PINAS

Ang Lihim ng Panginoon (Ikatlong Bahagi)

Sonspeak

Recent News:

HANNAH JANE SANCHO

Championship Trophy ng Teehankee Moot Court Competition nai-turn over na sa Jose Maria College

by

HANNAH JANE SANCHO

MATAPOS ang paghihintay ay nai-turnover na sa Jose Maria College, College of Law ang Championship trophy nito sa 5th Teehankee Justicia Moot Court Competition na ginanap nitong nakaraang taon.

Sa isang seremonya na ginanap kamakailan ay naiturn-over na mula sa Teehankee Center for the Rule of Law ang Championship trophy para sa 5th Teehankee Justicia Moot Court Competition on International Law sa Jose Maria College of Law—na siyang champion sa ginanap na kompetisyon nakaraang taon.

Na nasabing okasyon din, ang mga JMC College of Law students na sina Lovella Fe Tacder na tinanghal na Best Speaker at Gretchen Canyedo na tinanghal na Best Oralist sa nasabing kompetisyon, kasama na sina Eunice Ambrocio at Kaye Laurente na pawang researchers ng team sa nasabing kompetisyon at Atty. Resci Rizada na tumayong coach ng team.

Ang nasabing pagtitipon ay personal din na dinaluhan ni Atty. Joseph Migrino, ang direktor ng Teehankee Center for the Rule of Law, at Ms. Aylene Dela Cruz, kasama na ang ilang opisyal ng JMC sa pangunguna ni Dr. Jose Maria Gonzalez na siyang presidente ng JMC, Atty. Israelito Torreon, Dean College of Law, Dr. Joamrk Libre, Vice President for External Affairs, at marami pang iba.

Masaya namang tinanggap nina Tacder at Canyedo kasama  ang buong JMC College of Law officials at Moot Court Society Debate Team ng paaralan ang tropeyo mula kay Atty. Mirgrino.

Samantala, malaki naman ang pasasalamat nina Atty. Torreon, at ng buong Jose Maria College of Law sa founding president ng paaralan na si Rev. Dr. Pastor Apollo C. Quiboloy sa walang sawang suporta nito sa kanilang mga kompetisyon at adhikain.

 

Children’s Joy Foundation Inc., hinirang na 2020 Best NGO sa buong bansa

by

 

HANNAH JANE SANCHO

HINIRANG na best Non- Government Organization ng Department of Social Welfare and Development ang Children’s Joy Foundation (CJFI) dahil sa malaking tulong na hatid nito sa mga programa ng pamahalaan.

Isang biyaya para sa ahensya ang ugnayan nila sa CJFI bilang kaagapay sa pagpapatupad ng mga programa para sa mga mahihirap lalo na ang mga kapus-palad na kabataan sa buong bansa.

Kaya naman ay kinilala sa katatapos lamang na 2019 Pa Nata ko sa Bayan Awards ang Children’s Joy Foundation Inc. at ginawaran ng Salamat po Award bilang natatanging social development welfare partner ng tanggapan.

Personal na tinanggap nina CJFI Former Executive Director Ms. Rosemarie Dimagnaong, at ni CJFI Director Mr. Riene Tagupa ang award mula sa DSWD, kasabay ng pagpapasalamat kay CJFI Founder Rev. Dr. Pastor Apollo C. Quiboloy dahil sa walang hanggan nitong pagtulong at pag-ibig sa mga kabataan.

Dahil sa award, tiniyak ng pamunan ng CJFI ang mas maigting pang pakikipag-ugnayan nito sa mga programa ng pamahalaan sa ilalim ng DSWD.

Mahigit sa 20 taon nang nagbibigay kalinga sa mga kabataang nangangailangan ang CJFI at isa sa mga respetado at highly regarded Social Welfare and Development Agencies (SWDAs) sa bansa.

Hindi lamang ang pagpapakain, pagpapa-aral, kundi lalo na ang moral and spiritual values ang itinuturo ng CJFI sa mga children beneficiaries nito sa ilalim ng superbisyon ni Pastor Apollo.

Dahil sa award, tiniyak ng pamunan ng CJFI ang mas maigting pang pakikipag-ugnayan nito sa mga programa ng pamahalaan sa ilalim ng DSWD.

PRRD, naalarma na sa epekto ng nCoV sa ekonomiya ng bansa

by

HANNAH JANE SANCHO

NAALARMA na si Pangulong Rodrigo Duterte sa epekto sa ekonomiya ng bansa dahil sa outbreak ng 2019-novel coronavirus acute respiratory disease o nCoV -ARD.

Sinabi ni Presidential Spokesman Salvador Pa­nelo na gumagawa na ng paraan ang administrasyon para matugunan ang naturang problema.

Una nang sinabi ni Socio-Economic Planning Secretary Ernesto Pernia na aabot sa isandaan tatlumpu’t tatlong bilyon ang mawawala sa ekonomiya kung tatagal ang krisis sa coronavirus ng hanggang Disyembre.

Ayon kay Panelo, hindi lamang ang pilipinas ang apektado sa coronavirus kundi maging ang buong mundo.

Dagdag pa ni Panelo na ang lubhang pinakaapektado ng 2019 nCoV ay ang sektor ng turismo dahil malaking bilang ng foreign tourist ay mula sa china kung saan nanggaling ang virus.

Pilipinas, handa sa bantang dala ng H5N1 bird flu virus

by

HANNAH JANE SANCHO

 

NAKAHANDA ang Pilipinas sa bantang dala ng H5N1 bird flu virus mula sa mga bansang apektado nito.

Ito ang tiniyak ni Agriculture Asst. Sec. Noel Reyes sa panayam ng SMNI News.

Aniya, may mga ginagawa na silang hakbang upang pigilan ang pagpasok nito sa bansa.

“May statement na kami diyan na kami, tayo, ang Pilipinas ay ready to ward off or to prevent the entry of, yung H5N6, na bird flu virus,” ani Asst. Sec. Noel Reyes, spokesperson, Dept. of Agriculture.

Dagdag pa ni Reyes, dalawang beses sa isang taon na nagsasagawa ng surveillance ang pamahalaan lalo na sa mga lugar na kalimitang pinupuntahan ng migratory birds tuwing panahon ng winter sa ibang bansa gaya ng Europe at China.

Ilan aniya sa mga minomonitor ng pamahalaan ay ang Candaba at ilan pang swamps na kalimitang pinupuntahan ng migratory birds sa bansa.

Maaalalang maliban sa 2019 nCoV ay nagdulot din ng panibagong pangamba sa publiko ang pagtama kamakailan ng H5N1 outbreak sa Hunan province sa China na kumitil ng nasa libo-libong manok.

Maliban dito, nagpatupad na rin ng temporary ban para sa importasyon ng poultry products mula China at Poland matapos maitala ang bird flu outbreak.

Batay sa pag-aaral maaaring mailipat sa tao ang H5N1 virus at aabot sa 60 percent ang mortality rate ng mahahawaan nito.

Trabaho para sa mga OFW mula Middle East, pinatitiyak

by

 

HANNAH JANE SANCHO

 

NANAWAGAN sa pamahalaan si ACT-CIS Rep. Eric Yap na dapat mabigyan agad ng trabaho ang mga uuwing mga OFWs mula sa Iran at Iraq bunsod na rin ng naka-ambang total deployment ban.

Ayon kay Yap, dapat ngayon pa lamang ay naghahanap na ng trabaho ang Department of Labor and Employment (DOLE), Overseas Worker Welfare Administration (OWWA) at POEA para sa mga mare-repatriate na mga OFW.

Sang-ayon si Yap na dapat unahin ang kaligtasan ng mga OFW sa mga naggigiriang bansa pero dapat ding isaalang-alang ang kinabukasan ng kanilang pamilya sa pamamagitan ng pagbibigay sa kanila ng alternatibong hanapbuhay.

Sa kabila nito, batid ni Yap na ginagawa na ng paraan ni DOLE Sec. Silvetre Bello ang ‘unemployment vacuum” sakaling matuloy na bumalik sa bansa ang libu-libong OFW na galing sa Iran, Iraq at Kuwait.

PRRD, hindi magpapa-extend ng termino

by

 

HANNAH JANE SANCHO

 

INIHAYAG ni Pangulong Rodrigo Duterte na wala siyang planong palawigin ang kaniyang termino.

Ginawa ni Pangulong Duterte ang kaniyang pahayag sa kaniyang talumpati sa ceremonial distribution ng agricultural assistance sa mga magsasaka sa Pigcawayan, Cotabato.

Sinabi ng pangulo na pagod na siya sa marami nang dekadang pagtatrabaho niya sa gobyerno.

Ayon kay Duterte, natutuwa at maginhawa na siya pagbaba sa puwesto para magretiro.

Nasa huling dalawang taon na ngayon ng panunungkulan sa malakanyang si Duterte.

Inamin din ng punong ehekutibo na alam niya ang gina­gawang pagpansin ng mga mamamayan sa kanyang kulay dahil sa hinalang maysakit siya sa kidney at malapit nang mamatay.

Tugon ng pangulo, wala namang taong makakaligtas sa kamatayan pero tanging ang Diyos lamang ang nakakaalam kung kailan ito mangyayari.