PINAS

Ang Lihim ng Panginoon (Ikapitong Bahagi)

Sonspeak

Recent News:

Department of Foreign Affairs

Iraqi Embassy sa Maynila, malaki ang naitulong sa repatriation ng mga Pinoy sa Iraq – DFA

by

 

CHERRY LIGHT

TINIYAK ng Department of Foreign Affairs na malaki ang naging papel ng Iraqi Embassy sa Manila sa repatriation ng mga Pilipino sa Iraq.

Ito’y dahil sa pagtulong ng embahada ng Iraq sa bansa ay napapabilis ang pagproseso sa pagpapauwi sa mga Pinoy na naiipit sa gulo sa gitnang silangan.

Matatandaan kamakailan ay napauwi sa bansa ang unang batch ng umuwing ofws na binubuo ng labing-isang adults at dalawang bata.

Unang hinarang ng Iraqi immigration officers ang siyam sa kanila dahil sa hinalang iligal ang kanilang visa.

Sa kabila nito ay patuloy pa rin ang pagproseso ng DFA sa pagpapauwi sa iba pang Pinoy sa Iraq at Iran.

Presidential Commission on Visiting Forces ni-reorganisa ni Pangulong Duterte

by

 

HANNAH JANE SANCHO

 

MAGIGING attached agency na ng Department of Foreign Affairs ang Presidential Commission on Visiting Forces o PCVF kasunod ng inilabas na Executive Order No. 97.

Pero mananatili pa rin itong nasa ilalim ng oversight ng Office of the President.

Ang secretary of foreign affairs ang magsisilbing chairman ng commission habang vice chairman naman ang secretary ng national defense.

Bahagi naman ng komisyon bilang miyembro ang mga kalihim ng social welfare and development, interior and local government at national security adviser.

Kasama rin bilang miyembro ng komisyon ang visiting forces agreement commission executive director, isang representative mula sa office of the president at isang representative mula sa private sector na itatalaga ng Pangulo.

Nitong November 29, 2019 nang lagdaan ni Pangulong Duterte ang Executive Order.

Oil and gas development inter -governmental joint steering committee, opisyal nang naitatag ng PH at China

by

Cherry light

ITO’Y kasunod sa isinagawang unang pagpupulong ng mga kinatawan sa committee ng  Pilipinas at China sa pakikipagtulungan ng oil and gas development.

Alinsunod na rin sa memorandum of understanding on cooperation on oil and gas development sa pagitan ng Pilipinas at ng China at ang mga tuntunin ng sanggunian sa inter-governmental joint steering committee and inter-entrepreneurial working group on oil and gas development sa pagitan ng dalawang bansa.

Ayon sa Department of Foreign Affairs ang naturang pagpupulong ay ginanap sa Beijing, China nito lamang a bente otso ng Oktubre na pinangunahan ni DFA undersecretary for policy Enrique A. Manalo para sa delegasyon ng Pilipinas at sa Chinese delegation naman ay pinangunahan ni  Vice Foreign Minister Luo Zhaohui.

Pangulong Duterte muling binisita ang Russia

by

russia

SA ikalawang pagkakataon ay tumulak si Pangulong Rodrigo Duterte sa bansang Russia para sa isang official visit kasunod ng imbitasyon sa kaniya ni Russian President Vladimir Putin mula October 1 hanggang 5 ng taong kasalukuyan.

Nagkaroon ng pagpupulong si Pang. Duterte kay Russian Prime Minis­ter Dmitri Medvedev sa Moscow.

Ikinalugod ni Medvedev ang naging pagpupulong niya kay Pangulong Duterte bunsod na rin ng paglago ng magandang relasyon sa pagitan ng Pilipinas at Russia.

Sinabi din ni Medvedev na interesado silang magpatuloy ang ganitong relasyon sa Pilipinas at pagpasok ng dalawang bansa sa mga proyekto sa iba’t ibang kooperasyon.

“I am delighted to welcome President of the Philippines Rodrigo Duterte to Moscow. The ties between our countries have been developing at a good pace recently. Our goal is to secure this trend. We are interested in more joint projects in various fields of cooperation,” ayon kay Medvedev.

Nagkaroon din ng pagpupulong sina Pangulong Duterte at kay Igor Sechin ang Chief Executive Officer ng Rosneft Oil.

Ayon kay Presidential Spokesperson Salvador Panelo, hinikayat ng Pangu­long Duterte ang Rosneft Oil na mamuhunan sa Pilipinas partikular na sa oil at gas.

Nagbigay din ng katiyakan si Pangulong Duterte sa Russian firm na magiging ligtas ang kanilang pamumuhunan sa bansa.

“We wish to add that the Chief Executive underscored that any agreement that will be executed or performed for such purpose shall undergo the proper domestic processes and comply with applicable laws and pertinent rules and regulations so as not to leave any room for corruption or irregularity,” ayon kay Panelo.

Sa kasalukuyan nasa ika-21 ang Russia bilang trading partner ng Pilipinas mula sa 221 mga bansa.

Pang 34 ito sa ating export market at mula sa 198 import supplier, nasa ika-19 dito ang Russia.

Sa Sochi naman magpupulong sina Pangulong Duterte at Russian President Vladimir Putin sa sidelines ng Valdai Forum.

Si Pangulong Duterte ang kauna-unang Filipino President na naimbitahan ng nasabing forum at nagpasalamat siya sa na­ging imbitasyon sa kaniya ng Russian President.

“I am here today to reaffirm our strong commitment and to build a robust and comprehensive partnership with the Russian Federation. In the past two years, we have seen a dramatic increase in bilateral activities across many areas of cooperation at various levels of government,” ayon kay Pang. Duterte.

Ito na ang ikaapat na bilateral meeting ng dalawang leader.

Pinagkalooban naman ng honorary doctorate degree for diplomacy si Pangulong Duterte ng Moscow State Institute of International Relations.

Ito ang natatanging doctorate degree na tinanggap ng Presidente sa gitna ng mga nagdaang alok mula sa ibat- iba pang mga bansa kasama na ang Pilipinas tungkol sa alok ng naturang titulo sa Pangulo.

Ang nasabing unibersidad ang itinuturing na top university sa Russia na ang pokus ay tungkol sa International relations.

Nagkaroon din ng pagkakataon si Pangulong Duterte para magsalita sa harap ng estudyante at faculty ng Unibersidad at ibinahagi ang lalong gumagandang relasyon sa pagitan ng Pilipinas at Russia.

Sinabi ni Philippine Ambassador to Russia Carlos Sorreta na ang ipagkakaloob na Docto­rate degree sa Pangulo ay gagawin kaalinsabay ng gagawin nitong pagsa­salita sa nabanggit na unibersidad kung saan duon din sinasanay ang mga diplomat sa Moscow.

Hindi naman makukumpleto ang biyahe ng Pangulong Duterte kung wala ang pagkakataon upang makadaupang pa­lad at makamusta ang mga Overseas Filipino Workers sa Russia.

Ayon sa Department of Foreign Affairs nasa 6,900 na mga Pilipinong nagtatrabaho at naninirahan sa Russia.
Karamihan dito ay mga babae na kabilang sa household service sector.

 

HANNAH JANE SANCHO

Diplomatic protest, ihahain laban sa Chinese research vessels

by

 

HANNAH JANE SANCHO

 

MAGHAHAIN ng diplomatic protest ang Pilipinas sa napaulat na presensya ng Chinese research vessels at warships sa karagatang teritoryo ng Pilipinas.

 

Sa Twitter post ni Foreign Affairs Secretary Teddy Boy Locsin, tiniyak nito na ihahain ang protesta ng Department of Foreign Affairs.

Tugon ito ni Locsin sa pahayag ni Defense Secretary Delfin Lorenzana kung saan kinukwestyon nito ang presensya ng mga barko ng China sa maritime territory ng Pilipinas.

Sa pahayag ni Lorenzana, hinimok nito ang pamahalaan na mag-protesta o kaya ay humingi ng paliwanag sa China ukol sa isyu.

 

Mahigit 80 distressed OFWs galing UAE, balik-bansa na

by

Pinas News

Balik-bansa na ang halos walumpung distressed  Overseas Filipino Workers galing Abu Dhabi, United Arab of Emirates.

Lulan ng Philippine Airlines Flight PR 657 ang mga naturang OFWS na lumapag pasado alas nuebe na ng umaga sa Ninoy Aquino International Airport o NAIA Terminal-1.

Pinangunahan ni UAE Ambassador to the Philippines Constancio Vingno, Jr. ang paghatid sa mga nasabing OFW pabalik ng bansa.

Ayon kay Ambassador Vingno karamihan sa mga umuwing OFW ay tumakas mula sa kanilang mga employer, biktima ng pagmamaltrato, at ang iba naman ay biktima ng human traffickings.

Dagdag pa ni Vingno mahigit 150 distressed OFWS pa ang nasa Abu Dhabi na naghihintay ng kanilang skedyul ng paglipad pa uwi ng bansa.

Sinagot din ng Department of Foreign Affairs o DFA ang airfare ng mga umuwing OFWS habang pagdating ng Pilipinas nakaantabay naman ang pagtulong ng Overseas Workers Welfare Administration o OWWA.

Close Bitnami banner
Bitnami