PINAS

Ang Lihim ng Panginoon (Ikatlong Bahagi)

Sonspeak

Recent News:

Gilas Pilipinas

Mga foreign coach, nagpahayag ng interes na hawakan ang Gilas Pilipinas

by

MARAMI umano sa mga foreign coach ang interesadong mag-apply bilang head mentor ng Gilas Pilipinas.

Ito ang inihayag ni  Samahang Basketbol ng Pilipinas (SBP) President Al Panlilio.

Sinabi ni Panlilio na marami silang natatanggap na queries mula sa mga coach sa buong mundo mula nang ihayag ng pederasyon ang plano nilang kumuha ng isang dayuhan para hawakan ang national team.

Ayon kay Panlilio, karamihan daw sa mga ito ay pawang mga American at European coaches.

Gayunpaman, sinabi ni Panlilio na hindi pa rin nila isinasantabi ang pagtatalaga ng isang Pinoy coach upang pamunuan ang Gilas program.

Samantala, naghahanda naman ang koponan para sa papalapit na 2019 Southeast Asian Games.

Ani Panlilio, pagkatapos ng sea games ay mag–uusap sila sa SBP para plantsahin naman ang programa para sa 2023 FIBA World Cup kung saan isa sa mga host ang Pilipinas.

 

MARGOT GONZALES

Gilas Pilipinas, makakatapat ang Australian Club Adelaide 36ers sa tune up games sa 2019 FIBA World Cup

by

 

DZAR1026

 

MAKAKATAPAT ng Gilas Pilipinas ang koponan mula Australia ang Australian Club Adelaide 36ers sa dalawang tune up games para sa paghahanda sa 2019 Fiba World Cup.

Ito ay kinumpirma ng team manager ng gilas na si Gabby Cui.

Lilipad sa bansa ang 4-time NBL Champions sa Agosto para sa nasabing laban.

Ang naturang tune up games ay gaganapin sa Meralco Gym sa Ortigas sa August 23 at 25.

Ito naman ang kauna-unahang pagkakataon na magtatapat muli ang Pilipinas at Australia matapos ang naging kontrobersyal na laro ng dalawang bansa sa Asian Qualifiers ng Fiba noong Hulyo 2018.

Samantala, lumagay sa ika-limang pwesto ang koponan ng 36ers sa kakatapos lang na NBL Season.

 

TUNE-UP GAMES: PINAS VS SPAIN

by

BIYAHENG Espanya ang Gilas Pilipinas sa Agosto 4 upang lumaban sa mga tune-up games bago ang pagsisimula ng 18th tournament ng FIBA Basketball World Cup  sa China.

Sinabi ni Gilas head coach Yeng Guiao, na mananatili ang Gilas ng mahigit isang linggo sa ibang bansa upang sumabak sa mga exhibition matches sa ilang mga national teams na kasali rin sa World Cup.

Hindi naman binanggit ni Guiao ang mga makakalaban ng Gilas, maliban sa Spanish national squad.
Pagbalik naman aniya sa bansa, mag-eensayo ng dalawa pang linggo ang Pinoy cagers bago tumulak pa-China.
Unang makakalaban ng Pinas ang Italy sa Agosto 31, Philippines vs Serbia (September 2), at Angola vs Philippines (September 4).

Chris Tiu nag-retiro na sa PBA

by

Ni: Eugene Flores

MATAPOS ang anim na season na paglalaro sa koponan ng Rain or Shine Elastopainters, nagdesisyon na ang point guard na si Chris Tiu na lisahin ang basketball upang pagtuunan ng pansin ang negosyo at pamilya.

Ang 33 anyos na si Tiu ay naglaro rin ng apat na taon sa Gilas Pilipinas.

Ginawang opisyal ni Tiu ang pagreretiro matapos mag-post sa Twitter: “My heartfelt gratitude to every person who has been part of my basketball journey!! Most especially to our Lord who makes all things possible. It’s now time to move on. My heart is full. #17 signing off.”

Kamakailan ay pinili na nitong maging full-time businessman.

Aniya nais din niyang mas makasama ang pamilya nang mas matagal.

Unang pumasok ang Ateneo graduate sa PBA noong 2012 bilang seventh pick at nagwagi ng kampyeonato noong 2016 Commissioner’s Cup..

Nagpahayag naman ng suporta ang koponan sa naging desisyon ng manlalaro.

Jordan Clarkson nagpakitang Gilas sa Pilipinas

by

Ni: Eugene Flores

ITINURING ni Filipino-American NBA player Jordan Clarkson na isang blessing ang makapaglaro sa koponan ng Pilipinas para sa mga internasyonal na kompetisyon katulad ng Asian Games 2018 na ginanap sa Jakarta, Indonesia.

Naging posible ito matapos maglabas ang National Basketball Association (NBA) ng one-time exception para sa Asian Games kung saan papayagan sina Clarkson at dalawa pang NBA players sa koponan naman ng China upang makapaglaro sa Asian Games.

Matatandaan na inilista ang 6 foot 5 na si Clarkson sa 2015 FIBA 17-man pool ng Pilipinas ngunit hindi ito pinayagan ng NBA kaya’t nagpahayag ito ng pagkadismaya. “This is kind of just coming forward, full forward now. It is an opportunity, the NBA, everything. It’s kind of been back and forth for me but it’s a blessing,” wika nito matapos payagang makapaglaro.

Matapos mabigyan ng green light si Clarkson ng NBA agad itong bumiyahe patungo sa Pilipinas at sumunod sa Jakarta para sa Asian games.

 

MAKASAYSAYANG SIMULA

Bukod sa pagkakataong makalaro si Jordan para sa Pilipinas, isa sa di malilimutan ng nakakarami ay ang pagdala nito ng watawat ng Pilipinas sa magarbong pormal na pagsisimula ng 2018 Asian Games.

Matapos malaman ang balita, agad inatasan ng Philippine Olympic Committee (POC) ang 26 anyos na atleta upang maging flag bearer ng bansa sa opening ceremonies sa Gelora Bung Karno Main Stadium.

Pinangunahan ni Clarkson ang pagmamartsa suot ang pinagmamalaking barong tagalog, kasama ang  130 atletang kumakatawan sa Pilipinas.

“I’m carrying the flag so it’s all an honor and blessing,” wika ni Clarkson.

Ayon kay Philippine chief of mission na si Richard Gomez nakatulong si Clarkson upang itaas ang morale ng mga atleta tungo sa kompetisyon.

“So far, mataas ang morale ng mga athletes. It’s nice to see them here. Ang importante ‘yung pumapasok sila sa village, masaya sila, mataas ang morale. It helps them in their performance,” aniya.

UNANG PAGBAGSAK

Hindi nakapaglaro sa unang laban ng Pilipinas si Clarkson kontra Kazakhstan sapagkat hindi pa siya nakakapag-training kasama ang koponan na binubuo ng Rain or Shine Elastopainters players at ni Coach Yeng Guiao sapagkat epektibo pa rin ang sanctions para sa mga Gilas Pilipinas player na nasangkot sa away kontra Australia sa FIBA tournament.

Bilang isang NBA player, marami ang nag-abang n makita siya maglaro at ang maitutulong nito sa koponan.

Dahil sa pagdagdag nito sa line-up nagkaroon ng mas malaking pagkakataon ang koponan upang maisahan ang susunod na kalaban, ang powerhouse na China.

Ngunit hindi umayon sa plano ng koponan ang naging takbo ng torneyo kung saan naging mailap para kay Clarkson na makatikim ng unang panalo suot ang Pilipinas jersey.

Isang heart breaker ang kauna-unahang laro nito matapos matalo sa China ng dalawang puntos. Umiskor ito ng 28 points, eight rebounds at four assists ngunit kinapos ito sa dulo matapos makaranas ng cramps dahil sa bagong environment na nilalaruan.

Muling winasak ang puso ng mga Pinoy matapos sunod na matalo kontra sa pulidong opensa ng South Korea. Bagama’t nagbuhos ng ilang tres si Clarkson, hindi naging sapat ito sa mga shooter ng Korea at ang dominanteng naturalized player nito na si Ricardo Ratliffe na dating naglaro sa PBA bilang import.

Bagama’t hindi naging matagumpay ang kampanya ng Gilas Pilipinas tungo sa gintong medalya, hindi naman binigo ng Cleveland Cavaliers guard ang kanyang mga Pinoy na tagahanga sa ipinakita nitong puso at galing sa Asian games.

Nakuha nito ang unang panalo matapos dominahin ang Japan kung saan naging lason sa kalaban ang pick and roll offense ni Clarkson at Christian Standhardinger.

May average na 25 points per game ang NBA guard sa torneyo at hindi masusukat na puso at determinasyon ang inalay nito.

MULING PAGLALARO PARA SA BANSA

Matapos ang kampanya sa Asian games para sa Philippine Basketball Team, isang katanungan ang bumabalot para kay Clarkson, ito’y kung muling makikita ng mga Pinoy na maglaro ito para sa bansa.

Ayon kay Clarkson malabo pa sa ngayon na makapaglaro ulit ito sa bansa dahil sa kanyang komitment sa NBA. “Not right now in terms of schedule and stuff but we’ll see.” sabi nito. Ngunit sinabi rin ito na tiyak pag-uusapan nila ng kanyang koponan ang tungkol dito.

Si Clarkson ang kauna-unahang Pinoy na nakapaglaro sa NBA kung saan naging kakampi niya sa una nitong koponan, ang Los Angeles Lakers, si NBA superstar Kobe Bryant na ngayo’y nagretiro na. Nalipat siya noong nakaraang NBA season sa koponan ng Cleveland Cavaliers kung saan naging kakampi naman niya ang NBA superstar LeBron James at umabot ang mga ito sa NBA finals.

FIBA 2023: Anong height mo ‘Pinoy?

by

Ni: Edmund C. Gallanosa

MALAKI ang ginagawang paghahanda ngayon ng pamunuan ng Gilas Pilipinas sa pagbalangkas ng tamang direksyon patungo sa kumpetisyon ng pinakaprestihiyosong torneong basketball sa buong mundo, ang FIBA Basketball World Cup.  Gayunpaman, daraan sa maraming pagsubok ang pambato ng Pilipinas bago pa man tumuntong ang taong 2023.

Kung mayroon mang ma-laking rason na ikagagalak ng ating mga kababayan, ibang koponan ang magbibigay sa atin ng bagong pag-asa para sa FIBA World Cup Championship.  Pure excitement ang naghihintay sa mga fans ng Gilas, dahil sa darating na 2023, ang ma-laking kakulangan natin sa height, siguradong matutugunan na ngayon.

Ang tamang kombinasyon ng beterano at baguhan sa ating pambato ang siguradong magdadala ng magandang pag-asa para sa ating bansa.

Kilalanin ang ‘Top 10 picks’ na sa tingin namin ay magiging ‘lethal combination’ upang makapo ang matagal nang minimithi ng FIBA World Cup Championship.

#10. Bobby Ray Parks Jr.  (6’4)

Ang pagiging agresibo niya sa depensa at opensa ang isang kwalipikasyon kung bakit nararapat makasama sa lineup si Bobby Ray na kasalukuyan ang namamayagpag sa iba’t ibang international tournament kasama ang current ABL tourney sa Asia.  Isipin niyo nalang ang dadalhin nitong hassle sa pagsabak sa 2023.

#09. Jayson Castro(5’10)

Kung sakaling palarin mapasama sa lineup, siguradong hindi aatras sa hamon ang ‘Asia’s best point guard’ at PBA superstar na si Jayson Castro, at siguradong magi-ging kapanabik-nabik mapanood siya sa pagtimon ng ‘bagong henerasyon’ ng Gilas 2023

#08. Christian Standhardinger (6’7)

Minsan nang nagpasiklab ang Fil-German na si Stan-dhardinger at bumilib agad ang mga Filipino fans dahil sa ‘dugong pinoy’ nito sa pag-lalaro.  Lalong aangas ang dating at diskarte ng Gilas kapag naisama si Christian sa lineup.  May dugo man siyang German, malakas ang daloy ng dugo sa ‘pusong pinoy’ ni Christian.

#07.  Matthew Wright (6‘4)

Kinikilala ngayon bilang legitimate ‘natural shooter’ ng Gilas at ng PBA, malaki ang tulong ginawa ni Matthew dahil specialty nito ang magpaulan ng sangkatutak na 3-pointers.  Mas lalong madaragdagan ang kaniyang confidence sa outside shooting dahil hitik sa matataas na rebounders nga-yon ang team Pilipinas.

#06.Kobe Paras (6’6)

Pinaka-sensational at ina-abangan ng marami si Kobe Paras at tinuturing na nangu-nguna sa magbibigay sakit ng ulo sa mga kalaban.  Inaasa-han na darami pa ang magiging fanbase ng team Phi-lippines, hindi lang ng mga Pinoy kun’di pati mga dayuhan ay inaabangang makitang maglaro ang Gilas dahil sa sensational na players na ito.

#05. Keifer Ravena (6’1) at

#04. Thirdy Ravena (6’2 ½)

Hindi makukumpleto ang Gilas team kung hindi mapapasama ang magkapatid na Keifer at Thirdy Ravena.  Si Keifer ay gumagawa ng ingay sa PBA at hasa na sa international tournament at inaasahan na magiging pangunahing back-up kay Jayson Castro.  Ang kapatid naman niyang si Thirdy ay player ng Ateneo Blue Eagles at inaasahang dadalhin nito ang liksi at galaw sa darating na FIBA 2023.

#03.  AJ Edu (6’11)

Ang Fil-Nigerian na si AJ Edu ay inaasahang daragdag sa ingay ng mga Filipino fans sakaling makapag-laro siya sa 2023.  Sa taas na 6-foot-11 ngayong 18-anyos pa lamang siya, maraming pahihirapan ito sa darating na 2023.  Ngayon pa lamang ay marami na ang napapabilib niya lalo na nung makita siyang maglaro sa FIBA 3×3 Under-18 World Cup na ginanap sa Chengdu, China.

#02.Kai Sotto (7’2)

Next to Kobe Paras,  marami ang nag-aabang na makita ang batang si Kai Sotto bilang parte ng Gilas 2023 team.  Sa edad na 16-anyos ngayon, at taas na phenomenal na 7-foot-2, sino ba naman ang hindi mananabik makita ang batang ito.  Ngayon pa lamang ay katakot-takot na improvement ang ipinapakita ni Kai hindi lamang sa pagdomina sa opensa, pati na rin sa depensa.  Ang buong Pilipinas ay siguradong nakatuon ang atensyon sa ikinukunsiderang pinaka-malaking basketball line-up sa kasaysayan ng Pilipinas.

#01. Jordan Clarkson (6’5)

Kasunod nila Kobe Paras at Kai Sotto na kinasasabikang mapasama sa Gilas 2023 team, itong si Clarkson ang minimithi ng karamihan.  Kasalukuyang nagla-laro sa NBA, noon pa man ay ninanais na niyang maglaro sa Gilas, dangan ngalang nauunsiyami dahil sa conflict of schedule sa kaniyang team.  Pero bilang manlalaro, ani Jordan, ibibigay niya ang lahat makamit lang ng Pilipinas ang gintong medalya sa FIBA Championship.