PINAS

Ang Lihim ng Panginoon (Ikapitong Bahagi)

Sonspeak

Recent News:

ERC

Smart Grid Napapanahon

by

Louie C. Montemar

 

Sa isang pampublikong konsultasyon ng Kagawaran ng Enerhiya na ginanap sa Subic kamakailan lamang, nagpahayag ng pagsuporta para sa mungkahing patakaran para sa Smart Grid Technology ang grupong pangkonsyumer na BK3.

Para sa BK3 (Bantay Konsyumer, Kalsada at Kuryente) makatutulong ang patakaran upang tiyakin na may ligtas, sapat, at maaasahang kuryente para sa mamamayan.

Kailangan naman talagang igiit ang mabilis at agarang tugon ng DOE at ERC para sa kapakinabangan ng mga konsyumer sa lalong madaling panahon. Sa matamang gamit, ang teknolohiyang ito ay makatutulong sa pag-unlad ng ekonomiya at pagdami ng mga trabaho.

Sa sistemang Smart Grid, gumagamit ng Intelligent Devices o electronic at digital devices sa iba’t ibang estratehikong bahagi ng power generation at distribution system. Dahil dito, mas namomonitor ang enerhiyang dumadaloy sa kabuuang sistema pati na ang aktwal na nakokonsumo ng mga end users. Kung gayon, halimbawa na lamang, kapag nagkakaroon ng sira sa linya, mas madaling matutukoy at matutugunan ang problema. Sa pamamagitan nito ang mga customers ay makararanas ng mas maikli at kaunting brownout — maiiwasan ang abala sa mga gawain ng tao.

Higit sa lahat, aangkop ang isang sistemang Smart Grid sa paggamit natin ng mas malalaking bahagi ng likas kayang enerhiya (renewable energy) gaya ng Solar at Wind Energy. Kailangan natin ito kahapon pa! Para ito sa ating lahat.

Para naman sa aking kaibigan na si Ginoong Pet Climaco, Secretary General ng BK3 na dumalo din sa nasabing pampublikong konsultasyon: “Ang pinakapakinabang nito [Smart Grid] ay ang pagbibigay kapangyarihan sa mga customer. Sapagkat anumang impormasyong may kinalaman sa kuryente ay malalaman sa halos aktwal na oras, ang pakikipag-ugnayan sa customer ay mapapabuti lalo na kung ang pamamahala sa kuryente ay magiging posible sa loob ng kanilang bahay o gusali gamit ang Smart Meters at Smart Devices.” Para ito sa konsyumer, para sa ating lahat.

Pagsibak sa mga matataas na opisyal ng gobyerno, katiwalian ang sanhi

by

Ni: Beng Samson

KORAPSYON,  ang isa sa mga malalaking dahilan ng kahirapan ng mga ‘Pinoy. Malaking suliranin ito ng bansa na matagal ng pasan ni Juan dela Cruz. Ang mga may kagagawan ay mismong ang mga opisyales na dapat sana ay ating nasasandalan sa ating mga pangangailangan at kahirapan.

Ano ang solusyon? Sabi nga nila, kapag may ilang pirasong bulok na kamatis na nakahalo sa isang buslo, makahahawa ito ng iba kaya’t kailangan itong alisin.

Buena manong sibak sa puwesto sa 2018

Disyembre noong nakaraang taon, inanunsiyo ni Pangulong Rodrigo Duterte ang kanyang pagsibak sa pinakahuling mataas na opisyal para sa taong 2017. Pagpasok pa lamang ng bagong taong 2018, Enero 4, pinangalanan na ito at inanunsyong si Maritime Industry Authority (Marina) Administrator Marcial Amaro III.

Ayon kay Presidential Spokesperson Harry Roque Jr., kinakitaan ito ng pangulo ng labis na paglalakbay sa ibang bansa. Umabot ito sa bilang na 24 simula nang maupo si Amaro sa kanyang tanggapan – anim dito ang isinagawa noong 2016 samantalang 18 naman noong 2017.

Ikinumpara ng tagapagsalita ang naitalang pitong biyahe ni dating Presidential Commission for the Urban Poor chair Terry Ridon na naging sanhi din ng pagkatanggal sa posisyon ng huli. Aniya kung naging pamantayan ng pangulo ang bilang na ito para tawaging “excessive foreign trips”, higit na asahang mapupuna ang bilang na 24.

Paglilinis sa hanay ng mga empleyado at opisyal ng gobyerno

Matatandaang inanunsiyo ni Digong noong Marso 2017 na kanyang sinibak sa puwesto ang 92 empleyado sa gobyerno dahil sa graft o iyong pagnanakaw sa gobyerno. Kabilang na dito ang mga kawani sa Bureau of Customs (BuCor), Bureau of Internal Revenue (BIR), Land Transportation Franchising and Regulation Board (LTFRB), Energy Regulatory Commission (ERC), Land Transportation Office (LTO), at iba pa.

Hindi lamang maliliit na empleyado ang nabibilang sa nasabing tanggalan kung di pati mga matataas na opisyal ng bansa ay hindi rin nakaligtas sa pagbabantay ng grupo ni DU30 kaugnay sa diumano’y usaping korapsyon.

Ilan lamang sina Secretary Ismael “Mike” Sueno ng Department of the Interior and Local Government, Peter Laviña, hepe ng National Irrigation Administration (tumanggi sa paratang na korapsiyon at nagsabing hindi siya tinanggal kundi kusang nagbitiw sa tungkulin), Immigration Deputy Commissioners Al Argosino at Michael Robles, Undersecretary Maia Chiara Halmen Valdez, Office of the Cabinet Secretary.

Pagtupad sa pangako

Hindi kaila sa lahat ang paulit-ulit na pagsasabi ng pangulo na hindi siya mangingiming sibakin sa puwesto ang mga tiwaling kawani ng gobyerno pati ang mga matataas na opisyal, “Even whiff, or a whisper of corruption, and you’re out”, “I fired a high government official today. I will not mention his name because I do not want to shame the family”, “I will not promise you heaven but I will try to stop corruption”. Ilan lamang ito sa mga nasambit ni Pangulong Digong sa tuwing may tatanggalin itong opisyal sa puwesto.

Matatandaang isa sa mga pangako ni PDU30 ang pagtatanggal sa puwesto ng mga tiwaling ‘nakaupo’ sa puwesto noong panahon ng kampanya.

Pagbuo ng Anti-Corruption Commission

Upang mas lalong mapaigting ang kampanya laban sa korapsiyon, nagpalabas ng kautusan ang pangulo para sa pagbuo ng Presidential Anti-Corruption Commission noong nakaraang taon. Layon nitong palawakin pa ang pag-iimbestiga sa lahat ng presidential appointees, kabilang na ang mga nasa labas ng executive branch.

Nakasaad sa Executive Order No. 43 na nilagdaan ni Pang. Duterte noong Oktubre 4, 2017, na ang Komisyon ay binuo at dinesenyo upang asistehan ang pangulo sa pag-iimbestiga at pagdinig sa mga kasong administratibo ng graft at corruption.

“Pag hindi ka sumipot doon sa Commission na ‘yun, if I do not have the subpoena powers, then I will apply for a subpoena powers from the courts. Pag hindi kayo sumipot, aarestuhin. I will order the police and the military to arrest you. ‘Yan lang ang paraan eh,” babala ni Duterte matapos ang pagbuo ng Commission noong nakaraang taon.

Iba pang mga matataas na opisyal na tinanggal sa puwesto:

  1. Rodolfo Salalima, Secretary, Information and Communications Technology
  2. Peter Tiu Lavinia, Chief, National IrrigationAdministration
  3. Maia Chiara Halmen Valdez, Cabinet Undersecretary
  4. Benjamin Reyes, Chairman, Dangerous Drugs Board
  5. Jose Vicente Salazar, Energy Regulatory Commission
  6. Gertrudo de Leon, Undersecretary for Legal and Liaison Group, Department of Budget and Management
  7. Dionisio Santiago, Chief, Dangerous Drugs Board Consistent Warning

Bukod sa trapik, droga, edukasyon, trabaho, at iba pa, ang kahirapan ang pangunahing suliranin ng ating bansa. Hindi lamang ang pagiging kulang sa kaalaman, malaking pamilya o pagkakaroon ng sunod-sunod na anak, likas na mahirap o minanang kahirapan, ang mga dahilan kung bakit maraming mahihirap sa ating bansa. Kung nagagamit sana sa tama ang badyet o kaban ng bayan, mas marami sana ang matutulungang kababayan at maiaahon sa hirap. Subali’t dahil karamihan sa mga nabigyan ng kapangyarihan na mamuno, aminin man o itanggi ay mas binigyang prayoridad ang sariling bulsa.

Ang tuloy-tuloy na pag-iimbestiga at pagsibak sa puwesto ng mga kasalukuyang namumuno sa ating bayan ay nagsisimula nang maging babala o warning. Magsilbing halimbawa sana ito sa kanila na ang ‘pag-upo’ sa puwesto ay hindi panghabambuhay at hindi dapat gawing palabigasan mula sa mga maralitang nagbabayad ng buwis. Hindi nararapat na magpatangay sa agos ng nakagisnang sistema ng pulitika kung talagang naghahanap ng pagbabago. Ang kasiraan ng pangalan ay bitbit ng buong pamilya hanggang sa kaapu-apuhan.

Kailangan ng aksiyon sa sektor ng enerhiya

by

Ni: Louie C. Montemar

AN ounce of prevention is better than a pound of cure, wika nga sa Ingles.  Kailangang maging maagap tayo sa pagharap sa mga banta sa kalagayan ng ating bansa. Ito ang isang bagay na dapat isipin ngayon ng ating mga pinuno sa sektor ng enerhiya.

Dahil sa lumalaking ekonomiya ng bansa at lalong umiinit na panahon, higit pang lumalaki ang pagkonsumo natin sa kuryente.  Malaking hamon ngayon sa pamahalaan ang mapanatili ang ating kapasidad sa produksyon ng elektrisidad.

Nakababahala ang nabalitaang may anim na beses na palang nagka-yellow alert sa sektor ng enerhiya sa bansa nitong buwan lamang ng Setyembre.  Ibig sabihin, malapit nang kapusin ang ating suplay ng kuryente.  Mula nang magsimula ang taon, may tatlong beses naman na nagkaroon ng red alert at nagkaroon ng brown-out dahil sa kakulangan ng suplay ng kuryente.

Ito ay ayon sa pahayag ng pinagsanib na pulong ng Komite ng Konggreso sa Enerhiya at Good Government and Public Accountability.

Maganda namang pansinin ang tila patuloy na paglaki ng ating ekonomiya, subalit paano natin mapapabilis pa at mapalaki ang produksiyon sa ating bansa kung hindi matutugunan ang batayang pangangailangan sa enerhiya?

Dapat pa ngang pansinin na napakamahal ang presyo ng ating kuryente o enerhiya kung ikukumpara ito sa ibang bansa.  Isa ang Pilipinas sa may pinakamahal na elekrisidad sa bahaging ito ng Asya.  Sa katotohanan, isa ito sa mga dahilan kung bakit hindi naeenganyo ang ilang mamumuhunan na magnegosyo sa Pilipinas.

Sa harap ng hamong ito, kailangan nating manawagan sa Energy Regulatory Commission (ERC) upang maging higit pang maagap at masinop sa gawaing nito.  Ayon sa Konggreso, may mga nakabinbing aplikasyon para sa Power Supply Agreements (PSAs) ang Manila Electric Company.  May di bababa sa pitong PSAs na ang dapat desisyunan ng ERC.

Ibig sabihin, nakaumang na ang mga proyekto para sana sa produksiyon ng dagdag na enerhiya subalit naiipit ang mga ito sa proseso ng pag-aaral at pag-apruba ng ERC.

Gaya ng nasabi na, kailangang maging maagap tayo sa pagharap sa mga banta sa kalagayan ng ating bansa.  Kung hindi, mas lalo pang lalala ang sitwasyon.  Kapag dumalas pa at lumawak ang brownouts, masama ang epekto nito sa produksiyon, kalusugan, at pangkalahatang lagay ng ating mga mamamayan. Baka gawin pang dahilan ang nakaambang kakapusan sa kuryente sa pagtataas ng presyo ng mga bilihan.

Mabilis na aksiyon ng ERC ang kailangan sa kagyat.  Sa pangmatagalan, kailangan nating payabungin pa ang programang pang-enerhiya ng bansa bilang mahalagang tuntungan ng sustenidong kaunlaran.

Kailangan ng aksiyon sa sektor ng enerhiya

by

Ni: Louie C. Montemar

AN ounce of prevention is better than a pound of cure, wika nga sa Ingles.  Kailangang maging maagap tayo sa pagharap sa mga banta sa kalagayan ng ating bansa. Ito ang isang bagay na dapat isipin ngayon ng ating mga pinuno sa sektor ng enerhiya.

Dahil sa lumalaking ekonomiya ng bansa at lalong umiinit na panahon, higit pang lumalaki ang pagkonsumo natin sa kuryente.  Malaking hamon ngayon sa pamahalaan ang mapanatili ang ating kapasidad sa produksyon ng elektrisidad.

Nakababahala ang nabalitaang may anim na beses na palang nagka-yellow alert sa sektor ng enerhiya sa bansa nitong buwan lamang ng Setyembre.  Ibig sabihin, malapit nang kapusin ang ating suplay ng kuryente.  Mula nang magsimula ang taon, may tatlong beses naman na nagkaroon ng red alert at nagkaroon ng brown-out dahil sa kakulangan ng suplay ng kuryente.

Ito ay ayon sa pahayag ng pinagsanib na pulong ng Komite ng Konggreso sa Enerhiya at Good Government and Public Accountability.

Maganda namang pansinin ang tila patuloy na paglaki ng ating ekonomiya, subalit paano natin mapapabilis pa at mapalaki ang produksiyon sa ating bansa kung hindi matutugunan ang batayang pangangailangan sa enerhiya?

Dapat pa ngang pansinin na napakamahal ang presyo ng ating kuryente o enerhiya kung ikukumpara ito sa ibang bansa.  Isa ang Pilipinas sa may pinakamahal na elekrisidad sa bahaging ito ng Asya.  Sa katotohanan, isa ito sa mga dahilan kung bakit hindi naeenganyo ang ilang mamumuhunan na magnegosyo sa Pilipinas.

Sa harap ng hamong ito, kailangan nating manawagan sa Energy Regulatory Commission (ERC) upang maging higit pang maagap at masinop sa gawaing nito.  Ayon sa Konggreso, may mga nakabinbing aplikasyon para sa Power Supply Agreements (PSAs) ang Manila Electric Company.  May di bababa sa pitong PSAs na ang dapat desisyunan ng ERC.

Ibig sabihin, nakaumang na ang mga proyekto para sana sa produksiyon ng dagdag na enerhiya subalit naiipit ang mga ito sa proseso ng pag-aaral at pag-apruba ng ERC.

Gaya ng nasabi na, kailangang maging maagap tayo sa pagharap sa mga banta sa kalagayan ng ating bansa.  Kung hindi, mas lalo pang lalala ang sitwasyon.  Kapag dumalas pa at lumawak ang brownouts, masama ang epekto nito sa produksiyon, kalusugan, at pangkalahatang lagay ng ating mga mamamayan. Baka gawin pang dahilan ang nakaambang kakapusan sa kuryente sa pagtataas ng presyo ng mga bilihan.

Mabilis na aksiyon ng ERC ang kailangan sa kagyat.  Sa pangmatagalan, kailangan nating payabungin pa ang programang pang-enerhiya ng bansa bilang mahalagang tuntungan ng sustenidong kaunlaran.

Close Bitnami banner
Bitnami