PINAS

Ang Lihim ng Panginoon (Ikapitong Bahagi)

Sonspeak

Recent News:

Gerald Sibayan

Rep. Vilma Santos, making it up to Aiai Delas Alas-Sibayan

by

Ni: Wally Peralta

NITONG nakaraang Disyembre 12, 2017 ay opisyal nang naging Mrs. Sibayan ang comedy queen na si Ai Ai delas Alas. Isang simple pero napaka eleganteng kasalan ang naganap. Piling-pili ang naimbitahan para makasaksi sa pag-iisang dibdib nina AiAi at mister na si Gerald Sibayan.

Sa mga invited guest para makiisa sa mag-asawa ay si Rep. Vilma Santos-Recto ng Batangas. Isa kasi si Ate Vi sa mga matatalik na kaibigan ni Ai Ai sa showbiz world kung kaya sa hindi pagsipot ng Star for Season sa mahalagang araw ng kanyang buhay ay tsikang nagtampo diumano si AiAi kay Ate. Vi

“Hindi naman!,” ang paunang pahayag ni Ate Vi.

“Tinawagan ko si Ai Ai, nagkausap naman. Actually, naka-ready na ako that time, may gown na ako na gawa ni Rene Salud, at naka-schedule na rin ako magmake-up sa aking make-up artist.”

“It’s just that day when I went home, talagang namaga ang tuhod ko. Sinabihan ako ng doctor ko na if I want to finish all my commitments for the week, I have to rest my knees for one night.”

“Finorward ko pa nga sa kanya ang advice ng doctor ko sa akin, at salamat naman naunawaan ako ni Ai Ai.”

Dinner dates with hubby….

Gayunpaman kahit pa naging okay na sila ni Ai Ai ay hindi naman papayag si Ate Vi na ganun-ganun lang iyon, siyempre may special treat siyang sinabi kay AiAi.

“Napag-usapan namin ni AiAi na magpa-private dinner na lang kaming apat, ako, si AiAi, ang mister niyang si Gerald Sibayan at mister ko, si Sen. Ralph Recto.”

Tao rin na nasasaktan…

Habang pinapahinga ni Ate Vi ang kanyang tuhod ay naging mabilis naman ang pagkalat ng tsika na diumano na inisnab niya ang kasalan ng kanyang kaibigan, at hindi naman lingid sa kaalaman ng Star for All Season.

“May nagsasabi nga na bakit ganun, bakit natapat? But what can I do, tao rin naman ako but then, I don’t care na rin kung anong sasabihin nila, kaibigan ko si Ai Ai, ang importante kami ng aking kaibigan ay nagkaintindihan.”

“Tao rin ako, minsan may nararamdaman din akong di maganda, nalulungkot din ako, nasasaktan at napapagod din ako.”

“Hindi ko naman kaya lahat yung mga activities na dumarating sa akin, bukod pa sa madalas ako bumibiyahe from Lipa to Batasan and vice versa. At pag hindi ko na kaya, pagbibigyan ko naman ang sarili ko.”

“Kasi naman pag nagkasakit ako, ako lang mag-isa.”

“I have to take care of myself, pag hindi na kaya ng katawan ko, magtampo na ang iba, what can I do.”

Dinedma ang payo ng doctor….

Saan ba naman kaya nagsimula ang sakit sa tuhod ni Ate Vi? At dumating pa sa time na nasaktan na siya ng todo sa kirot na hatid nito?

“Ito pa yung aksidente ko sa show ko dati na “Vilma”.”

“Dapat ooperahan ako sa nasirang parte ng tuhod ko. Pero hindi natuloy kasi nga huminto na ako sa show at buntis ako noon kay Ryan Christian. At papunta pa ako sa abroad para doon magbuntis, kasi maselan nga akong magdalang-tao.”

“Pero sinabi sa akin noon ng doctor ko na pag hindi na-operahan yung naaksidente sa tuhod ko, babalik at babalik daw ito. Dahilan na rin sa pagkahilig ko sa Zumba, ayun, medyo bumabalik na ata.”

Hanap muna ng time…. 

Isa sa maagang Christmas wish ni Ate Vi ngayon Holiday Season ay makapag-tour around the world kasama ang kanyang pamilya. Kailan kaya ito matutuloy?

“Hindi naman agad-agad, ha ha ha, pag sinabi naman na magbabakasyon around the world.”

“Ang sa amin lang ng pamilya ko, pag may time at may break, then, let’s go. Para may pahinga naman ako, lalo na ngayon 34 years old na ako, ha ha ha ha. Ganyan na ako magbirthday ngayon, last year 35 ako, kaya 34 years old ako ngayon. Ganyan talaga pag umabot ka na sa senior citizenship, paatras na magbilang ng edad, ha ha ha ha!” masayang tugon ni Ate Vi.

YES to Martial Law One Year Extension….

Isa si Ate Vi sa mga kongresistang nakiisa sa pinatawag ng Pangulong Rodrigo Duterte na joint session ng Kamara at Senado para sa kahilingan na mag-extend muli ng isang taon, starting Jan. 1 to Dec 31, 2018 ang Martial Law sa Mindanao. Ano naman kaya ang naging boto ni Ate Vi?

“I go for YES!”

“Kasi I’am a reservist, Lieutenant Coronel Reservist ako ng Air Force of the Philippines, simula pa lang noon Mayor ako ng Lipa City hanggang sa maging Governor ako ng Batangas. Malaki talaga ang passion ko sa mga Men in Uniform,” ang pagtatapos pa ng Star for All Season Vilma Santos.

Ai Ai Delas Alas at Gerald Sibayan, may forever nga ba?

by

Ni: Wally Peralta

PARA kay Ai-Ai Delas Alas ang kanyang pagpapakasal ngayon sa mister na si Gerald Sibayan ay isang malaking Christmas gift na natanggap ni Ai-Ai. Pagkatapos kasi ng ilang Christmas season na wala siyang asawang nakasama sa kapaskuhan, ay heto at may kayakap na muli siya at hindi na member ng SMP o Samahan ng mga Malalamig ang Pasko.

“Bongga! Siyempre bongga, may kasama na ako,” ang masayang paunang tugon ni Ai-Ai.

 

Getting along with friends….

Bago pa man magpakasal sina Ai-Ai at Gerald noong December 12 ay paisa-isang nagbigay na ng isang advance wedding party sa kanilang mga matatalik na kaibigan na hindi na nakadalo sa simple and intimate wedding ng dalawa. At isa sa grupo ng mga kaibigan nina Ai-Ai at Gerald na binigyan nila ng wedding party ay mga showbiz reporters na nakasama ng dalawa sa mahabang panahon.

“Ang saya ng pakiramdam na nakasama ko ang aking mga kaibigan sa isang masayang okasyon sa aking buhay. The party was really for them.”

“It was my way of expressing my gratitude to them. Gusto ko rin i-share ang mga blessings ko with my media friends. Nandiyan sila sa simula pa lang ng aking career, noong single pa lang ako, at kasama ko pa rin sila hanggang ngayon sa panibagong yugto ng aking buhay. I believe in love and I believe na may forever sa pag-ibig.”  

 

Magkasundo sa magiging baby…

At siyempre, natural na lang yata sa mga ‘Pinoy na tanungin ang mga bagong kasal sa kung kailan nila planong magkaroon ng baby at kung ilan ang baby na gusto nilang magkaroon? Sa kaso nina Ai-Ai at Gerald, magkalayo man ang agwat ng kanilang edad, si Ai-Ai ay 52 years old ngayon samantalang si Gerald na nagdiwang ng kanyang kaarawan last December 1 ay 23 years old na. ilang kayang anak ang gusto ng dalawa?

Gerald: “Isa lang, gusto ko isa lang, masaya na ako doon.”

“Gusto ko kasi na makaipon muna kami ng misis ko ng pera para sa magiging kinabukasan ng aming anak.”

AiAi: “Ganun na rin ang gusto ko, ha ha ha!”

“Isa pa may mga anak na rin naman ako ngayon na malalaki na.”

Anong gender naman ang gusto nilang mag-asawa sa baby nila, boy or girl?

Gerald: “Kahit anong gender ang ibigay ng nasa Itaas ay okay na okay sa akin.”

AiAi: “Kahit ano basta kung ano ang ibigay ng Diyos sa amin.”

“At kung magiging kambal, Ah, iyon ang gusto ko! Kasi sanay na ako, dalawa yung dogs ko na inaalagaan na mabibigat, kaloka! Kaya marunong na ako, handa ako dun, handa akong magbuhat ng dalawa! Kasi dalawa yung alaga ko, ang bibigat,” ang masayang sabi pa ni Ai-Ai.

 

Hinto lang pag nabuntis…

Pagkatapos ng kasalan ay walang honeymoon na naganap, postponed na raw ito sa susunod na taon dahilan na rin sa dami ng commitments pa ni   Ai-Ai na hindi pa niya natatapos. Tulad na lang ng dalawa niyang show sa GMA-7, ang “Sunday Pinasaya” at “Bossing En Ai”, at ngayon pa nga ay bago siyang tinanggap na teleserye na kung saan ay kasama niya sina Ruru Madrid at Gabbi Garcia.

“Ewan ko rin ba kung bakit ko pinagsabay-sabay. Nagkataon lang na pinagsabay-sabay ko kasi para isang bugahan na lang,” paliwanag ni AiAi.

Paano kaya ang gagawin niya kung sakaling mabuntis siya sa kalagitnaan ng kanyang taping sa bagong soap?

“Bigla?! Na may soap? E, di go! Wala naman tayong magagawa,” ang pagtatapos pa ni Ai-Ai delas Alas-Sibayan.

Kamakailan lang ay binuksan ang isa pa niyang bagong bisnis, ang ‘Ai Sarap Food Express’ sa Sgt. Esguerra St. corner Mother Ignacia, Quezon City.

Kaninong idea ang restaurant business?

“Ako rin! Lagi na lang ako! Hindi, ewan ko ba. Kasi, kaya nag-o-open din kasi ako ng business, di ba may plano kaming magka-baby next year so magpapahinga ako pag nabuntis na ako?” pagtatapos ng Comedy Concert Queen na si AiAi.

Eugene Domingo, May Forever na

by

Ni: Wally Peralta

BUSY man sa kanyang dalawang show sa Kapuso Network ang “Celebrity Bluff” at “Dear Uge”, host na si Eugene Domingo ay hindi pa rin ito nawawalan ng oras para sa pag-ibig na natagpuan niya sa katauhan ng kanyang Italian boyfriend na si Danilo Botonni.

Pagkatapos ng kasalang Rochelle Pangilinan at Arthur Solinap, susunod na ikakasal sina Max Collins at Pancho Magno, Anne Curtis at Erwan Heussaff tapos sina Aiai Delas Alas at Gerald Sibayan. At hindi pa man nagaganap ang naturang kasalan, humahabol din sina Rodjun Cruz at Dianne Medina, Rachelle Ann Go at Martin Spies. At posibleng susunod na si Eugene dahil inalok na raw ito ng kasal ng kanyang boyfriend.

May oras para sa isa’t isa

Sinabi ni Eugene na pinanindigan lang nila ng kanyang boyfriend ang pangako nila na hindi sila mawawalan ng oras para sa isa’t isa. Kaya nilalaanan nila ng panahon para magkasama sila dito man sa Pilipinas o sa Italy.

“Napagusapan namin na magsama kami parati,” ani Eugene

“Yung time together inii-schedule ‘yan, and I’m very thankful sa GMA because they understand my situation now. Sobrang bait, Ms. LGR (Lilybeth G. Rasonable) thank you, Ms. Enri, Ms. Mildred, sa lahat ng bumubuo ng production ng ‘Celebrity Bluff’ and ‘Dear Uge’, they’re very understanding,” paliwanag niya.

Sigurado sa boyfriend

Isa sa mga ginagawa ng actress para ihanda ang sarili sa pagpapakasal ay ang madalas niyang pagwo-work-out na kitang-kita sa kanyang mga video post sa kanyang social media account.

Ito ang dahilan kung bakit fit and fresh ang aura ni Eugene tuwing lumalabas siya sa telebisyon.

Pero ang higit na nag-uugnay sa palaging fit ni Eugene ay ang paghahanda na raw nito sa kanyang pagpapakasal.

Hindi naman ito inamin ng actress.

“Wala, wala pa, ha ha ha,” ang masayang sagot ni Eugene.

“Pero kung sakali man ay si Danilo na talaga ang masasabi kong gusto kong maging ‘forever’”

“Lahat naman ‘yan nasa plano ng Diyos because we all wish na you know, ‘yung blessing talaga ng lahat, ng Panginoon. Gusto ko naman talaga ng blessing, but as of now, I’m just very thankful to God kasi parang papunta na ‘to sa milagro. Hindi ko talaga inakala, pero kung nangyari sa akin, mangyayari din sa inyo in God’s time.” 

Hindi pa napagusapan ang kasal

Hindi pa umano nila napag-usapan ang pagpapakasal bagamat aminado naman ang kanyang boyfriend na wedding material si Eugene dahil sa sobrang malambing, maasikaso at maalaga ito.

At wala rin siyang balak na magparamdam na gusto na niyang magpakasal dahil naniniwala siyang darating ito sa tamang panahon.

“Wala, walang hingian ng kung anu-ano. We’re just enjoying our time.”

“Hindi naman na ako fifteen years old or seventeen years old.We’re just enjoying our time together, that’s the most important thing.”

“Ano lang tayo, kasi sanay na sanay tayo na kapag meron, engaged, marriage. Pero sa akin kasi, sa akin lang yun, ha, pasalamat na ako dumating pa yun, e. Di ba, pasalamat na ako? This is the best gift ever,” ani Eugene.

Marian Rivera, sasagutin ang pag-aaral ng anak ni Ai Ai Delas Alas

by

MATAPOS magpasalamat ni Ai Ai Delas Alas kay Marian Rivera-Dantes sa programa nilang “Sunday Pinasaya” hinggil sa pagmamagandang-loob ng huli na sagutin ang wedding gown at bouquet sa kasal ng una  sa non-showbiz na si Gerald Sibayan,  dinagdagan pa ito ni Marian na lalong ikinatuwa ni Ai Ai.

Ayon kay Marian, pati ang pag-aaral ng magiging anak nina Ai Ai at Gerald ay tutustusan din niya. Labis naman ang pasasalamat at tuwa ng Comedy Queen sa tinuran ng Kapuso Primetime Queen, bagama’t marami ang duda na nagbibiro lang ang huli dahil batid ng lahat na 52 years old na ang komedyana.

Pero wala naman nang imposible sa panahon ngayon gaya ng napatunayan ni Dr. Vicky Belo na kahit lagpas 50 ay nagkaanak pa rin sa tulong ng siyensiya. Nariyan din ang sikat na singer at kapatid ng yumaong si Michael Jackson na si Janet Jackson na nagdalantao sa edad na 50.

Kaya naman hindi nawawalan ng pag-asa si Ai Ai na nananalanging mabiyayaan sila ng anak ng kanyang soon to be husband na si Gerald. “Magpi-pray ako, marami namang paraan. At kaya ko pa naman na magbuntis, basta, puwede pa.”

Willing din daw si Ai Ai na mag-undergo sa anumang paraan para magdalantao.  “Noon pa, matagal nang prepared. Let’s go!” masayang sabi pa ng komedyana.

Close Bitnami banner
Bitnami