Hacked By Mr.Clay

Ang Lihim ng Panginoon (Ikalawang Bahagi)

Sonspeak

Recent News:

Land Transportation Office

LTO sa Central Visayas, mas magiging mahigpit sa mga traffic violators

by

 

TJ BUMANLAG

 

INIHAYAG ng Land Transportation Office sa Central Visayas na mas magiging mahigpit na sila sa pagpapatupad ng batas trapiko.

Ito ay kasunod ng mas mataas na bilang ng mga traffic violators sa nagdaang 2019 kumpara sa taong 2018.

Base sa tala ng LTO, umakyat 40,000 ang naging apprehension nitong 2019 na mas mataas noong 2018 na mayroon lamang 18,000 apprehension.

Sa kabilang banda, naisip naman ng LTO kung dumadami na talaga ang hindi sumusunod sa batas trapiko o talagang mahigpit na ang kanilang enforcement kaya mas maraming nahuhuli.

Isa naman sa pangunahing problema na kanilang tutukan ngayong taon ay ang mga lasing na drayber.

Magiging mahigpit din ang ahensiya sa mga rules and regulations tulad ng pagbabantay sa mga nagmamaneho ng naka-tsinelas, hindi pagsusuot ng helmet, mga underage drivers, mga sasakyang hindi rehistrado o paso na ang registration at mga driver na walang lisensya o paso na ang lisensya.

Registered! No Plate Available!

by

Ni: Jun Samson

SA Pebrero o sa Marso ay wala na siguro tayong makikitang mga kotse o motorsiklo na ang nakakabit na plaka ay “registered, no plate available”. Pero ito ay depende na rin sa bilis ng pagproseso na gagawin ng Land Transportation Office (LTO).

Kung inyong maaalala ay na-freeze kasi sa bodega ng Bureau of Customs (BOC) ang 700,000 na mga licensed plates matapos na naisyuhan ng temporary restraining order ng Supreme Court noong Hunyo 2016, matapos na pinatawan ito ng notice of disallowance ng Commission on Audit (COA) at iniutos ang pagsasauli ng P477.9 milyon na advance payment ng LTO.

Ang mga plaka ng sasakyan ay kinumpiska ng BOC dahil ang manufacturer nito na joint venture ng Power Plates Development Concepts Incorporated at J. Knieriem BV Goes ay hindi nakapagbayad ng buwis at customs duties and taxes. Alam niyo ba na 300 libong license plate para sa mga motor vehicles at 400 libong license plates para sa mga motorsiklo ang pinag-uusapan dito?

Mabuti na lang at idineklara ng Korte Suprema na constitutional ang paggamit ng pondo ng gobyerno sa ilalim ng 2014 General Appropriations Act para sa pagpapatupad ng Motor Vehicle License Plate Standardization Program ng LTO at Department of Transportation (DOTr).

Pero alam niyo rin ba na kahit maipamahagi na sa Pebrero ang nasabing mga plaka ay tinatayang magkakaroon pa rin ng anim hanggang pitong milyong plaka sa bansa? Ang kagandahan lang dito ay kinumpirma ng LTO na nai-award na nila ang kontrata sa bagong kumpanya na gagawa ng mga bagong plaka para sa mga naka-pending mula Hulyo 1, 2016 hanggang sa kasalukuyan at  baka matapos daw ang produksyon nito sa buwan ng Abril.

Kasama raw sa mga bagong plakang gagawin ay 775,000 para sa mga four wheel vehicles at 1.8-M naman para sa mga motorsiklo. Ito ay tiyak na magandang balita para sa mga motorista na ilang taon din na gumagamit ng kanilang sasakyan na walang plaka kahit kasama iyon sa kanilang binayaran nung ipinarehistro ang kanilang sasakyan.

Pagsibak sa mga matataas na opisyal ng gobyerno, katiwalian ang sanhi

by

Ni: Beng Samson

KORAPSYON,  ang isa sa mga malalaking dahilan ng kahirapan ng mga ‘Pinoy. Malaking suliranin ito ng bansa na matagal ng pasan ni Juan dela Cruz. Ang mga may kagagawan ay mismong ang mga opisyales na dapat sana ay ating nasasandalan sa ating mga pangangailangan at kahirapan.

Ano ang solusyon? Sabi nga nila, kapag may ilang pirasong bulok na kamatis na nakahalo sa isang buslo, makahahawa ito ng iba kaya’t kailangan itong alisin.

Buena manong sibak sa puwesto sa 2018

Disyembre noong nakaraang taon, inanunsiyo ni Pangulong Rodrigo Duterte ang kanyang pagsibak sa pinakahuling mataas na opisyal para sa taong 2017. Pagpasok pa lamang ng bagong taong 2018, Enero 4, pinangalanan na ito at inanunsyong si Maritime Industry Authority (Marina) Administrator Marcial Amaro III.

Ayon kay Presidential Spokesperson Harry Roque Jr., kinakitaan ito ng pangulo ng labis na paglalakbay sa ibang bansa. Umabot ito sa bilang na 24 simula nang maupo si Amaro sa kanyang tanggapan – anim dito ang isinagawa noong 2016 samantalang 18 naman noong 2017.

Ikinumpara ng tagapagsalita ang naitalang pitong biyahe ni dating Presidential Commission for the Urban Poor chair Terry Ridon na naging sanhi din ng pagkatanggal sa posisyon ng huli. Aniya kung naging pamantayan ng pangulo ang bilang na ito para tawaging “excessive foreign trips”, higit na asahang mapupuna ang bilang na 24.

Paglilinis sa hanay ng mga empleyado at opisyal ng gobyerno

Matatandaang inanunsiyo ni Digong noong Marso 2017 na kanyang sinibak sa puwesto ang 92 empleyado sa gobyerno dahil sa graft o iyong pagnanakaw sa gobyerno. Kabilang na dito ang mga kawani sa Bureau of Customs (BuCor), Bureau of Internal Revenue (BIR), Land Transportation Franchising and Regulation Board (LTFRB), Energy Regulatory Commission (ERC), Land Transportation Office (LTO), at iba pa.

Hindi lamang maliliit na empleyado ang nabibilang sa nasabing tanggalan kung di pati mga matataas na opisyal ng bansa ay hindi rin nakaligtas sa pagbabantay ng grupo ni DU30 kaugnay sa diumano’y usaping korapsyon.

Ilan lamang sina Secretary Ismael “Mike” Sueno ng Department of the Interior and Local Government, Peter Laviña, hepe ng National Irrigation Administration (tumanggi sa paratang na korapsiyon at nagsabing hindi siya tinanggal kundi kusang nagbitiw sa tungkulin), Immigration Deputy Commissioners Al Argosino at Michael Robles, Undersecretary Maia Chiara Halmen Valdez, Office of the Cabinet Secretary.

Pagtupad sa pangako

Hindi kaila sa lahat ang paulit-ulit na pagsasabi ng pangulo na hindi siya mangingiming sibakin sa puwesto ang mga tiwaling kawani ng gobyerno pati ang mga matataas na opisyal, “Even whiff, or a whisper of corruption, and you’re out”, “I fired a high government official today. I will not mention his name because I do not want to shame the family”, “I will not promise you heaven but I will try to stop corruption”. Ilan lamang ito sa mga nasambit ni Pangulong Digong sa tuwing may tatanggalin itong opisyal sa puwesto.

Matatandaang isa sa mga pangako ni PDU30 ang pagtatanggal sa puwesto ng mga tiwaling ‘nakaupo’ sa puwesto noong panahon ng kampanya.

Pagbuo ng Anti-Corruption Commission

Upang mas lalong mapaigting ang kampanya laban sa korapsiyon, nagpalabas ng kautusan ang pangulo para sa pagbuo ng Presidential Anti-Corruption Commission noong nakaraang taon. Layon nitong palawakin pa ang pag-iimbestiga sa lahat ng presidential appointees, kabilang na ang mga nasa labas ng executive branch.

Nakasaad sa Executive Order No. 43 na nilagdaan ni Pang. Duterte noong Oktubre 4, 2017, na ang Komisyon ay binuo at dinesenyo upang asistehan ang pangulo sa pag-iimbestiga at pagdinig sa mga kasong administratibo ng graft at corruption.

“Pag hindi ka sumipot doon sa Commission na ‘yun, if I do not have the subpoena powers, then I will apply for a subpoena powers from the courts. Pag hindi kayo sumipot, aarestuhin. I will order the police and the military to arrest you. ‘Yan lang ang paraan eh,” babala ni Duterte matapos ang pagbuo ng Commission noong nakaraang taon.

Iba pang mga matataas na opisyal na tinanggal sa puwesto:

  1. Rodolfo Salalima, Secretary, Information and Communications Technology
  2. Peter Tiu Lavinia, Chief, National IrrigationAdministration
  3. Maia Chiara Halmen Valdez, Cabinet Undersecretary
  4. Benjamin Reyes, Chairman, Dangerous Drugs Board
  5. Jose Vicente Salazar, Energy Regulatory Commission
  6. Gertrudo de Leon, Undersecretary for Legal and Liaison Group, Department of Budget and Management
  7. Dionisio Santiago, Chief, Dangerous Drugs Board Consistent Warning

Bukod sa trapik, droga, edukasyon, trabaho, at iba pa, ang kahirapan ang pangunahing suliranin ng ating bansa. Hindi lamang ang pagiging kulang sa kaalaman, malaking pamilya o pagkakaroon ng sunod-sunod na anak, likas na mahirap o minanang kahirapan, ang mga dahilan kung bakit maraming mahihirap sa ating bansa. Kung nagagamit sana sa tama ang badyet o kaban ng bayan, mas marami sana ang matutulungang kababayan at maiaahon sa hirap. Subali’t dahil karamihan sa mga nabigyan ng kapangyarihan na mamuno, aminin man o itanggi ay mas binigyang prayoridad ang sariling bulsa.

Ang tuloy-tuloy na pag-iimbestiga at pagsibak sa puwesto ng mga kasalukuyang namumuno sa ating bayan ay nagsisimula nang maging babala o warning. Magsilbing halimbawa sana ito sa kanila na ang ‘pag-upo’ sa puwesto ay hindi panghabambuhay at hindi dapat gawing palabigasan mula sa mga maralitang nagbabayad ng buwis. Hindi nararapat na magpatangay sa agos ng nakagisnang sistema ng pulitika kung talagang naghahanap ng pagbabago. Ang kasiraan ng pangalan ay bitbit ng buong pamilya hanggang sa kaapu-apuhan.

LTO, hinahabol ang backlog sa mga lisensya

by

Ni: Jun Samson

MARAMING motorista ang natuwa sa proyektong inilunsad ng Land Transportation Office (LTO) para sa kanila. Pinasimulan at binuksan na kasi ang backlog printing site ng LTO-NCR para maresolba na ang 3.6-M backlogs ng mga lisensya, na ang 1.2-M ng mga aplikante ay mula sa Kalakhang Maynila.

Ang hakbang na ito marahil ay reaksyon o sagot ng LTO sa utos ni Pangulong Rodrigo Duterte na bawasan ang queue; ayaw niya na nahihirapan ang mga ‘Pinoy sa mahabang pila para makakuha ng kinakailangan nilang dokumento. Kumpiyansa si LTO-NCR Director Clarence Guinto na matatapos na ang problema sa backlog matapos nilang binuksan ang 7 sites sa NCR, maging sa mga  Rehiyon blg. 3, 4, at 11, bukod pa sa 6 na SM malls na libreng ipinahiram sa LTO ang espasyo.

“Dati ay 1000 license cards kada araw ang napi-print namin pero dahil sa on-site printing na aming binuksan ay umaabot na ngayon sa 7,000 lisensya ang naiiprenta daily. Mas pinahaba pa ang oras ng trabaho ng mga empleyado mula 6:00 ng umaga hanggang 9:00 ng gabi. Bukod pa rito ay nagtatrabaho na rin kami kahit araw ng Sabado para lamang ma-entertain o ma-accomodate ang lahat ng mga kumukuha ng lisensya at para mas mabilis na maubos o maresolba ang backlog,” wika ni Guinto.

Ang mga bagong labas naman na lisensya na may 5-year validity ay nilagyan pa ng mga additional security features tulad ng biometrics at mga dagdag impormasyon gaya ng blood type at contact person na maaaring tawagan kung mayroong emergency.

Ipinagmamalaki din ni Dir. Guinto na laser engraved sa polycarbonate plastic material ang bagong lisensya. “Dahil diyan ay mahirap na itong gayahin at mas matibay ito kung ikukumpara sa dati kaya mas mahaba ang itatagal ng card ngayon,” Wika ni Guinto.

Agad namang nilinaw ng LTO-NCR na walang dagdag na pondoo mga gastusin para sa on-site printing dahil matagal nang mayroong mga makina kaya wala silang mga bagong binili. Sa bagong bukas na mga printing sites ay may encoding ng data, picture taking at finger print scanning na tatagal ng 10 minuto ang paghihintay sa printing.

Dahil sa nasabing proyekto ay maraming motorist ang natuwa dahil sa loob ng halos ilang taon na paghihintay ay nakuha na rin nila sa wakas ang kanilang license ID cards.

Anti-Distracted Driving Act, muling ipinatupad

by

Muling ipatutupad ng Land Transportation Office (LTO) ang Anti-Distracted Driving Act o ADDA matapos na amyendahan ang impelementing rules and regulations nito.

Sa muling pagpapatupad ng Anti-Distracted Driving Act, 1:45 ng hapon umabot agad ng 46 ang nahuli ng MMDA gamit ang kanilang monitoring system.

Pero sa ngayon ay itinuturing na warning muna ang pagkakahuli sa kanila sa mga nakalabag sa bagong batas.

Ayon sa MMDA sa oras na masundan ng kaparehong paglabag ay asahan na umano ang mabigat na parusa para sa kanila.

Siniguro naman ni Land Transportation Office law enforcement unit Executive Director Atty. Francis Almora na gagamit ang LTO at iba pang katuwang na ahensiya ng high quality cctv cameras para makita ang mga driver na lalabag sa ADDA.

Aabot sa limang libo hanggang dalawampung libong pisong multa at pagkansela ng drivers license ang parusa sa mga lalabag.

Kasabay nito pinag-aaralan din ng mga kinauukulang ahensiya ang panghuhuli sa mga tinted na sasakyan kung saan hirap na makita sa cctv kung nilalabag ba ng mga ito ang ADDA.

LTO, pabor na sususpindihin ang Anti-Distracted Driving Act

by

Hindi tutol ang Land Transportation Office kung sususpindihin ang pagpapatupad ng Anti-Distracted Driving Act.

Pero ayon kay LTO Chief Edgar Galvante, ang kongreso lang ang may otoridad na ipasuspinde ang batas.

Ang naging trabaho lang aniya ng LTO ay ipaalam ang batas sa publiko.

Kinastigo rin ni Galvante ang mga umaalma sa batas dahil nag-react lang umano ang mga ito nang maipatupad na.

Umani ng batikos mula sa mga motorista ang pagpapatupad ng batas habang ang ilang mambabatas naman ay nagsabing sumobra ang interpretasyon ng LTO sa batas.

Close Bitnami banner
Bitnami