PINAS

Ang Lihim ng Panginoon (Ikapitong Bahagi)

Sonspeak

Recent News:

LJ Moreno

Mga artistang idol sa negosyo

by

HINDI kailan man magiging sagabal ang busy schedule kung gusto talaga ang ginagawa.

 

Ni: STEPHANIE MACAYAN

 

ANG mga artista ay tunay nga namang malaki kumita, at nakakatuwang isipin na marami rin sa kanila ang pumapasok sa negosyo at nilalagay ang kinikita sa investment.

Alam naman natin na hindi permanente ang pagiging artista, kahit anong oras ay maaaring malaos ang isang artista at mawalan ng mga proyekto. Kaya marami sa kanila ang nag-uumpisa ng negosyo habang maaga pa at kasagsagan ng kasikatan. Nang sa gayon, kahit na mawala ang career ay makikita pa rin nila ang kanilang naipundar.

 

Hindi madaling magtayo ng sariling negosyo maging sa mga artista lalo na kung first time ito. Ngunit, walang makapipigil sa iyo kung ito talaga ang iyong gusto. Kaya naman ating kilalanin ang mga artistang binigyan ng panahon ang negosyo.

JANICE DE BELEN

Baked treats ang kilalang negosyo ni Janice. Mayroong polvoron, cookies, at mayroon ding mga ready-to-eat na  pagkain. Tatlong taon na ang kaniyang negosyo. Kahit na siya ay busy sa pagaartista at pagiging ina ay pinagtuunan pansin pa rin niya ang Kitchen of Super Janice.

“If I cannot be in the bazaar, hindi ako tumatanggap. Kasi people will go there to look for you. If you post it on Instagram, people will go there to look for you. If they don’t find you, parang madi-disappoint sila,” sabi niya sa interview.

LJ MORENO

Marami ang nakakakilala sa dessert business ni LJ na The Loollicake Factory. Dahil lamang sa siya ay nag-crave sa cakes at cake pop matapos matikman ito sa California, dito na niya naisipan magbenta ng cake pop at cake na nakalagay sa garapon o jar.

 

“That’s actually the reason why I came up with the business,” sabi niya. “It’s my personal favorite and I was craving it,” dagdag pa niya.

SHAMCEY SUPSUP-LEE

Isang beauty queen na ngayon ay businesswoman na. Kasosyo niya sa negosyo ang kaniyang asawa kung saan ay may iba’t ibang branches na ang kanilang restaurant na Pedro ‘N Coi. Payo si Shamcey sa mga gustong mag-umpisa ng sarili nilang negosyo ay kumuha ng tips sa mga eksperto pagdating sa negosyong gustong pasukin.

“We had no experience in putting up a business like a restaurant,” pag-amin ni Shamcey. “So parang may pool of experts kami that we get. But sa amin nanggaling kung ano yung gusto namin. We were clear with what we wanted to put up,” dagag pa niya.

Sinabi rin niya na isa sa mga natutunan niya galing sa ibang business ay matuto sa kanilang kamalian. “At least hindi ninyo na kailangan pagdaanan, kasi napagdaanan na namin. Puwede ninyo na i-skip yung part na ‘yon,” sabi niya.

SHARON CUNETA

Kilala bilang megastar sa showbiz, negostar naman pagdating sa negosyo. Makikita kung saan saan ang resto na Mega. Ito pala ay pagmamay-ari ni Sharon kasama ang asawang si Kiko Pangilinan.

Ang menu ay traditional Filipino na paborito ng mga Pinoy pero may modern twist. Masarap kainan lalo kung kasama ang pamilya.

Bukod sa resto, investor din sa real estate si Megastar. At siya rin ang namamahala ng kanilang tatlong ektaryang farm, The Sweet Spring Country Farm.

KATHRYN BERNARDO

Hindi lamang sa pag-arte magaling si Kathryn, maging sa negosyo successful din ito. Sa edad na 22 ay CEO na siya ng sarili niyang business.

Si Kath ang may-ari ng Kathnails by KCMB. At ngayon ay may branches na sa iba’t-ibang mall.

“Hindi ko na-expect na ganitong karaming branches within one year,” sabi niya.

“Masaya kami kasi iba’t-iba pumupunta dito. Hindi lang pumunta dahil fans sila, may mga regular clients na nagustuhan ‘yung service. ‘Yun ang importante, ‘yung na-satisfy sila.” dagdag pa ng aktres.

VICE GANDA

Comedian, aktor, singer, at noontime host pa; talaga naman umaapaw sa blessings si Vice Ganda. Ngayon, ay may sarili na rin itong cosmetic brand.

Sa interview ng Metro.Style ay binahagi niya ang dahilan kung bakit siya bumuo ng sariling negosyo. Nagsimula ang lahat noong bata siya ay nasira niya ang lipstick ng ina na hindi pa pala tapos bayaran. Dahil sa pangyayaring iyon, nangarap siya na makapagpatayo ng sariling make up brand na abot kaya lalo na ang lipstick.

Sinabi rin niya na ang lipstick ay makakapag bigay ng glow sa mukha ng isang babae.

“Kahit anong nanay, kahit anong estado sa buhay, mahirap man o mayaman, magkano man ang sweldo, may trabaho man o wala, meron at meron ‘yang lipstick,” paliwanag niya.

“Kahit hirap na hirap na siya sa buhay, kaya ng lipstick magbigay ng kulay sa mukha ng isang babae. Hindi na masyadong nababanaag ang hirap na nararamdaman niya,” dagdag pa niya.

 

Mabibili ang iba’t-ibang klase ng kaniyang lipstick sa halagang P195, at sa halagang P1,450 mabibili ang walong lipstick.

Talaga namang kamangha-mangha ang mga artistang ito na hindi sinasayang ang kinikita at may napupuntahang maganda ang pinagpupuyatan sa taping at nakakapagbigay din ng inspirasyon sa nakararami.

 

Ara Mina mapagmahal at matulungin na ate

by

Ni: Rommel Placente

ANG bunsong kapatid ni Ara Mina na si Batching ay may Down syndrome. Kaya naman malapit ang loob ng aktres sa mga batang may ganitong mental condition. Bilang suporta ni Ara sa mga may Down syndrome, gumagawa siya ng mga proyekto, na ang part ng proceeds ay napupunta sa Down Syndrome Association of the Philippines. Inc. (DSAPI) kung saan miyembro nito si Batching.

Taong 2007 nang u-nang  mag-fund raising si Ara para sa DSAPI sa pamamagitan ng isang concert sa Araneta Coliseum billed as “Loving Ara” This time, isang fun run, na tinawag ni Ara na “tARA na sa ARena..Celebrity Fun Run” ang proyekto niya para sa nasabing foundation.  Ito ay ginanap noong May 27 sa Philippine Arena sa Bocaue Bulacan. Tumakbo si Ara kasama ang ilang celebrities at participants paikot sa Phi-lippine Arena visinity.  Ang ilan sa mga celebrities na nagpa-participate sa “tARA na sa ARena” ay sina Jaycee Parker, Jenny Miller, LJ Moreno, Say Alonzo, Cristine Bersola Babao, Jan Marini, Diana Zubiri, Ken Chan, at ang mag-asawang Jessa Zaragoza at Dingdong Avanzado. Ang DSAPI ay kasing-edad ni Batching.

“Taong 1992 kasi siya itinatag at 1992 din ipinanganak si Batching. Pareho na silang 26 years old,” sabi ni Ara.

 

ANG PAGKAKAROON NG KAPATID NA MAY DOWN SYNDROME

Kamusta ang pagkakaroon ng kapatid na may Down syndrome?

“Mahirap,” sagot ni Ara

“Kasi ang mga may Down syndrome, may tantrums sila. Minsan, nananakit sila. Ka-ilangan lagi silang may acti-vity, para run ang focus nila.

“Dati sa akin nakatira si Batching, pero ngayon dun muna siya sa mommy ko. Kasi pag nasa akin siya, tumataba siya e, lagi ko siyang pinapakain. E, sa mommy ko, diyeta siya. May diabetis kasi siya. Kapag tumaba siya nang husto, tapos pag nagkasugat matagal gumaling,”

HINDI LANG MAY DOWN SYNDROME ANG TINUTULUNGAN

Kahanga-hanga talaga si Ara, dahil hindi lang ang mga batang may Down syndrome ang tinutulungan niya kundi pati yung mga batang may malalang sakit, na hindi ka-yang magbayad para magamot o maopera.

“Meron ding isang bata, si baby Jane, nag-heart surgery siya. I think last year ko siya natulungan. At yung isa pang bata na si Angelo, napa-liver transplant ko siya nu’ng 2007.

“Hindi lang naman mga batang may Down syndrome ang tinutulungan ko, kapag may mga kids na lumalapit sa akin, na kung kaya naman, tinutulungan ko sila,”

OPEN ULIT SA POLITIKA

Sinubukan ni Ara noon na pumasok sa politika. Tumakbo siya bilang konsehal sa District 5 ng Quezon City noong 2010, pero hindi siya pinalad na manalo. Pero sa kabila nito, hindi pa rin nawala sa sistema ni Ara ang pagiging matulungin.  Bakit hindi niya ulit subukang pumasok sa politika?

“Pinag-iisipan ko pa, pero hindi pa 100% sure. May mga gustong tumakbo ako ulit sa Quezon City.

“Open naman ako, pero marami pa akong wini-weigh na things. Kasi siyempre, a-nother responsiblity kung kakayanin ko,”

NAGKABATI SA LAMAY

Samantala, natutuwa si Ara na pagkatapos ng mahabang taong hindi pagkakaunawaan, ay nagkabati na rin sila ni Aiko Melendez, noong nagkita sila sa isang lamay last year.

“Before, kapag nagkakasalubong kami, ramdam na ramdam mo na may tensiyon, eh. Pero this time, dun sa lamay, nakakatuwa kasi mapi-feel mo yung sincerity niya, nung batiin niya ako.

“Wala kasi akong katabi sa upuan ko, e wala na ring space, yun na lang yung space sa upuan ko, tumabi siya sa akin.”

“Tapos sabi niya,”Kamusta ka na?” Ayun, nag-usap na kami, ganun,” kwento pa ni Ara sa pagbabati nila ni Aiko.

After magkaayos, nagti-text-an na sina Ara at Aiko.

“Minsan, umo-order siya sa akin ng cake sa Hazelberry Cafe ko. Ilang beses na siyang nagpa-deliver.  She ordered lechon for me also. Nagtitinda rin kasi ako ng lechon.”

May time ba na lumabas na sila ni Aiko?

“Hindi pa. Pero nag-usap naman kami na magkikita kami soon, coffee-coffee, ganun. Kaya lang busy siya, busy rin ako, kaya hindi pa yun nangyayari.”  

HINDI SINULOT SI JOMARI

Si Jomari Yllana ay naka-relasyon dati ni Aiko, na nagkaroon pa sila ng isang anak, si Andrei. Nung naghiwalay sina Aiko at Jomari, si Ara ang sumunod na nakarelasyon ng aktor. Yun ang naging dahilan para magkagalit sina Ara at Aiko. Nagkaroon daw kasi ng sulutan, na ayon kay Ara, wala itong katotohanan.

“Lagi ko namang sinasabi before, na hiwalay na sila (Jomari-Aiko) nung naging kami ni Jom. Kasi magka-partner kami sa Kiss Muna (dating sitcom ng GMA 7 noong 2000), dun nagsimula yung friendship namin. Hanggang sa naging kami na,” pagpapaliwag ni Ara.

Close Bitnami banner
Bitnami