PINAS

Ang Lihim ng Panginoon (Ikapitong Bahagi)

Sonspeak

Recent News:

Eyesha Endar

AFP, patuloy na binabantayan ang mga Chinese vessels sa WPS

by

 

EYESHA ENDAR

 

PATULOY paring binabantayan ng Armed Forces of the Philippines ang mga Chinese vessels sa West Philippine Sea.

Ito ay sa pamamagitan ng application na Automatic Identification System o AIS.

Sa pamamagitan ng aplikasyon ay makikita kung anong klasipikasyon at characteristic ng barkong dumadaan sa katubigan ng Pilipinas.

Ayon kay AFP spokesman Edgar Arevalo, ipinapaubaya nila sa mga political leaders ang kanilang kailangang gawin sa kanilang pakikipag-ugnayan sa ibang bansa.

“Make appropriate reports kagaya nito para sa ating mga political leadership sapagkat sa aspeto po ng foreign relations at policy hindi naman po yan sakop ng AFP, so what we can do is to perform our mandate and continue out maritime awareness patrol,” pahayag ni Arevalo.

 

Passenger terminal sa Clark International Airport, 70% nang tapos

by

 

EYESHA ENDAR

 

NASA mahigit sa 70% nang tapos ang expansion project ng Clark International Airport na passenger terminal building.

Ito ay sa ilalim ng Regional Development Plan for North and Central Luzon ni Pangulong Rodrigo Duterte na bahagi rin sa tinatapos na New Clark City, railway project na magdurugtong mula Clark hanggang Maynila.

 

Ang nasabing passenger building ay may kakayanang tulungan ang sobrang sikip ng bilang ng tao sa Ninoy Aquino International Airport o NAIA hanggang sa labindalawang milyong pasahero kada taon.

Pagtawag sa Emergency 911 Hotline, libre na

by

 

EYESHA ENDAR

 

LIBRE na ngayon ang pagtawag sa Emergency 911 Hotline ng pamahalaan para sa mga subscriber ng PLDT, Smart, Talk ‘n Text at Sun.

Sa isang pahayag, hinimok ni DILG Secretary Eduardo Año ang publiko na huwag magdalawang-isip na i-dial ang 911 sa panahon ng emergency.

 

Ayon kay Año, hindi nila hahayaang ang kawalan ng load ay maging hadlang sa pagliligtas ng buhay dahil bawat segundo aniya ay mahalaga sa panahon ng emergency.

Gayunman, nagbigay babala ang kalihim sa mga prank at fraudulent caller ng hotline na maaari silang maparusahan sa ilalim ng batas.

Aniya, ang pagpa-prank call ay maaaring parusahan sa ilalim ng Presidential Decree No. 1727 at ang mga mapatutunayang lumabag dito ay maaaring makulong ng hindi hihigit sa limang taon o mapagmulta ng higit sa P40,000, depende sa desisyon ng korte.

Batay sa datos mula sa DILG, halos 3,500 na emergency calls ang natatanggap ng hotline sa loob ng isang buwan at humigit-kumulang sa 100 legitimate na tawag sa loob ng isang araw.

Nagpaabot din ng pasasalamat ang DILG sa PLDT at iba pang mobile network companies sa pagsunod sa isinasaad ng Executive Order No. 56 na “ang Emergency 911 Commission ang siyang titiyak na lahat ng tawag sa Emergency 911 Hotline ay libre at walang kaukulang bayad o iba pang singilin.”

Umaasa naman ang DILG na mahikayat din ang iba pang mga telecommunications company na tumugon sa nasabing executive order.

 

Pagtaas ng bilang ng HIV cases sa bansa, ikinabahala ng NYC

by

 

EYESHA ENDAR

Nababahala ang National Youth Commission o NYC sa patuloy na pagtaas ng bilang ng kaso ng HIV sa bansa.

Batay sa pag aaral ng NYC Committee on Health, nasa apatnapung kaso ng HIV kada araw ang naitatala at kung susumahin mahigit animnapung libong kaso na ang naitatala sa bansa mula noong 1980

Ayon kay NYC Commissioner for Visayas at Chairman ng Committee on Health Assistant Secretary Vic Del Rosario, tumataas ang bilang ng nasabing kaso dahil sa kawalan ng edukasyon at sapat na impormasyon kaugnay sa nasabing sakit.

Kaugnay nito, nagtatag ang komisyon ng isang “happy project” na binubuo ng mga sangguniang kabataan sa buong bansa na humihimok sa mga kapwa kabataan na maging HIV-AIDS advocate.

Samantala, binuo naman ng Department Of Science And Technology o DOST ang isang digitized arts program na tumatalakay sa kamalayan ng tao patungkol sa HIV sa pamamagitan ng mga palabas o films,  photography,  illustrations at infographics.

 

Portable health insurance para sa mga OFW, inirekomenda

by

Eyesha Endar

Inirekomenda ng National Research Council of the Philippines o NRCP ang pagpapalawig sa health insurance ng mga OFW.

Ito’y matapos ang isinagawang pananaliksik ng nasabing research group kung saan napag-alaman nito ang mababa at mahinang access ng mga land based pinoy workers sa medical at health services habang nagtatrabaho sa ibayong dagat.

Kung kayat tumataas ang bilang ng hypertension, depression at iba pang uri ng sakit dahil sa sobrang pagtatrabaho.

Kaya naman inirirekomenda ngayon ng DOST-NCRP sa mga mambabatas na gawan ng konkretong batas na gawing portable ang health insirance ng mga OFW para sa agarang tugon sa serbisyong medikal para sa mga pinoy abroad.

Umaasa ang si DOST-NRCP Executive Director III Marieta Sumagaysay na pakikinggan ng hanay ng mga mambabatas ang kanilang pag-aaral para na rin sa kapakanan ng mga Pilipinong nagtatrabaho sa ibang bansa.

 

Chinese government, nagpaabot ng P10-M donasyon sa mga biktima ng Itbayat quake

by

ANG lindol na tumama sa Itbayat ay nagresulta ng pagkasira ng ilang kabahayan at iba pang historic sites sa naturang bayan.

 

EYESHA ENDAR

 

MAGBIBIGAY ng P10-M donasyon ang Chinese government sa Pilipinas para sa recovery ng mahigit 2,000 biktima ng lindol sa Itbayat, Batanes.

Sa isang pahayag, sinabi ng Chinese government na ang donasyon ay bilang tulong sa mga biktima ng lindol at suporta na rin sa pamahalaan sa pagsisikap nito na muling maibangon ang Batanes at tulungan ang mga local resident na bumalik sa kanilang normal na buhay.

Nagpaabot ng simpatya at pakikiramay ang Chinese government sa mga pamilyang apektado ng lindol.

Naniniwala rin ang embahda na malalagpasan ng mga Pilipino ang kalamidad sa pamamagitan ng magaling na pamumuno ni Pangulong Rodrigo Duterte.

 

 

Close Bitnami banner
Bitnami