MULING pamumunuan ni Commissioner Willie Marcial ng tatlong taon ang PBA.
Ito matapos palawigin ng Board of governors ng tatlong taon ang pamumuno ni Marcial sa liga.
Nabatid na mayroon pang natitirang isang taon mula sa orihinal na kontrata si Marcial sa pinirmahan noong 2018.
Sa pamumuno ni Board chairman Ricky Vargas ay napagkasunduan ng mga board ang karagdagang extension ni Marcial.
Nagustuhan ng board ang pamumuno ni Marcial dahil sa pagiging transparent nito.
NASUNGKIT ng 21-year old player na si Sofia Kenin ang kampeonato sa Australian Open.’
Ito ay pagkaraan ng kaniyang matagumpay na finals game kontra kay Garbiñe Muguruza na nagtapos sa score na 4-6, 6-2, 6-2.
At dahil din sa pagkapanalo ni Kenin ay umangat ito ng walong puwesto sa WTA rankings at lumagay na sa 7th spot.
Maituturing din na pinakabatang kampeon si Sofia matapos ni Maria Sharapova noong taong 2008.
Samantala, nabawi naman ni Novak Djokovic ang top spot sa WTA rankings matapos magwagi sa game nila ni Dominic Thiem sa finals sa score na 6-4, 4-6, 2-6, 6-3, 6-4.
HINDI naman bababa sa labinlimang libong katao ang nanuod sa Rod Laver Arena para sa ginawang ‘Rally for Relief’ ng ilang tennis star.
Nagsama-sama ang mga tanyag sa mundo ng tennis kamakailan para sa isang special exhibition game na layong makakuha ng pondo na itutulong sa nasalanta ng nagpapatuloy na bushfire sa Australia.
Nakalikom naman ang grupo ng 5 million Australian Dollars o nasa $3.5 million.
Kabilang naman sa mga nagpasiklab sa naturang rally game ay sina Roger Federer, Nick Kyrgios, Rafael Nadal, Serena Williams, Caroline Wozniacki at Alexander Zverev.
MATUNOG ang pangalan ng ‘Armless Archer’ na si Matt Stutzman na lalahok sa nalalapit na 2020 Summer Paralympics.
Isa ang American player na si Stutzman na top bet para sa gintong medalya sa naturang torneyo na tatakbo mula August 25 hanggang September 6.
Nakapagtala ng silver medal si Matt noong nakaraang 2012 Paralympics.
Nakuha na rin ng archer na ma-hit ang target na may layong 500 hanggang 800 yard sa kabila ng kapansanan nito.
Sa isang panayam, pabirong sinabi ng Para-athlete na kung hindi ito isang archer ay malamang kampeon na siya sa arm wrestling.
Hindi naman lingid sa kaalaman ng lahat na ginagamit ni Stutzman ang kaniyang mga paa para maka-hit ng target.
MULING magtatagisan ang team LeBron at team Antetokounmpo sa nalalapit na NBA All-Star Game 2020.
Ito ay pagkaraang manguna ang dalawang star players sa NBA fan voting.
Nakakuha ang Lakers forward LeBron James ng di bababa sa 3.2 million votes para makuha ang top spot sa Western Conference.
Di naman lalagpas sa 3.3 million votes ang nakuha ng reigning MVP at Milwaukee Bucks player na si Giannis Antetokounmpo mula sa Eastern Conference.
Mangyayari naman ang pagpili ng mga team leader sa kanilang mga makakasama sa koponan sa Jan 23.
Habang iaanunsyo naman sa Jan. 30 ang mga mapipiling reserves ng mga NBA coaches.
Magaganap ang NBA All-Star Game sa February 16 sa Chicago.
KASABAY ng pagsalubong sa bagong taon ay ang pagluluksa din ng buong NBA community sa pumanaw na pinakamatagal na Commissioner Emeritus na si David Stern.
Pumanaw na sa edad na pitumpu’t-pito ang Commissioner sa unang araw ng bagong taon.
Buong buwan ng Disyembre nakipaglaban si Stern sa natamo nitong brain hemorrhage.
Nagpaabot naman ng pakikiramay sa pamilya ni Stern ang incumbent chief executive ng NBA na si Adam Silver na binalikan ang tatlumpung taong pagseserbisyo ni David sa liga.
Ilang beterano at kasalukuyang NBA stars din ang nagbigay pugay sa pumayapang commissioner tulad nina Michael Jordan, Bill Russel Magic Johnson, Shaquille O’neal, Steve Nash, Kobe Bryant, LeBron James, Stephen Curry, James Harden, Dwyane Wade at Dirk Nowitzki.