Kristine Labadan

Ni: Kristine Labadan

Ang pusang si Theo ay pinanatiling gising ang kanyang amo na si Charlotte Dixon mula sa Redditch, Worcestershire habang hindi nito alam na siya’y dumadanas ng blood clot na maaaring ikamatay nito kung ito’y natulog, ayon sa mga paramediko.

Ang walong taong pusa ay walang ginawa buong gabi kundi dilaan ang katawan ng kanyang amo upang pigilan itong makatulog nang maramdaman daw nito ang nanghihina nitong kondisyon.

Di kalaunan ay napagdesisyunan ni Charlotte na tawagan ang kanyang nanay at ang ambulansya.

Sa kasamaang palad, namatay ang pusang si Theo isang linggo bago ito parangalan ng Cats Protection sa taunan nitong National Cat Awards. Nakuha ni Theo ang boto ng publiko at itinanghal na Cat of the Year.

Ayon kay Charlotte ay utang na loob niya ang kanyang buhay kay Theo at ang parangal para rito’y isang magandang bagay upang ipagdiwang ang naging buhay ng pusa.

Bayawak na nagpapaaraw sa Maine, nakuha ng mga pulis

Ang kapulisan sa Maine ay kasalukuyang hinahanap ang may-ari ng kakaibang bayawak na naabutang naglilibot sa isang hardin ng isang residente sa lugar.

Nauna nang nag-paskil ang departamento ng pulis sa kanilang Facebook page patungkol sa pinaniniwalaang nakatakas na alaga.

Hindi tinukoy kung ano’ng uri itong bayawak ngunit base sa ilang mga nag-komento ay isa itong Savannah monitor, isang lahi ng bayawak na madalas matagpuan sa Africa.

$75.5 milyong tiket sa lotto, pinunit at itinapon

Sisiguraduhin na sana ng mag-asawang Scottish kung nanalo nga ba talaga ang kanilang tiket na nagkakahalaga ng $75.5 na milyon nang ito’y naunang pinunit sa dalawa at itinapon ng isang empleyado sa pag-aakalang natalo ang mga ito.

Nagawa namang maibalik kina Fred at Lesley Higgins ang tiket matapos makapagprint ng mensahe ang makina bilang patunay na sila nga’y nanalo.

Ang mga opisyales ng Camelot ay nagsagawa naman nang pagbi-birepeka sa pamamagitan ng pag-tingin sa mga nakuhang bidyo ng CCTV ng tindahan kung saan pinunit ang tiket.

Ayon kay Fred, hindi siya nag-aalala na hindi makuha ang premyo sapagkat alam niyang ito’y hindi sinasadyang pagkakamali at kinailangan lamang siguraduhing tama ang lahat base sa kanilang mga pahayag.

BALAT ang pinakamalaking organo sa katawan ng tao na dapat panatilihing malinis at malusog.

Ni: Kristine Labadan

MAPA-TAONG bahay ka man o mahilig na lumabas, ito na ang oras para maglaan ng panahon para panatilihing malinis at presko ang iyong mukha sa pamamagitan ng mga subok at aprubadong paraan sa pangangalaga ng kutis.

1. Maglinis nang mabuti

Laging linisin nang lubusan ang mukha pagka gising at bago matulog sa gabi. Gumamit ng pang-linis sa mukha na may 2 percent salicylic acid kung ikaw’y may oily na balat. At syempre’y ‘wag kakalimutang maghugas ng mga kamay bago hawakan ang iyong mukha upang maiwasang malagyan ng oils ang iyong mukha mula sa iyong mga daliri.

2. Kumain nang tama

Iwasan ang mga mamantikang pagkain hangga’t maaari. Ang mga maaanghang na pagkain at cocktails ay magpapaluwang ang iyong blood vessels dahilan para ikaw’y pagpawisan. Imbes na uminom ng alak ay tustusan na lamang ng mga pagkaing mayaman sa Bitamina A ang katawan tulad ng carrots, melon at spinach.

3. Mag-exfoliate

Isagawa ito dahil nakakatulong ito sa pagbabawas ng oil sa mukha na maaaring sundan ng paggamit ng face mask. Gawin ito sa loob ng isa hanggang dalawang araw sa isang linggo upang mapanatiling oil-free ang iyong mukha.

6. Dalasan ang pag-inom ng tubig

Maliban sa mahiwagang taglay ng tubig na nakakatulong sa mabilis na paggaling mula sa isang karamdaman, ito rin ay may malaking benepisyo lalong-lalo na sa anyo ng balat at magpapakita kung ito ba’y malusog o hindi.

Recent News: