PINAS

Ang Lihim ng Panginoon (Unang Bahagi)

Sonspeak

Recent News:

Florida

Disney theme parks isinara dahil sa COVID-19

by

Ni: QUINCY JOEL CAHILIG

PANSAMANTALANG isinara ng Walt Disney Co. ang mga theme parks nito sa California at Florida sa Estados Unidos at sa Paris, France hanggang sa katapusan ng Marso bunsod ng coronavirus outbreak.

Naunang ipinahayag ng kumpanya ang pansamantalang pagsasara ng Disneyland ang California Adventure theme parks sa California, kung saan mahigpit na ipinapatupad ang social distancing para makontrol ang paglaganap ng COVID-19.

Nasa mahigit 200 na ang bilang ng coronavirus cases sa California; apat sa mga ito ang nasawi.

Samantala, patuloy na nakasara ang mga Disney theme parks sa Hong Kong, Shanghai, at Tokyo buhat lumala ang COVID-19 outbreak, na nagsimula sa Wuhan, China. Subalit nagpapatuloy pa rin ang operasyon ng Walt Disney World at Disneyland Paris.

Annabelle Rama inalala ang pagtulong ni Ruffa Gutierrez sa pamilya

by

Ni: Jonnalyn Cortez

MANGIYAK-ngiyak na inalala ni Annabelle Rama ang ginawang pagtulong sa kanila ni Ruffa Gutierrez pagkatapos nitong manalo bilang 2nd Princess sa Miss World noong 1993.

“Actually si Ruffa maraming naitulong sa pamilya namin. Nung araw kasi, sikat siya nung araw eh,” sabi ni Annabelle sa guesting nito sa Magandang Gabi Vice kasama si Ruffa at Richard Gutierrez.

“After Miss World, grabe, sobra talaga ang grasya na galing sa taas talaga, kaya lahat kami nakatikim ng masarap dahil sa kanya.”

Inalala rin nito ang pagdiriwang nilang buong pamilya ng New Year sa Florida na sinagot lahat ni Ruffa.

Kilalang away-bati ang mag-inang Annabelle at Ruffa, lalo na nga pagdating sa love life ng huli. Sa katunayan, inamin nitong ang nag-iisang anak na babae ang madalas n’yang masermonan.

“Syempre gusto ko pag mamatay ako Ruffa, maayos ang buhay mo,” paliwanag nito sa anak kung bakit nakikielam ito hanggang ngayon sa kaniyang love life. “I’m just telling the truth, Ruffa, masyado akong worried ang mangyari sa buhay mo pag wala na ako diba?”

Sa kabila ng kanilang mga pag-aaway, makikitang nanatili ang pagmamahal at pagpapahalaga ng mag-ina sa isa’t-isa.

Maria Sharapova mula sa simpleng pangarap hanggang sa tennis stardom

by

Ni: Ana Paula A. Canua

Sa kalagitnaan ng gabi dumating sa Nick Bolletieri Tennis Academy  ang pitong taong-gulang na si Maria Sharapova at ang kanyang ama, mula Russia. Tinahak nila ang Florida dala lamang ang 700 dollars upang magbaka-sakali sa karagdagang  trainings at kompetisyon , sa kabila ng language barrier at  pinansyal na hamon, hindi ito sapat na  naging dahilan para bumalik na luhaan ang mag-ama.

Paglaon, mula sa maliit na court at lumang raketa, patuloy sa trainings at pagsali sa tennis competions si Maria hanggang sa madiskubre ng national team ang kanyang potensyal sa tennis.

Batang atleta

Karaniwang abala sa pag-aaral at makikipagkaibigan ang 14-anyos , ngunit iba ang batang si Maria Sharapova dahil sa murang edad na 14 isa na siyang professional tennis player, ibig sabihin kumikita at nirerepresenta niya ang bansa sa bawat kompetisyon.

Pagtungtong ng 17-anyos nagwagi sa Wimbledon Tennis competition si Maria, tinalo niya ang noong may hawak ng titulong si Serena William na kilala rin sa bangis at bilis na pinapakita sa court. Simula noon tila naghahabulan at nagpapalitan na lamang sa titulo sina Sharapova at Williams. Lubos namang kinagigiliwan ng mga audience at sports enthusiasts ang dalawang atleta dahil sa nakakabilib na labang pinapakita   nito sa bawat laro.

Sa kanyang librong “Unstoppable” kanyang ibinahagi ang kanyang sekreto at kwento ng tagumpay bilang isang atleta at bilang isang indibidwal, “I’m known for one thing, it’s  toughness, my ability to keep going when things look bad. People want to know where that quality comes from and, because everyone is hoping for their own chance, how to acquire it. I’ve never figured it out myself. In part, it’s because of who knows? If you look too deeply maybe you destroy it. I hope people take away every kind of lesson, good and bad. This is a story about sacrifice, what you have to give up. But it’s also just the story of a girl and her father and their crazy adventure”.

Isa sa mga itinuturong ispirasyon ni Maria ay ang kanyang ama na kanyang kasamang nangarap at tumupad nito.  Ang tapang at lakas na kanyang pinakakita sa bawat laban ay para sa ama niyang hindi sumuko sa bawat hamon at nanatili sa kanyang tabi bilang coach at mapagmahal na ama.

Tropeo at kasikatan

Nakilala dahil sa galing sa court at kanyang kagandahan, umakit ng kabi-kabilang  endorsers si Maria, Bukod sa laki ng mga napapalalunan, karangyaan din ang dala ng mga endorsements niya sa sports-wear, relo, sapatos  pati na rin sasakyan. Dahil sa popularidad napabilang sa ‘most influential athlete ng Time Magazine si Maria. Nagsilbi rin siyang inspirasyon sa mga atletang pursigido at handang makipagsapalaran sa banyagang bansa upang makilala ang husay sa palakasan.

Simula ng pangarap

Apat na taon noong magsimulang pag-aralan ni Maria ang paghawak ng raketa. Sa murang edad hindi lamang pagsulat ng mga letra at pagbabasa ang kanyang pinagtutuunan ng pansin kundi pati rin ang tamang porma at galaw sa tennis.

Nagsimula ang pangarap ni Maria at ng kanyang ama  sa isang maliit na resort town kung saan sila naglalaro.  Sa paglipas ng taon matapos makamit ang titulo sa grand slam nagbalik muli sa Sochi Town Resort si Maria kasama ang ama upang magbalik ng utang na loob. Isinaayos ni Maria ang court upang muli itong magamit ng mga nangangarap  na maging tennis star.

Kabiguan at panibagong hamon

Taong 2007, nagkaroon ng shoulder injury si Maria na nagdulot na kanyang pagkatalo sa mga major leagues, sa kabila nito nanatiling nasa top five woman’s tennis si Maria. Taong 2009, sumailalim sa surgery at rehabilitation si Maria upang maibalik ang dating lakas at tibay ng kanyang braso at balikat. Taong 2011, nagcomeback si Maria kung saan tinapos niya ang taon bilang top one sa limang pinakamagagaling na tennis players sa buong mundo. 2012, matapos manalo sa French Open, umukit sa kasaysayan ng tennis ni Maria bilang pangsampu  na may hawak ng titulo sa ng apat sa major tennis tournaments  sa Grand Slam.

“I’m not the next anyone, I’m the first Maria Sharapova,” mga linyang tumatak sa publiko matapos angkinin ni Maria sa sunod-sunod na laban ang  titulo ng Gland Slam, ang pinakamalaking titulo sa buhay ng isang tennis atlete.

Ngayong taon matapos makarecover muli sa isang muscle injury, tuloy ang pagsabak ni Maria sa court sa gaganaping Shenzhen opening sa China sa Enero.  Nanatili na isang hamon sa simumang atleta ang maka recover sa anumang injury dala na rin ng puspusang trainings at laban. Para kay Maria na may pinangangalagaang records isang dagok ang magbalik muli matapos ang mahabang pahinga, isa pa sa mga kinokonsidera niya ay ang kanyang pagtanda at ang pabatang-pabatang gulang mga mga bagong mababangis na atleta.

Pay it forward

Sa layo ng kanyang narating nanatiling malapit ang loob ni Maria sa mga katulad niya noon. Upang magbigay pag-asa sa mga batang atleta, isa sa mga aktibong pagtulong  na ginagawa ng Maria ay ang pagdodonate sa mga institusyon gaya ng United Nations Development Program (UNDP)  upang madagdagan ang mga sports facilities para sa mga bata.

Paalam, Cassini: Bagong pintuan sa pagtuklas

by

Ni: Joyce P. Condat at Ma. Leriecka Endico

PAGKATAPOS ng halos dalawang dekada, nagwakas na ang tungkulin ni Cassini sa Saturn. Ang mas nakakalungkot, wala pang napapadalang kapalit ni Cassini sa Saturn, upang maipagpatuloy ang naiwan nitong misyon.

Ang Cassin-Huygens mission ay pinagtulungan ng NASA, European Space Agency, at Italian Space Agency. Ito ang kauna-unahang misyon na umikot sa Saturn upang mapag-aralan ang planeta at makuhaan ng mga larawan.

Ika-15 ng Oktubre, 1997 nang ipadala ang Cassini spacecraft sa Saturn mula Cape Canaveral Air Force Station, Florida. Nakarating ito sa Saturn kalagitnaan ng taong 2004 na may bigat na 12,593 libra (5,712 Kg). Matapos ang pagdating, inilabas nito ang kasamang ESA-built probe na may pangalang Huygen upang saliksikin ang pinakamalaking buwan ng Saturn – ang Titan.

Bukod sa pagsusuri sa Titan, ang Huygen probe ay tumutulong sa iba’t ibang paggalaw ng direksyon ng Cassini spacecraft, sa pamamagitan ng gravitational force mula sa Titan, upang mas makatipid sa gas.

Matapos ang 13 taon na pagikot sa Saturn, noong ika-14 ng Setyembre nitong taon opisyal ng natapos ang misyon ng Cassini spacecraft. Mula 12,593 libra (5,712 kg), ang spacecraft ay magpapaalam ng may bigat na lamang na 4,685 libra (2,125 kg). Matapos maihatid sa mundo ang 635 GB na datos kasama ang mga huling nakuhang litrato mula sa Saturn gamit ang antenna, ito ay tuluyan ng lalapag sa atmospera ng Saturn na magdudulot sa pagtunaw ng spacecraft

Agarang paglikas, inanunsyo ng Florida dahil sa banta ng pag-atake ni Hurricane Irma

by

Sa Florida…

Nagpahayg ng paunang paglikas ang pamahalaan ng Florida dahil na rin sa anunsyo na may nabubuong malakas na hurricane sa Atlantic Coast.

Sa huling pahayag ng mga eksperto, sa Florida unang didirekta ang bagyo at kinakailangan ng lumikas ang halos libu-libong residente roon upang hindi matulad sa nangyari sa Texas kamakailan na binayo ng Bagyong Harvey.

Ayon sa National Hurricane Center, asahan umano ang malalakas at malalaking alon sa karagatan ng Haiti, Dominican Republic at Bahamas.

Pinaghahanda rin ang posibleng pagbaha sa ilang parte ng Puerto Rico, British at US Virgin Islands.

Ahas dahilan ng pagkabrown-out sa 22,000 residente sa Florida

by

Mahigit 22,000 bilang ng mga residente ang nawalan ng kuryente sa Florida nang magpadausdos ang isang malaking ahas sa isang mataas na boltahe ng circuit breaker, ayon sa isang opisyal ng electric utility sa nasabing lugar.

Hindi nakaligtas ang naturang ahas na nakilalang isang red snake nang makuryente ito sa Orange Park substation.

Dahil dito, naglagay na ang nasabing utility ng animal shields at fiberglass brackets sa mga linya ng kuryente upang maiwasan ang pagka-brownout na may kaugnayan sa hayop na nadidikit sa mga linya.