PINAS

Ang Lihim ng Panginoon (Ikatlong Bahagi)

Sonspeak

Recent News:

GMA-7

Julie Anne San Jose, ipapalit kay Regine Velasquez-Alcasid

by

By: Wally Peralta

SI Julie Anne San Jose na nga ba ang bagong ginu-groom ng GMA-7 para sumunod sa yapak ni Regine Velasquez-Alcasid sa Kapuso Network? Sa bagong show ng GMA 7 na ‘Studio 7’ ay pinangungunahan ito ni Julie Anne at kasama pa ang 4 na finalist ng ‘The clash’ kung saan ang host nang nasabing singing contest ay si Regine.

Kung matatandaan noong presscon ng ‘The Clash’ ay nasabi ng host na si Regine na magkakaroon na ng bagong musical show ang GMA-7 at makakasama ang mananalo sa nasabing kompetisyon. At dahilan si Regine ang nagsabi ay marami tuloy ang nag-akalang siya ang magiging lead star ng new musical show ng Kapuso Network na Studio 7. Pero nagkaroon ng twist at wala na sa listahan si Regine, pasok na si Julie Anne San Jose.

“Naku po, hindi naman!” bungad ni Julie Anne

Ngayon kumpirmado na ang pag oober da bakod ni Regine Velasquez sa Dos kung saan naglikha ng samut saring usapin o palaisipan kung aalis nga ba si Regine sa Siete.  Dagdag pa dito ay ang pagdalo ni Regine ng Star Magic Ball ng ABS CBN 2 kamakailan at ang maugong na balitang nagpaalam na si Regine sa kanyang mga big boss sa Kapuso Network noon pa man Enero ngayong taon.

“Wala naman po kasing sinasabi si Regine noon sa gagawin noyang paglipat. Nababalitaan ko na lang na lilipat nga po siya.’

“Wala rin naman akong karapatan magsalita para sa kanyang desisyon,” sabi ni Julie Anne.

“At kung sakali man totoo po ito ay ginagalang ko ang desisyon niya pero nakakalungkot naman kasi hindi ko na siya makikita madalas.”

“At kahit saan pa po siya mapuntang istasyon ay lagi ko pa rin siyang susuportahan dahilan sa bata pa lang ako ay idol na idol ko na po siya,” ani ni Julie Anne.

 Insecure

 Isa pa ring tsika kay Julie Anne ay ang diumanong pagka insecure niya sa winner ng The Clash na si Golden Canedo. Bukod sa mas bata ito kaysa sa kanya ay agad-agad din itong nabigyan ng malaking break nang isama sa Studio 7 samantalang si Julie Anne ay natagalan pa muna bago pa man isama o gawing regular sa isang musical variety show sa Siete. Maging pagdating sa biritan ay tila hindi pakakabog si Golden kay Julie Anne.

“Wala pong ganun! Tulad po ni Golden ay galing din ako sa singing contest kaya alam ko ang feeling ng isang talunan at winner sa competition. Andito kami para suportahan si Golden at bigyan ng moral support sa pag-uumpisa niya sa kanyang showbiz career.”

“Hindi lang naman  kay Golden kami susuporta maging sa lahat ng kanyang mga co-finalist. Minsan nagguest ako sa The Clash at napahanga nga ako sa galing nilang kumanta. Lahat sila magagaling!”

Over exposed

 Kapuna-puna rin na nagiging paborito siya ng Kapuso Network. At tila tugma nga sa tsikang siya na nga ang ipapalit sa trono ni Regine sa GMA-7 dahilan sa halos sa dalawang musical variety show ng Siete ay si Julie Anne ang isa sa main host. Sa umaga, tuwing Linggo ay nasa Sunday Pinasaya si Julie Anne at pagdating naman ng gabi ay sabak naman siya sa The Clash. Kayanin kaya ng katawan niya ang dalawang musical show every week? Maging biktima kaya siya ng tinatawag na over exposure?

“Ha ha ha ha.  Suwerte lang po at maraming trabaho!” sabi ni Julie Anne.

“Magkaiba naman po kasi ang gagawin ko sa Sunday Pinasaya at sa Studio 7 kahit pareho silang musical show. Sa SP kasi mostly mga big stars ang kasama ko samantalang sa The Clash, karamihan mga baguhan sa musical show tulad nina Gabbi Garcia, Kyline Alcantara, Mikee Quintos, Kaye Valdez at ang kambal na sina Mavey at Cassy Legaspi.”

 “Kaya naman po ng powers ko. Mas more on tapings kasi kami sa The Clash at live naman every Sunday yung SP.”

Missing lovelife

 Kamakailan lamang ay nagdiwang sina Julie Anne at boypren niyang si Benjamin Alves ng kanilang anniversary. Open na ang isa’t isa sa kanilang relasyon. Ngayon na bisi-bisihan ang byuti ni Julie Anne may time pa ba siya sa kanyang personal na buhay?

 “Meron naman po. Open naman ang aming komunikasyon. At pag wala naman po kaming masyadong trabaho ay nagkakasama rin kami.”

 Any plans of getting married soon? naitanong sa kanya.

“Ay wala pa po!” ang pagtatapos ni Julie Anne San Jose.

Regine, may sariling marka sa pagkanta

by

 

Ni: Wally Peralta

AFTER maraming taong nakalipas nang maghost ang Asia’s Songbird na si Regine Velasquez ng isang talent search show sa GMA-7, ang “Superstar Duets,” muling nagbabalik si Regine bilang host ng all original singing contest na “The Clash” na mapapanood every Saturday after “Pepito Manaloto” at Sunday naman after ng “Daig Kayo Ng Lola Ko”.

Ang isa sa labis na nagpapalapit sa kalooban ni Regine sa bago niyang proyekto sa GMA-7 ay ang mga contestant o tinatawag nilang “clashers,” 62 sila lahat na maglalaban-laban sa isa’t isa, at matira talaga ang matibay at pinakamagaling.

What makes Regine like the show and the contestants?

“Very interesting sa akin ‘yung mga istorya ng buhay nila, eh,” ang pambungad na say ni Regine.

“A lot of them, halos kapareho rin ng istorya ko na from a poor family, that’s why they want to help their families. That’s why they’re using their God-given talent. So, it’s very inspiring actually.”

Talo pag kinabahan

Hindi man nakilala ni Re­gine nang ganap ang mga contestants ng “The Clash” ay naging malapit naman siya sa halos 62 na clashers nang magsama na sila sa taping ng naturang talent show.

“Umikot ako para sa auditions, pero hindi ko talaga sila individually nakita, until nag-taping na kami. Tapos doon ko nakita ‘yung mga istorya nila, kung bakit sila sumali, kung ano ang motivation nila for joining.”

“I was pleasantly surprised sa batch na ito.”

“Parang ‘yung promising parang puwede pa i-improve, parang ganun ‘yung dating sa akin. ‘Yung maga-ling, maga­ling na talaga. So, very exci­ting.”

“Ang sinasabi ko sa kanila ay kailangan wag silang masyadong kabahan.”

“Kailangan they know how to fight yung niyerbos nila, kailangan ma-overcome nila iyon!”

“Otherwise, yung kaba ang maglalaglag sa kanila.”

“Obviously the contestants are all good, lahat yan may experience na sa pagkokontes. Kaya ang pagta-talunan na ay kung sino ang confident enough para di magbago ang kanyang boses dahil sa kaba.”

Walang next Regine Velasquez

Sa naturan ni Regine Velasquez na karamihan ang mga clashers ay halos kapareho ng kanyang buhay at sadyang gifted pagdating sa boses, may nakikitaan na kaya si Regine na pwedeng masabing susunod sa kanyang yapak bilang Asia’s Songbird?

“Hindi ako naniniwala na mayroong the next Regine or next Lani Misalucha.”

“Kasi ganun yun, kasi you make your own mark in the business. You don’t have to follow someone else’s marks!”

“Although you can, but you have to create your own mark in the industry.

“It’s better naman that way.”

“Ako noong nag-umpisa ako may nagsasabi sa akin, o ako mismo ang nagsasabi sa sarili ko na ‘kaw siguro ang susunod na si ganito o ganyan’ pero hanggang ngayon yung susundan ko raw ay andiyan pa rin, ha ha ha ha.”

 

Laban sa mister

At dahil weekends ang bagong show ni Regine sa Siete, may nakakapagsabing malaki ang chance na magiging katapat ng show niya ang show naman ng kanyang mister na si Ogie Alcasid sa Kapamilya Network?

“Twice a week makikita ang byuti namin nina Lani Misalucha, Ai Ai Delas Alas, at Joyce Pring, kasama na rin sina “Andre Paras at Christian Bautista.”

 “Sa dami kasi ng mga contestants, kailangan talaga twice a week.”

“At sa pagtatapat namin ni Ogie Alcasid na nasa kabila na, ha ha ha ha ha, hindi ko sure, hindi ko alam yung time slot nila.”

 “Talagang ganun kung magiging katapat namin yung show ni Ogie Alcasid,

“Eh, di ‘laban’”

Sunshine, super mommy sa kanyang mga anak

by

PARA kay Sunshine, ang kaniyang mga anak ay ang kaniyang inspirasyon at sila rin ang nagbibigay ng lakas ng loob upang maharap niya ang kaniyang mga pinagdadaanan sa buhay.

 

Ni: Melchor Bautista

SOBRANG nasasaktan si Sunshine Cruz bilang ina ng kanyang tatlong mga dalagitang anak na nasa kanyang pangangalaga, dahil pati sila ay iniintriga nitong masangkot sa kontrobersiya ang kanilang daddy na si Cesar Montano.  Kamakailan kasi ay nag-resign ang aktor bilang Tourism Promotions Board (TPB) chief pagkatapos masangkot ang pangalan nito sa maanomalyang P80 million Buhay Carinderia project ng Department of Tourism.

Dahil sa nasabing isyu ay nararanasan ng mga anak ni Sunshine na maparatangan ng ibang tao ng kung anu-anong masasakit na salita, na nag-ugat lang sa panghuhusga ng ibang tao sa kinasangkutang kontrobersiya ni Cesar. Sa aming eksklusibong panayam sa magaling na aktres ay sinabi nito, na masakit ‘yung masabihang ang ipinapa-kain sa kanyang mga anak ay galing sa nakaw!

Ipinapagpapasalamat na lamang ni Sunshine, na buo ang kanyang loob para sa kanyang mga anak, at maraming tao ang sumusuporta sa kanya na nagpapalakas din ng kanyang paninindigan para patuloy na protektahan ang kanyang mga anak.

MAY SARILING KAYOD

Kahit matapang si Sunshine ay hindi rin niya naiwasan ang hindi maapektuhan para sa kanyang mga anak.  Dahil magmula nang magkahiwalay sila ni Cesar at silang mag-iina na ang magsama-sama, ay pinanindigan niya talaga ang tapang na magpakasipag siya sa trabaho para mapakain at buhayin niya ang kanyang mga anak. Kaya nga ilang taon nang nahahalata sa showbiz ang kasipagan ni Sunshine.  Kung hindi pelikula, ay lagi siyang mayroong programa sa telebisyon. Pagkatapos niyang mapasama sa teleseryeng “Wild flower” ng ABS-CBN ay isa siya ngayon sa mga bida ng teleseryeng “Kapag Nahati Ang Puso” sa GMA-7 na malapit nang ipalabas.

“Narito lang naman ako para sa mga anak ko,” pahayag ni Sunshine.

“Mai-paglalaban ko rin naman bilang mommy nila, na nanggagaling din naman sa hirap at pagod ko kung ano man ‘yung kinakain ng mga anak ko mula pa noong 2013.” 

Habang kakuwentuhan namin ang aktres ay matamlay siya dahil sa pagod at puyat sa katatapos lang na taping.

“Sinabi ko sa mga anak ko, na hindi sila dapat na madamay sa anumang intriga. Ipi-naglalaban ko sila sa buhay ko, kahit na magtiis ako ng pagod ay gagawin ko dahil sa kanila.  Sila ang buhay ko at inspirasyon ko na nagpapalakas ngayon sa loob ko sa anumang mga pinagdaanan ko sa buhay,” banggit pa ng aktres.

SHOWBIZ NA RIN ANG PANGANAY

Ngayon ay nasa showbiz na rin ang panganay at 17 anyos na anak nila ni Cesar na si Angelina at ang ginagamit na screen name ay Angelina Cruz.  Para kay Sunshine ay hindi niya pinilit ang kanyang anak para maging singer.  Kailangan daw na bilang kabataan na nagsisimulang mangarap ay hayaan ang kanyang anak na ilabas at patunayan ang kanyang talento.

Hindi naman daw nagi-ging sagabal ang singing career ni Angelina sa pag-aaral nito.  “She knows her priorities, and alam ng Universal Records at ng kanyang talent manager na si Arnold Vegafria ang priorities ng anak ko.  Magtatapos siya ng pag-aaral niya,” paliwanag ni Sunshine.

BAGONG INSPIRASYON

Damay na rin ang lalaking malapit ngayon kay Sunshine na si Mr. Macky Mathay.  Iniintrigang umeeksena raw si Mr. Mathay sa mga anak ni Sunshine, na laging kasama maging sa photos na nakikita sa social media.  Eh, hindi naman daw siya ang daddy ng mga dalagita!

“Macky is very close to me and my children, and vice versa naman po.  Andiyan siya for me and the girls, as I will always be there for his 3 kids din naman,” depensa ng aktres.

“I think people who think properly will appreciate his gesture and support for the children.  He has been nothing but good to us.  We aren’t violating any rules, and I don’t see anything bad sa kung anong support at care ang meron siya for us,” dugtong pa ni Sunshine.

WISH PARA KAY CESAR

Para kay Sunshine ay mayroon na silang ka­nya-kanyang buhay ni Cesar.  “As much as possible, huwag nang pag-usapan ‘yung father ng mga anak ko.  Ang mahalaga ay nasa mas maayos kaming lugar ng mga anak ko.  We always wish him well.  Sinabi ko ‘yon sa mga bata, na ipagdasal nila lagi ang daddy nila, dahil anuman ang nangyari sa amin, daddy pa rin nila ‘yon,” huling sinabi ni Sunshine.

Jackie Rice, wala na munang extra rice

by

Ni: Wally Peralta

MARAMI na talaga ang nakakapuna na habang tumatagal sa industriya ang Kapuso young actress na si Jackie Rice ay tila pagaling na nang pagaling siya pagdating sa acting. Sa latest teleserye niya sa GMA-7, ang “Hindi Ko Kayang Iwan Ka” na pinagbibidahan ni Yasmien Kurdi na gumanap bilang isang inang may sakit na AIDS ay marami ang galit na galit sa karakter ni Jackie bilang pinaka-main kontrabida ng naturang serye.

Lately nga ay kapuna-puna na nagsimula siya sa lead role ngayon ay tila mga character roles na lang ang ginagawa ni Jackie, okey kaya ito para sa young sexy actress?

“Okay lang naman,” ang paunang sagot ni Jackie.

“Magandang career path ang pagiging character actress kasi you don’t have to worry na ikaw ang magdadala ng buong show.”

“And I guess, alam naman ng GMA kung saan ilalagay ang mga artista nila, so happy ako. Kasi, hindi ako nawawalan ng project nang matagal, eh.”

“May guestings din naman ako sa other drama shows na bida pa rin ako, mabait pa rin, pero mas enjoy na akong nagtataray. It’s nice to be able to shift to various kinds of roles. Next, gusto ko rin ng bida-kontrabida roles, for a change.”

Miss na ang kanyang ‘Bubble Gang’

Marami rin ang na-mimiss­ na kay Jackie sa kanyang come­dy show na “Bubble Gang” kung saan ay isa siya sa re­gular cast ng naturang programa. Tinanggal na ba si Jackie sa naturang show?

“Hindi po.”

“Dahil sa sobrang bigat ng role ko sa “Hindi Ko Kayang Iwan Ka” pati nga dad ko ay hindi ko na nakakausap.”

“Ang hahaba ng lines ko rito, huh. Kaya pag wala akong taping, nasa bahay lang ako, studying the script at mine-memorize ang lines ko to make sure pag-report ko sa set the next day, handang-handa na ako.”

“Kaya naiilang ako kapag yung kaeksena ko, hindi alam ang script, so bago pa kami mag-take, I encourage them na mag-rehearse na kami para mas mabilis ang trabaho namin kasi laging 6 AM kapag natatapos ako sa taping.”

“Dahil sa pagfocus ko rito sa show nawalan rin ako ng time sa social life ko.”

“Ni hindi na nga ako nakakapag-guest sa ‘Bubble Gang’ kaya nami-miss ko nang mag-comedy. But happy ako na pinagkatiwalaan ako ng GMA ng ganitong kabigat na role. I take it now as a challenge para maitawid ko nang maayos.”

Keber sa bashers

Aminado rin si Jackie na sa sobrang ‘mean’ ng kanyang role sa teleserye nila ni Yasmien ay marami na raw siyang natatanggap na hates mula sa bashers. May mga over the belt pa nga raw na pambabash na ginagawa sa kanya. Ano naman kaya ang ginagawa ni Jackie sa mga bashers niyang sumosobra na?

“Naku, sorry na lang, wala akong pakialam sa bashers.”

“Hinahayaan ko lang silang magalit dahil hindi ako pumapatol sa kanila.”

“Kahit kung minsan, nasasaktan ako, lalo pag personal ang mga birada nila, dinededma ko na lang. Iniisip ko na lang na kung nagagalit man sila sa akin. It only means na nabibigyan ko ng justice ang role ko at very convincing ang acting ko.”

Bokya ang lovelife

Eh, Kamusta naman kaya ang kanyang lovelife. Matagal-tagal na rin naman nang maghiwalay sila ng landas ng kanyang non-showbiz boyfriend noon. Halos taon na rin siyang walang boyfriend?

“None. Ang tagal na.”

“May mga nanliligaw, pe­ro wala akong sinasagot, ka­si mas masaya ang buhay ko ngayon. ‘Yung last date ko, non-showbiz, hindi kami magkaintindihan as we’re not on the same wave length.”

“So hinihintay ko na lang kung sino ang ipapadala ni Lord sa akin. As of now, my attitude is aanhin ko naman ang love life kung lagi lang akong pinaiiyak?”

“My past relationships, pu­ro hindi nag-work, e. So I have to let go. I have yet to meet someone who I can feel na truly deserves me,” pagtatapos pa ni Jackie Rice.

Mark Herras, bongga ang career at lovelife

by

Ni: Wally Peralta

MARK Herras mukhang bawing-bawi ngayon taon ng itoy dumating sa kanyang showbiz career. Kung nitong mga nakaraang taon ay so-so lang ang takbo ng kanyang karir, panalo naman ngayong taon si Mark.

Sa unang quarter palang ay dala-dalawa kaagad ang ginawa niyang teleserye sa Kapuso Network. Habang pinapanood pa si Mark sa “Contessa” ni Glaiza de Castro, at karamihan ay mga eksenang ‘buhay’pa si Mark bilang mister ni Glaiza ay palabas na rin sa Primetime Telebabad naman ng GMA-7, ang “The Cure” nila ni Jennylyn Mercado at Tom Rodriguez.

Kung matatandaan ay halos 4 na taon na rin naman nang huling nagsama sila ng ka-loveteam at co-Starstruck 1 Ultimate winner na si Jennylyn, sa teleseryeng “Rhodora X”. Ano kaya ang pakiramdam ngayon ni Mark at muli silang magsasama ng dati rin niyang naging girlfriend?

“Excited akong makatrabaho si Jen,” bungad ni Mark.

“Lagi naman pag may bago kaming gagawin kahit hindi teleserye at guestings lang na magkasama kami ni Jen ay happy talaga ako.”

“Magaan kasi siyang katrabaho lalo pa ngayon may kakaiba akong karakter sa pagsasama naming muli, isa ako sa kontrabida, ha ha ha ha ha.”

First timer

Bago nga ito para sa mga tagahanga at supporters ni Mark, sanay sila sa kanilang idolo na laging inaapi o kaya ang good guy sa proyekto, kung bad man ay kaunti lang at angat pa rin ang good role ni Mark. Ngayon ay all throughout siyang kontrabida sa teleserye nila ni Jennylyn, ang “The Cure” ng GMA-7.

“Nakakatandang kapatid ako sa “The Cure” ni Arra San Agustin na over protective at gagawin ko ang lahat para mabantayan ko ang kapatid ko.”

“I requested for it, kung kaya labis-labis ang pasasalamat ko sa GMA-7 sa pagbibigay sa akin ng opportunity at pinagkatiwalaan nila.”

 “Sa tingin ko nagawa ko naman ng maayos at sana magustuhan nila ang bago kong karakter at suportahan nila ang aming teleserye.”

“Parang bagong Mark Herras naman kasi ang mapapanood nila.”

“First time ko ito sa tele-serye, first time kong maging bad boy. Hindi lang sa dance floor kundi sa isang teleserye, ha ha ha ha ha!”

“Sobra akong nag-eenjoy and I’m embracing yung pagiging bad boy ko sa soap namin ni Jen.”

From lover to enemy

Bukod sa pagiging bago para kay Mark Herras ang maging all throughout kontrabida sa isang teleserye, ang isa pang ikakamangha ng mga followers niya ay ang ideyang magiging kontrabida siya ng dating ka-loveteam na si Jennylyn. Nakasanayan na ng mga followers nilang dalawa na silang magka-loveteam.

Simula palang ng Starstruck 1 ay pawang silang dalawa ang nagpapakilig sa tagahanga nila. Ngayon ay tila kakainisan na nila si Mark sa gagawin niya kay Jennylyn. Ano kaya ang masasabi ni Mark na sa unang kontrabida role niya ay si Jennylyn pa ang makakalaban niya?

 “Walang kaso sa akin na maging kontrabida kay Jen, kasi ang ganda-ganda naman ng karakter ko sa teleserye namin!”

 “That’s why, I’m doing my best para magampanan ko ng mabuti yung role ko dito sa teleserye namin nila Jen.”

 Missing the loveteam

Hindi naman kaya nami-miss na rin ni Mark na bigyan sila ng proyekto ng GMA-7 na magkaloveteam ni Jen?

“Hindi naman, okey lang.”

 “Ako naman kasi basta mabigyan lang ako ng project to do something nang maa-yos ay okey na ako doon.”

“Saka enjoy naman ako  na kasama ko si Jen. Working together before as loveteam ay nakaya na namin gawin. At napapakilig namin ang mga tao.”

“Ngayon naman ay bibigyan namin ang mga tao ng kakaibang samahan namin ni Jen.”

Spare Winwyn

Kung ano ang iginanda ng takbo ng karir ngayon ni Mark ay siya rin naman ang smooth sailing na relasyon nila ng girlfriend na si Winwyn Marquez.

Ano naman kaya ang masasabi ni Mark sa muling pagbuhay ng kanyang mga bashers sa iskandalong kinasangkutan niya ilang taon na rin naman ang nakalilipas?

“Dedma!”

“Hindi ko pa rin ini-entertain, siguro ang masasabi ko na lang sa mga bashers ko bahala sila.”

“Hindi na naman ako apektado sa mga pinaggagawa nila.”

“Basta ako ang pakiusap ko lang sa mga bashers ko wag nilang idamay ang girlfriend ko, wag nila bastosin si Winwyn!”

“Huwag na nilang idamay si Win, kasi wala naman siyang kinalaman sa mga bagay na yun, respect na lang to her.”

“Kaya ko kasi ang mga bashes nila, dedma lang ako at hindi ako narito para sagutin sila,” ang pagtatapos pa ni Mark.

 

Close Bitnami banner
Bitnami