PINAS

Ang Lihim ng Panginoon (Ikalimang Bahagi)

Sonspeak

Recent News:

Jonnalyn Cortez

PSC pagtitibayin ang training ng mga atleta at coach

by

Ni: Jonnalyn Cortez

 

PAGTITIBAYIN ng Philippine Sports Commission ang Olympic training program ng mga atleta at coach sa bansa matapos ang matagumpay na 30th Southeast Asian Games kamakailan.

Marami sa atletang Pinoy ang naging kampeon sa naturang palaro, kaya’t nais ng ahensya na palawigin pa ang programang ito.

Inihayag ni PSC chairman Butch Ramirez na magiging pangunahing agenda ng komisyon ang pagsasanay sa mga atleta at coaches sa unang quarter ng taon upang mas maraming Pilipino ang makalahok sa Tokyo Olympics sa Hulyo.

“We plan to give more quality foreign exposures that will improve the athletes’ Olympic medal search,” aniya. “Our target is to improve the nutrition, provide sports medicine, rehab, sports science and sports physiology,” saad ni Ramirez.

Sa ngayon, tanging ang world champion gymnast na si Carlos Yulo at pole vaulter na si EJ Obiena ang siguradong makakalahok sa Tokyo Olympics. Mas marami namang qualification tournaments ang nakatakdang magbukas sa darating na mga buwan, tulad ng boxing, taekwondo, weightlifting, swimming, at athletics.

Dagdag pa ni Ramirez, nagbubunga na ang limang taong estratehiya ng PSC mula nang maupo siya sa pwesto noong 2017 nang maging overall champion ang Pilipinas sa nagdaang SEA Games; nakapag-uwi ang mga Pilipinong atleta  ng 149 gold medals, 117 silver at 121 bronze.

“I’m positive that (success will continue) if the national sports associations involved will continue working with us effectively like in the Philippine team,” sabi ni Ramirez.

 

 

Paul Soriano ibinunyag ang sikreto ng matibay na pagsasama nila ni Toni Gonzaga

by

Ni: Jonnalyn Cortez

 

IBINUNYAG ng direktor na si Paul Soriano na ang sikreto sa kanilang apat na taong pagsasama ng kanyang asawang si Toni Gonzaga ay ang kanilang tatlong-taong-gulang na anak na si Severiano Elliott o mas kilala bilang Baby Seve.

Si Seve nga raw ang nagsisilbing glue sa kanilang matibay na pagsasama at pinananatili nilang “close.”

“He has brought all families closer. He’s really the center of the Gonzaga-Soriano family. It’s no joke,” paliwanag ni Soriano sa PEP.ph.

Katulad ng ibang relasyon, kailangang pagtrabahuhang maigi ni Soriano at Gonzaga ang kanilang pagsasama katulad ng kanilang pagsusumikap na maging mabuting ama at ina sa kanilang anak.

Salamat kay Seve, nagagawa nitong padaliin ang lahat para sa kanila. “It’s definitely made it better, stronger, and we really listen to each other more now,” dagdag pa niya.

Ngayong isa na silang pamilya, alam ni Soriano na may maapektuhan na kapag nagkaroon sila ng away mag-asawa. Kaya’t mas nagiging maingat sila sa kanilang mga desisyon. Bukod sa kanilang mga sarili, kailangan din nilang isa-alangalang ang kinabukasan ng kanilang anak at pamilya.

“The responsibility is much bigger, so we’re a little bit more careful, calculated, but at the same time, more driven, much more inspired because we want to be able to provide and give our children the best education we can give them,” pagtatapos ni Soriano.

 

5 Kakaibang New Year’s Resolution na maaari mong idagdag sa iyong listahan

by

Papasok na naman ang Bagong Taon, kaya’t simula na naman ng paghahanda ng mga New Year’s resolution.

 

Ni: Jonnalyn Cortez

ILANG araw na lang at matatapos na naman ang taon. Kasabay ng pagpasok ng 2020 ang pagbabagong-buhay ng marami sa atin. Ika nga, “Bagong taon, bagong buhay.” Kaya, uso na naman ang New Year’s resolution.

Bukod sa mga karaniwang pagbabawas ng timbang, pagtitipid at pagpapakabait, ano pa nga ba ang laman ng New Year’s resolution natin? Eto ang ilan pa sa mga kakaibang pwede mong idagdag na pagbabago ngayong Bagong Taon.

 

  1. Ibahagi sa iba ang iyong resolution

 

Ibinahagi ni Dr. Oz na may ilang pag-aaral na nagsasabing ang pagbabahagi ng iyong goal o resolution sa bagong taon sa ibang tao ay parang pagsasabing naisagawa mo na ito. May iba namang pananaliksik na inilahad na ang pagbabahagi ng iyong  progreso sa iba ay makakatulong upang tuluy-tuloy mo itong gawin.

 

  1. Magtanim

 

Maaari mong simulang magtanim ngayong darating na taon. Sinasabing ang pagkakaroon ng halaman sa loob man o labas ng bahay ay nakakapagpababa ng level ng stress. Nakapagpakalma rin ang pag-aalaga ng halaman ng autonomic nervous system at nakakapagpababa ng blood pressure. May mga pag-aaral din na kapag ang isang tao ay nagtatrabaho ng may malapit na halaman, mas makakaramdam sila ng concentration at satisfaction. Idagdag mo pa rito na pinapaganda ng halaman ang quality ng ating hangin.

 

  1. Huwag gawin ang maraming bagay ng sabay-sabay

 

Ang paggawa ng iba’t-ibang bagay sabay-sabay ay makakapagdulot lamang ng stress. Imbis na mapabilis ka sa maraming gawain, lalo ka lamang mapapabagal. Kaya, mas magandang tapusin muna ang isang bagay na kailangan mong gawin bago magsimula ng panibago. Ayusin ang mga bagay na kailangan mong gawin at maglaan ng oras sa bawat isa nito. Matatapos na ang iyong gawain ng mas madali at epektibo, hindi ka pa stress.

 

  1. Ugaliing Gumamit ng Hagdan

 

Maglaan ng 10 minuto o ugaliing gumamit ng hagdan sa opisina, mall, o kahit pa sa bahay. Sa isang pag-aaral mula sa “Physiology & Behavior,” napag-alamang nakakapagbibigay ng karagdagang lakas ang pag-akyat sa hagdan sa loob ng 10 minuto sa mga pagod ng babae kumpara sa mga uminom lamang ng kape o ng softdrinks. Maganda rin itong ehersisyo sa katawan.

 

  1. Madalas bigyan ng papuri ang sarili

 

Marami sa atin ang hindi binibigyang papuri ang sarili at madalas pa ngang ikinukumpara ang ating kakayanan sa iba. Kaya ngayong Bagong Taon, mas bigyang papuri ang iyong sarili. Laging angkinin ang bagong araw na darating, maging positibo, at pasalamatan ang iyong sarili. Wika ng psychologist na si Joy Harden Bradford, makakatulong ang “positive self-talk” upang mas mabigyan mo ng pansin ang mga positibong bagay sa iyong buhay.

5 Ingredients para i-detox ang katawan, kaisipan at balat

by

Matapos mag-enjoy at magbakasyon, eto ang ilang tips upang makapag-detox mula ulo hanggang paa. (Larawan mula sa Frozen Garden)

 

Ni: Jonnalyn Cortez

Hindi mapipigilan ang tag’araw at lahat ng kaakibat nito.  Kabi-kabila ang outings kasama ang kaibigan, kapamilya, katrabaho, o minamahal. Andiyan ang swimming sa beach, bakasyon sa probinsya, o outing sa mga resort o waterparks.

Syempre pa, kasama na ang food trip at pag-inom upang makumpleto ang bonding.

Narito ang limang sangkap na makakatulong sa pag detox ng iyong katawan, isipan, pati na rin pag rejuvenate ng skin matapos ang ilang araw ng kasiyahan at exposure sa harsh elements. 

Lavender.  Nakakatulong ang lavender na i-relax ang isip at pahimbingin ang tulog. Kaya rin nitong resolbahin ang problema sa digestive system at sakit ng ulo. Meron din itong antioxidants upang labanan ang signs of skin aging.

Luya.  Ang luya ang isa sa mga pinakamahalagang herb na available halos kahit na saan. Bukod sa maraming health benefits mula sa luya, lalo na sa luyang dilaw o turmeric, higit sa lahat, ang lavender ay mahalaga sa pag improve ng kaisipan at memorya. Tumutulong ito sa paglunas ng iba’t-ibang karamdaman tulad ng pagsusuka at sakit sa lalamunan. Pagdating naman sa kutis, kaya nitong i-rejuvenate at pantayin ang kulay ng balat.

Green tea.  Maraming magandang dulot ang green tea sa katawan. Kayang i-enhance ang memorya at pag-iisip, pabutihin ang kalusugan at metabolism; pakinisin ang balat, bawasan ang paglalangis ng mukha, pamumula at pagtubo ng taghiyawat.

Activated charcoal.   Kayang labanan ng activated charcoal ang “brain fog” o ang problema sa memorya at i-promote ang mental clarity. Maaari nitong tanggalan ng toxins ang katawan at tanggalin ang bloated na pakiramdam at gas sa tiyan. Gamit ito, maaaring linisin ang pores upang matanggal ang dumi at magkaroon ng firm at refined na kutis.

Chamomile.  Nakakatulong na pantanggal ng stress ang chamomile. Katulad ng lavender, kaya nitong pahimbingin ang pagtulog. Anti-inflammatory din ang halaman na ito na  kayang bawasan ang cramps at pabilisin ang digestion. Pwede ring gamiting pantanggal ng taghiyawat at peklat.

Manatiling healthy sa pag-inom ng chia seeds

by

BUTO ng chia

 

Ni: Jonnalyn Cortez

NAUUSO ngayon ang paghalo ng chia seeds sa pagkain dahil sa t­aglay nitong mga n­utrients na maganda sa kalusugan. Sa katunayan, isang onsa lamang nito ay nagta­t­aglay na ng 10.6 grams ng fiber, 4.4 grams ng protein, 4,915 milligrams ng omega-3, phosphorous, manganese, calcium, at potassium.

Tunay ngang napakaraming benepisyo sa katawan ang dulot ng chia seeds, at dahil sa maliliit na butil, madali pang ihalo sa pagkain. Ngunit bukod sa pagkain, maaari ring ihalo ang naturang buto sa inumin para sa karamihan na parating on the go.

Ihalo lamang ang isa o dalawang kutsara ng chia seeds sa anumang inumin, haluin, maghintay ng 10 hanggang 15 minuto hanggang sipsi­pin nito ang tubig at maging parang gelatin.

Dahil sa taglay na soluble fiber, maaaring lumaki ang chia seeds ng tatlong beses sa karaniwang laki na nagiging dahilan ng pagkabusog nang matagal ng sinumang iinom nito.

Sa katunayan, kaya nitong bawasan ang cra­vings sa pagkain ng chi­c­hirya dahil sa taglay nitong protein, omega-3s at fiber.

Wala rin itong ibang lasa na nakakaa­p­ekto sa hinahaluang pagkain. Dahil dito, maaari itong ihalo sa anomang inumin tulad ng juice at tea.

Pwede ring ihalo ang chia seeds sa lemon water, coconut water, kape, orange juice, green tea, iced tea, at marami pang iba.

Kaya kung walang oras na gumawa ng pudding, na karaniwang hinahaluan ng chia seeds, o smoothie araw-araw, maa­ring sundin ang mga nabanggit at ihalo ang nasabing edible seeds sa iyong inumin.

5 Gamit ng Himalayan salt sa buong katawan

by

Himalayan salt

 

Ni: Jonnalyn Cortez

Kilala ang Himalayan salt bilang pampalasa sa pagkain. Ngunit, alam mo ba na maaari rin itong gamitin bilang parte ng beauty routine?

Mayroong mahigit na 84 minerals na taglay ang Himalayan salt. Kaya’t hindi lamang ito mabuti sa kalusugan, kundi pati na rin sa balat.

Sa katunayan, may ilan ng beauty brands na hinahalo ang natu­rang asin sa kanilang mga produkto.

Ngunit para makati­p­id, hindi na kaila­ngang bumili pa ng mga mamahaling podukto dahil maaari namang gumawa nito, mga do-it-yourself recipes gamit ang Himalayan salt sa iyong bahay.

Face mask

Paghaluin lamang ang dalawang kutsara ng pinung-pinong di­nurog na Himalayan salt sa apat na kutsarita ng raw honey upang makabuo ng paste. Ipahid sa malinis na mukha ang nagawang mixture at hayaang magtagal ng 10 hanggang 15 minuto bago banlawan.

Nakakatulong ang Himalayan salt face mask na i-relax ang iyong hyperactive na balat sa mukha at tanggalin ang excess oil habang pinapanatili ang moisture.

Toning mist

Kung madalas tubuan ng taghiyawat, makakatulong ang Himalayan salt na gamutin ito. Tunawin lamang ang isang kutsarita ng asin sa apat na onsa ng tubig sa isang spray bottle. Huwag punuin ang bote, mag-iwan ng isang daliri na empty space para hayaang matunaw ang mixture pag shake ng bote. Dapat tunaw na tunaw ang Himalayan salt para magamit ito nang maayos. I-spray sa mukha ang iyong bago, epektibo at affordable na toning mist.

Kayang linisin ng tinunaw na Himalayan salt ang maruruming pores na nagiging sanhi ng pagkakaroon ng taghiyawat.

Body scrub

Para sa mas makinis at makinang na balat sa buong katawan, paghaluin ang ½ cup ng Himalayan salt, ¼ cup ng aloe vera gel, ¼ cup coconut oil at 10 drops ng lavender essential oil hanggang makabuo ng paste na gagamiting body scrub.

Imasahe sa balat ang paste saka banlawan ng tubig na maligamgam. Ang magkahalong aloe vera ay magbibigay ng moisture sa balat, habang ang lavender oil naman ay para ayusin ang sirkulasyon ng dugo.

Gamot sa anit 

Maaaring gawing gamot sa anit ang Himalayan salt. Ikalat lamang ang dalawang kutsarita ng asin sa iyong anit, marahang imasahe gamit ang basang mga daliri sa loob ng 10 hanggang 15 minuto, banlawan at ikondisyon ang buhok katulad ng iyong normal na ginagawa.

Magreresulta ang mga pinaghalong sangkap ng pagkatanggal ng dead skin cells sa scalp, excess oil, i-improve ang circulation at makaiwas sa balakubak.

Ilan lamang ang mga nabanggit sa maraming gamit ng Himalayan salt. Mula ulo hanggang paa, siguradong kayang solusyunan nito ang mga problema sa balat.

Close Bitnami banner
Bitnami