PINAS

Ang Lihim ng Panginoon (Ikapitong Bahagi)

Sonspeak

Recent News:

Google

Dear Yorme Isko (Isang bukas na liham para sa aking alkalde)

by

LOUIE MONTEMAR

 

MATAPOS ang tatlong linggo mula nang naluklok bilang alkalde ng Maynila si dating pangulong Joseph Estrada, pinahayag niya na nilumpo ni dati namang senador at alkalde Alfredo Lim ang ating lungsod sa laki ng mga utang ng lokal na pamahalaan na kanyang iniwan.

 

Ayon kay Mayor Erap noon, kabilang dito ang utang ng lungsod sa paggamit ng kuryente na lumobo sa P398-million. Tinukoy ni Erap na iyon pa lamang ay hihigit na sa P242 milyon lamang na naiwan sa kaban ng bayan nang maupo siya noong Hunyo 30, 2013. May iba pang utang ang Maynila noon.

 

Nakita ko mismo ang budget documents ng Maynila noong 2013 at tunay na lubog sa utang ang lungsod noon.

 

Ang kaso, hindi naman makakasuhan ang isang dating nakaupo dahil lamang sa pag-iiwan ng malaking utang. Kung nagkataon, baka pati kayo po ay baka nadamay doon bilang dating bise alkalde.

 

Nitong 2018, ibinida ni Mayor Erap na nakaahon na ang Maynila sa pagkalubog nito sa utang at “debt-free” na raw ito.

 

Ang kaso sa isang naulat na pahayag ninyo bilang bagong upo, may 24 bilyon pisong deficit o kakulangan sa budget daw ang Maynila?

 

Pinasinungalingan ito ni Erap at ng dating City Administrator na si Ericson Alcovendaz. Ayon pa nga kay Alcovendaz, may naiwang 10 bilyong pondo sa kaban ang administrasyon ni Erap.

 

Ano po ang totoo?

 

Ito na lang isasagot ko: Para sa akin, mahalagang maghintay pa kami bago lubos na bumilib na lang nang husto sa mga bagong luklok.

 

Mawalang-galang na po, pero alam ninyo kung sino ang pinakamagaling at pinakamapagkumbabang alkalde na nakilala ko? Si Mayor Jesse Robredo. Dokumentado ang achievements niya. Check ninyo sa Google at Youtube. Check him out. Hindi niya kinailangan ang media upang ayusin ang Naga. Dagdag pa, pareho ko na kayong narinig magsalita, in person, ‘ika nga, hinggil sa mga ideya ninyo sa pamamahala, kaya paumanhin kung tila pinipitik ko sa social media ang ilang asta ninyo. Mataas ang pamantayan ko.

 

Sa kabila nito, saludo naman talaga ako sa mga unang pinapakita at kalakhan ng mga pahayag ninyo bilang Meyor– lalo na sa usapin ng human rights o karapatang pantao.

 

Pero mayor, sana mas bigyang-pansin at magpokus ka sa pinakamatinding suliranin ng isang mega-lungsod gaya ng Maynila — ang kawalan ng pabahay.

 

Matsala po at padayon!

 

Pinas, handa na ba sa 4th Industrial Revolution?

by

SUMAPIT na ang 4th Industrial Revolution, ang pagsasanib ng pisikal, digital, at biological worlds. Handa na ba ang Pilipinas para dito?

Ni: Quincy Joel V. Cahilig

SA takbo ng panahon ngayon, kaagapay natin ang modernong teknolohiya tulad ng internet, smart phone, at computer sa ating pang araw-araw na pamumuhay. Kung naghahanap ng kasagutan sa katanungan at iba pang impormasyon, andyan ang Google. Kung gusto natin maging connected sa mga mahal sa buhay saan man sa mundo, nandyan ang Facebook. Kung kailangan natin ng direksyon sa lugar na pupuntahan, nandiyan ang Waze.

Malaki ang naitutulong ng mga bagong teknohiyang ito para mapadali ang ating mga gawain.  Kaya sa ngayon, obligadong matutunan ang paggamit ng mga ito dahil kapag hindi ka marunong, mapagiiwanan ka. Lalo na’t mabilis na ang progreso ng teknolohiya at halos taon-taon ay may bagong innovation, gaya ng kotseng kayang magmaneho mag-isa, mga robot na kumikilos, nagsasalita, at nag-iisip na parang tao. Yung mga dating napapanood lang sa pelikula, ngayon ay realidad na.

Ayon kay Professor Klaus Schwab, founder at executive chairman ng World Economic Forum, sumapit na ang isang rebolusyon na magbabago sa pamumuhay, pagtatrabaho, at pakikipag-uganayan ng sangkatauhan—ito ang 4th Industrial Revolution.

Sa unang Industrial Revolution, naging industrial at urban ang maraming rural societies dulot ng imbensyon ng mga makina. Sa ikalawa, nagkaroon ng kapabilidad para sa mass production; at sa ikatlo nangyari ang digital revolution, kung kailan napalitan ang electronic at mechanical technologies ng digital technology, na siyang ginagamit natin ngayon.

Ayon kay Schwab, kakaiba ang 4th Industrial Revolution sa mga nauna dahil taglay nito ang iba’t-ibang bagong technology na pinagsasama ang physical, digital, at biological worlds na bumabago sa takbo ng mga ekonomiya, discipline, at industriya. Pinalawak at pinabilis ng teknolohiya ang ugnayan ng mga tao, pinataas ang efficiency sa trabaho, at lumikha ng mga paraan upang mapangalagaan at pagyamanin ang kalikasan, na unti-unting nasira ng mga nagdaang industrial revolutions.

Sa kabila nito, may pangamba na kung hindi makakasabay ang mga pamahalaan sa mundo sa pagbabago, maaring makapagdulot ito ng mga bagong security concern at lalong magwawatak-watak ang lipunan.

HINIHIKAYAT ni Presidential Adviser for Entrepreneurship Joey Concepcion ang mga entrepreneur sa bansa na iakibat ang teknolohiya sa pagpapalago ng kanilang mga negosyo.

 

DIGITALIZATION: SUSI SA PAG-UNLAD

Wala na ngang atrasan ang pagsabak ng mundo sa 4th Industrial Revolution kaya dapat itong paghandaan upang mapakinabangan ang mga benepisyong hatid nito na magpapaunlad ng kabuhayan.

Inaasahan ng Banko Sentral ng Pilipinas (BSP) na palalakasin ng digitalization ang domestic output ng bansa sa mga financial technology innovation na nagpo-promote ng inclusive growth. Kaya naman isinusulong ng pamahalaan na mapayabong ang financial technology (fintech) dito sa bansa.

Ayon kay BSP Governor Nestor Espenilla Jr, maaring tumaas pa ng 14 porsyento ang gross domestic product (GDP) ng bansa kapag nalutas ang financial inclusion gap sa tulong ng fintech.

Dagdag pa ng BSP chief, naniniwala ang World Bank na malaki ang maitutulong ng fintech kaugnay ng regulatory initiative sa pagpapaunlad ng GDP.  Malaki rin aniya ang potensyal ng ganitong teknolohiya para pababain ang remittance cost para sa mga overseas Filipino workers.

“Transaction costs for remitting $200 currently average at 7.1 percent of transaction amount globally. This can drop to as low as two percent,” wika ni Espenilla.

Bukod dito, isinusulong din ng pamahalaan ang iba pang online-based banking and financial services para sa mga mga Pinoy sa loob at labas ng bansa, at para sa mga micro, small, and medium enterprises (MSMEs) na pwedeng ma-access gamit ang mobile phone.

Naniniwala naman si Presidential Adviser for Entrepreneurship Joey Concepcion na malaking tulong ang teknolohiya sa mga MSMEs, na bumubuo ng 99.6 porsyento ng ekonomiya ng bansa, upang makasabay sa 4th Industrial Revolution. Kaya lagi niyang ipinapaunawa sa mga negosyante na, “Don’t fear digitalization, embrace it” dahil mas mapapadali nito ang kanilang trabaho.

“We have to teach our entrepreneurs and businessmen how to adapt to the dynamic landscape and adopt technology and innovation to further their businesses. It’s moving their enterprises from simply operating on “survival” mode to sustainability and success,” aniya.

Sa digitalization, mas malaki ang market access ng mga negosyante sa pamamagitan ng mga online platforms gaya ng Lazada at Shopee, kung saan pwede makasabay ang mga maliliit na negosyo sa malalaki dahil direkta nilang naititinda sa mga consumers ang kanilang produkto kahit na wala silang puwesto sa mga department stores.

“I believe the 4th Industrial Revolution is going to be pro–poor and pro–innovation, and will help our micro–entrepreneurs achieve real prosperity,” pahayag ni Concepcion.

Maituturing din na malaking hakbang para makasabay ang bansa sa bagong industrial revolution ang pagsasabatas ng Republic Act No. 11165 o Telecommunting Act, na pinirmahan ni Pangulong Rodrigo Duterte kamakailan na nag-institutionalize ng work-from-home na scheme sa pribadong sector.

Sa naturang batas, pinapayagan ang telecommunicating, o kapag ang isang empleyado ay nagtatrabaho sa labas ng opisina gamit ang computer technology bilang isang lehitimong paraan ng pagtatrabaho, on a voluntary basis.

AYON sa pag-aaral, nasa 800 milyong trabaho ang mawawala pagsapit ng 2030 dahil sa automation.

 

MALAKING HAMON

Sa kabila ng mga ito, naniniwala ang ilang eksperto na hindi pa ganap na handa ang Pilipinas sa 4th Industrial Revolution.  Ayon kay Reynaldo C. Lugtu Jr. ng Hungry Workforce Consultancy, napag-iiwanan pa ang Pilipinas sa paggamit ng digital technologies sa trabaho. Karamihan umano ng mga kumpanya ay kasalukuyan pa lang sumasailalim sa automation process, na sana’y nagawa na noong 3rd industrial revolution.

“We are not yet even capitalizing on the 3rd industrial revolution. What more in the 4th industrial revolution? The 3rd industrial revolution is still being adapted by many organizations and companies in the Philippines. We have to fully capitalize on that first,” ani Lugtu.

Dahil dito, hindi pa lubusang matatamo ng bansa ang benepisyo ng digitalization gaya ng 50 porsyentong pag-angat sa productivity, at iba pang mga innovation.

Naniniwala naman ang isang ekonomista na mahalagang matugunan muna ng pamahalaan at mga kumpanya ang mga isyu sa labor relations at captial lalo na’t nakikitang uusbong ang “gig economy” o ang mga independent at freelance worker.

“The issues raised by the gig economy and non-regular employment contracts call for a rethink of labor laws in light of rapid technological and organizational changes,” pinunto ni Emmanuel Esguerra ng University of the Philippines.

Sa kasalukuyan, maaring masabi na maganda ngunit “risky” ang pagiging freelance worker dahil wala itong benepisyo na gaya ng itinatakda sa mga regular na empleyado.

Naniniwala din si Esguerra na nanganganib na mawala ang mga manual, routine, at blue-collar jobs sa pagratsada ng 4th industrial revolution.

Batay sa report ng McKinsey Global Institute, ang advancements sa artificial intelligence at robotics ay magdudulot ng pagkawala ng nasa 800 milyon na trabaho sa buong mundo pagsapit ng 2030.

Kapwa naniniwala ang dalawang eksperto na marami pang dapat maisagawang mga hakbang bago lubusang makasabay ang bansa sa digital trend na nagaganap sa buong mundo.  Kaya naman kailangan matugunan ng pamahalaan, sa tulong ng lahat ng sektor, ang hamon ng 4th Industrial Revolution sa lalong madaling panahon.

Halina sa mundo ng digital marketing

by

Ni: Kristin Mariano

TANUNGIN mo ang kahit sinong millennial ngayon, mayroon silang sinusundan na vlogger sa YouTube o Instagram star. Marami na ngang mga indibidwal (artista man o hindi) na sumisikat sa social media. Kada-scroll at kada-click ay nakikita natin ang mga posts ng fina-follow nating mga social media influencer.

Para sa mga kumpanya, ito ay isang magandang balita dahil nagbukas ito ng panibagong daan para maabot ang kanilang target market. Ang digital marketing ay ang paraan ng advertising online. Maraming mukha ang digital marketing, nariyan ang Google at Facebook ads, ngunit nagiging popular din para sa mga kumpanya na tapikin ang mga nagsusulputang social media influencers online.

Sa pamamagitan ng product placement, dedicated posts, o simpleng pag-mention ng produkto o serbisyo ay ilan lamang sa mga paraan kung paano pino-promote ng mga social media influencer ang mga produkto na pinu-push sa kanila ng mga kumpanya.

Nangunguna ang Pilipinas sa paggamit ng social media, kaya natural lamang para sa mga kumpanya na pumunta sa mga social media influencers dahil mas matipid at mas epektibo na ito ngayon kumpara sa tradisyonal na advertising.

Kahit sino ba ay maaaring maging celebrity sa Facebook, Instagram, at YouTube? Ang sagot ay OO. Maniwala ka man o hindi, cellphone lang at kumpiyansa sa sarili ang kailangan mo upang simulan ang career mo online. Isa sa mga pinakamabilis na daan upang sumikat ay maging viral ang isang content (post, larawan, o video) mo online.

Subalit, hindi madali maging isang social media influencer, kailangan mong ipagpatuloy ang pagpo-post ng vlogs, blogs, photos, at social leads upang ma-sustain ang iyong followers at manatiling interesado sayo ang mga social media users. Parang programa sa telebisyon, dapat laging may bago.

Brian Kevin Felix, social media influencer sa Instagram.

 

Buhay social media influencer

Nakausap ko si Brian Kevin Felix, mas kilala bilang @itsmebrie at @nonfoodienetwork sa Instagram, tungkol sa buhay bilang isang social media influencer. Sa kabuuan, siya ay may libu-libong followers sa social media na umaantabay sa bawat update niya. Sa tunay na buhay, si Brian ay isang normal na empleyado sa Makati na mahilig kumain at mag-travel.

Tulad ng nakararami, nag-umpisa si Brian bilang isang photography enthusiast na ginamit ang social media upang maibahagi ang kanyang passion sa photography, food, at travel. Noong 2014, sumali si Brian sa grupo ng mga Instagram users, IGersManila, na naghasa sa kakayanan ni Brian sa photography. Ang grupo na ito rin ang nagbigay daan sa unang collaboration ni Brian kasama ng mga brands at kumpanya.

Sa pagdami ng followers ni Brian ay ang pagdami rin ng mga kumpanya na lumalapit sa kanya para makipag-collaborate. Ilan sa mga ito ay Travel Club PH at Air Asia. Tulad ng mga artista, isa ng endorser si Brian ng mga piling produkto at serbisyo.

Para sa mga kumpanya, ang social media ang isa sa pinakamadaling daan upang maabot ang kanilang target market at ma-advertise ang kanilang produkto o serbisyo. Ang mga kumpanyang ito ay may nakalaan na budget para sa kanilang “marketing strategies,” kasama rito ang pakikipag-collaborate sa mga social media influencers.

Ang presyo o “fee” ng isang social media influencer ay hindi pare-pareho, ito ay nakadepende sa dami ng kanyang followers at demographics nito. Sa kaso ni Brian na may iilang libong followers, madalas ay nakakatanggap siya ng “X-deals” mula sa mga gustong makipag-collaborate sa kanya.

Ibinahagi sa akin ni Brian na wala siyang balak iwanan ang kanyang kasalukuyang full-time job para seryosohin ang buhay influencer. Sa kabilang banda, may mga social media influencer na full time na ginagawa ang mga marketing promotions na parang mga celebrity at kumikita ng five to six figures sa paggawa ng content.

Digital marketing ang isa sa pinaka-epektibong paraan upang maabot ang target market sa kasalukuyang panahon

Gaano ka-reliable ang social media?

Kahit sinong may social media accounts ay maaaring maging isang social media influencer, ngunit sa dami ng mga nagsusulputang influencers online, kinukuwestiyon ang kanilang reliability. Mapagkakatiwalaan ba ang kanilang pag-eendorso ng mga produkto?

Tulad ng pag-endorso ng mga artista, matagal ng usapin ang reliability ng pag-eendorso ng kahit sinong indibidwal (artista man or influencer). Gaano ka-authentic ang kanilang mga sinasabi tungkol sa mga produkto at serbisyo? Mapapataas na lamang ang kilay ng ilan kung ang magandang review ng isang produkto ay dahil sa “collaboration” o “X-deal”.

Isa sa mga kondisyon ni Brian sa kanyang mga collaborators ay ang pagbibigay niya ng “honest review” ng mga produkto o serbisyo ng kumpanya. Para kay Brian, ang kanyang social media posts ay personal na opinyon niya sa paggamit ng produkto.

Hindi madali maging social media influencer, payo ni Brian sa lahat ng nais na maging isang social media influencer, “hanapin mo ang identity mo at i-build mo yung character mo. Be true to yourself.”

Facebook, du-doblehin ang opisina sa London

by

FACEBOOK CEO Mark Zuckerberg kasama ang mga empleyado sa Menlo Park headquarters.

Ni:Kristine Joy Labadan

SINABI ng social networking company na Facebook na handa na itong higit na palawakin ang kanilang kumpanya sa tinatawag na Silicon Valley sa London kung saan nakatalaga ang maraming kilala sa industriya ng teknolihiya.

Magtatayo ang FB ng mga bagong gusali para sa napipintong pagbubukas nila ng trabaho para sa karagdagang anim na libong mga tauhan at manggagawa mula sa UK. Sa ngayon, wala pang kumpirmadong tiyak na bilang ang kumpanya kung ilang bagong trabaho ang kanilang bubuksan bagamat sinabi na nito na sa taong 2021 bubuksan ang mga gusali.

KASAYSAYAN NG FACEBOOK

Ang Facebook ay isa sa pinaka popular na social media site. Inilunsad noong Pebrero 4, 2004, ito ay naka-base sa Menlo Park, California. Sa labing-apat na taong pamamalagi nito, kinahumalingan na itong gamitin ng milyon-milyong tao sa buong mundo. At dahil sa sikat na sikat ito sa mga gumagamit nito maging bata man o matanda, sinabayan din ito ng pag-angkop ng mga kurikulum sa eskwelahan  sa pamamagitan ng pagbibigay ng karagdagang impormasyon tungkol sa Facebook sa mga estudyante.

Itinatag ang Facebook nina Mark Zuckerberg at ng kanyang mga ka-eskuwela sa Harvard College na sina Eduardo Saverin, Andrew McCollum, Dustin Moskovitz, at Chris Hughes.

Noong bagong tatag ang Facebook, nilimitahan ng mga naglunsad nito ang hanay ng mga miyembro sa kapwa lamang nilang mga estudyante sa Harvard.

Di kalaunan pinalawak na ang paggamit ng FB sa mga mataas na institusyon ng kaalaman sa Boston, sa mga eskuwelahang parte ng Ivy League, at sa unibersidad ng Stanford. Dahan-dahang nagdagdag ng suporta ang Facebook sa iba’t-ibang unibersidad hanggang ito’y umabot sa mga estudyante sa high school. Nang sumapit ang taong 2006, ang kahit na sinong nasa labing-tatlong taong gulang ay pinapahintulutan ng Facebook na maging rehistradong gumagamit nito bagamat may ilang lokal na batas ang dapat isaalang-alang.

Sa planong pagpapalawak pa nito ng presence sa UK, sinabi ring sa pagtatapos ng 2018, ang bilang ng tauhan ng FB sa UK ay aabot na sa 2,300

486,183 ang karaniwang dami ng gumagamit ng Facebook bawat minuto gamit ang mobile phones.

ILANG BENEPISYO NG FACEBOOK

Ang Facebook ay maaaring magamit ng kahit sinuman na may aparatong may koneksyon sa Internet tulad ng mga computers, laptops, tablet computers, maski smartphones. Kailangan lang magrehistro at gumawa ng sariling profile na maguugnay sa marami pang gumagamit nitong social netwok site na ito.

Maliban sa mga nabanggit ay maaari ding magdagdag ng mga kaibigan na posible mong makapalitan ng mga mensahe, makapag-paskil ng iyong iniisip, makapag-bahagi ng mga larawan o bidyo at makatanggap ng notipikasyon sa iba pang gumagamit ng Facebook tungkol sa kanilang aktibidad.

Ilan sa mga pakikipagsapalaran sa negosyo ng Facebook ay naisakatuparan sa UK, kabilang ang Workplace, isang human resources tool at sa kabilang banda naman ay ang dibisyon ng Facebook sa London na tinatatrabaho ang virtual reality na Oculus headset.

Ang mga bagong opisina ay may kasamang 600,000 kuwadradong talampakan na espasyo sa King’s Cross na makakatabi ang higanteng search engine na Google. Ang Google ay nakatanggap rin ng permiso para sa isang metro kuwadradong talapampakan na espasyo ng opisina na nakalaan sa mga bago nitong £1bn headquarters sa UK.

Ayon sa isang panayam mula sa Digital secretary na si Jeremy Wright QC, ang pagpapalawak na isinasakatuparan ng Facebook ay isang “panibagong boto ng tiwala mula sa ekonomiya” at tutulungang mabantayan ang pagtataguyod ng “matataas na sahod at de-kalibreng mga trabaho para sa kinabukasan” ng UK.

Napapabalita ang Facebook na aktibong naghahanap ng mga personalidad na may talento sa larangan ng artipisyal na intelehente sa pagsisikap nitong makakuha ng mga lider sa London. Nitong nakaraang tag-init, ibinunyag ng kumpanya na nakuha nito ang panimulang AI na Bloomsbury na nagkakahalaga ng tumataginting na $30 milyon (£22 milyon).

OPISINA ng Facebook sa Kendall Square, Boston.

NANGUNGUNANG SOCIAL NETWORKING SITE

Ayon sa naging analitika ng comScore, Facebook ang nangungunang social networking site base sa buwanang mga natatanging mga gumagamit na nagpupunta sa site nito. Nalamangan nito ang pangunahin nitong katunggali na MySpace noong Abril ng taong 2008. Kasama pa sa ulat ng comScore ay ang 130 milyong taong naakit gumamit nito noong Mayo 2010.

Base naman sa ikatlong partido na analitiko ng tagapagtustos ng web na Alexa and SimilarWeb, ang Facebook ay nanguna sa buong mundo bilang may pinakamaraming social network na mambabasa sa Web na may 20 bilyong bisita kada buwan noong 2015.

Ang SimilarWeb, Quantcast, and Compete.com ay magkakapareho namang iniranggo ang website bilang ikalawa sa Amerika na pinakadinadayo. Ang website ang pinakasikat sa pag-a-upload ng mga larawan na sa kabuuan ay 50 bilyon.

Kung iisiping magwawakas din ang kasikatan ng Facebook sa masa ay marahil na matatagalan pa ito dahil ngayong taong 2018 ay umabot na sa 2.2 bilyong katao ang aktibong gumagamit nito kada buwan. Ang pagkakakilanlan ng Facebook ay nagresulta sa ilang kilalang media coverage para sa kumpanya kalakip ang matinik na pagsisiyasat patungkol sa seguridad nito sa mga impormasyong natatanggap nito gayundin ang saykolohiyang epekto nito sa mga gumagamit. Sa mga nakalipas na mga taon ay naharap ang kumpanya sa matinding pangangailangang masolusyunan ang pagdami ng mga pekeng balita, paninira, at ang pagpapahintulot ng paglalarawan sa karahasan sa plataporma nito na kaagad naman ding inagapan ng Facebook.

Sa kaliwa’t kanang mga pakana ng Facebook ay nagbigay ng kanyang saloobin ang managing director ng Northern Europe na si Steve Hatch: “Today’s news reflects our commitment to the UK and our desire to grow our business and the UK economy.”

Google, planong magtayo ng ‘high-tech neighborhood’

by

Ni: Ana Paula A. Canua

NAKATAKDANG magtayo ng high-tech neighborhood ang Google na tatawaging Quayside na bubuuin ng mga  flexible buildings at mitigated weather system.

Plano ng Google na makagawa ng “a blueprint for the 21st-century urban neighbourhood.” Itatayo ang Quayside sa Toronto Eastern waterfront, pangangasiwaan ng Google Subsidiary Sidewalk Labs at Canadian Government ang nasabing proyekto.

Ayon sa Sidewalk Labs, “combine forward-thinking urban design and new digital technology to create people-centred neighbourhoods that achieve precedent-setting levels of sustainability, affordability, mobility, and economic opportunity.”

Marami rin ang naintriga sa plano ng kumpanya matapos nitong sabihin na kaya nitong gagawing maganda ang panahon.

“Innovative urban design, new lightweight materials, and better weather prediction capabilities make it more feasible than ever before to manage the outdoor experience without turning public spaces into indoor winter gardens,”aniya sa plano.

“Awnings that block rain, physical structures that block wind during the winter but not during the summer and sun shades can all add significantly to the daytime and evening hours when the experienced temperature feels comfortable to most people.”

Tinagurian ng Sidewalk Lab ang Quayside bilang “world’s first neighbourhood built from the internet up.” Wala pa namang nilalabas na takdang budget at petsa ang Google kung kailan sisimulan ang paggawa ng mga imprastruktura.

Close Bitnami banner
Bitnami