PINAS

Ang Lihim ng Panginoon (Ikapitong Bahagi)

Sonspeak

Recent News:

Eyesha Endar

Donnie Yen, nag-donate ng 1M HK dollars sa Wuhan medical workers

by

EYESHA ENDAR

 

NAG-DONATE ng isang milyong HongKong dollars o katumbas ng mahigit 6.6 million pesos ang martial star at film producer na si Donnie Yen para sa mga Wuhan medical workers sa China.

Say ni Donnie, ito ay bilang pagbibigay pugay at pasasalamat sa lahat ng medical staff na nasa front line ng laban kontra coronavirus.

Naniniwala rin aniya siya na maipapanalo ng China ang laban sa pagpigil sa paglaganap ng sakit.

Dahil dito, marami ang humanga sa hongkong star sa isinagawa nito para sa mga dakilang medical workers na nasa ground zero ng covid-19.

Nakilala si Donnie sa mga pelikula gaya ng “IP Man”, “Enter The Fat Dragon” at marami pang iba.

 

Matteo Guidicelli, sumama sa relief operations sa mga biktima ng pagsabog ng Bulkang Taal

by

EYESHA ENDAR

 

TAOS puso sa aktor na si Mateo Guidicelli ang pagtulong sa mga biktima ng pagsabog ng Bulkang Taal sa Batangas.

Sumama ang aktor sa relief operations ng Philippine Army sa mga apektadong residente ng pagputok ng Bulkang Taal.

Sa kaniyang Instagram post, makikita na naka-uniporme rin ng pang-sundalo si Mateo kasama ang Armed Forces of the Philippines.

Isa ang Barangay Poblacion 3 sa Sto. Tomas, Batangas ang kanilang pinuntahan at binigyan ng mga relief goods.

Kasabay nito, nanawagan din ang aktor sa kaniyang mga fans na magbigay ng tulong sa mga biktima ng pagsabog ng Bulkang Taal.

Relasyon nina K-pop Superstars Kim Heechul at Momo Hirai, kumpirmado na

by

 

EYESHA ENDAR

GOOD NEWS sa mga K-pop fans dahil kumpirmado na ang relasyon nina K-pop superstars Kim Heechul ng Super Junior at Momo Hirai ng TWICE.

Mismong ang management agency ng dalawa ang nagkumpirma ang matagal nang usap-usapan ng mga fans na pagiging magkasintahan ng dalawang K-idols.

Say ng JYP Entertainment, nagsimulang umusbong ang relasyon ng dalawa matapos na maging malapit sa pagiging Sunbae-Hoobae o pagkakaroon ng Senior-Junior friendship sa industriya.

Unang napaulat ang pag-da-date ng dalawa noong Agosto ng nakaraang taon.

 

Rapper Dr. Dre, kinilala bilang highest earning musician ng dekada

by

EYESHA ENDAR

 

KINILALA  bilang highest earning musician ng dekada ng Forbes Magazine ang rapper na si Dr. Dre.

Sa tala ng Forbes, nagkaroon ng kabuuang kita ang rapper ng aabot sa US$950 million na karamihan ay nagmula sa buyouts ng kaniyang headphone company na “Beats.”

Ito ay sa kabila na hindi paglalabas ni Dre ng album mula pa noong 2015.

Pumangalawa naman sa listahan ang Artist of the Decade na si Talyor Swift na mayroong US$825 million habang pangatlo si Beyonce na may US$685 million.

PRO-4, iinspeksyunin ang mga tindahan ng lambanog sa probinsya

by

 

EYESHA ENDAR

INATASAN ng Police Regional Office 4-A ang lahat ng police commanders na bisitahin ang mga tindahan o gumagawa ng lambanog sa kanilang probinsya.

Ito ay matapos ang pagkasawi at pagkakaospital ng ilang katao sa lalawigan ng Rizal dahil sa pag-inom ng lambanog.

Ayon kay PNP PRO 4-A Director Police Brigadier General Vicente Danao, layunin nito na matiyak ang kaligtasan ng publiko lalo’t ilang kaso na ng pagkalason ang naitala dahil sa pag-inom ng lambanog.

Nakikipag-ugnayan na rin anya sila sa Food and Drug Administration (FDA) para ipagbawal ang pagbebenta ng lambanog hangga’t walang clearance mula sa ahensya.

Korean Actor Yeo Jin Goo, bibisita sa bansa sa susunod na taon

by

EYESHA ENDAR

 

BIBISITA sa bansa sa susunod na taon ang Korean actor na si Yeo Jin Goo.

Nakatakdang magtungo sa Pilipinas ang Korean star bilang bahagi ng kaniyang fan meet tour na “Memory Line.”

Gaganapin ang kauna-unahang Manila fan meet event ng “Hotel del Luna” star sa new frontier theater sa February 1.

Magiging available naman ang mga tickets para sa mga nais lumahok sa fan meet sa susunod na Linggo, Disyembre a-22.

Nakilala din si Yeo Jin Goo sa pagganap nito sa K-drama hits gaya ng “Shoot Me In The Heart” at “My Absolute Boyfriend”.

Close Bitnami banner
Bitnami