PINAS

Ang Lihim ng Panginoon (Ikatlong Bahagi)

Sonspeak

Recent News:

Department of Labor and Employment (DOLE)

Pagdami ng mga illegal Chinese worker sa bansa, ikinabahala

by

 

CHERRY LIGHT

 

NABABAHALA ang karamihan sa mga Pilipino sa patuloy na pagdami ng bilang ng mga Chinese sa bansa na nasasangkot sa mga krimen nitong mga nakalipas na buwan.

Kabilang na dito ang tangkang pagdukot sa isang 18-anyos na Pinay ng anim na kalalakihang Chinese sa lungsod ng Makati nitong nakaraang linggo.

Ikinabahala din ng 70 percent ng mga Pinoy na may edad disiotso pataas ang pagdami ng mga Chinese na iligal na nagtatrabaho sa bansa.

Batay ito sa pag-aaral na ginawa ng Social Weather Stations (SWS) noong Setyembre a-27 hanggang a-30, 2019.

Dahil dito, iginiit ni Sen. Grace Poe na dapat maging mahigpit ang Department of Labor and Employment (DOLE) gayundin ang Bureau of Immigration (BI) sa pag-iisyu ng visa dahil maraming Chinese ang pumapasok sa bansa bilang turista ngunit magtatrabaho pala.

 

Trabaho para sa mga OFW mula Middle East, pinatitiyak

by

 

HANNAH JANE SANCHO

 

NANAWAGAN sa pamahalaan si ACT-CIS Rep. Eric Yap na dapat mabigyan agad ng trabaho ang mga uuwing mga OFWs mula sa Iran at Iraq bunsod na rin ng naka-ambang total deployment ban.

Ayon kay Yap, dapat ngayon pa lamang ay naghahanap na ng trabaho ang Department of Labor and Employment (DOLE), Overseas Worker Welfare Administration (OWWA) at POEA para sa mga mare-repatriate na mga OFW.

Sang-ayon si Yap na dapat unahin ang kaligtasan ng mga OFW sa mga naggigiriang bansa pero dapat ding isaalang-alang ang kinabukasan ng kanilang pamilya sa pamamagitan ng pagbibigay sa kanila ng alternatibong hanapbuhay.

Sa kabila nito, batid ni Yap na ginagawa na ng paraan ni DOLE Sec. Silvetre Bello ang ‘unemployment vacuum” sakaling matuloy na bumalik sa bansa ang libu-libong OFW na galing sa Iran, Iraq at Kuwait.

Total deployment ban sa Kuwait, tuloy na – DOLE

by

CHERRY LIGHT

 

KINUMPIRMA ng Department of Labor and Employment (DOLE) na tuloy na ang total deployment ban sa Kuwait kasunod ng pagkamatay ng Pinay household worker na si Jeanelyn Villavende.

Ito ay matapos aprubahan ng Philippine Overseas Employment Administration (POEA) Governing Board ang naging rekomendasyon ni Labor Sec. Silvestre Bello III na implementasyon ng total deployment ban sa nasabing bansa.

Ayon sa DOLE, hinihintay nalang nila ang pagpapalabas ng mismong kopya ng resolusyon ng government board ng POEA para sa total deployment ban.

Batay sa autopsy result na inilabas ng National Bureau of Investigation (NBI) sa bangkay ni Villavende ay lumabas na minaltrato ito ng kanyang amo at ginahasa pa habang nawawala rin ang iba nitong internal organs.

DOLE at OPAPP, lumagda ng isang kasunduan para sa mga Moro rebel returnees

by

PINANGUNAHAN nina Labor Secretary Silvestre Bello III at OPAPP Secretary Carlito Galvez ang paglagda ng MOA para sa livelihood aid ng mga dating rebelde na nagkakahalaga ng P100 milyon.

 

MELODY NUÑEZ

 

LUMAGDA ng isang kasunduan ang Department of Labor and Employment (DOLE) at Office of the Presidential Adviser on Peace Process (OPAPP) para sa implementasyon ng P100 milyong halaga ng tulong panghanapbuhay sa ating disadvantaged or displaced worker o Tupad Fund Assistance para sa mga Moro rebel returnees.

Pinangunahan ang paglagda ng memorandum of agreement nina Labor Secretary Silvestre Bello III at OPAPP Secretary Carlito Galvez.

Ayon kay Bello, ang livelihood aid ay isang napakahalagang component para sa “normalization” sa Bangsamoro Autonomous Region in Muslim Mindanao (BARMM).

Nagpasalamat naman si Galvez sa DOLE sa malaking papel nito sa pagbibigay ng trabaho at pangkabuhayan sa mga dating rebelde.

DOLE, idiniin ang otoridad sa pagbibigay ng working permit sa mga dayuhan

by

POL MONTIBON

Nilinaw ng Department of Labor and Employment (DOLE) na sila lang ang may otoridad na magbigay ng working permit sa mga dayuhang nais magtrabaho sa Pilipinas.

Pahayag ito ng DOLE kasunod ng kuwestyonableng pagdami ng Chinese workers sa bansa.

Ayon kay Labor Sec. Silvestre Bello III, pinapayagan naman ng batas ang Bureau of Immigration at Department of Justice na magbigay ng special working permit.

Nabatid na lumobo sa hi­git isandaan libo ang bilang ng foreign workers sa mga Philippine Offshore Ga­ming Operation (POGO) hubs, kung saan karamihan ay mga Chinese.

14th month pay sa mga pribadong kumpanya, suportado ng DOLE

by

SMNI NEWS

 

SUPORTADO ng Department of Labor and Employment (DOLE) ang Senate bill 10 na inihain ni Senate President Vicente Sotto III na mag-oobliga sa private employers na bigyan ng 14th month pay ang kanilang manggagawa.

Sa panayam ng DZAR Sonshine Radio kay Labor Secretary Silvestre Bello III, sinabi nito na kanilang sinusuportahan ang panukala pero kailangan muna aniyang pag-aralan at suriin ang kakayahan ng mga employer.

Sinabi ni Bello na kung kaya ng isang employer na magbigay ng 14th month pay ay dapat itong ibigay sa mga manggagawa pero kung hindi ay kailangan aniya maghintay ng kunting panahon.

 

Close Bitnami banner
Bitnami