Ni: Noli C. Liwanag
MAGLALABAN ang dalawang Filipino boxers na sina Jerwin Ancajas at Jonas Sultan.
Sinabi ni matchmaker Sean Gibbons, isang paraan ito ni Top Rank CEO Bob Arum para ma-expose si Ancajas kung saan maraming mga Filipino ang naninirahan sa California.
Hinihintay pa ang magiging desisyon ni Arum para maisapinal ang laban.
Matatandaang naka-schedule ang laban sa Abril 14 bilang undercard sa laban nina Terence Crawford at Jeff Horn subalit nakansela dahil sa injury ni Crawford.
Ni: Noli C. Liwanag
AYON sa big boss ng Top Rank CEO Bob Arum, malapit na umanong maisakatuparan ang pinap-lanong kasunduan para matuloy ang big fight ni eight-division world champion Senator Manny Pacquiao laban sa Amerikanong si Mike Alvarado.
Umaasa si Arum na magiging maganda ang pakikipag-usap nito sa adviser ni Pacquiao na si Michael Koncz.
Bukod dito tinabla ng promoter ang naging pahayag ni Pacman na gusto umano nitong makalaban ang Argentinian na si Lucas Matthysse.
Sinabi ni Arum na hindi niya umano papayagang mangyari ang naturang laban.
Samantala, kung ayaw pumayag ni Arum, matindi naman ang paghahangad ng Argentinean puncher Lucas Matthysse na matuloy ang pangarap nito na makalaban ang Pambansang Kamao ng Pilipinas.
Ang pahayag ni Matthysse na mula sa Golden Boy Promotions ay kasunod na rin ng “call-out” mismo ni Manny na nais niyang makaharap si Lucas.
Kahit sa kabila ng lantarang gusto ng Top Rank na makaharap si Alvarado kay Pacquiao sa April showdown.
Noong nakaraang buwan lamang ay nagtala ng 8-round TKO si Matthysse (39-4, 36 KOs) laban kay Tewa Kiram para makamit ang tinaguriang regular version na WBA welterweight title.
Matatandaang huling umakyat ng ring si Pacquiao noong Hulyo 2017 kung saan na-upset ito ng Australyanong si Jeff Horn.
Ni: Noli Liwanag
AYON sa Top Rank, ‘waiting’ pa rin sa magiging takbo ng boxing career ni Pinoy boxing champ Sen. Manny Pacquiao.
Sa ngayon ay tahimik pa rin ang kampo ni Pacquiao kung muli ba itong sasabak sa boxing.
Ayon kay Top Rank President Todd DuBoef, wala umano silang ideya kung may balak pa ba si Pacquiao na tumungtong muli sa boxing ring.
Alam din ng opisyal na abala si Pacquiao sa trabaho nito bilang mambabatas.
Una rito, sinabi ni Top Rank CEO Bob Arum na hadlang umano ang pagiging tutok ng “Fighting Senator” sa kanyang pagiging pulitiko.
Magugunitang umatras si Pacquiao sa dapat sana’y rematch nito kay Horn dahil may mga conflict umano sa kanyang trabaho bilang senador.
Pinas News
HINDI masama na pagsabayin ang career ng pagiging atleta at pagiging lingkod-bayan kung talagang bukal sa puso nito ang pagtulong sa sambayanan.
Ayon kay Top Rank CEO Bob Arum, hadlang umano kay Filipino boxing icon Sen. Manny Pacquiao ang pagiging abala nito sa kanyang pulitika.
Dagdag pa ni Arum, noon ay wala itong alam sa kung ano ang mga susunod na hakbang ni Pacquiao sa boxing.
Sa kabila ito ng mga umuugong na mga balitang sa 2018 daw magaganap ang rematch nito kay WBO welterweight champion Jeff Horn.
Matatandaang nag-back out si Pacquiao sa Nobyembre rematch kay Horn nitong nakaraang buwan dahil conflict daw sa kanyang schedule.
Posibleng sa 2018 pa matuloy ang rematch sa pagitan nina Manny Pacquiao at Jeff Horn.
Ayon kay Top Rank promoter Bob Arum, kung itutuloy ang rematch ngayong Nobyembre ay wala nang oras para makapag-ensayo ang senador.
Nakasalalay kay Pacquiao ang laban nilang dalawa ni Horn na gustong gawin ang laban dito sa Pilipinas.
Pero para kay Arum ay imposible ito dahil napagkasunduan sa kontrata na sa Brisbane lamang gaganapin ang Pac-Horn Two.
Kinumpirma ng World Boxing Organization (WBO) na ang Australian boxer na si Jeff Horn ang nagwagi sa welterweight fight laban kay Manny Pacquiao.
Base sa rescoring ng WBO kasama ang Games and Amusement Board (GAB) sa Pacquiao-Horn fight noong Hulyo a-dos, limang rounds ang nakuha ni Pacquiao kabilang dito ang rounds 3, 5, 8, 9, at 11.
Habang nakuha naman ni Horn ang rounds 1, 2, 4, 6, 7, 10, at 12.
Una nang sinabi ni Horn na handa siyang muling labanan si Pacquiao.
