PINAS

Ang Lihim ng Panginoon (Ikapitong Bahagi)

Sonspeak

Recent News:

Dingdong Dantes

Kasikatang hindi mapantayan

by

Ni: Melchor Bautista

MALAKING gulat sa buong showbiz hanggang sa ibang bansa ang naging pagsikat ni Alden Richards (Richard Reyes Faulkerson, Jr. na isinilang noong January 2, 1992).  Hindi maipaliwanag kung anong karisma mayroon siya at kung bakit magaan ang loob ng mga tao sa kanya.

Napatunayan ng biglang pag-init ng popularity ng Pambansang Bae, na hindi puwedeng ipagyabang ng sino mang artista ang kanilang kasikatan. Dahil puwedeng mangyari na sikat sila ngayon, pero bukas ay iba na ang may hawak ng katanyagan.

Hindi nalunod si Alden ng kanyang tagumpay, kahit na may mga naiinggit sa ka-nyang popularity, ay mara-ming kilalang personalidad sa bansa, pati na mga beteranong artista maging ang mga kasalukuyang sikat na mga artista sa showbiz ay nagpa-kita ng paghanga at pagkilala kung saan nakarating ang kasikatan ng guwapong aktor.

PRINSIPE NG KALYESERYE

Napansin na noon ang kahusayan ni Alden, pero kahit kilala na siya bilang Kapuso star ay parang huminto ang kanyang pagsikat. Kaya naman ipinagpapasalamat niya na napasama siya sa “Eat Bu-laga” at nakasali sa kal-yeserye, at doo’y nabuo ang tambalan nila ni Maine Mendoza, ang AlDub na minahal ng masa. Hindi na napigilan at naramdaman na sa showbiz ang ka­nyang tuluyang pagsikat.

IYAKIN SI MR. GUWAPO

Napaluha si Alden nang mapuno ng billboard ng kanyang mga product endorsements ang kahabaan ng EDSA ganu’n din sa mara-ming parte ng Pilipinas.

Mababa ang kanyang luha, dahil kahit siya ay hindi makapaniwala sa pagbabago ng kanyang kapalaran sa tagumpay na nakamtan.

Ikinalulungkot din niya na pumanaw ang kanyang mommy na si Mrs. Rosario Reyes Faulkerson at hindi na nasaksihan pa ang ka-nyang tuluyang pagsikat. Si Mommy Rosario noon ang pursegido na mag-artista ang kanyang anak.

PAANO NAKALUSOT?

Nahirapan din si Alden bago sumikat. Ang GMA-7 noon ay nakatutok sa kasikatan nina Richard Gutierrez, Dingdong Dantes, Dennis Trillo at Tom Rodriguez. Habang sa kalabang network ng Siyete, sa ABS-CBN ay naroon ang kasikatan nina Piolo Pascual, John Lloyd Cruz, Enrique Gil, James Reid at Daniel Padilla.

Naranasan noon ni Alden ang sumali sa ilang male beauty pageants sa Laguna at nanalo siyang Ginoong Sta. Rosa 2009 at Ginoong Laguna 2010. Sinubukan din niyang sumali sa StarsStruck at Pinoy Big Brother: Teen Clash of 2010 pero hindi siya sinuwerte na doon ay mapansin. Hindi siya sumuko, bagkus ay itinuring niyang baka hindi pa niya talaga panahon noon para mapansin sa showbiz.

ANG CARMELA NI ALDEN

Naramdaman na talaga ang posibilidad ng pagsikat ni Alden, dahil noong 2014 ay ipinagkatiwala sa kanya ng GMA-7 na maging leading man ni Marian Rivera sa teleseryeng “Carmela”. Ang magandang aktres na tinawag noong Primetime Queen ng Siyete, kaya para kay Alden ay napakalaking karangalan na pumayag si Marian na siya ay makapareha.

PABORITO NG PRESS

Kahit naging leading man na ni Marian Rivera sa tele-serye, ay hindi pa rin naging mayabang si Alden. Magi­liw siya sa mga manunulat sa showbiz. Kahit sa sulok-sulok lang ng studio ay puwede siyang tawagin at i-ambush interview. Kahit pagod ay hindi niya iyon ipinahahalata sa press. Bagkus ay lagi siyang nakangiti, honest at masa-yang kausap. Kaya naman isang masayang oras na siya ay interbyuhin.

Isang pumanaw na writer ng PEP noon na si Ruben Ma­ra­sigan ang nagsabing: “Napakabait ni Alden, hindi ka­tulad ng ibang sikat na artis­ta na parang nagpapahabol at nagpapahirap sa press para sila mainterbyu. Iba si Alden, guwapo na ay lagi pang hindi maangas. Hindi showbiz ang ugali.”

KAKAMBAL NG SUWERTE

Patuloy na napapatunayan ngayon ni Alden ang ka-nyang kasikatan at talento kahit mayroon siyang project na hindi kapareha si Maine, ‘tulad ngayon sa bago niyang pinagbibidahang teleserye sa GMA, ang “Victor Magtanggol”.

Pero hindi inaalis ng guwapong aktor ang kanyang pasasalamat, na nagkatulu-ngan sila ni Maine para sabay nilang marating ang tagum-pay na patuloy nilang parehong ine-enjoy sa ngayon.

SA ITAAS NG TAGUMPAY

Mayaman na si Alden sa kabuhayan, dahil napakasipag niya sa career. Time is gold, para sa kanya. Pero hindi siya pinagbago ng kanyang kasikatan. Mahirap siyang basta lapit dahil sa mga taong pumoprotekta bunga ng pa-nganib na baka siya ay laging dumugin at masaktan ng hindi maiiwasang panggigigil at kasabikan ng mga fans.

Pero ang totoong Alden sa likod ng kamera ay ang dati pa ring Alden Richards na naroon ang simpleng ugali. Na maamo sa mga tao na nagmamahal sa kanya bilang simpleng tao at idolo.

Martin Kristoffer intimidated kay Marian Rivera

by

Ni: Beth Gelena

AMINADO ang Kapuso actor na si Martin Kristoffer na na-intimidated siya sa misis ni Dingdong Dantes na si Marian Rivera.

Nagkasama sa isang proyekto ang dalawa at naalala ni Kristoffer nang sabihan ni Marian ang mga namamahala sa kanilang wardrobe na palitan ang kanyang damit na suot.

Magmula raw noon ay laging nagdadala si Martin ng iba’t ibang damit upang kapag ang magandang aktres ang kanyang makakatrabaho ay may nakahanda na ito.

Dingdong, malabong malaos

by

Ni: Melchor M. Bautista

DALAWANG dekada nang namayagpag ang kasikatan ni Dingdong Dantes sa mundo ng showbiz, at kahit may mga bagong artistang dumarating at sumisikat, hindi pa rin nawawalan ng proyekto ang guwapo at maga-ling na aktor.

Sa pagbabalik tanaw, nagsimula lang siya bilang miyembro ng Abstract Dance Group na noon ay sumikat, sa panahong patok na patok sa showbiz ang mga grupong Streetboys at Universal Motion Dan-cers na nagpaindak sa mga kabataan at sa kahit sino na mahilig sa pagsasayaw.  Nakipagkumpitensiya sa dalawang sikat na grupo ang Abstract, kung saan ay ka-miyembro ni Dingdong ang nag-artista rin noon na si Dino Guevarra.

Bilang isang dating dan-cer, nakita noon ni Dingdong kung paano siya tilian, palakpakan at idolohin ng kanyang mga tagahanga.  Alam sa buong showbiz na may kaya sa buhay ang guwapong aktor, pero siya ang tipo ng anak na walang ugali ng pagmamataas.  Sa katunayan, kung paano siya minahal ng kanyang mga fans ay buong-puso niya rin itong ibinalik ng ganu’n ding pagmamahal.

Nagpasaya dahil sa pagsasayaw

“Hilig ko talaga ang magsayaw,” wika ni Dingdong sa aming panayam.

“Noon kasing mga panahong iyon, na uso na ang mga bagets na sumusubaybay sa ‘That’s Entertainment’ tsaka ‘Ang TV’ ay puro mga bagets din talaga halos ‘yung mga lumalapit sa amin, na humahanga, ganyan…

“Nagulat kami…  Nagulat ako”.

“Kasi, nakakataba pala ng puso na malaman mo na ipakita sa iyo ng mga fans kung paano ka nila mahalin, dahil napapasaya pala namin sila sa pamamagitan ng aming pagsasayaw.  Dahil sa nakita ko, at napatunayan ko. Sabi ko, ‘Wow!’ dahil ang sarap talagang maramdaman.”

“Kaya sa isip ko noon, sabi ko,  Kung napapasaya ko sila dahil sa aming pagsasayaw, ay lalo pa naming gagali-ngan para lalo pa rin naming mapasaya ang mga huma-hanga sa amin.”

Maraming nagmamahal

Mula noon hanggang ngayon, ang pagiging totoo ni Dingdong sa kanyang pagbabalik ng pasasalamat at pagmamahal sa kanyang mga fans, ang siya ring naging dahilan ng paulit-ulit niyang tagumpay sa showbiz.  Dahil mga tatlong beses na ring nakabawi ang kanyang career pagkatapos ng ilang ulit ding sitwasyon ng normal na pag-lamlam sa popularidad ng mga artista.

“’Yun kasing mga taga-hanga na sumusuporta sa akin nu’ng sumasayaw pa lang ako, ay sila rin ‘yung nagpakita sa akin ng suporta nu’ng wala na ang dance group namin,” seryosong pag-alaala ni Dingdong.

“Pagkatapos ng pagsasa-yaw ng grupo, movie career na.

“Naging magka-loveteam kami noon ni Antoinette Taus, at doon na nga nagsi-mula ‘yung medyo pagpapa-cute ko sa pelikula ‘tulad ng dinaanan din naman noon nina Gabby Concepcion at Aga Muhlach.

“Grabe ang mga fans na talagang sumuporta sa akin noon, dahil kumbaga, nangyayari naman talaga sa buhay ng mga artista, na parang and’yan ka, maraming projects. Tapos mangyayari, parang mararambaman mo, hindi ka na ganu’n ka-popular.  Nangyayari talaga”.

“Kasi, mayroong ibang mga bagong dumarating na artista, Bagong uso.  Sisikat.

Marunong magpahalaga sa trabaho

“Ang ipinagpapasalamat ko lang, kahit parang ilang beses ko na nga yatang naranasan iyon, ay paulit-ulit pa rin naman, na nakakabalik ako, hanggang sa heto at sa showbiz na nga ako nakapag-asawa at nagkaroon na kami ng anak, ay narito pa rin ako sa showbiz.  Siguro, dahil mahal na mahal ko na rin talaga at pinahahalagahan ko ang trabaho ko bilang artista.”

Masaya sa buhay may asawa at anak

Pagkatapos ng mga pakikipagrelasyon ni Dingdong sa iba’t-ibang babae, sa huli ay sa magandang Kapuso actress na si Marian Rivera siya ikinasal, kung saan mayroon na silang isang anak, si Baby Zia.

“Maraming magagandang nangyari sa buhay ko, at sa showbiz career ko,” nakangiting pahayag ng guwapong aktor.

“Una nga sa lahat, may suwerte akong nakuha sa field na ito, dahil hindi ako napapabayaan.  Hindi lang ako artista, kundi nakakapag-produce na rin ako ng mga pelikula bilang pagsuporta ko rin naman sa movie industry”.

“Siyempre, isa sa pinakamagandang nangyari sa buhay ko at nagpapasaya sa akin nga na mga inspirasyon ko, ay ang aking wife, si Ma-rian at ang aming anak na si Zia”.

“Pareho kami ng wife ko na nasa showbiz, hindi namin iiwan ang trabahong ito hanggang nariyan ang pagsuporta sa amin ng mga taong nagmamahal sa amin.

“Sa maraming bagay, talagang kaya kami ang nagkatuluyan ni Marian, ay dahil sobra kaming nagkakasundo.  Sa pagmamahal sa trabaho, pareho kami ng wife ko na sobrang mahal ang propesyon namin bilang artista.”

Mga pulitiko, naghahanda na sa Halalan 2019

by

Ni: Kristin Mariano

LUMULUTANG na ang ilang mga pangalan ng mga kakandidato sa darating na halalan sa 2019. Kasabay ng paghahanda ng Comelec sa mga kakailanganin sa eleksyon ay ang paghahanda rin ng iba’t ibang political parties sa kani-kanilang mga manok sa pagka-senador.

Sa hanay ng administrasyon, matunog ang pangalan nina Asec. Mocha Uson, Presidential Spokesperson Harry Roque, Presidential Adviser on Political Affairs Francis Tolentino, and Representatives Carlo Nograles (1st District Davao), Geraldine Roman (1st District Bataan), Albee Benitez (3rd District Negros Occidental) matapos ideklara ni House Speaker Pantaleon Alvarez na gusto niyang isama sa PDP-Laban’s senatorial slate. Hindi naman kinumpirma ni PDP-Laban president at Senate President Koko Pimentel o kahit ni Pangulong Rodrigo Duterte ang mga napipisil na kandidato mula sa kanilang partido.

Inakala ng marami na susunod sa yapak ng ama ang mga batang Duterte na may hawak na mga lokal na posisyon sa Davao. Sa isang hindi inaasahang pagpapahayag, inanunsiyo ng magkapatid na Sara at Paolo Duterte na hindi sila tatakbo sa pagka-senador. Ayon kay Paolo Duterte, wala siyang balak na tumakbo sa kahit anong posisyon sa susunod na eleksiyon. Ang kasalukuyang mayor ng Davao na si Sara ay wala ring balak na tumakbo sa mas mataas na posisyon.

Hindi naman naging mainit ang pagtanggap ng mga netizen sa pahayag ni House Speaker Alvarez lalo na ng sabihin niya ang pangalan ng blogger at PCOO Assistant Secretary Mocha Uson na tatakbo sa pagkasenador. Naglabasan ang pagprotesta ng mga netizens sa Facebook kontra dito. Sinabi ni Uson na hindi siya tatakbo sa Senate Elections, ngunit siya ay nag-enroll sa School of Law ng Arellano University. Ito kaya ay ang kanyang paghahanda para sa darating na halalan?

Naging maasim rin ang paglipat ng partido ni Representative Geraldine Roman mula sa Liberal Party sa PDP-Laban. Tumakbo si Roman sa ilalim ng LP noong nakaraang eleksiyon, subalit ilang buwan sa kanyang termino ay nanumpa ito bilang bagong miyembro ng PDP-Laban. Lipat partido rin ang kalaban ng mga Duterte sa pulitika na si Carlo Nograles.

Sa kampo naman ng Liberal Party, wala pang listahan ng mga pangalan na maibigay si Senate Minority Leader Franklin Drilon.

Ayon kay Drilon, wala pang napipisil ang partido para kumandidato sa darating na halalan. Sinabi ng partido na gusto nilang makumpleto ang “full slate” o 12 senador na kakandidato.

Sa kabila nito ay lumutang ang pangalan nina Dingdong Dantes, Karen Davila, at Kris Aquino sa mga posibleng kandidato sa ilalim ng partido. Wala naman pahayag ang bawat kampo sa kanilang balak na pagtakbo.

Sa isang pahayag ni Ifugao Representative at LP Vice President for Internal Affairs Teddy Baguilat, kailangan mag-adjust ng LP mula sa pinakamalaki at pinakamalakas na political party sa pagiging puwersa ng oposisyon.

Paghahanda ng Comelec

Matatandaang nagbitiw si Comelec Chairman Andres Bautista noong Oktubre matapos ang sunud-sunod na kontrobersya sa kanyang termino at pamilya. Tinalaga na ni Pangulong Rodrigo Duterte ang bagong Chairman na si Sheriff Abas. Maninilbihan si Abas bilang chairman hanggang Pebrero 2, 2022. Ngunit kailangan pang kumpirmahin ng Commission on Appointments ang pagtatalaga kay Abas. Sa pagtatalaga ng bagong chairman, hiling ng bayan ang isang malinis na halalan.

Ilan sa paghahandang binibigyang pansin ng Comelec ay ang absentee voting at pagpaparami ng mga kababaihang bumoboto. Binuksang muli ang voters’ registration noong Nobyembre 6 para sa darating na Barangay at Sangguniang Kabataan Elections na gaganapin sa Mayo 2018. Bukas na rin ang registration para sa absentee voting ng mga botanteng nasa ibang bansa o mangingibang bansa sa araw ng eleksiyon sa Mayo 13, 2019.

Hinihikayat naman ng Comelec na makilahok ang mas maraming kababaihan sa darating na halalan. Inatasan ng Comelec ang Election Officers na hikayatin ang mga kababaihang mag-register. Ang mga EOs ay ia-assist ang mga babaeng may dalang maliliit na bata na nais magparehistro.

“In the conduct of registration, the Election Officers (EO) shall encourage the LGUs, through the Gender and Development Focal Point System Office, to open their day care centers during registration days, at no cost to the Commission,” ayon sa In Resolution No. 10166 na inilabas ng Comelec.

Madalas ipinagpapaliban ng mga kababaihan ang kanilang pagboto tuwing halalan dahil sa mga gawain sa bahay at maliliit na anak na kailangan alagaan. Nais ng Comelec na matulungan na mapadali ang rehistrasiyon at pagboto tuwing halalan.

Mas pinadali rin ng Comelec ang registration ng Indigenous People (IP) at Persons With Disabilities (PWD), at Senior Citizen sa pamamagitan ng pagpunta mismo sa kanilang bahay at pagbubukas ng online registration.

Inaasahan ang ilang pagbabago sa darating na eleksyon. Ipinahayag ng Comelec ang posibilidad na magdaos ng mas maagang eleksiyon para sa mga Indigenous People (IP), Persons With Disabilities (PWD), at Senior Citizen. It ay para hindi na sila kailangan makipagsabayan sa buhos ng tao sa araw mismo ng halalan. Bibigyan din sila ng prayoridad sa pila sa araw ng eleksyon.

Ruru Madrid, patuloy na sumisikat  

by

 

By: Wally Peralta

Hindi man naitanghal bilang grand-winner sa artista search program ng GMA-7 na “Protégé”, si Ruru Madrid ay itinuturing naman ngayon siya na isa sa mga sexy-action star ng Kapuso Network.

Matatandaang, unang sinubukan ni Ruru ang mga drama at tweetUM roles sa GMA-7. Ngunit, hinubog na siya ng kanyang network upang maging action star, noon sa “Encantadia” at ngayon ay sa “Alyas Robin Hood” ni Dingdong Dantes.

Pinaghahandaang maigi

Ikinuwento ng aktor na hindi naging madali sa kanya upang ma-achieved ang magandang pangangatawan ngunit ginawa niya ang lahat upang makuha ito.

“Una sa lahat, isa na doon ay ang pagwo-work-out ko almost everyday, 3 hours a day, medyo mahirap kasi umaabot na ako sa point na halos mangiyak-ngiyak na ako sa hirap,” pahayag ng aktor.

“Nagpa-parkour din ako, may archery pa ako, ‘andiyan yun mixed martial arts, sinisingit ko rin yung boxing and jitsu at muay thai, medyo pinapatay ko ang sarili”

Ani Ruro, kailangan niya ang mga ito para ma-enhance ang kanyang action skills, sa kanyang mga palabas.

Gusto niyang siya mismo ang gagawa ng mga stunts sa Alyas Robinhood.

Bagaman hindi siya inutusan ng mga staff na mag-work-out palagi pero ginagawa niya dahil gusto niyang gawin ang lahat ng mga ipinapagawa ng direktor sa kanya.

“Iyon bang pag tinanong ako ni direk ng “Ru, kaya mo bang gawin ito’, ang masasagot ko lagi ay ‘opo’. Ayoko kasing magpa-double, gusto ko lahat ng action scenes na ipagawa sa akin ng director ay magagawa ko,” dagdag pa ng aktor.

Idolo si Dingdong

Ayaw din niyang mapahiya sa kanyang idolong si Dingdong na bida sa nasabing serye kaya talagang pinagbubuti niya ang paggawa ng kanyang mga action scene.

“Si Kuya Dong ay nakasama ko na sa “Encantadia” sobrang saya ko kasi ever since si Kuya Dong ang tinitingala kong actor, hindi lang sa pag-arte, ganun na din sa pagdating sa tunay na buhay, ang dami niyang advocacies, marami siyang business, nagpro-produce at nagdi-director siya, kumbaga, kung ano ang gusto ko maging someday ay nasa kanya,” pagku-kuwento niya.

Nami-miss si Gabbi Garcia

Sinabi ng aktor na naging malaking bahagi ng kanyang kasikatan ang pagtatambal nila ng kanyang ka-love team na si Gabbi Garcia, pero ngayon ay pansamantala silang pinaghihiwalay ng GMA-7.

Si Ruru ay solo na sa ‘Encantadia’ at ‘Alyas Robin Hood’ samantalang si Gabbi sa ngayon ay ini-explore ang kanyang modeling side sa commercial at magazine covers pati na rin ang singing career.

Ayon pa sa aktor na masaya siya para sa ka-love team dahil alam niyang masaya ito sa ginagawa lalo na ngayong marami itong mga endorsement.

Hindi siya naniniwala na tapos na ang tambalan nila, lamang binibigyan lang sila ng pagkakataong parehong mag-grow bilang individual. Ang mahalaga aniya, parehas nilang ginagawang maayos ang kanilang trabaho.

“Im happy for her,” ayon pa sa gwapong aktor.

Hindi rin umano niya tatanggihan kung bibigyan siya ng panibagong ka-love team.

Aniya, kung ano ang plano sa kanya ng network ay go lang siya dahil alam naman niyang para iyon sa ikakaganda ng kanyang career.

MARIAN RIVERA, walang pakialam sa ‘rating game’

by

Ni Wally Peralta

TINUTUTUKAN na ngayon ang teleseryeng “Super Ma’am” na pinagbibidahan ng Kapuso Primetime Queen Marian Rivera. At dahil hands on mother siya sa kanilang unica hija ng Primetime King Dingdong Dantes na si Zia bagay sa kanya ang bagong serye.

Halos dalawang taon ring nawala sa mundo ng teleserye si Marian, ang huling serye niya ay ang “Carmela” katambal si Alden Richards.

Sa muling pagsabak ngayon sa Primetime ay mahigpit ang kompetisyon ng kapanabayan niyang teleserye sa ABS-CBN lalung-lalo na pagdating sa rating dahil kaniya-kanya silang pagpapalabas ng survey na may magkakaibang data.

Ngunit para kay Marian, hindi niya iniisip ang pressure ng kanyang trabaho, ang gusto lang raw niya ay magiging maayos ang kanyang trabaho at masaya siyang nagtatrabaho.

Mas feel ang buwis-buhay

Ano naman kaya ang espesyal sa “Super Ma’am” na may dating pamagat na ‘The Good Teacher’ at ito ang napiling come-backing teleserye ni Marian? Isang maaksyong teleserye at buwis-buhay ang mga stunts. Bakit hindi isang drama? Lalo pa ngayon isa na siyang ina at maybahay.

“Maraming pinepresent sa akin ang GMA-7 pero ito ang napusuan ko, especially wholesome siya. And at the same time action talaga ang hanap ko. Eh kasi yung talaga ang gusto ko, action scene, ewan ko ba, wala lang gusto ko lang talaga ang ganung genre ng project,” Ani pa ni Marian.

“I really trained hard for this role dahil marami akong fight scenes at ayokong magpa-double.”

Dream come true

Hindi lang dahil mahilig sa action scenes si Marian kung bakit mas pinili niyang gawin ang “Super Ma’am”, may dalawa pa siyang dahilan kung bakit mas pinili niya ang isang superhero teleserye imbis na mga ‘iyakan effect’ na teleserye.

“Dream ko talaga noon pa man bago ako mag-showbiz  na maging isang teacher kaya super excited ako sa project na ito dahil natupad din ang pangarap kong maging isang guro kahit dito sa show lang,” pag-amin ni Marian.

“At isa pang dahilan, gusto ko kasi na mapapanood na ngayon ng aking anak, si Zia, ang mga teleseryeng ginagawa ko. As it teaches good moral values at super nanay naman niya talaga ako in real life.”

Naniniwala rin siya na ito ang gusto ng kanyang mga tagahanga na gumagawa siya ng fanta-serye.

Baby boy ang gustong isunod kay Zia

Bago pa man ikasal sina Dingdong Dantes at Marian ay nag-usap na rin naman sila sa kanilang magiging anak, gusto nila pareho ay isang barangay ang dami ng kanilang magiging supling. Ika nga nila pareho, the more the merrier. Pero nakakadalawang taon na silang mag-asawa at iisa pa rin lang ang kanilang anak. Mas tila matatagalan pa ngayon dahil pareho naman silang bisi-bisihan, si Dingdong may “Alyas Robin Hood” at pelikulang ginagawa, samantalang si Marian ay may “Super Ma’am” at regular weekly show na “Sunday Pinasaya” .

“Hahaha!  Ayan na nga naghahanap na ng kapatid si Baby Zia. At gusto pa niya ay isang baby brother.” Natatawang pahayag ni Misis Dantes.

Aniya, nagpaalam na siya sa Kapuso na pagkatapos ng show ay baka masundan na si Zia at pareho nilang gustong ni Dingdong na baby boy ang sunod nilang maging anak pero kung ano umano ang ibigay sa kanila ng Itaas ay malugod nilang tatanggapin at pasasalamatan.

Close Bitnami banner
Bitnami