PINAS

Ang Lihim ng Panginoon (Ikaapat na Bahagi)

Sonspeak

Recent News:

Eat Bulaga

Pastor Apollo C. Quiboloy, tinanggap ang hamon ng isang TV host

by

 

SMNI NEWS

“THE challenge is accepted pero hindi ako magsasalita hihintayin ko na lang.”

Ito ang naging pahayag ni Pastor Apollo C. Quiboloy sa programang Spotlight matapos itong hamunin ni Vice Ganda, isang TV host, na ipahinto ang traffic sa EDSA at ang teleseryeng ang Probinsyano.

Binigyang-diin ni Pastor Apollo, na dapat ay maging maingat ang mga nasa broadcast sa pagpapahayag ng kanilang mga saloobin o opinion lalo na kung ang isang personalidad o istasyon ay sikat na.

Dagdag pa nito, dapat isipin ng mga ito ang pagtulong at maging halimbawa sa kapwa.

“Pag kayo nasa entertainment at masyado na kayong sikat, pati yung network ninyo masyadong sikat, think about helping humanity. Think about being an example to others. Think about being an example to the next generation,” pahayag ni Pastor Apollo.

Inihalimbawa pa ng butihing Pastor ang long time running noon time show na Eat Bulaga sa pangunguna ni Bossing Vic Sotto na bukod sa saya ang hatid nito sa mga manonood ay nakakatulong pa ito sa sambayanang Pilipino at sa kalikasan.

“Alam niyo kung bakit mahal ko si Bossing Vic Sotto pati yung programa niyang Eat Bulaga. Tingnan ninyo ang ginagawa nila para sa tao hindi nila pinapatutsada.

Gumawa sila ng mga paaralan, tinutulungan nila yung mga nandoon sa barangays. Kaya inimvite ko sila dito, mahal ko siya at ang kanyang programa na ‘yan ay magpapatuloy kahit kailan pa man kasi may pagtulong sila sa kanilang kapwa.

At ako sa kanilang mga jokes natatawa ako kasi mga humor na maganda.

Pero ang example nila sa sangkatauhang Pilipino napakaganda hindi kabastusan, hindi kalokohan, hindi yung pagyurak ng mga honor ng mga tao, hindi yung ipahihiya ka, pagtatawanan ka, at your expense gagawa sila ng joke. So, hindi pagpapalain ng Diyos ang ganoong mga klase.”

Matatandaan nag-courtesy call kay Pastor Apollo C. Quiboloy sa KJC Compound sa Lungsod ng Davao sina Bossing Vic Sotto, kasama si Senate President Tito Sotto.

Wagi ang gandang Pinay

by

LABIS ang galak ni Catriona Gray ng Pilipinas nang koronahan siya bilang Miss Universe 2018 ni Miss Universe 2017 Demi-Leigh Nel-Peters sa final round ng 67th Miss Universe pageant sa Bangkok, Thailand.

 

Ni: Quincy Joel Cahilig

BUKOD sa maligaya, napakaganda ng Pasko 2018 ng mga Pinoy dahil sa pagbubunyi sa pagkamit ni Catriona Gray ng korona sa Miss Universe 2018, ang pinaka-presihiyosong beauty pageant sa buong mundo.

Itinodo ng 24-anyos na Filipino-Australian beauty queen ang pagbida sa ganda ng kultura ng Pilipinas at maging sa pagpapabatid ng mahahalagang isyu na dapat bigyang pansin.  Kaya naman itinuturing siyang isang tunay na “Pinoy Pride”.

“Working in some of the poorest areas of my country, I found that it was a lack of child support, not poverty,  that killed their dreams. A child once told me, “Cat, that’s just not my life, and those dreams aren’t made for me.” But I stand here today because someone believed in me and we owe it to our children to believe in them,” wika niya sa kanyang opening statement.

Mula sa umpisa ng contest hanggang sa huli, pinahanga ng performance ni Gray ang mga hurado at ang milyun-milyong audience sa buong mundo na tumutok sa naturang patimpalak, na ginanap sa Bangkok, Thailand. Kaya hindi na rin masyadong katakataka kung bakit nagawa niyang daigin ang 93 beauty queens mula sa iba’t-ibang bansa.

Sa kanyang pagrampa na tinaguriang “Lava Walk,” suot ang red Mayon Volcano inspired gown, ang slow-mo na pag-ikot niya sa swimwear competition,  napa-wow talaga ang lahat, maging ang mga celebrities at icons kabilang ang supermodel na si Tyra Banks.

Nguni’t ang higit na napabilib ng 5’10 Pinay beauty queen ang lahat sa kanyang mga sagot sa question and answer portions. Sa isang pagkakataon ay natanong siya tungkol sa isang napapanahon na isyu kung dapat nga bang gawing ligal ang marijuana.

“I’m for it being used in a medical use but not so for recreational use, because I think if people were to argue, what about alcohol and cigarettes? Well everything is good but in moderation,” sagot ni Gray.

Kamakailan ay ipinahayag ni Pangulong Rodrigo Duterte na pabor siya na gawing ligal ang medical marijuana sa bansa. Nakahain na din ang panukalang batas sa Kongreso patungkol dito.

At nang tanungin naman si Gray, “What is the most important lesson you’ve learned in your life, and how would you apply it to your time as Miss Universe?”  Isang makabagbag-damdaming sagot ang kaniyang binitawan, na hango sa realidad ng buhay sa bansa.

“I work a lot in the slums of Tondo, Manila, and the life there is very poor and very sad. I’ve always taught myself to look for the beauty in it, to look for the beauty in the faces of the children, and to be grateful. I would bring this aspect as a Miss Universe to see situations with a silver lining, and to assess where I could give something, where I could provide something as a spokesperson. If I could teach also people to be grateful, we could have an amazing world where negativity could not grow and foster, and children would have a smile on their face,” wika ni Gray.

MAINIT na sinalubong ng mga Pinoy si Miss Universe 2018 Catriona Gray sa kanyang pagbalik sa Pilipinas matapos ang beauty pageant sa Thailand.

 

KAMPEON NG TURISMO

Pinuri ng Department of Tourism (DOT) si Gray sa maigting na pagpo-promote nito ng Philippine Tourism sa pamamagitan ng pag-post ng mga video clips ng iba’t-ibang tourist destinations sa Pinas habang nire-represent ang bansa sa Miss Universe 2018.

Sa national costume show presentation, isinuot ni Gray ang isang beaded tribal suit na nagpapakita ng indigenous tribes ng Pilipinas, na may kapares ng isang malaking parol.

“She has single-handedly led more people all over the world to discover that, indeed, it is more fun in the Philippines,” wika ng DOT sa isang statement.

“Amidst Ms. Gray’s preparations prior to heading for Thailand, she took precious time to do a series of video clips promoting unique and fascinating destinations and diverse cultures: Luzon’s Rizal Park and world-renowned El Nido, Palawan, the resilience of the Visayan people particularly in Tacloban City, and Mindanao’s multi-faceted South Cotabato,” dagdag ng ahensya.

Binigyang pugay din ng DOT ang mensaheng itinawid ni Gray na dapat ikarangal ang pagiging isang Pilipino.

“Miss Gray evoked the Filipino people’s essential attributes of friendliness, cheerfulness, hospitality and kindness when she was around the representatives of different nations,” pahayag ng DOT.

DREAM COME TRUE

Ibinahagi ni Gray na ang pagkapanalo niya bilang Miss Universe ay isang dream come true para sa kanya at para sa kanyang ina.

“When I was 13, my mum told me ‘Honey, I dreamt of you winning [Miss Universe] in a red dress.’ At that time, I thought nothing of it, and today my mother’s dream came true,” aniya.

Nasaksihan ng personal ng kanyang ina na si Normita at amang si Ian ang pagsuot niya ng korona sa Miss Universe pageant na ginanap sa Bangkok, Thailand.  At makikita sa isang viral video ng mag-asawa ang kanilang labis na kasiyahan sa pagtamo ng kanilang anak sa matagal na nitong inaasam-asam na titulo.

Maituturing na experienced si Gray pagdating sa beauty contests. Noong 2016, siya ang candidate ng bansa sa Miss World pageant, kung saan nanalo siya ng 3rd place. At, lingid sa kaalaman ng marami bago ang kaniyang pagkapanalo sa Miss Universe, sumali din si Catriona noong bata pa siya sa Little Miss Philippines ng noontime show na Eat Bulaga noong 1999.

Ngayon, nakaukit na sa kasaysayan ng bansa ang kanyang pangalan bilang isa sa mga Pinay na kinoronahan bilang Miss Universe — Gloria  Diaz (1969), Margarita Moran (1973), at Pia Wurtzbach (2015).

Sa gitna ng kanyang mga tagumpay, pinasalamatan ni Gray ang lahat ng sumuporta sa kanyang laban, at iniaalay ang kanyang bagong korona sa Dios at bayan.

“Lord God, I lift everything up to you —to glorify and honor. Philippines, what an amazing honor it has been to carry your name across my chest and to embody you in all aspects. I may now carry the sash of Miss Universe, but I’ll forever be your Miss Philippines,” pahayag niya sa kanyang social media post.

“Mga kababayan ko, I’m happy to give you the best Christmas gift ever.”

Alden Richards, tuloy-tuloy ang pasabog ngayong taon

by

Ni: Wally Peralta

BAGO pa man magtapos ang taon, ay kapiling na ng mga fans ang Pambansang Bae na si Alden Richards sa pamamagitan ng isang live show sa MOA, Pasay City, ang GMA-7 Countdown to 2018 nitong New Year Eve.  At kinabukasan naman, New Year’s Day, ay kapiling naman ni Alden ang mga fans sa kanyang first live show sa “Eat Bulaga” ng GMA-7, noontime.

“Ang daming blessings na dumating. My endorsements were renewed and extended up to next year. My restaurant business ang Concha’s will soon be available for franchising,” ang paunang say ni Alden.

“Maganda naman ang pasok ng 2018. May mga endorsement na akong tinanggap at pagdating naman sa teleserye na gagawin ko, nasa planning stage na at pag okey na ito ay malalaman naman po ng lahat. Everything is in planning process. Pagdating naman sa movie, so far wala pa po kaming natatanguhan, we’ll just wait and see,” dagdag pa ng aktor.

 

No “New Year’s resolution’’

At dahil bago ang taon na papasok, nakaugalian na nating mga ‘Pinoy ang pagkakaroon ng isang New Year’s resolution, hindi lang naman mga ordinaryong tao ang naglilista ng ganito, maging ang mga showbiz personalities ay may kanya-kanyang New Year’s resolution na magiging gabay sa pagpasok ng bagong taon. Sikat man o hindi ay mayroon nito. Sa panig naman kaya ni Alden, ano ang kanyang New Year’s resolution this year?

“Hindi po ako nag-New Year’s resolution,” say ng Pambansang Bae.

“Kasi po, hindi ko naman po kasi kailangan pang maghintay ng isang bagong taon para magbago. Kasi ako po ang tipo ng taong kung pwede nang baguhin at this moment of time, eh baguhin na natin,” paliwanag ni Alden.

“May international shows din pala ako starting January 20. Unang-una na sa Sydney, Australia, then GMA Pinoy TV shows sa New Jersey in the U.S. and Toronto in Canada,” pahabol ni Alden.

 

Birthday wish

Sa programang “Eat Bulaga” ay ipinagdiwang ni Alden Richards ang kanyang ika-26 na kaarawan, noong nakaraang Enero 2. Halos mapuno ang studio sa dami ng nais makisaya kay Alden. Kaya nga ba ganun-ganun na lang ang labis na kasiyahan ni Alden at kahit pigil man ang pagluha ay banaag sa kanyang aura ang kaligayahan sa mga biyayang tinatamasa.

At nitong nakaraang Enero 6 ay nagbigay naman ng isang pagtitipon para sa kanyang mga fans si Alden na ginanap sa Enchanted Kingdom sa Sta. Rosa, Laguna. Espesyal ang naturang meet and greet fans day ni Alden at tinawag pa niya itong One Fun Day With The Bae at EK. Ano naman kaya ang birthday wish ni Alden?

“For myself, wala na kong masyadong hinahanap kasi I’m contented na with everything. Wish ko na lang, peace and stability. Matanggal na yung hate sa puso ng mga tao, kasi ang daming puwedeng ipagpasalamat araw-araw,” hiling ng Pambansang Bae.

“Ang wish ko lang po talaga, sana po matapos na yung hate,” huling hiling ng binatang aktor.

 

Greetings from Maine

ISA sa early greeters ni Alden Richards noong araw ng kanyang kapanganakan ay ang kanyang katambal sa AlDub, na si Maine Mendoza.

Inamin ni Maine na madaling araw palang ng mismong birthday ni Alden ay tinawagan na niya ito at binate. Labis naman itong na-appreciate ng binata.

Kahit pa sabihin na medyo lie low ang kanilang tambalan bunga na rin ng isang ‘open letter’ na ginawa ni Maine hinggil sa pansamantalang ‘pamamahinga’ sa showbiz world ni Maine at nagpunta ng US kasama ang buong pamilya para doon magpalipas ng Holiday Season.

Nagbalik ng bansa si Maine last Dec. 31, 2017 at kinabukasan naman ay live siyang naghost sa Eat Bulaga.

“Maraming salamat kay Maine,” ani ni Alden

 “I’m very happy that she’s having fun with her family nitong nakaraang taon at sama-sama silang nag-holiday vacation sa abroad. She deserves it.”

“Actually bago pa man siya nagbakasyon sa US ay nagkausap kami kung kaya alam ko yung plano nila ng kanyang pamilya na magbakasyon.”

Kaya nawala na ang agam-agam sa mga milyun-milyong supporters ng dalawa na paghihiwalayin na ang kanilang loveteam. Sa katunayan pa nga ay may isang movie ngayon na nasa planning stage na muling pagsasamahan nina Alden at Maine pagkatapos ng kanilang matagumpay na pelikulang “Imagine You and Me” last 2016.

“Ha ha ha, Wala pang final word sa movie namin ni Maine, so abangan na lang natin,” say pa rin ni Alden.

Bukod kay Maine, isa pa ring mahalagang babae sa buhay ni Alden ang pinasalamatan niya at nagbigay rin ng kanyang taos pusong pagmamahal na mensahe para sa kanyang yumaong ina. Pigil luha ngang nagpahatid ng kanyang mensahe si Alden sa mahal niyang ina.

“Ma, siyempre, every day naman, nagdarasal ako, lagi kitang kinakausap na sayang pa rin na you didn’t get the chance to experience these. Basta grateful ako na binigyan mo ako ng chance na mabuhay sa mundo. Grateful ako, dahil sa ‘yo, marami akong buhay na nata-touch and nakapagbibigay ng kaligayahan. So, Ma, kung nasaan ka man, every day is a day with you and, every day, I celebrate you as part of all of these. I love you, Ma.”

Mula sa inyong lingkod at sa buong staff ng Pinas, binabati namin si Alden Richards ng Maligayang Kaarawan.

Jose Manalo, sa likod ni Lola Tinidora

by

Ni: Wally Peralta

SIMULA ng magsimula ang isang segment sa noontime show na “Eat Bulaga,” ang “Kalyeserye,” ay nabuo ang karakter ng tatlong lola na ginagampanan nina Wally Bayola bilang si Lola Nidora, Paolo Ballesteros bilang si Lola Tidora at si Jose Manalo naman ay bilang si Lola Tinidora. Naging klik ito sa masa, sa katunayan pa nga ay naging malaking tulong ang tatlong lola sa matagumpay na karir ngayon nina Alden Richards at Maine Mendoza na nakilala bilang  AlDub loveteam. Nagkaroon ng sariling TV show ang 3 lola na “The Lola’s Beautiful Show” na mapapanood sa GMA-7 bago mag-Eat Bulaga. Andiyan pa rin naman ang kanilang pelikulang “Trip Ubusan, Lola Vs Zombies.”

Sa kabila ng lubos-lubos na kaligayahan handog ng mga lola sa publiko ay andun naman ang hirap nang nasabing karakter para sa tatlo.

“Mahirap kasi mabilisan,” ang paunang tugon ni Jose Manalo.

“Mahirap pagdating sa make-up.”

“Pero dahilan sa maganda naman yung character at may mga magagandang aral itong nakakapulutan ng mga manonood, kaya kahit ayaw mo yung mga nilalagay sa mukha mo ay no choice ka bilang isang artista na gawin na lang ito.”

Sa ngayon ay ‘wala’ na muna ang 3 lola sa ‘Kalyeserye’. Pahinga na muna ang kanilang karakter sa “Eat Bulaga” kung kailan ito ibabalik ng management ng naturang noontime show, wala pang katiyakan. Magkagayunpaman ay tuloy-tuloy pa rin ngayong taon 2018 ang karakter ng mga lola sa TV show nila sa Kapuso Network.

Feel rin ba ni Jose Manalo na tumagal ang kanilang sariling TV shows? Lalo pa’t araw-araw ay nakasuot o nasa karakter sila ng mga lola, fully make-up with matching woman’s dress pa silang suot-suot.

“Kung magtagal pa ba ito, ay okey lang sa akin yun. Work pa rin iyan.”

 

Matapang kung kinakailangan

Ano naman kaya ang karakter ni Lola Tinidora na kahawig sa tunay na buhay ng isang Jose Manalo? Meron naman kaya?

“Meron.”

“Si Lola Tinidora kasi ay maharot, madaldal at matapang. Sa totoong buhay hindi ako maharot at madaldal pero matapang ako.”

“Tumatapang din kasi ako pag naagrabiyado”.

“Sa totoong buhay kasi ay simpleng tao lang ako, ganun pa rin, pag walang trabaho ay nasa bahay lang.”

 

Duwag magsolo

Inamin din ni Jose Manalo pagdating sa kanyang karir ay matapang siyang gawin ang mga karakter na kahit anong hirap ay sinusubukan niya. Pero sa isang banda ay duwag naman si Jose na magkaroon ng sariling movie tulad na lang ng iba pang komedyante natin. O di nga ba, si Empoy, nagklik nang magbida sa “Kita-Kita” movie nila ni Alexandra de Rossi. Sinong mag-aakalang magkaka-jackpot pala itong si Empoy sa pelikulang iyan na ginawa lang hindi para kumita kundi para makapagpasaya ng tao. Kaso humakot ng milyones sa takilya.

“Ayoko pa talaga, ayokong magsolo.”

“Hindi sa anupaman, may niyerbos kasi ako pagdating sa pagsosolo sa pelikula, wala pa akong tiwala sa sarili ko.

“Ganun akong tao, masegurista. Bago gumawa ng isang proyekto ay dapat sigurado ako sa sarili ko na kaya kong gawin.”

Eh, kung siya na mismo ang magprodyus ng sarili niyang pelikula?

“Ay, lalong hindi, ha ha ha ha ha,” ang masayang pagtatapos pa ni Jose Manalo.

Sunshine Dizon, speaks up about the secret of success of ‘Ika 6 na Utos’

by

 
Si Sunshine Dizon kasama ang mga bida ng noontime soap opera na ‘Ika-6 na Utos’ na sina Gabby Concepcion at Ryza Cenon.

 

Ni: Wally Peralta

MASASABI na ang namamayagpag o ‘panlaban’ na teleserye ngayon ng GMA-7 ay ang kanilang highest rating noontime soap opera na “Ika-6 na Utos” na pinagbibidahan nina Sunshine Dizon, Gabby Concepcion at Ryza Cenon. Click na click ito sa mga tele-viewers, dumarating pa nga sa punto na halos apektado na rin ang maraming viewers sa characters ng naturang soap. Tulad na lang kay Ryza bilang si Georgia, lumabas na other woman, ay nakakatanggap na rin ng death threat. Samantalang si Sunshine naman bilang si Emma, ang asawa ay kinakampihan.

Tsikang bago pa man gawin ni Sunshine ang “Ika-6 na Utos” ay nagdadalawang-isip ang aktres.

“Ang plan ay one season o six weeks lang,” paunang say ni Sunshine.

“Hindi ko ini-expect na ganito ito tatagal. Nagdalawang isip pa nga ako ng una kung gagawin ko itong ‘Ika 6 na Utos” kasi okey na okey naman ako doon sa “Encantadia Part 2”. Half way na ako sa Enca at nagsisimula palang madevelop yung character ko ay sinabihan ako ng aking manager na ipu-pull-out na raw ako sa Enca.”

“Sabi ko, bakit?”

“Sabi sa akin ng aking manager na may gagawin raw ako bagong soap. Sinasabi na raw niya agad sa akin para raw hindi ako magulat. Ewan ko ba, pag may bagong project sa akin ang GMA-7 na ibibigay ay nagkakataon na parating halfway na ako sa karakter sa ginagawa kong soap saka ako aalisin. Parang biglaan, ganun. Natatandaan ko pa noong una, bago ako maging bida sa ‘Bakekang’ ay nasa ‘Captain Barbell’ na ako noon, pinul-out din ako sa fantaserye noon ni Richard Gutierrez,” ang paliwanag pa ni Sunshine.

 

Halaw sa totoong buhay niya…

May kaugnayan kaya sa pagdadalawang-isip niyang tanggapin ang “Ika 6 na Utos” sa dahilan ang tema nito ay may pagkakahawig sa tunay niyang buhay? Kainitan noon ng hiwalayan nila ng kanyang mister na si Timothy Tan at nasa proseso palang ng moving on si Sunshine nang i-alok sa kanya ang bagong soap na gagawin?

“Before na ini-offer nila sa akin ang ‘Ika-6  na Utos’, ay kinausap pa ako ng manager ko na kung interesado ba raw akong gumawa ng isang teleserye na may pagkahawig sa takbo ng buhay ko. That time ay fresh na fresh pa na rin yung hiwalayan naming ng mister ko.”

“Sabi ko okey lang, blessings yan, bakit naman ako tatanggi. Work is work kaya sabi go ako diyan. Saka I guess im not the only person in the whole world na may ganun istorya na tulad sa akin.”

 

Secret of success….

Ngayon ay namamayagpag ng husto ang naturang soap opera na ito ni Sunshine. Naging highest rating ito na pati ang ratings ng mga pangmasang noontime show na “Eat Bulaga” at “It’s Showtime” ay nilalampaso ng rating ng soap nina Sunshine. Sa palagay kaya niya, ano ang and dahilan kung bakit tinatangkilik sila ng husto ng tele-viewers?

“Well personally, sometimes when I’m reading the script parang sabi ko sa sarili ko na imposibleng mangyari ang ganitong sitwasyon, siempre, bilang actor, may mga question ako about certain thing sa character ko na si Emma.”

“Sabi naman sa akin ng aking manager, sa totoong buhay ay ibang-iba si Emma, pero si Emma is playing all those real people rolled into one. So, Emma is the martyr wife, Emma is the palaban wife, Emma is the crying wife, ha ha ha ha! I think that’s the key kung bakit naging interesado ang mga televiewers sa aming soap,” say ni Sunshine.

“Siyempre kasali rin yung character ni Ryza Cenon na si Georgia, the other girl. Aminin na rin natin na may mga babae talagang baliw diyan na gagawin ang lahat para makuha lang ang minamahal niya. Kay Georgia naman, rolled into one din siya, andiyan kasi yung mga assets ng isang ‘kabit’ na paawa, yung tipong magpapakamatay pag iniwanan, yung ibibigay lahat, yung palaban,”dagdag ni Sunshine.

 

Sympathy for the ‘kabit’

Sa tinagal-tagal ng kanilang soap opera at sa dinami-rami na rin ng natutunan ni Sunshine sa buhay ng mga other girl, sa kanilang dusa at pakikipaglaban, nagkaroon na kaya ng sympathy si Sunshine, knowing na isa rin siya sa naging ‘biktima’ ng other woman.

“Hindi pa rin. Ha ha ha ha ha!”

“To be honest, kumbaga, ako personally, mayroon akong isang kakilala na parang naging cause ng break up ng isa rin kakilala ko. Umiwas ako.Hindi ko keri. I don’t want to be associated with certain people anymore that I know that cause a lot of pain para sa mga anak at sa pamilya,” ayon kay Sunshine

“Kasi, okey lang kung single o hiwalay, yung ganun. Pero kung alam mong may asawa, may pamilya, foul na yun.”

“Unless siguro kung hindi mo alam talaga, yung bang tipong niloko ka, that’s a different story, pero pag alam mo may pamilya, sorry, hindi ko talaga ma-attempt na magkaroon ng sympathy sa mga taong pumapatol sa may sabit na. Hindi talaga! Kasi parang feeling ko, marami naman tao sa mundo, hindi naman tayo mauubusan bakit ka kailangan mang-agaw at manira ng pamilya?” pagtatapos ni Sunshine.

Close Bitnami banner
Bitnami