PINAS

Ang Lihim ng Panginoon (Ikapitong Bahagi)

Sonspeak

Recent News:

Department of Finance

Villar: Mga magsasaka, tumanggap ng mahigit P100 bilyong halaga ng tulong sa transition sa rice tariffication

by

BUKOD sa P10 billion- Rice Competitiveness Enhancement Fund (RCEF), nagpalabas din ng karagdagang P100 bilyong pondo para tulungan ang mga magsasaka sa transisyon sa rice tariffication.

Ito ang pahayag ni Sen. Cynthia Villar isang taon makaraang ipatupad ang Republic Act 11203 o ang rice tariffication law.

“Last year, farmers started to receive the benefits of the law through seed distribution, credit and extension programs. Soon, farm machineries will be distributed to rice-producing towns under the law’s mechanization program,” ayon kay Villar.

Sinabi  ni Villar na nabalam ang  pamamahagi ng farm  machineries noong nakaraang taon dahil sa pagbabago ng  leadership sa Department of Agriculture nang palitan ni William Dar si Emmanuel Piñol  bagamat natanggap na ang SARO-BMB-E-20-001084  na may halagang P5 milyon.

Bukod sa P10 billion RCEF, ipinatupad din ng Land Bank at  DA Agricultural Credit Policy Council ang P4.8 billion Expanded Survival and Recovery Assistance Program o ang SURE AID na nagkakaloob ng one-time loan assistance na P15,000 na may  0% interest sa loob ng walong taon.

Tutulungan ng programang ito ang rice farmers na may bukid na may sukat na isang ektarya pababa at apektado ng pagbaba ng  farm gate price ang palay.

Para rin sa benepisyo ng maliliit na magsasaka, ipinatupad din ang P3 billion unconditional cash assistance.

Pinondohan ang programa ng Department of Finance at binigyan ng  P5,000 hanggang 600,000 ang bawat isang magsasaka na may ari ng bukid na isang ektarya pababa.

Upang matiyak na mabibili sa resonableng presyo ang palay ng local farmers, naglaan din ng P7 billion sa ilalim ng National Food Authority para pambili ng palay mula sa local farmers.

Gagamitin din ang P31 billion budget na pambili ng bigas sa local farmers at ipamamahagi sa beneficiary households sa ilalim ng Pantawid Pamilyang Pilipino Program.

Tumanggap din ng tulong ang mga magsasaka sa ilalim ng  P7 billion National Rice Program kung saan may probisyon sa hybrid seeds, fertilizer para sa  inbred seeds, irrigation support at  rehabilitation at improvement ng small scale irrigation projects, agriculture, machineries, equipment at  facilities support services, extension services at research and development.

Pinondohan din ang tulong sa mga magsasaka sa National Irrigation Administration sa halagang P36 billion; P1 billion allocation PhilMech/PhilRice at P9.9 billion Farm to Market Roads.

Ipinahayag  ni Villar na ang improvement sa credit rating ng bansa ay sanhi ng pagpapatupad ng batas para makatipid ng P35 billion sa interest payment ng utang ng pamahalaan sa ibang bansa.

“Improving farmer’s competitiveness is not something that we can do overnight. These programs were rolled out to provide a ready market for local rice and deter unscrupulous traders from taking advantage of our farmers in the initial phase of its implementation,” sabi pa ni Villar.

Kapag lubusang naipatupad, sinabi ni Villar na dahil sa mechanization, bababa ang presyo ng  labor ng palay production mula P4.60/kg hanggang P1.20/kg.

Mapapataas ng inbred seeds ang ani mula 4 MT/hectare – 6 MT/hectare kaya madodoble ang kita ng mga magsasaka.

Para sa 2019 – 2024, itinatakda sa RA 11203 ang alokasyon ng P5 billion sa pagbili ng rice farm equipment na ibibigay sa 947 rice producing towns sa Pilipinas. Bibigyan ang bawat bayan ng P5 million. Kabilang sa farm equipment ang tractors, tillers, planters, seeders, harvesters, threshers, drying at milling na ipatutupad ng PhilMech.

Nakalaan ang P3 billion sa pamamahagi at produksyon ng inbred seeds na 20 kgs/ hectare kada planting season na ipatutupad ng Philippine Rice Institute.

Pupunta ang P1 billion sa murang pautang na may 2% interest kada taon na ipatutupad ng Land Bank at Development of  Bank of the Philippines.

Gagamitin ang P 1 billion para pondohan ang fund training programs na ipatutupad ng Agriculture Training Institute, Philmech, PhilRice at P100 million kada taon at Technical Skills Development Authority at P700 million kada taon sa pamamagitan ng farm schools.

PAGCOR, hinimok na pondohan ang PSC at CHED

by

 

EYESHA ENDAR

HINIHIMOK ni Ako Bicol Party-List Rep. Alfredo Garbin ang Kamara na payagan si Pangulong Duterte na atasan ang Philippine Amusement and Gaming Corporation o PAGCOR na pondohan ang Philippine Sports Commission (PSC) at Commission on Higher Education (CHED).

Sa House Resolution No. 147 na inihain ni Garbin, sinabi nito na mayroong “urgent necessity” sa ngayon para himukin si Pangulong Duterte na gamitin ang kanyang executive powers para pondohan ang mga nabanggit na tanggapan.

Aniya, mahalaga ang fund continuity sa CHED dahil sa dami ng mga estudyanteng umaasa sa tulong ng gobyerno habang sa PSC naman ay ang patuloy na paghahanda ng bansa sa hosting ng 2019 SEA Games.

Pinatutukoy din ng kongresista sa PSC, CHED, Department of Budget and Management, at Department of Finance ang funding support na kanilang kakailanganin mula sa PAGCOR.

 

Bilang ng mahihirap sa bansa, bumaba

by

Ni: Quincy Joel V. Cahilig

SA halos ikalawang taon sa puwesto ni Pangulong Rodigo R. Duterte, patuloy na dumarami ang bilang ng mga Pilipinong nakakaramdam ng pag-angat ng estado ng buhay.

Indikasyon ito na nagbubunga ang mga pagsusumikap ng kanyang administrasyon na sugpuin ang kahirapan sa Pilipinas.

Base sa pinakahuling survey na isinagawa ng Social Weather Stations (SWS), 42 porsyento ng mga pamilyang Pilipino ang naniniwalang sila ay mahirap o “self-rated poverty”. Ito ay mas mababa ng dalawang porsyento kumpara sa 44 porsyento na naitala sa katulad na survey na isinagawa noong Disyembre 2017.

“We are pleased to note that Filipino families who consider themselves mahirap or poor continue to decrease to a record-low 42 percent in March 2018,” pahayag ni Presidential Spokesperson Harry Roque.

Lumabas din sa resulta na 29 porsyento o nasa 6.7 mi-lyong pamilya ang nagsabing “poor” ang kanilang pagkain o self-rated food poverty. Ayon sa SWS, ito ang unang pagkakataon na ang numero ng self-rated food poverty ay bumaba sa 30 porsyentong marka mula nang simulan ng ahensya ang pag-aaral sa food-poverty  sa bansa noong 1988, sa termino ni dating Pangulong Corazon Aquino.

Bagamat masasabing mataas pa rin ang naitalang mga numero sa survey, isinasaad ng paggalaw nito na du-madami ang nakakaramdam sa ipinangako ng Pangulo sa kanyang kampanya noon na “Change is coming”.

“Our poverty-alleviation efforts are thus gaining ground as we continue to assure everyone that no one will be left (behind) in the Duterte administration,” wika ni Roque.

Dahil sa positibong resulta ng SWS survey, dagdag ni Roque,  ipagpapatuloy ng pamahalaan ang mga programa nito tulad ng conditional cash transfers na mula sa kinikita ng gobyerno sa first package ng compreshensive tax reform program (TRAIN),  at ang iba pang may mga programa sa pagkain, land reform, pang-kalusugan, patubig, pabahay, edukasyon, trabaho, kalikasan, at pagsusulong ng kapayapaan.

Bilib pa rin sa Pangulo ang maraming Pinoy

Lumabas din sa pinakabagong SWS survey na maraming Pinoy ang tiwala pa rin sa liderato ni Pangulong Duterte.

Nakakuha si Duterte ng +65 “very good” net trust ra-ting sa survey na isinagawa nitong ika-23 hanggang ika-27 ng Marso. Ngunit bahagya itong bumaba kumpara sa “excellent” trust rating na nakuha ng Pangulo noong Di-syembre ng nakaraang taon.

Nanatiling “excellent” ang ibinigay na rating para sa Pangulo ng mga taga-Visayas at Mindanao samantalang “very good” naman ang sa Metro Manila at Balance Luzon.

Sa kabila nito, nagpapasalamat pa rin ang Administrasyong Duterte sa mataas na kumpiyansa ng masa sa Chief Executive ng bansa sa kabila ng mga kontrobersiya at isyung ipinupukol sa kanya.

“We are thus grateful for our people’s vote of confidence with significant trust in the President, amid being subject to unending criticisms and attacks. Rest assured that the President will continue to steer the ship of State until we reach a drug-free destination where the country’s macroeconomic fundamentals would be strong and resilient so Filipinos could lead comfortable lives,” wika ni Roque.

Ang ‘pasalubong’ ni Duterte mula SA ASEAN

Kamakailan ay tumungo ang Pangulo sa Singapore upang daluhan ang Association of Southeast Asian Nations (ASEAN) Summit, kung saan tinalakay ng mga lider ng mga kaanib na bansang Myanmar, Vietnam, Laos, Thailand, Cambodia, Philippines, Malaysia, Singapore, Indonesia, at Brunei Darussal ang ang iba’t-ibang isyu sa rehiyon, kabilang ang pagtutulungan sa pagpapalakas ng ekonomiya sa South East Asia, pagtatayo ng ASEAN Smart Cities Network, at cyber-security.

Sa isang okasyon doon ay personal na sinaksihan ni Pangulong Duterte ang pagpirma ng mga investment agreements sa pagitan ng mga malalaking kumpanya ng Pilipinas at Singapore na aabot sa USD 185.7 milyon.  Kasama din ni Duterte sina Foreign Affairs Secretary Alan Peter Cayetano, Trade Secretary Ramon Lopez, Finance Secretary Carlos Dominguez, Presidential Communications Office Secretary Martin Andanar at Roque sa seremonyang ginanap sa Ritz-Carlton Millenia Singapore.

NO CORRUPTION SA PANGULO

Upang mas maengganyo ang mga dayuhang kumpanya na mamuhunan sa bansa, tiniyak ni Pangulong Duterte sa kanila na walang kurap-syon sa ilalim ng kaniyang administrasyon.

“For as long as I am there, there will be no corruption in my government,” siniguro ng Pangulo sa harap ng mga negosyante sa Singapore.

Bilin pa niya sa mga ito na personal siyang tawagan kung mayroon mang kawani ng gobyernong hihingi ng suhol.

“Do not give in to them. All you have to do is to make a call and I will grant you anytime especially about graft, about workers in go-vernment asking for money,” aniya.

Mababatid na ilang mga opisyal ng gobyernong nasangkot sa katiwalian na rin ang sinibak ng Pangulo sa puwesto. Ang sinseridad na ito ng Pangulo sa pakikipagbaka sa kurapsyon, marahil, ang dahilan kung bakit matatag pa rin ang kumpyansa ng masa at mga negosyante sa kanya.

MARAMING TRABAHO

Aatasan din ng Pangulo ang Department of Trade and Industry at ang Department of Finance na gumawa ng mga hakbang na magpapadali sa proseso ng pagnenegosyo sa bansa, dahil layunin ng kaniyang administrasyon ang humikayat pa ng mga mamumuhunan na tumulong sa paglikha ng mga trabaho para sa mamamayan.

“I welcome you. I assure you the protection that you need. No corruption is no corruption. I stake my presidency on this. I will lose the presidency on this. I will lose the honor and the prestige in pursuing that policy of no corruption,” aniya.

Kaya naman sa kanyang pagbalik sa Pilipinas, bitbit ng Pangulo ang magandang balita ng karagdagang foreign investments na inaasahang makalilikha ng 2,000 trabaho sa Pilipinas, na may kinalaman sa  urban solutions, information and communication technology, water solutions, security, urban development, renewable energy,  finance solutions, transportation, at training para sa small and medium enterprises.

Sektor ng transportasyon, isa sa maaapektuhan ng reporma sa pagbubuwis

by

Ni: John Garcela-Vallada

BAGAMAN hindi pa masyadong ramdam ng publiko ang batas patungkol sa reporma sa buwis, ay umaaray na ang iba’t ibang grupo sa sektor ng transportasyon sa bansa.

 

Presyo ng langis, unang matatamaan

Inaasahang simula ngayong Enero, 2018 papalo na sa mas mataas na dagdag-singil ang presyo ng mga produktong petrolyo sa buong bansa bunsod ng oil tax excise.

Ang diesel ay magdadagdag ng P2.50 kada litro.

Ang gasolina ay mag-aangat ng presyo ng P2.65 sa kada litro.

Ang gaas naman ay papalo ng P3.00 kada litro

Ang LPG ay sisipa sa presyong P1.00 kada kilo

Habang ang AutoLPG ay taas ng P2.50 sa kada litro.

Sa pagsapit naman ng Enero, 2019 madadagdagan muli ang presyo ng petrolyo sa bansa:

Ang diesel ay magdadagdag ng P2.00 kada litro.

Ang gasolina ay mag-aangat ng presyo ng P2.00 sa kada litro.

Ang gaas naman ay papalo ng P1.00 kada litro.

Ang LPG ay sisipa sa presyong P1.00 kada kilo.

Habang ang AutoLPG ay taas ng P2.00 sa kada litro.

Sa unang buwan ng taong 2020 narito ang panibagong pagtataas sa presyo ng petrolyo:

Ang diesel ay magdadagdag ng P1.50 kada litro.

Ang gasolina ay mag-aangat ng presyo ng P1.00 sa kada litro.

Ang LPG ay sisipa sa presyong P1.00 kada kilo.

Ang AutoLPG ay taas ng P1.50 sa kada litro.

Habang ang gaas o kerosene ay walang inaasahang paggalaw sa presyo.

Samantala nauna nang sinabi ng Department of Finance (DOF), Department of Trade and Industry (DTI), at Department of Energy (DOE) na hindi agad-agad magtataas sa presyo ng langis hanggat mayroon pang nakalaang stock ang mga oil companies mula noong taong 2017 at sa importation lang ipinapataw ang excise tax.

Inaasahang madadama na ang pagtaas ng presyo sa petrolyo sa ikatlong linggo ngayong Enero.

 

P12.00 jeepney minimum fare, isinusulong

Unti-unti nang umaaray ang mga tsuper ng jeepney bunsod ng pagtaas sa presyo ng diesel na pangunahing kailangan ng isang jeepney, ay isinusulong naman ang mas mataas na pasahe sa minimum fare nito na mula sa P8.00 ay tataas na sa P12.00.

Posibleng P4.00 ang ihahabol ng Pasang Masda sa petisyon nito mula sa P2.00 sa Land Transportation Franchising and Regulatory Board (LTFRB)

“Siguro gagawin naman diyan, since P10.00…baka mag-file kami ng P12.00,” ayon kay Roberto “Ka Obet” Martin, presidente ng pasang Masda.

“Mabigat talaga ito, pero anong gagawin namin? Saan naming bubunutin yan (patungkol sa dagdag-singil sa petrolyo)? Saan naming huhugutin yung tatlong piso? Ang jeepney driver kasi ang magbabayad ng boundary sa operator, sila rin ang magbabayad sa diesel, yung comsumption for the whole day of operations bago pa sila kikita. At the end of the day ang mahihirapan dito mga mahihirap nating mananakay, sila ang tatamaan at ito’y magkakaron ng domino effect pati sa mga pangunahing bilihin,” dagdag ni Martin

Samantala, ang sinasabing ayuda sa mga tsuper ng Public Utility Vehicle (PUV) mula sa gobyerno ay di pa ganoon kahanda.

“Mukhang babawi kami…mukhang babawi ang gobyerno. Inutos naman ano…ah ng ating mga pinuno by the president to work on it as soon as possible,” ani Department of Energy Assistant Secretary Leonido Pulido III .

 

P16.00/Km na presyuhan sa metro ng taxi, inihihirit

Dahil sa pagtaas ng presyo ng petrolyo sa merkado bunsod ng reporma sa pagbubuwis, inihihirit naman ngayon ang P16.00 sa kada kilometro na itatakbo ng taxi sa metro nito

Ayon kay Philippine Taxi Operators Association (PNTOA) President Bong Suntay, “Ang magiging epekto niyan is mas lalong kakaunti yung taxing bumabiyahe. Tapos nun maaaring tumaas yung insidente ng driver na nagongontrata o ayaw magsakay o mamili ng pasahero.”

“Hindi naming tino-tolerate. In fact, ang operator mas gustong wag na lang bumiyahe ‘yung sasakyan kaysa ibiyahe ito ng may complaint lang ng pasahero,” dagdag ni Suntay.

Sa ngayon wala pang kumento ang LTFRB sa dagdag presyo kada kilometro ng mga taxi sa bansa.

Presyo ng mga sasakyan, magtataas na rin

Ang excise tax ay sasaklaw din sa mga pangmasang sasakyan na dulot ay pagtaas din ng halaga.

Halimbawa na lamang ng isang Vios (1.3J) na nasa P637,000 ang presyo ngayon ay tiyak na papalo na sa P648,415 ang halaga.

Ang Wigo na nasa P473,000 na presyo ay aakyat sa P481,476 na halaga.

At ang Avanza naman na nasa P675,000 na halaga ay sisipa na rin pataas sa presyong P687,000.

Nakaambang Dagdag-Buwis

by

Ni: Louie C. Montemar

HABANG sinusulat ko ito ngayon, pinag-aaralan sa Kongreso ang isang alok mula sa Kagawaran ng Pananalapi (Department of Finance) upang kalimutan na ang mungkahing pagpapataw ng excise tax o karagdagang buwis sa mga inuming pinatamis ng asukal kapalit ng pag-apruba naman sa mungkahing dagdag-buwis sa gasolina at iba pang produktong petrolyo.

Ayon kay Sen. Sonny Angara, Tagapangulo ng Senate Committee on Ways and Means na nangunguna sa pag-aaral sa naturang usapin, si Secretary of Finance Carlos Dominguez III ang nag-alok ng nasabing proposisyon.

Sa nabalitang ito, lalo lamang lumilinaw sa pananaw natin ang ilang bagay.

Una na sa lahat, malinaw na ang talagang habol sa mungkahing dagdag-buwis sa mga inuming pinatamis ng asukal (o sugar sweetened beverages) ay ang pondong makokolekta at hindi naman talaga ang usapin sa kalusugan nating mga konsyumer gaya ng dinidiin pa dati ng ibang sektor kagaya ng ilang mambabatas.

Kung ano-ano pang dahilan ang nilatag ng ilan subalit dahil mas tiyak ang laki ng makukuhang buwis sa mga produktong petrolyo, naiisip nilang maaari na ngang alisin pa ang mungkahing excise tax sa mga pinatamis na inumin. Bakit naman nila isasakripisyo ang isang mungkahi kung hindi ito kayang saluhin ng iba pang panukala?

Ikalawa, talagang ang mga mahihirap nating kababayan ang tinitingnan ng mga nasa posisyon bilang pinakamadaling hugutan nang kung anumang bagong buwis. Ang mga nasa Class D at E—mga pinakamahihirap—pa nga ang tatamaan ng mungkahing dagdag buwis sa mga produktong petrolyo. Bakit?  Ang pagtaas ng buwis sa mga naturang produkto ay may epektong inflationary sa ekonomiya. Ang ibig sabihin, lalo lamang lolobo o tataas pa ang halos lahat ng mga presyo na nakabatay sa petrolyo, gaya na lamang ng LPG at kerosene na gamit ng karaniwang mga mamamayan. Siyempre pa, mas mabigat sa mas nakararaming kapos ang bawat sentimong nakakaltas sa maliliit na nga nilang pondo.

Ikatlo, talagang mababalewala ang kung anumang bawas-buwis namang pinapanukala para sa mga karaniwang empleyado at iba pang namamasukan.  Mababawasan nga ang buwis sa sweldo, babawiin naman ito sa nakaambang buwis sa petrolyo at pagtaas ng presyo ng  iba pang batayang produkto o bilihin.

Nabalita na may pulong na inayos si Senate President Aquilino Pimentel III upang makatulong sana sa paglutas ang mga isyu na nakapalibot sa komprehensibong pakete ng reporma sa buwis na isinumite ng Malacañang sa Kongreso upang maaprubahan.  Itinutulak ng Malacañang ang pagpapataw ng anim na pisong excise tax kada litro sa mga produktong petrolyo, kung saan inaasahang makukuha ang karamihan ng mga bagong kita ng administrasyon upang pondohan ang ambisyosong mga programa nito lalo na sa imprastraktura at kagalingang panlipunan (social welfare).

Kapag naaprubahan ang mga panukala, sa Enero 1, 2018 na mismo ang simula ng bagong pagbubuwis.

Ang tanong lamang natin, kailangan bang ang mahihirap pa mismo ang mas pumasan sa bigat ng mga bagong pagbubuwis?  Wala na bang ibang alternatibo?

Pagkawala ng industriya ng pagmimina sa bansa: Malaking epekto sa lokal at buong mundo 

by

 MAWAWALA ang 8 porsiyento ng pandaigdigang suplay ng nickel ore sa mundo kung isasara ang mahigit kalahating bilang ng mga kumpanya ng pagmimina sa bansa.

Makaaapekto ito sa paggawa ng mga produkto tulad ng stainless steel, mga kagamitan sa aerospace, green batteries at mga chemical na may malaking epekto sa maraming industriyang gumagamit ng mga ito.

Ito ang sinabi ni Carolina Bain, chief commodities economist ng Capital Economics, isang economic  research group na nakabase sa London, England.

“They are cutting off about 8 percent of global nickel supply with huge implications, given that the Philippines supplies around 97 percent of China’s nickel,” pahayag pa ni Bain, “so this is a major disruption for the nickel market.”

Ang Pilipinas ay nasa ikalimang bansa na pinakamayaman sa mineral sa mundo kabilang ang copper, nickel, gold at chromite. Ang bansa ang may pinakamalaking deposito ng copper-gold sa mundo, ayon sa Mines and Geosciences Bureau (MGB), na may $840 bilyong halagang mineral na hindi pa nagagalaw.

Nais ng mga kumpanyang nakaambang ipasara na ilabas ng pamahalaan ang environmental audit na nagpapasuspindi sa industriya ng pagmimina dahil anila ay napakarahas ang pagpapasara ng mga ito.

“With the inclusion of anti-mining groups in the audit teams, you can see that the audit was compromised. The participation of these anti-mining activists immediately raises the question of whether or not the results are impartial,” ayon kay Nelia Halcon, executive vice president ng Chamber of Mines of the Philippines.

“If the audit found violations, the law provides for a procedure. She should have filed the appropriate cases or invoked the arbitration clause of the mining agreements. Our members have not received any formal decision but have already been subjected to trial by publicity,” hinaing ni Halcon.

Naging kontrobersiyal ang situwasyon ng Department of Environment and Natural Resources (DENR) matapos na iatas ni dating Secretary Gina Lopez ang pagsasara sa 23 kumpanya ng pagmimina, pagsuspindi sa lima pa at pagkansela sa 75 kontrata ng mga ito.

Naniniwala si Lopez na ang kalidad ng buhay ng mga mamamayan ang mahalaga, kung ikukumpara sa perang ginagawa ng naturang mga kumpanya.

Sa kabila ng atas nito na magreresulta sa malawakang pagkawala ng trabaho at nakaapekto sa kanyang kumpirmasyon sa Commission on Appointment (CA), nanatiling matatag si Lopez sa katayuan nito at gawin ang trabaho sa kabila ng natatanggap na mga pagpuna.

PAG-AARALAN ANG INDUSTRIYA NG PAGMIMINA

Sa kabila umano ng pag-alis ni Lopez bilang secretary ng DENR, maaari pa ring maipatupad ang pagpapasara ng ilan sa mga kumpanya sa pamamagitan ng pagsasagawa nito ng pag-aaral sa industriya ng pagmimina.

“There could be closures,” ayon kay Department of Finance (DOF) Secretary Carlos Dominguez III bilang co-chairs ng Mining Industry Coordinating Council (MICC), isang interagency na magsasagawa ng pag-aaral sa 300 bilang ng pagmimina.

“The MICC will carry out its mandate because that’s in the law and I think it’s good,” ayon pa kay Dominguez.

Binanggit muli ni Dominguez ang sinabi ni Pangulong Rodrigo Duterte na maaaring pakawalan ng pamahalaan ang P30 bilyong kita sa bawat taon ng pagmimina.

“What’s P30 billion?” tumbok ni Dominguez sa halaga ng kita na maaaring malaki sa paningin ngunit maliit sa P1 trilyong planong kikitain ng DOF ngayong taon.

“We can take that drop. But what about local communities that depend on mining? They can’t,” aniya pa.

Maliit lamang umano ang kontribusyon ng pagmimina sa ekonomiya ng bansa at hindi mataas ang bilang ng trabaho. Ang kontribusyon ng pagmimina sa bilang ng trabaho ay umabot lamang ng 234,000 sa taong 2015 o 0.6 porsiyento sa kabuuang trabaho sa bansa.

MAHIGPIT NA BATAS NG PAGMIMINA

Hamon umano ng kasalukuyang administrasyon ay maisagawa ang tunay na reporma sa sektor ng pagmimina.

Ayon kay Dominguez, hindi solusyon ang pagbabawal sa industriya ng pagmimina, kundi ang pagpapabuti sa pamamahala nito.

“The solution is not to arbitrarily ban extractive industries. The solution is to improve governance so that we get the best worlds: Ensuring the sustainability of our environment on one hand and creating wealth for our people from our natural endowments on the other,” aniya pa.

Mag-aatas naman ng mahigpit na batas sa pagmimina at magpapatupad ng responsableng pagmimina ang bagong kalihim ng DENR na si Roy Cimatu sa kanyang administrasyon.

“Responsible mining. Malaking bold letter ‘yan. Responsible. Strict implementation of the mining law will be applied to all mining companies,” ayon kay Cimatu.

Nilinaw rin ni Cimatu na hindi siya hihingi ng pera sa mga kumpanya ng pagmimina at binalaan ang bawat isa patungkol sa ‘impostors’ na gagamit sa pangalan niya upang makakuha ng impormasyon mula sa ‘loob’ upang makapangikil mula sa mining companies.

Ipatutupad din ng administrasyon ni Cimatu ang pagmimintina sa kaunlaran sa pamamagitan ng responsableng paggamit ng mga likas na kayamanan at pagdudulot sa mga Pilipino ng benepisyo sa ekonomiya. Kabilang dito ang pagpapaigting sa pagbabawal sa illegal logging at pagsasagawa ng batas-pangkalikasan gaya ng Clean Air Act, Clean Water Act at Waste Management Act.

 

 

 

 

 

Close Bitnami banner
Bitnami