PINAS

Ang Lihim ng Panginoon (Ikatlong Bahagi)

Sonspeak

Recent News:

Department of Energy

Sektor ng transportasyon, isa sa maaapektuhan ng reporma sa pagbubuwis

by

Ni: John Garcela-Vallada

BAGAMAN hindi pa masyadong ramdam ng publiko ang batas patungkol sa reporma sa buwis, ay umaaray na ang iba’t ibang grupo sa sektor ng transportasyon sa bansa.

 

Presyo ng langis, unang matatamaan

Inaasahang simula ngayong Enero, 2018 papalo na sa mas mataas na dagdag-singil ang presyo ng mga produktong petrolyo sa buong bansa bunsod ng oil tax excise.

Ang diesel ay magdadagdag ng P2.50 kada litro.

Ang gasolina ay mag-aangat ng presyo ng P2.65 sa kada litro.

Ang gaas naman ay papalo ng P3.00 kada litro

Ang LPG ay sisipa sa presyong P1.00 kada kilo

Habang ang AutoLPG ay taas ng P2.50 sa kada litro.

Sa pagsapit naman ng Enero, 2019 madadagdagan muli ang presyo ng petrolyo sa bansa:

Ang diesel ay magdadagdag ng P2.00 kada litro.

Ang gasolina ay mag-aangat ng presyo ng P2.00 sa kada litro.

Ang gaas naman ay papalo ng P1.00 kada litro.

Ang LPG ay sisipa sa presyong P1.00 kada kilo.

Habang ang AutoLPG ay taas ng P2.00 sa kada litro.

Sa unang buwan ng taong 2020 narito ang panibagong pagtataas sa presyo ng petrolyo:

Ang diesel ay magdadagdag ng P1.50 kada litro.

Ang gasolina ay mag-aangat ng presyo ng P1.00 sa kada litro.

Ang LPG ay sisipa sa presyong P1.00 kada kilo.

Ang AutoLPG ay taas ng P1.50 sa kada litro.

Habang ang gaas o kerosene ay walang inaasahang paggalaw sa presyo.

Samantala nauna nang sinabi ng Department of Finance (DOF), Department of Trade and Industry (DTI), at Department of Energy (DOE) na hindi agad-agad magtataas sa presyo ng langis hanggat mayroon pang nakalaang stock ang mga oil companies mula noong taong 2017 at sa importation lang ipinapataw ang excise tax.

Inaasahang madadama na ang pagtaas ng presyo sa petrolyo sa ikatlong linggo ngayong Enero.

 

P12.00 jeepney minimum fare, isinusulong

Unti-unti nang umaaray ang mga tsuper ng jeepney bunsod ng pagtaas sa presyo ng diesel na pangunahing kailangan ng isang jeepney, ay isinusulong naman ang mas mataas na pasahe sa minimum fare nito na mula sa P8.00 ay tataas na sa P12.00.

Posibleng P4.00 ang ihahabol ng Pasang Masda sa petisyon nito mula sa P2.00 sa Land Transportation Franchising and Regulatory Board (LTFRB)

“Siguro gagawin naman diyan, since P10.00…baka mag-file kami ng P12.00,” ayon kay Roberto “Ka Obet” Martin, presidente ng pasang Masda.

“Mabigat talaga ito, pero anong gagawin namin? Saan naming bubunutin yan (patungkol sa dagdag-singil sa petrolyo)? Saan naming huhugutin yung tatlong piso? Ang jeepney driver kasi ang magbabayad ng boundary sa operator, sila rin ang magbabayad sa diesel, yung comsumption for the whole day of operations bago pa sila kikita. At the end of the day ang mahihirapan dito mga mahihirap nating mananakay, sila ang tatamaan at ito’y magkakaron ng domino effect pati sa mga pangunahing bilihin,” dagdag ni Martin

Samantala, ang sinasabing ayuda sa mga tsuper ng Public Utility Vehicle (PUV) mula sa gobyerno ay di pa ganoon kahanda.

“Mukhang babawi kami…mukhang babawi ang gobyerno. Inutos naman ano…ah ng ating mga pinuno by the president to work on it as soon as possible,” ani Department of Energy Assistant Secretary Leonido Pulido III .

 

P16.00/Km na presyuhan sa metro ng taxi, inihihirit

Dahil sa pagtaas ng presyo ng petrolyo sa merkado bunsod ng reporma sa pagbubuwis, inihihirit naman ngayon ang P16.00 sa kada kilometro na itatakbo ng taxi sa metro nito

Ayon kay Philippine Taxi Operators Association (PNTOA) President Bong Suntay, “Ang magiging epekto niyan is mas lalong kakaunti yung taxing bumabiyahe. Tapos nun maaaring tumaas yung insidente ng driver na nagongontrata o ayaw magsakay o mamili ng pasahero.”

“Hindi naming tino-tolerate. In fact, ang operator mas gustong wag na lang bumiyahe ‘yung sasakyan kaysa ibiyahe ito ng may complaint lang ng pasahero,” dagdag ni Suntay.

Sa ngayon wala pang kumento ang LTFRB sa dagdag presyo kada kilometro ng mga taxi sa bansa.

Presyo ng mga sasakyan, magtataas na rin

Ang excise tax ay sasaklaw din sa mga pangmasang sasakyan na dulot ay pagtaas din ng halaga.

Halimbawa na lamang ng isang Vios (1.3J) na nasa P637,000 ang presyo ngayon ay tiyak na papalo na sa P648,415 ang halaga.

Ang Wigo na nasa P473,000 na presyo ay aakyat sa P481,476 na halaga.

At ang Avanza naman na nasa P675,000 na halaga ay sisipa na rin pataas sa presyong P687,000.

Power black out sa Eastern Visayas, posibleng matagalan ayon sa DOE

by

Ni: Pol Montibon 

POWER black posibleng tumagal pa bago maibalik ang suplay ng kuryente sa malaking bahagi ng Eastern Visayas dahil sa nangyaring lindol nitong nakaraang araw. Ayon sa DOE, maraming planta ang napinsala kayat hirap pa rin ngayon sa suplay ng kuryente doon.

Hanggang ngayon ay wala pang final assessment ang Department of Energy (DOE) kaugnay sa malakas na lindol na naganap sa probinsiya ng Leyte kamakaila.

Matatandaang isang 6.5 na lindol ang tumama sa Leyte at sinundan pa ito ng mahigit sa isandaang aftershocks ayon sa PHILVOCS

Dahil dito lubos na naapektuhan ang suplay ng kuryente sa malaking bahagi ng Eastern Visayas.

Ayon kay Energy Sec. Alfonso Cusi nasa limang planta ang naapektuhan dito at kailangang matingnan agad para di na tumagal pa ang problema ng kuryente sa mga apektadong lugar probinsiya.

Bumiyahe ang kalihim sa lalawigan ng Leyte upang personal na kausapin ang mga lokal na pamahalaan sa probinsiya at kung papaano agad na maibabali k ang power supply sa lugar.

Sa pagtaya ng DOE, aabutin ng hanggang sampung araw ang pagpapanumbalik ng kuryente sa Leyte sa kabila ng mga kinakaharap pang problema sa pagsasaayos ng mga planta dahil bukod sa pagkukumpuni, nanganganib din ang mga kinatitirikan ng mga ito dahil sa paglambot ng lupa dulot ng malakas na lindol.

 

 

 Walang katapusang istorya ng ‘rollback, oil price hike’

by

Kung mayroon mang istoryang paulit-ulit at tila wala nang katapusan ay itong istorya ng presyo ng petrolyo sa merkado. Maraming dekada na ang nagdaan, nagpapatuloy ang paggalaw ng presyo ng langis sa merkado.

Ang buong mundo ay nakadepende sa petrolyo. Ang mga sasakyang panlupa, pantubig at panghimpapawid ay ginagatungan ng petrolyo para umandar. Ang oil exporting countries ay patuloy sa pagpo-produce ng langis sa mga bansang umiimporta nito tulad ng Pilipinas.

Hindi lang ang mga behikulong de-motor ang gumagamit ng langis, kundi maging ang mga dambuhalang planta ng kuryente ay langis din ang nagpapaandar, kaya kung ang langis ay biglang mawawala, mapipilay ang industriya ng transportasyon at industriya ng manupaktura.

Kaya sa tuwinang may nangyayaring problema sa mga bansang exporter ng langis tulad ng Middle East (ME) countries, naaapektuhan ng problema ang eksportasyon ng langis.

Halimbawang may nangyaring kaguluhan sa Gitnang Silangan, tiyak na gagalaw ang presyo ng petrolyo sa pandaigdigang pamilihan. Kapag nangyari ang gayon, lumilikha iyon ng domino effect sa world market.

Dahil hawak ng malalaking negosyante ang industriya ng langis, sila ang nagdidikta ng presyo nito. Dito sa Pilipinas, ang Department of Energy (DOE) ang nagbibigay ng babala sa publiko sa pamamagitan ng tri-media kapag may mangyayaring pagbaba o pagtaas ng presyo ng langis.

Maagap naman ang mga oil player dito sa Pilipinas at kapag klaro ang balita na magtataas ng presyo ng diesel, gasoline at kerosene na magsisimula ng alas-dose ng hatinggabi, kinaumagahan, magigisnan na lang ng mga motorista ang pagbabago sa presyo sa karatulang nakapaskil sa mga gas station.

Ang masaklap sa lahat, mas mataas ang nangyayaring oil price hike kaysa sa rollback ng petroleum products. Halimbawang tumaas ng tatlong piso kada-litro ang petrolyo, bihirang mangyari na tatlong piso rin ang ibababa kapag may mangyayaring rollback.

Ang utay-utay na pagtapyas sa presyo ng langis pababa ang kalimitang nangyayari. Itataas ng piso, ibababa ng 50 sentimos at isusunod na muli ang 50 sentimos pang rollback.

Kaya kapag may magandang balita tungkol sa pagpapatupad ng rollback sa petroleum products ang oil companies, ilang araw lang na mae-enjoy ng mga motorista ang pagbaba ng halaga ng gasolina at krudo dahil ang kasunod niyon ay ang oil price hike. Ang senaryong ito ay paulit-ulit na lang — ang walang  katapusang istorya sa merkado ng petrolyo.