PINAS

Ang Lihim ng Panginoon (Ikatlong Bahagi)

Sonspeak

Recent News:

DOH

Sen. Zubiri, positibo sa COVID-19

by

Ni: MARGOT GONZALES

KINUMPIRMA ni Senador Juan Miguel ‘Migz’ Zubiri na positibo ito sa COVID-19 matapos ang pagkuha ng test kamakailan.

Sinabi ni Zubiri na nakatanggap ito ng tawag mula kay DOH Sec. Francisco Duque kaugnay sa kanyang kondisyon.

Labis aniyang ikinalulungkot ang naging resulta ng kanyang test ngunit nagbigay sa kanyang kasiglaan ang pagiging asymptomatic at walang nararamdamang sintomas kagaya ng lagnat, ubo, panghihina o sakit sa ulo.

Mabuti na lamang aniya na nagdesisyon siyang magpa-self quarantine at nagawa nitong maprotektahan ang pamilya mula sa kontaminasyon at inaasahan nito na magiging negatibo na ang resulta pagkatapos.

Pinaalalahanan din ng senador ang publiko na makinig sa babala ng gobyerno at iwasang lumabas ng kani-kanilang bahay upang makaiwas sa nakamamatay na virus.

Acute respiratory infections, inirereklamo ng mga bakwit ng pagputok ng  Bulkang Taal

by

 

HANNAH JANE SANCHO

 

MARAMI na sa mga evacuees ang dumadaing ng iba’t-ibang sakit na nararamdaman bunsod ng ashfall mula sa Bulkang Taal.

Batay sa tala ng Department Of Health, nasa limampu hanggang animnapung porsyento ng dalawang libo tatlundaan apatnapu’t dalawa na evacuees na nagpakonsulta sa DOH ang nagrereklamo na hirap huminga dahil sa respiratory infections.

May ilan din sa mga bakwit ang nakakaranas ng hypertension, diarrhea, skin infections o lesions, influenza-like illness, at eye irritations.

Sa kabila nito, sinabi ni Health Sec. Francisco Duque III na nakahanda ang mga health workers mula Calabarzon, Mimaropa, Region 3, at National Capital Region para tulungan ang mga evacuees.

Tiniyak ni Duque na may sapat silang supply ng gamot para sa mga evacuees.

Nabatid na mahigit isandaan animnapung indibidwal mula Batangas, Laguna, at Cavite ang pansamantalang nanunuluyan sa tatlundaang evacuation centers kasunod ng pagputok ng Bulkang Taal noong nakaraang Linggo, Enero a-12, 2019.

Pagtatag ng Inter-Agency Task Force on Zero Hunger, ipinag-utos

by

HANNAH JANE SANCHO

 

IPINAG-UTOS na ni Pangulong Rodrigo Duterte ang pagtatag ng Inter-Agency Task Force on Zero Hunger.

Ito ay matapos lagdaan ni Pang. Duterte ang Executive Order No. 101 para sa pagbuo ng Task Force on Zero Hunger na isinapubliko ng Malacañang kamakailan.

Tatayo bilang chairperson ng grupo ang cabinet secretary habang vice-chairperson ang mga kalihim ng Social Welfare at Agriculture Department.

Miyembro naman ang iba pang tanggapan ng pamahalaan kabilang ang DAR, DBM, DepEd, DENR, DOH, DOLE, DILG at iba pa.

Sa ilalim ng EO, target ng pamahalaan na mabigyang solusyon ang kahirapan sa bansa pagsapit sa taong 2030 at mapabilis ang pagtugon ng pamahalaan sa kakulangan ng pagkain.

Price freeze sa medical supplies, ipinatutupad sa mga lugar na apektado ng eruption

by

 

MJ MONDEJAR

 

INIUTOS na ng Department of Health (DOH) ang price freeze sa mga gamot at medical supplies sa mga lugar na apektado ng pag-aalburoto ng Taal Volcano.

Sa inilabas na walong pahinang memorandum ng DOH, sakop ng price freeze ang masks, nebulizer, at ilang gamot tulad ng anti-allergics paracetamol, antibiotics, cardiovascular medicines at iba pa.

Makikita sa listahan na ang presyo ng N95 mask ay nasa pagitan lamang ng P45 hanggang P105 habang nasa 1.10 hanggang P8 naman ang disposable face mask.

Sinabi ng DOH na ang pagtatakda ng presyo ay dahil tiyak ang pangangailangan ng gamot sa mga lugar na nasalanta ng kalamidad at para maiwasan ang pagkakaroon ng epidemya sa mga apektado.

Samantala, nagpadala na ang DOH ng medical supplies at iba pang gamit sa Calabarzon at NCR bilang tulong sa mga residente na apektado ng aktibidad ng Taal Volcano.

Kabilang sa kanilang ipinadalang mga gamot ay eye drops at asthma medication at mga medical supply gaya ng N95 at surgical face masks, collapsible water containers at jerry cans, water purification tablets at hygiene kits.

Sa ngayon, naka-code alert naman ang DOH Central Office habang naka-code blue alert naman ang DOH Center for Health Development Region 4-A kasunod pa rin ng pag-aalboroto ng Bulkang Taal.

 

Pilipinas kulelat sa reading comprehension sa 79 bansa ayon kay Sen. Marcos

by

Senador Imee Marcos

 

TROY GOMEZ

NANAWAGAN si Senador Imee Marcos sa DepEd, DoH, at DSWD na umarangkada na sa kanilang mga programa sa edukasyon at nutrisyon, dahil kulelat na ang Pilipinas sa reading comprehension o pag-unawa sa pagbabasa, ayon sa isang international report.

Ang nasabing international report ay base sa isang pagsusulit ng Program for International Student Assessment sa mga 15-anyos na estudyante sa 79 na bansa.

Sinabi pa ni Marcos na mukhang hinuhulaan lamang ng DepEd kung ano ang mga pinaka-epektibong programa para sa mga mag-aaral dahil kulang na kulang ang ahensya sa datos tungkol sa pag-enrol hanggang sa pag-gradweyt ng mga estudyante.

Sinabi pa ni Marcos na ang kakulangan ng mga guro sa K-to-12 at pag-apaw ng mga estudyante sa mga silid-aralan ay dagdag problema na dapat pag-isipan ng DepEd upang mas maengganyo ang mga may balak maging guro.

Dagdag pa ni Marcos na 30 porsyento ng utak ng isang bata ay hindi nadedevelop kung kulang sa nutrisyon mula sa ipinagbubuntis pa lang ito hanggang ika-5 anyos, base na rin sa pag-aaral ng Food and Nutrition Research Institute.

COOK PORK THOROUGHLY TO AVOID GETTING SICK

by

DOH

The Department of Health (DOH) recently declared that African Swine Flu (ASF) is not a risk to human health after the Department of Agriculture confirmed that 14 out of 20 pig samples tested positive for ASF.

“We want to allay the fears of the public by saying that, as long as pork is bought from reliable sources and it is cooked thoroughly, pork is safe to eat,” Health Secretary Francisco Duque III emphasized.

According to the World Organization for Animal Health (OIE), ASF is a severe and highly contagious viral disease among domestic and wild pigs.

It is commonly introduced into a herd after the feeding on uncooked or undercooked contaminated pork products which are then ingested by the pig. The virus is then spread between pigs by direct contact with an infected pig, or ingestion of contaminated material (such as food waste, feed, or garbage). It can also be transmitted by contaminated fomites or ticks or blood-sucking insects if present.