• Skip to primary navigation
  • Skip to content
  • Skip to primary sidebar
Friday - February 26, 2021

PINAS

Ang Lihim ng Panginoon (Ikalawang Bahagi)

Sonspeak

72hp male enhancement.

super size pills.

jelqing results after 3 months.

serexin ingredients.

super hard male enhancement.

jelqing exercises.

x1 male enhancement.

viapro herbal.

Male Enhancement Supplements Reviews Asox9.

Top Male Sex Enhancement Pills.

Top Male Sex Enhancement Pills.

Male Sex Enhancer.

Size Erect Pills.

weekend prince pill review.

pills to enlarge your penis.

Recent News:

  • PSG, isinailalim sa lockdown
  • PANALANGIN AT PAG-AAYUNO Mga Sandata ng Matutuwid na mga Anak na Lalaki at Anak na Babae (Ikatatlong Bahagi)
  • Idris Elba, nagpositibo sa COVID-19
  • Sen. Zubiri, positibo sa COVID-19
  • Bayanihan at volunteerism, nangingibabaw sa gitna ng COVID-19 crisis
  • Home
  • Pambansa
  • Metro
  • Probinsyal
  • Internasyonal
  • Negosyo
  • Sports
  • Showbiz
  • OFW
  • Opinyon
  • Feature
  • Lifestyle
  • Business
  • Sonspeak
  • Words of The Son
  • Kalusugan
  • PINAS USA

Jayson Castro

Christian Standhardinger, nagpasalamat matapos makuha ang best player

January 27, 2020 by PINAS

YNA MORTEL

 

LAKING pasasalamat ni Northport Star Christian Standhardinger matapos hirangin siyang Best Player of the Conference.

Isinagawa ang awarding bago ang pagsisimula ng Game 4 sa pagitan ng Barangay Ginebra at Meralco Bolts.

Nagpasalamat si Standhardinger sa kaniyang koponan dahil sa pagdala sa kaniya sa lugar para makuha ang pagkilala.

Tinalo ni Standhardinger ang dating kasamahan sa San Miguel na si June Mar Fajardo kung saan mayroong 1,011 points ang nakuha ng Filipino-German born player habang mayroong 657 points si Fajardo.

Pumangatlo naman si Jayson Castro na mayroong 615 points at pang-apat si Cj Perez.

Nasungkit naman ni Bolts import Allen Durham ang kaniyang ikatlong best import award, at pumangalawa naman sa kaniya si Justin Brownlee.

 

Slider Sports Ticker CJ Perez Jayson Castro June Mar Fajardo Justin Brownlee Northport Star Christian Standhardinger YNA MORTEL

Kiefer Ravena, kabilang na sa 12-man pool ng Gilas Pilipinas na sasabak sa SEA Games

November 19, 2019 by PINAS

NLEX star Kiefer Ravena
LUIS JAMES

 

OPISYAL nang maglalaro para sa Philippine Basketball National Team sa nalalapit na sea games ang NLEX star na si Kiefer Ravena.

Ito ay matapos isumite ng samahang basketbol ng Pilipinas sa Philippine SEA Games Organizing Committee (PHISGOC) ang pangalan ni Ravena na bubuo sa 12-man training pool ng Gilas Pilipinas kamakailan.

Papalitan ni Ravena ang veteran guard na si Jayson Castro na hindi na makakalahok pa dahil sa iniinda nitong muscle strain.

 

Slider Sports Ticker Jayson Castro Kiefer Ravena LUIS JAMES NLEX star Philippine SEA Games Organizing Committee (PHISGOC)

2019 PBA All-Star Games inaabangan ng mga fans

March 13, 2019 by Pinas News

Pinas News

NAGBALIK sa lumang format ang PBA kung saan gaganapin ang All-Star Event sa isang venue lamang, mula Marso 29 hanggang 31.

Masasaksihan naman ang inaabangang All-Star Game sa Calasiao, Pangasinan sa Marso 31.

Kabilang sa North All-Stars First Five sina Calvin Abueva, Japeth Aguilar, Paul Lee, L.A. Tenorio at Marcio Lassiter.

Habang sina Stanley Pringle, Jayson Castro, Alex Cabagnot, Gabe Norwood, Arwind Santos, Troy Rosario, Marc Pingris at Chris Banchero ang North All-Stars Reserves.

Kasama naman sa starters ng South All-Stars sina June Mar Fajardo, Greg Slaughter, James Yap, Mark Barroca at Scottie Thompson.

Habang sina Terrence Romeo, RR Pogoy, Chris Ross, Baser Amer, PJ Simon, Jio Jalalon, Poy Erram at Joe Devance ang magiging reserves ng South All-Stars.

Sa nakalipas na dalawang seasons ay dinala ng liga ang All-Star Weekend sa Luzon, Visayas at Mindanao.

Slider Sports Ticker 2019 PBA All-Star Games Alex Cabagnot Arwind Santos Baser Amer Chris Banchero Chris Ross Gabe Norwood Greg Slaughter James Yap Jayson Castro Jio Jalalon Joe Devance June Mar Fajardo Luzon Marc Pingris Mark Barroca Mindanao North All-Stars Reserves PJ Simon Poy Erram RR Pogoy Scottie Thompson South All-Stars Stanley Pringle Terrence Romeo Troy Rosario Visayas

Ang larong basketball at ang pagkamakabansa

December 18, 2018 by Pinas News

basketball

Ni: Dennis Blanco

Ayon kay Rafe Bartholomew sa kanyang libro na pinamagatang “Pacific Rim: Beermen Ballin’ in Flip-Flops in the Philippines’ Unlikely Love Affair with Basketball,” ang Pilipinas ay isang “basketball crazy republic” kung saan ang football, volleyball at baseball ay pangalawa lamang kumpara sa basketball na itinuturing na pangunahing laro. Sadyang napakahilig ng mga Pinoy na maglaro at manood ng basketball.

Nandiyan ang Philippine Basketball Association (PBA) sa ating bansa at ang National Basketball Association (NBA) sa Estados Unidos bilang mga professional leagues na kung saan hinahangaan ang mga sikat na basketbolista tulad ni June Mar Fajardo, Jayson Castro at Paul Lee sa PBA at LeBron James, Stephen Curry and Kevin Durant sa NBA. Hindi rin pahuhuli ang mga amateur leagues na kinabibilangan ng mga collegiate leagues tulad ng Universities Athletic Association of the Philippines (UAAP) at National Collegiate Athletic Association of the Philippines (NCAA).

Itong mga nakaraang araw ay nasaksihan ng madlang Pilipino ang FIBA Asian Men’s Qualifier kung saan ang Smart-Gilas Philippine Men’s Basketball team ang siyang nagsilbing host sa kalabang Kazakhstan at Iran. Nadurog ang puso ng Pinoy fans nang magkasunod na nabigo ang kanilang pambansang koponan sa Kazakhstan at Iran bagamat mayroon itong homecourt advantage at naglalaro sa harapan ng kanilang mga kababayan.

Kung ang kampanya ng Smart-Gilas ay istorya ng kabiguan, ang katatapos na UAAP Men’s Basketball Championship ay kwento ng pananalig at tagumpay. Pagkatapos ng tatlumpu’t-dalawang taon ay muling nakabalik ang University of the Philippines Fighting Maroons sa finals laban sa defending champion na Ateneo de Manila University Blue Eagles. Bagamat natalo ang UP sa ADMU ay nagsilbi itong kuwento ng inspirasyon ng paghango mula sa ibaba patungo sa rurok ng tagumpay. Matatandaan na mayroon ding nakaraang season kung saan ay wala silang naipanalo o nakapanalo man lang ng isang game. Subalit sa suporta ng kanilang mga alumni, fans at ng buong UP community, kasama na ang pito pang constituent universities nito sa buong bansa, muling nakabalik ito sa UAAP finals matapos nitong talunin ang twice-to-beat na Adamson University Soaring Falcons sa dalawang makapigil hiningang laro na itinuturing na isa sa mga pinakamagandang game sa kasaysayan ng UAAP.

Subalit ang sadyang nagpaigting sa matagumpay na kampanya ng Fighting Maroons ay ang mga salitang “Atin ito. Papasok ito” na namutawi sa labi ng kanilang team captain at inspirational leader na si Paul Desiderio noong laro ng Maroons laban sa UST Growling Tigers, ang unang laro nila nung nakaraang taon, na kung saan may maliit na segundo na lang ang natitira at kailangan ang three point shot para manalo na nagawa ngang ibuslo ni Desiderio. Mula noon, ang salitang “Atin Ito” ang nagpataas ng kumpiyansa at pananalig ng koponan na lahat ay posible kung aakuin nito ang kakayahan at responsibilidad na manalo bilang isang nagkakaisa at nagdadamayang koponan.

Sa huli, ay aking napaglagom na ang mga katagang “Atin Ito” ay sumasagisag na gawin at kamtin ng may paninidigan ang mga adhikaing nararapat ay para atin nang makita ko ang isang placard na hawak-hawak ng mga fans ng UP Fighting Maroons habang nanood ng laro na may mensaheng, “Atin Ito, West Philippine Sea”, “Atin Ito, Human rights”. Samaktuwid, ang katagang “Atin Ito” ay puwedeng sumalamin sa isang pambansang damdamin na nagnanais ng hustisya at katarungan  na sadyang nararapat akuin nino man na sa palagay nila ay  sadyang nararapat na ibigay para sa kanila bilang mamamayan sa ngalan ng  pambansang soberaniya at  pambansang kapakanan. Atin Ito. Pilipino tayo.

Opinyon Slider Ticker Ateneo de Manila University Blue Eagle Iran Jayson Castro June Mar Fajardo Kazakhstan Kevin Durant Lebron James National Basketball Association (NBA) National Collegiate Athletic Association of the Philippines (NCAA) Paul Lee Philippine Basketball Association (PBA) Rafe Bartholomew Smart-Gilas Philippine Men’s Basketball team Stephen Curry Universities Athletic Association of the Philippines (UAAP) UST Growling Tigers

Reresbak na ang Team Pilipinas!

December 4, 2018 by Pinas News

Ni: Edmund C. Gallanosa

MATAAS ang kumpiyansa ng koponang Pilipinas sa FIBA Asia Qualifier.  Buhay na buhay pa ang pag-asa natin sa liga.

Matiyagang nag-aantay ang sambayanan sa susunod na round ng FIBA Asia Qualifier ngayong buwan na ito. Una, sabik ang nakakarami na mapanood ang muling pagtitimon ng ganap nang Philippine national coach na si Yeng Guiao.  At ikalawa, pinakaa-abangan ang pagkabuo ng mas malakas pang koponan sa pagdating ng ilan pang manlalaro.

Papasok muli ang Pilipinas sa panibagong yugto ng pambansang basketbol.  Ang pagkakaiba ngayon, may basbas na pagtutulungan ang ibinibigay kay Coach Yeng mula sa SBP (Samahang Basketbolista ng Pilipinas) at ng PBA (Philippine Basketball Association).  At sa pagkakataong ito, umayon ang lahat ng koponan sa PBA na magpahiram ng kanilang mga players —ilan at sinoman ang kakailanganin.  And the rest, anila, ay history na.

Si Coach Yeng ang masasabi nating susi sa pagkakatahi-tahi ng iba’t ibang pananaw ng SBP, PBA at ng FIBA na magkaroon ng isang highly competitive na koponan ang Pilipinas.

Kung hindi sa kaniyang pagpupursige, hindi na sana nakasali sa 2018 Asian Games ang Pilipinas.  Naging blessing-in-disguise pa ang pagsabak ng Pilipinas sa Asian Games, na bagama’t panlima lamang tayo, nakakita ng bagong stratehiya ang mga opisyales ng SBP at PBA.  Kung sakaling si Guiao ang hahawak ng tropa ng national team, ano kaya ang mangyayari sa ating koponan?

Ngayong bukas na bukas muli ang pinto para sa pagpili ng manlalaro ni Coach Yeng, inaasahang babalasahin niyang maigi ang talentong nasa sa kamay na niya.  Isa ang siguradong magaganap—masusulyapan ngayon ang pinaka-matangkad na lineup sa kasaysayan ng basketbol sa Pilipinas.

Tignan natin ang posibleng mga winning combination na gagamitin ni Coach Yeng Guiao para sa Team Pilipinas.

 

Greg Slaughter at June Mar Fajardo; Ian Sanggalang at Japeth Aguilar.

Ito ang pinaka-aantay ng nakakarami, ang makitang maglaro nang sabay ang dalawang higante ng PBA.  Kung tutuusin  pupwede talaga itong mangyari. Si Greg ay natural na sentro samantalang si June Mar naman ay puwedeng maglaro bilang center-forward.  Si Ian naman at Japeth ay maaaring kapalitan nina Greg at June Mar subalit mas kapana-panabik kung sakaling magsabay ang apat sa loob ng court. Sentro si Slaughter, habang magkabilang forward ang laro nina Sanggalang o Aguilar, kasama si Fajardo.  Maaaring mag-slide bilang big guard-forward sina Japeth at Ian — ang imposible sa iba, posible kay Coach Yeng.

Kai Sotto at Ricci Rivero; Jayson Castro, Paul Lee, at LA Tenorio. 

Huwag mabibigla kung makikita sa line-up ang batang-bata na 7’1 na si Kai Sotto.  Tinuturing na national treasure si Kai at para kay Coach Yeng, mainam nang maisabak na habang maaga sa international scene si Kai at nang maturuan ito ng aktwal na diskarte sa paglalaro kasama ang mga kuya  na sina Slaughter at Fajardo.  Iba naman ang kalidad ni Ricci Rivero na sanay sa pisikal na laro, mabilis, may outside shooting at mas lalong deadly sa open court.

Ang tulad nila Castro, Lee at Tenorio naman ang magbibigay ng sakit ng ulo sa backcourt.  Madami pa itong pahihirapan sa mga darating pang laro ng Pilipinas.  Mga wais at beterano, hindi madaling mabasa ang galaw nila para magpahirap sa mga makakalaban.  Shooters ang mga ito at mabalasik sa open court at bihasa pa sa fastbreaks.

Matthew Wright, Marcio Lassiter at Alex Cabagnot

Pinaka-matitinik na wingman at deadly shooters sina Matthew, Marcio at Alex para sa bansa.  Guwardiyado ang ilalim ng malalaki samantalang kanan at kaliwa silang pwedeng pagpasahan para sa mga long shot.  Malaki ang pag-asa nating pumantay sa ibang koponan tulad ng malalaking Iranians at Australians kung magagamit nang wasto ang malalaki natin kasabay ng mga wingmen na deadly accurate sa 3-point area.

Beau Belga, Troy Rosario, Gabe Norwood, JP Erram.

Ang apat na ito ay hindi naman matatawaran pagdating sa depensa. Malalaki at ready sa banggaan, hindi rin naman aatras ang mga ito kung takbuhan naman ang pag-uusapan.  Kapag lumabas ang tatlong malalaki, maaaring pamalit ang sinoman sa kanila at maiiba nanaman ang tema ng depensa para sa mga kalaban.

Stanley Pringle, at Christian Standhardinger; Arwind Santos at Scottie Thompson. 

Naipakita na kung ano ang magagawa nina Stanley Pringle at Christian Standhardinger bilang miyembro ng Team Pilipinas-FIBA.  Hindi sasayangin ni Coach Yeng ang pagkakataong gamitin nang wasto ang dalawang ito—bilang alternate naturalized players.  Hindi naman matatawaran ang madadalang hussle nina Arwind Santos at guard-rebounding Scottie Thompson sa international scene.  Siguradong madaming gugulantangin ang dalawang ito.

Hindi pa natin lubos na nakikita ang full strategy ni Coach Yeng para sa Team Pilipinas.  Nasulyapan natin nang kaunti noong Asian Games ang tirada niya, at kaunti pang muli noong magsimula ang 4th round ng FIBA kontra sa Iran at Qatar.  Ngayong mas mahaba ang panahon nang paghahanda ng koponan, inaasahang ibubuhos ni Coach Yeng ang kaniyang nalalaman sa pagbuhat sa Team Pilipinas para sa FIBA.

Slider Sports Ticker Alex Cabagnot Arwind Santos Beau Belga Christian Standhardinger Coach Yeng Guiao Edmund C. Gallanosa FIBA Asia Qualifier Gabe Norwood Greg Slaughter Ian Sanggalang Japeth Aguilar Jayson Castro JP Erram June Mar Fajardo Kai Sotto LA Tenorio Marcio Lassiter Matthew Wright Paul Lee Ricci Rivero Scottie Thompson Stanley Pringle Troy Rosario

Hatol ng FIBA sa Gilas na manlalaro, PBA sumaklolo

August 29, 2018 by Pinas News

Ilan sa mga napipisil na PBA players ang sumaklolo sa kanilang kapwa PBA at Gilas players na masususpinde sa darating na 2nd round ng FIBA Qualifying tournament na magsisimula ngayong Setyembre.  

Ni Edmund C. Gallanosa

ISANG buong buwan na lamang ang magiging paghahanda ng Gilas Pilipinas bago magbukas ang 2nd round ng FIBA Basketball World Cup 2019 Qualifiers tournament.  Kabilang ang Pilipinas sa Group F ng nasabing torneo, kasama ang bigating bansa tulad ng Iran, Qatar, Kazakhstan, Japan, at guess who? Ang Australia.  Subalit malaki ang suliranin kakaharapin ng team Gilas—ibinaba na ang hatol na suspensyon mula FIBA sa mga manlalarong nasabak sa gulo noong huling laro ng Gilas kontra Australia. Sa pagpasok ng round 2, ipapataw ang suspensyon sa mga may sala.

Sa team Gilas, 10 ang sinuspindeng ilang araw ng paglalaro.  Nangunguna si Calvin Abueva na suspendido ng 6 na laro; si RR Pogoy, Carl Bryan Cruz at Jio Jalalon, 5 laro; suspendido naman si Andray Blatche, Jayson Castro, Terrence Romeo at Troy Rosario ng 3 laro; at si Japeth Aguilar at Matthew Wright ay masususpinde naman ng isang araw na laro.

Malaking dagok ito sa ating bansa at sa pagkakataon nitong manalo sa FIBA Championship.  Sapagkat kung iintindihing maigi, malalagasan tayo ng walo hanggang sampung manlalaro sa tatlo hanggang limang laban. Ibig sabihin, sa second round ay tatlo lamang ang opisyal nating manlalaro na makakakumpleto ng first window laban sa limang team —ang Iran, Kazakhstan, Qatar, Japan at laban sa Australia.  Sa sitwasyong ito, lalagpak ang pangarap natin para makalahok sa championship round na gaganapin sa China sa 2019, kung sakaling makakalusot tayo sa 2nd round ngayong taon.

SBP tuliro, PBA to the rescue

Matindi na nga ang labanan sa ikalawang round, mas lalo pang pinatindi ng pagkakasuspinde ng mga basketbolista natin. Malagasan ka na ng isa hanggang dalawang player sa klase ng torneong ito ay malaki na ang suliranin ng isang team, gaano pa kaya kahirap ang malagasan ka ng walo hanggang 10 manlalaro sa gitna ng torneo?

Enter the Philippine Basketball Association (PBA).  Mabuti na lamang at nagbago ang panuntunan ng paghihiram ng mga manlalaro mula sa PBA.  Noong mga nagdaang taon, naging policy ng propesyonal na ligang ito na magpahiram lamang ang bawat koponan ng isang manlalaro para sa Gilas program (one-player-one-team policy).  At dahil sa gulong kinasangkutan ng mga manlalaro, minabuti ng pamunuan ng PBA sa pangununguna ni PBA Commissioner Willie Marcial at mga board of governors ng mga koponan na baguhin ang panuntunan ng player-lending at tulungan ang Gilas program.  Ayon sa bagong policy, open na ang bawat team na magpahiram na kahit na ilang players sa team Gilas para mapunuan ang lakas na nawala dahil sa sinuspinding mga manlalaro.

“Kalimutan na ang one-player-one-team policy,” ani Al Chua, Sports Director ng San Miguel Corporation.  Kung kinakailangan ipahiram ang lahat ng players ng SMC group, gagawin aniya.  Ito naman ay positibong inaksyunan ni PBA Commissioner Marcial at pinalitan ang dating polisiya ukol sa player-lending.

Sinu-sino kaya ang maaaring sumaklolo alang-alang sa ating bansa, sa mga kababayan natin, sa mga kapwa players nila?  Base sa aming analysis, opinion ng mga eksperto, taga-PBA, mga basketball aficionados at sa survey naming ginawa noong mga nakaraang linggo, may nabuo kaming listahan ng piling manlalaro na ang kombinasyon ay maaaring maging panapat sa mga mawawalang players at magpapahirap sa mga makakalaban natin.

Bilis sa backcourt, galing sa diskarte

Sa pagkakasuspinde ng 3 laro sa playmakers at shooters na sina Terrence Romeo at main man Jayson Castro, pilay agad ang Gilas.  Si LA Tenorio ng Barangay Ginebra ay mainam na pamalit kasabay ni Stanley Pringle ng Globalport.  Si LA ay beterano na rin ng maraming international tourney, dedicated at hustle player.  Alam nang nakakarami ang puso nito pagdating sa paglalaro.  Mabilis din tulad ni Castro at mataas ang IQ sa paglalaro.  Si Pringle naman ay isang malupit na one-on-one player, deadly sa open court at sa 3-point arc.  Pamilyar na rin ito sa laro sa labas ng bansa.  Subalit sa kasalukuyan, may sabit pa ito sa eligibility niyang maglaro sa FIBA.  Ang mainam na pamalit?  Enter Scottie Thompson ng Barangay Ginebra.  May guard-shooter ka na, may rebounder ka pa.  ‘San ka pa?  Bihira ang talent na ganito.  Pinaka-mainam rin na kapalit ni Abueva dahil sa maraming pinapahiyang matatangkad pagdating sa rebounding.

Pilay sa ilalim, depensang pangmalalaki

Sa suspensyon ng mga big men n sina Troy Rosario, Japeth Aguilar at Andre Blatche ng ilang laro, maaari naman maibsan ang kawalan ng towering enforcer sa loob sa paggamit kay Greg Slaughter ng Barangay Ginebra at Ian Sanggalang ng Magnolia.  Hindi naman mawawala sa kampanya si June Mar Fajardo, kaya maaaring magkatulungan ang kombinasyong ito sa loob.  Ang mga wingmen naman tulad nila Raymond Almazan ng Rain or Shine at Arwind Santos ng San Miguel Beer na parehong mahaba ang galamay, magaling magbantay at may shooting sa labas ay  malaki ang maitutulong kina mainstays Fajardo at Gabe Norwood.  Sa pagkakaroon ng Slaughter sa loob, maaaring mag-slide bilang forward-center si Fajardo at batuhan ng bola para sa tres sina Almazan at Santos sa kanan at kaliwa.

Deadly shooter sa labas

Ito naman ang maaaring dalhin sa team Gilas nila Marcio Lassiter ng San Miguel Beer at Jeff Chan ng Barangay Ginebra, pamalit sa nasuspindeng Matthew Wright at Jio Jalalon.  Iba ang dimension na madadala ng dalawang quick-release shooter na ito na pumupukol ng kabi-kabilang tres, na siya namang isa sa pinaka-mahalagang arsenal sa international competition.

“We just have to continue to fight and play. We can’t give up.”  Sabi ni Samahang Basketbolista ng Pilipinas president Al Panlilio.  Kung nagawang parusahan ng FIBA ang mga nagkasalang players, sigurado may paraan tayo para maresolba ang problemang ito at makalaban nang patas ang Gilas sa ikalawang round.”  Mabuti na lamang at gumawa ng hakbang ang PBA at sumaklolo

Slider Sports Ticker Al Chua Andray Blatche Andre Blatche Arwind Santos Australia Barangay Ginebra Carl Bryan Cruz China Edmund C. Gallanosa FIBA Gabe Norwood Greg Slaughter Ian Sanggalang Iran Japan Japeth Aguilar Jayson Castro Jeff Chan Jio Jalalon June Mar Fajardo Kazakhstan Magnolia Marcio Lassiter Matthew Wright PBA Commissioner Marcial PINAS Qatar Rain or Shine Raymond Almazan RR Pogoy San Miguel Beer SBP President Al Panlilio Terrence Romeo Troy Rosario

  • Page 1
  • Page 2
  • Next Page »

Primary Sidebar

PINAS THE FILIPINO'S GLOBAL NEWSPAPER
Address: 2nd Flr. ACQ Tower, Sta. Rita St., Guadalupe Nuevo, Makati City
Pinas Philippines and Asia
HEAD OFFICE: ACQ TOWER Sta.Rita St. Guadalupe Nuevo Makati City
Contact Person: Jay Mendoza and Rhoda Comoda

Pinas Canada

Circulation
Ottawa    Toronto   Saskatoon   Edmonton    Abbotsford
Montreal   Winnipeg   Vancouver    Calgary    Lethbridge

Contact Person:Nina (604) 300 8867 (647) 348 6600
Office Address: 1475 Eglinton ave. West Toronto M6E 2G6
Pinas USA


Sonshine Media Network International.
Copyright © 2021 · SWARA SUG Media Corporation · All rights reserved.