahensya ng gobyerno “The measure mandates the Office of the President to approve the Statement of Policy and Medium Term Fiscal Strategy for submission to Congress, as well as the Budget Priorities Framework to identify the priority areas of government spending,” paliwanag ni Salceda.

Sa tulong ng Budget Reform bill matitiyak na masusunod ang annual development plan ng administrasyon at ang efficiency ng proyekto ng bawat ahensya. Mas pagtitibayin din nito ang freedom of information ng mamamayan bilang aatasan ang DBM na magdeklara ng financial statements. Magkakaroon na rin ng ngipin ang Kongreso upang irebyu at masilip kung tumutupad ba sa napagkasunduan ang mga kompanya at contractors. Sa pamamagitan nito magkakaroon ng tulong-tulong at malawakang monitor sa pinansyal hanggang sa execution ng bawat proyekto.

2018 National Budget: Saan nga ba mapupunta?

by

Si Pangulong Rodrigo Roa Duterte kasama sina Senate President Aquilino Pimintel III (pangalawa sa nakaupo sa kaliwa), House Speaker Pantaleon Alvarez (nakaupo sa dulong kanan), at ng iba pang mga mambabatas sa Ceremonial Signing ng 2018 General Appropriations Act at Tax Reform Acceleration and Inclusion sa Malacañang Palace.

 

Ni: Quincy Joel V. Cahilig

BAGO matapos ang taong 2017 ay pinirmahan ni Pangulong Rodrigo Duterte ang 2018 General Appropriations Act (GAA) o mas kilala bilang 2018 National Budget, na base sa 2018 Proposed Budget na isinumite ng administrasyon sa Kongreso noong Hulyo 24, 2017, ang araw ng ikalawang State of the Nation Address ng Pangulo.

Ang 2018 National Budget ay masusing tinalakay sa Kongreso at Senado, ang pagpupursiging maisakatuparan ang mga pangako ng pangulo sa sambayanan mula pa sa kanyang kampanya (‘’Tunay na pagbabago tungo sa matatag, maginhawa, at panatag na buhay ng bawa’t Pilipino.’’)

 

Breakdown ng alokasyon kada sektor

Ayon sa statement ng Department of Budget and Management (DBM), ang enacted obligation budget para sa Fiscal Year 2018 ay nagkakahalaga ng P3.767 trillion, na mas mataas ng 12.4 % sa 2017 National Budget.  Ang nasabing halaga ay katumbas ng 21.6 % ng Gross Domestic Product ng bansa na gagamitin sa implementasyon ng iba’t ibang programa ng gobyerno, lalo na ng mga  Human Capital Development at Infrastructure Projects.

Pinakamalaking bahagi ng GAA ay inilaan para sa social services na nagkakahalaga ng P1.426 trillion, na mas mataas ng 5.5 % kumpara sa inilaang pondo sa taong 2017, upang mas mapaigting ang mga programa ng gobyerno para sa edukasyon, kalusugan, social security, social welfare, at employment safety nets para sa paglinang ng kakayahan ng mamamayan, na siyang pangunahing yaman ng bansa. Batid ng Duterte Administration na kailangan mag-invest para sa human capital development na susi upang lalong umunlad pa ang kabuhayan ng mga  mamamayan at ang ekonomiya ng bansa.

Ang ikalawang sektor na may pinakamalaking budget ay ang economic services na may nakalaang P1.154 trillion pondo para sa iba’t ibang infrastructure at agriculture development. Sa ilalim ng Build Build Build Program ng Duterte Administrasyon, bibigyang prayoridad ang pagtatayo ng mga pampublikong imprastraktura upang makaakit ng mga foreign investors, mapaganda ang daloy ng transportasyon, at makalikha ng maraming trabaho. Isusulong din ang mga proyektong pang-agrikultura sa mga nasa probinsya at ang agrarian reform para sa mga magsasaka.

Pinaglaanan naman ang general public services ng P655.4 billion (13.9 % increase) kung saan kabilang ang public order at general administration services para sa mas maayos na operasyon ng mga ahensya ng gobyerno para mas mapaglingkuran ng epektibo ang mamamayan.

Ang defense naman ay binigyan ng P161.5 billion pondo, na 8.6 % ang itinaas mula ng nakaraang taon, para sa seguridad panloob at labas ng bansa.

Samantala, 370.8 billion o 5.5 %increase ang inilaan para sa pagbabayad ng mga utang ng bansa: P354 billion ang para sa debt service interest payments at 16.8 billion naman para sa net lending.

 

Pinakamalaking pondo para sa DepEd at DPWH

Pagdating sa breakdown kada ahensya, ang Department of Education (DepEd) at Department of Public Works and Highways (DPWH) ang dalawang sangay na binigyan ng pinakamalaking budget.

Mandato ng Konstitusyon na paglaanan ng pinakamataas ang sektor ng edukasyon. Sa 2018 National Budget, ito ay makatatanggap ng P672.4 billion  na pondo para sa iba’t ibang programa tulad ng scholarships, grants, at subsidies.  Ang DepEd ay may P533.3 billion budget, P62.1 billion para sa State Universities and Colleges, P49.4 billion sa Commission on Higher Education (CHED), at ang Technical Education and Skills Development Authority ay may P7.6 billion na alokasyon.

Dahil seryoso rin ang Duterte Administration na makapagtayo ng mga imprastrakturang kailangan ng bansa tulad ng mga tulay at kalsada, ang Department of Public Works and Highways binigyan ng alokasyon na P637.9 billion, na katumbas ng 40.3 percent increase sa budget ng nakaraang taon. Kabilang din sa paglalaanan ng budget ang pagtatayo ng flood control systems upang mabawasan ang pinsalang dulot ng mga pagbaha na dala ng malalakas na ulan bunsod ng climate change.

Ang Department of Interior and Local Government naman ang pangatlong may pinakamataas na budget na P170.8 billion,  15.4 % increase. Sinundan ito ng Department of Health na may P167 billion, o 12.3 % increase, kasama na dito ang alokasyon para sa Philippine Health Insurance Corporation (PhilHealth), para sa mga programang tutugon sa mga pangangailangang pangkalusugan ng mamamayan, lalo na ng mga mahihirap.

Ang Department of National Defense naman ay binigyan ng 149.7 billion pondo (9.1 % increase) para sa mapaigting ang kakayahan ng kasundaluhan sa pamamagitan ng sa Armed Forces of the Philippines Modernization Program.

Para sa Department of Social Welfare and Development ang P141.8 billion pondong pangtustos sa iba’t ibang social protection programs nito.

Ito naman ang inilaang budget para sa mga sumusunod na ahensya: Department of Transportation (P66.3 billion), Deparment of Agriculture (P53.5 billion), Autonomous Region in Muslim Mindanao (P33.1 billion), Department of Environment and Natural Resources (P24.9 billion).

 

Hindi mapapako ang mga pangako ng Pangulo

Sinisiguro rin sa 2018 National Budget na matutupad ang mga pangako ni Pangulong Duterte sa mamamayan na libreng serbisyo, libreng edukasyon, dagdag sahod, at tulong sa mga biktima ng trahedya.

Sa pagpasa ng batas na Universal Access to Tertiary Education o Free Tuition Fee Law (Republic Act 10931), siniguro na ang mga estudyante sa mga state universities and colleges, local universities and colleges, at technical-vocational institutions ay wala nang babayaran pang tuition fee , miscellaneous fee, at iba pang bayarin sa eskwelahan. Naglaan na ang pamahalaan ng P40 billion para dito na kasama sa budget ng CHED para sa mga estudyanteng mag-eenroll sa School Year 2018-2019. Dahil dito, inaasahan na mas marami ang magkakaroon ng access sa mas mataas na edukasyon, na daan tungo sa mas magandang kinabukasan.

Wala na rin atrasan ang pagtataas ng sahod ng mga Military and Uniformed Personnel. Simula Enero ng 2018, tataas ang base pay ng 58.7 % ng lahat ng ranggo. Naglaan para dito ang gobyerno ng P64.2 billion na kukunin sa Miscellaneous Personnel Benefits Fund at iba pang budget allotments ng mga ahensiyang may kinalaman.

Hindi na rin dapat pang mamroblema ang mga magsasaka sa bayad ng patubig sa kanilang mga bukirin dahil sinagot na ng pamahalaan ang naturang serbisyo. Nasa P2 billion ang subsidiyang inilaan ng gobyerno para sa Irrigation Service Fee, na kabilang sa P41.7 billion pondong inilaan para sa National Irrigation Administration. Magsasaayos at magtatayo rin ng mga modernong irrigation systems sa bansa ang naturang ahensya.

Samantala, kasama sa 2018 National budget ang P10 billion pondo para muling ibangon ang Marawi City, na kabilang sa National Disaster Risk Reduction Fund. Nakalaan ang nasabing pondo para pagtatayo ng mga imprastraktura, proyektong pabahay, serbisyong pangkalusugan, edukasyon, at  tulong pangkabuhayan para sa mga biktima ng bakbakan sa naturang lungsod.

 

DepEd, inilatag ang paglalaanan ng pondo para 2018

by

Inilatag na ng Department of Budget and Management (DBM) ang kanilang plano kung saan at paano nila ilalaan ang pondo ng ahensya para sa susunod na taong 2018.

Sa press conference ng ahensya, sinabi ni Education Secretary Leonor Briones, nasa P585.22-B ang budget nila para sa 2018, mas malaki ng 7.9 percent o kumpara sa P543.1-B na budget sa 2017.

P359.20-B o 61 percent ang ilalagay sa personnel services o  pangsahod sa mga teaching and non-teaching staff ng ahensya.

24 percent o P139.60-B naman ang inilaan sa capital outlay o pagbili ng mga gamit sa paaralan kasama na ang computers, libro, armchair at iba pang gamit ng mga estudyante sa elementarya at high school.

Habang 15 percent naman o P86.41-B ang ilalaan sa maintenance and other operating expenses na ibabayad sa bill ng kuryente at tubig sa mga school campuses.

Nasa central office pa rin ang makakatanggap ng pinakamalaking alokasyon na nasa P203.08-B, pangalawa ang Region 4-A na mabibigyan ng P44.52-B at ang panghuli naman ay ang Cordillera Administrative Region na mabibigyan ng P8.77-B.

Sa ngayon nasa 40 percent pa lamang sa kabuuang budget ng 2017 para ngayong taon ang nagagastos.

Ibig sabihin, malaki ang posibilidad na magkaroon ng underspending sa pondo.

Sa kabila nito ay iginiit din ng DepEd na sa nakalipas na limang taon ay bumaba ang underspending rate.

Matatandaan na ang DepEd ang may pinakamalaking budget allocation sa gobyerno alin sunod na rin sa  batas.

Zero fund para sa CHR, mahigpit na inirekomenda ni Speaker Alvarez

by

Ni: Pol Montibon

Posibleng walang maiuwing dagdag na pondo ang Commission on Human Rights habang umuusad ngayon ang budget deliberation ng House Committee on Appropriations para sa proposed 2018 national budget.

Ayon kay House speaker Pantaleon Alvarez, bagsak ang performance ng CHR dahil sa bias na pagtrato sa karapatang pantao ng mga kriminal at mismong biktima.

Giit ni Alvarez madalas nitong naoobserbahan na kapag ang kriminal ang gumawa ng krimen halos walang imik umano ang CHR pero kapag ang kapulisan ang gumawa ng mga pagpatay sa kabila ng lehitimong operasyon ay maingay umano ang komisyon.

Sa pagkakaalam aniya ng mambabatas na ang human rights ay para sa lahat ng Pilipino at hindi para sa iilan lamang.

Ayon sa datos, mula sa kasalukuyang 749 milyon pesos ay bumaba ito ngayon ng sampung porsyento o nasa 649 milyon na lamang ang inaprubahan ng Department of Budget and Management (DBM) para sa CHR.

Samantala, dahil sa umano’y pagiging bias ng CHR, maituturing na isang pagtataksil sa bayan ang ginagawa nito at posibleng maharap pa sa impeachment ang hepe ng komisyon.

Wala namang balak na maghain si Alvarez ng complaint laban sa CHR chief.

Tiniyak naman ni Commission on Human Rights chief Chito Gascon na sa kabila ng maliit na pondo ay magagawa pa rin nito ang kanilang adbokasiya sa pagsusulong ng karapatang pantao sa bansa.

Mga estudyanteng mabibiyayaan ng free tuition, kailangang pumasa sa pagsusulit ng paaralan

by

Ni: Jannette Africano

“Walang forever na student sa batas na ito”.

Ito ang naging pahayag ni Sen. Ralph Recto kasunod ng pagsasabatas ng libreng tution fee.

Ayon kay Recto, hindi maaaring maka-aavail ng estudyanteng pabalik-balik sa kursong kinuha dahil hindi makapasa.

Dapat aniya ang mga estudyanteng makaka-avail ng libreng tuition fee ay ang mga karapat-dapat na pumasa sa mga exam na ipatutupad ng paaralan bago makapasok sa paaralan.

Maging si Department of Budget and Management (DBM) secretary Benjamin Diokno ay sinusugan ang pahayag na ito ni Sen. Recto na dapat ay makapasa sa pagsusulit ang isang estudyante bago maka-avail ng libreng tuition fee.

Ayon pa kay Diokno, pagsusumikapan nila na matapos ang Implementing Rules and Regulations (IRR) sa loob ng labinlimang araw katuwang ang Commission on Higher Education (CHED).

Close Bitnami banner
Bitnami