PINAS

Ang Lihim ng Panginoon (Ikapitong Bahagi)

Sonspeak

Recent News:

Makabayan Bloc

Loan agreement para sa Kaliwa Dam, labag sa Konstitusyon – Makabayan Bloc

by

BAYAN MUNA Rep. Isagani Carlos Zarate

 

MJ MONDEJAR

 

NANINDIGAN ang Makabayan Bloc sa Kamara na labag sa Konstitusyon ang loan agreement para sa pagtatayo ng Kaliwa Dam at Chico River Pump Irrigation mula Quezon hanggang Tanay, Rizal.

Hinamon ng grupo ang gobiyerno na patunayang hindi lugi ang mga Filipino sa pinasok nitong kontrata para sa naturang proyekto na nagkalahaga ng P12.20 bilyong piso.

Tinukoy ni Bayan Muna Rep. Isagani Carlos Zarate ang ilang iligal na probisyon na nakapaloob sa kasunduan na pawang alinsunod sa batas ng China.

Kinontra din ni Zarate ang pahayag ng Metropolitan Waterworks Sewerage System na ang pagtatayo ng Kaliwa Dam ang solusyon para maiwasan ang panibagong krisis sa tubig na tutugon sa malaking pagkukulang ng Angat Dam na pangunahing pinagkukunan ng tubig sa Metro Manila.

Binira rin ni Bayan Muna Chairman Neri Colmenares ang confidentiality clause sa Kaliwa Dam Project.

Sinabi naman ni Bayan Muna Rep. Eufemia Cullamat na malinaw na diskriminasyon sa mga katutubo ang pagtatayo ng Kaliwa Dam.

 

Ekstensiyon ng martial law sa Mindanao, ligal—Korte Suprema

by

Pangulong Rodrigo Duterte humiling na i-extend ang martial law sa Mindanao sa pangatlong pagkakataon.

Ni: Jonnalyn Cortez

SA kabila ng mga batikos, pinagtibay ng Korte Suprema na ligal ang pangatlong ekstensiyon ng pagdedeklara ng martial law sa Mindanao.

Sa botong 9-4 ng mga ma­histrado, ibinasura ng Mataas na Hukuman ang apat na petisyong kumuwestiyon ng constitutiona­lity ng Proclamation No. 216 ni Pangulong Duterte na nagdideklara ng pagpapatuloy ng martial law ng isa pang taon hanggang Disyembre 2019.

Ang siyam na mahistrado na bumotong pabor sa pagsawalang bahala ng apat na petisyon ay sina Chief Justice Lucas Bersamin at Associate Justices Diosdado Peralta,­ Mariano del Castillo, Estela Perlas-Bernabe, Andres­ Reyes Jr., Alexander Gesmundo, Jose Reyes Jr., Ramon Paul Hernando at Rosmari Carandang.

Samantala, ang apat na hindi sumang-ayon ay sina Senior Associate Justice Antonio Carpio at Associate Justices Marvic Leonen, Francis Jardeleza at Alfredo Benjamin Caguioa.

Inihayag ng tagapagsalita ng Mataas na Hukuman na si Brian Keith Hosaka na si Carandang ang nagsulat ng ruling, ngunit hindi agad ito nailabas dahil kailangang hintayin ang isusumiteng opinyon ng iba pang mahistrado.

Ikinatuwa ni Maguindanao Gov. Esmael Ma­ngudadatu at Upi Mayor Ramon Piang ng Maguindanao ang ginawang pagpapalawig ng martial law.

“We have not been seeing politicians bringing with them so many security escorts when they go around since it was first declared in May 2017,” wika ni Mangudadatu.

“From the very start we in Maguindanao have been very supportive of that. We have militant groups in the province that the police and military are trying to address and martial law is one measure that can hasten their security efforts.”

Sinabi naman ni Piang na para sa kabutihan­ ng nakakarami ang gina­wang­ ekstensiyon, kaya’t kanilang sinusuportahan.

Pagtanggol sa ruling

Pinangunahan nina Albay 1st District Rep. Edcel Lagman ng Makabayan bloc sa Kongreso na pinamumunuan ni Bayan Muna party-list Rep. Carlos Zarate, dating Commission on Elections chairman Christian Monsod, ang grupo ng mga gurong Lumad at estudyanteng kinakatawan ng Free Legal Assistance Group ang pag-kuwestiyon sa legalidad ng pagpapalawig ng martial law sa pangatlong pagkakataon.

Daing nila, walang tamang batayan na magbibigay-katwiran sa ginawang ekstensiyon na naa­ayon sa 1987 Constitution.

“(The Supreme Court)has once again stretched the boundaries of judicial interpretation,” pahayag ni Bayan Muna chairman Neri Colmenares ukol sa desisyon ng mataas na hukuman.

“It paves the way for imposing martial law nationwide even if there is no threat to public safety,” dagdag pa nito.

Ayon kay Colmenares, kailangan ng Konstitu­syon ng aktwal na pangyayari ng rebelyon at pag­sakop upang ideklara ang martial law at kung kinakailangan na ito para sa kaligtasan ng publiko.

Dagdag pa ng tuma­takbong senador sa dara­ting na eleksyon sa Mayo, kung may rebel­yon man at hindi naman nanganga­nib ang seguridad ng pu­bliko, maaaring gamitin ng pre­sidente ang kanyang ka­kayahang utusan ang militar upang labanan ang rebelyon at hindi magdeklara ng martial law.

Diumano, maaaring­ magresulta ng mas mara­ming karahasan sa isla ang desisyong ito ng Korte Suprema, pahayag ni Colmenares.

Sa kabilang dako, ipinagtanggol ng gobyerno ang constitutionality ng ekstensiyon. Isa sa mga binanggit nitong dahilan kung bakit kailangan ng martial law sa Minda­nao ay ang nangyaring pagpapasabog sa isang simbahan sa Jolo, Sulu, na kumitil sa buhay ng 23 at nakasakit sa halos 100 katao kamakailan.

Sinabi ni Solicitor General Jose Calida na maituturing na rebelyon ang mga pag-atakeng iyon na inuugnay ng pamahalaan sa New People’s Army sa Mindanao. Idinagdag pa niya na isa pang patunay na may banta sa seguridad ng publiko dulot ng local terrorist groups ang naganap ang pagpapasabog.

Inihayag din niya ang datos mula sa Armed Forces of the Philippines (AFP) na mayroong 424 na aktibong miyembro ng Abu Sayyaf terrorist group sa 138 barangay sa Basilan, Sulu, Tawi-Tawi at Zamboanga; 264 na aktibong miyembro ng Bangsamoro Islamic Freedom Fighters naman ang nasa 50 barangay; 59 na miyembro ng Saulah Islamiyah; anim na miyembro ng Maguid group at 85 na miyembro ng Turaifie group.

Binigyang-diin niya ang pagdagsa ng mga banyagang terorista sa bansa na siyang tumutulong nang puspusan sa pagsasanay sa local terrorist fighters. Sa katunayan, apat sa mga ito ang nakapasok sa Pilipinas noong nakaraang taon habang 60 naman ang nakasulat sa watchlist ng AFP.

Sinabi rin ni Calida na ang desisyon ng Kongreso na aprubahan ang hiling ng Pangulo ay “beyond judicial review.”

Laban sa rebelyon at terorismo

Malugod na tinanggap ng Malacañang ang desisyon ng Korte Suprema ukol sa pagpapalawig ng martial law. Inihayag ni Presidential Spokesperson Salvador Panelo na ipinakita lamang nito na ang tatlong sangay ng gobyerno ay mayroong isang paninindigan na labanan ang puwersa ng rebelyon at terorismo sa bansa at tapusin ang gulo sa Mindanao.

“As we fast-track the rehabilitation of war-torn Marawi and promote security and peace and order in Mindanao, we ask the Filipino nation not to waver in their support of our republic’s defenders. Let us remain vigilant and prevail against these anti-democratic forces,” wika ni Panelo sa isang pahayag.

Pinasalamatan naman ni Defense Secretary Delfin Lorenzana ang Mataas na Hukuman sa pagsang-ayon sa hiling ng gobyerno. “(Martial law) has and will continue to greatly help our counter terrorism (operations) and fight against rebellious forces in Mindanao,” wika nito.

Ikinatuwa rin ni House Speaker Gloria Macapagal-­Arroyo ang desisyon ng Korte Suprema na pinatunayan ang constitutionality ng ekstensiyon.

“It’s good. We’re very happy, because we voted to extend it,” wika ng da­ting pangulo ng Pilipinas.

Matatandaang sina­ng-­ayunan ng Kongreso ang pagpapalawig ng mar­tial law sa Mindanao hanggang Disyembre 31 ng taong ito sa botong 235-28-1. Meron namang 223-23-0 na boto sa Kongreso at 12-5-1 sa Senado.

Unang nagdeklara ng martial law si Duterte nang magkaroon ng gulo sa Marawi City sa pagitan ng pwersa ng gobyerno at Islamic State-inspired Maute terrorists.

Pinagtibay rin ng Korte Suprema ang constitutionality ng una at pangalawang deklarasyon ng martial law sa Mindanao.

Gov’t-CPP Peace talks: One more chance

by

 

Tatlumpu’t pitong dating NPA guerillas at supporters ang nanumpa ng katapatan sa pamahalaan ng Pilipinas matapos silang sumuko sa militar sa Ifugao at Mountain Province nitong Agosto. 

 

Ni: Quincy Joel V. Cahilig

PAGKATAPOS ng palitan ng maaanghang na salita ng magkabilang panig nitong mga nakalipas na buwan, muling nabanaag ang liwanag ng pag-asa ng panunumbalik ng usaping pangkapayapaan sa pagitan ng gobyerno at ng Communist Party of the Philippines (CPP).

Sa inauguration ng isang mall sa Lungsod ng Davao, muling sinabi ni Pangulong Rodrigo R. Duterte na bukas ang pintuan ng pamahalaan para sa mga miyembro ng New People’s Army (NPA) na makapagbalik-loob.

Nanawagan ang Pangulo sa mga rebeldeng komunista na isuko na ang kanilang mga armas at mamuhay ng payapa.

“Buhii lang nang imong armas, wala tay problema (Set down your arms and we will not have a problem),” wika ni Duterte sa pagbubukas ng Gaisano Grand Citygate Mall kamakailan.

“We are really friends” wika pa ng Pangulo sa NPA at inulit na hindi niya naman talagang gustong tugisin ang mga ito dahil minsan din siyang naging tagapakinig ng mga prinsipyong ipinaglalaban ni CPP founding chairman Jose Maria Sison, na kanyang naging guro noong siya’y nasa kolehiyo.

Hindi rin ikinaila ni Duterte ang suportang natanggap niya mula sa NPA para sa kanyang kandidatura sa pagkapangulo noong Eleksyon 2016.

“I will not be where I am today without the help of the people of Davao and the NPA. I’m thankful for that. And because you helped me, I am asking you to also help me find a way for all of us to live,” wika ng Pangulo.

Kaya naman hinimok niya ang mga rebelde na tapusin na ang mahigit 50 taong pakikipaglaban kontra gobyerno at magkaisa nang pagtamo ang mailap na kapayapaan.

Tiniyak din ni Duterte sa mga susuko na mayroong naghihintay sa kanilang pabahay, trabaho, at edukasyon mula pamahalaan.

“Your underground movement will not amount to anything. But I am ready to accept you if you surrender. Bring your firearms, give it to me, and I will give you a house and a job. You can be sure of that. I will be able to give you that. You will undergo training in TESDA (Technical Education and Skills Development Authority), I’ll send you to school, I will pay you to study and learn new skills,” pangako ng Pangulo.

Nagpahayag ng ganito ang Pangulo halos isang taon matapos niyang lagdaan ang Proclamation No. 360 na nagbasura sa peace talks sa pagitan ng gobyerno at CPP at paglagda ng isa pang proclamation na pormal na nagsasaad na ang CPP-NPA ay isang terrorist group. Bunsod ito ng patuloy na pag-atake ng NPA sa mga tropa ng militar sa kabila ng noo’y isinasagawang negosasyon.

Kamakailan ay inakusahan din ng Armed Forces of the Philippines ang CPP ng pagpaplano na pabagsakin ang Duterte administration.

Nagtalumpati si Pangulong Rodrigo Duterte sa pagbubukas ng Gaisano Grand Citygate Mall sa Buhangin District Davao City, kung saan nanawagan siya sa mga miyembro ng NPA na sumuko na.

 

CPP SA PULITIKA, WALANG PROBLEMA

Samantala, sinabi rin ni Duterte na wala rin namang problema sa kanya kung sakaling mapagpasyahan ng mga CPP members na makilahok sa pulitika.

“If you wish to join politics, okay lang. Drop the firearms, drop the gun, and we will not have a problem. We will not just be friends, but Filipino brothers and sisters,” aniya.

Subali’t tila kontra sa pananaw na ito ng Pangulo ang kanyang anak na si Davao City Mayor Sara Duterte. Kamakailan ay nanawagan ang nakababatang Duterte na huwag iboto ang mga maka-kaliwang mga party-list sa darating na midterm elections.

“Do not support the party-list groups under the Makabayan bloc – these are Bayan Muna, Alliance of Concerned Teachers or ACT Teachers, Anakpawis, Gabriela, Kabataan, and Migrante,” pahayag ni Inday Sara.

“They terrorize, engender lawlessness, create confusion, disrespect fellow human beings, put lives in danger, and disregard any authority altogether,” paliwanag ng alkalde.

Nagpahayag ng ganito si Mayor Duterte matapos ang isinagawang roadblock ng maka-kaliwang Kilusang Mayo Uno (KMU), na nagdulot ng mabigat na trapiko sa kalsadang nag-uugnay sa Davao City at Panabo City, kung saan marami ang naperwisyo.

Kaugnay ito ng inilunsad ng KMU na kilos-protestang tinaguriang “Mindanao day of protest against martial law” na nananawagan ng pagpapatigil sa umiiral na martial law sa Mindanao, na ipinatupad ng Pangulo dahil sa Marawi Siege noong nakaraang taon.

“We are again calling for an end to martial law in Mindanao and for the ouster of President Duterte due to his crimes against the Filipino people. We, the Mindanawon, demand justice against the grave human rights violations committed by the United States-Duterte regime,” wika ni Carlo Olalo, spokesman ng KMU Southern Mindanao.

“The killings, harassments, threats and intimidation may strike fear in our hearts but not today. They can try to silence us but they can never kill the dreams of our children,” dagdag niya.

Communist Party of the Philippines founding chairman Jose Maria Sison

 

SISON, BUKAS PA RIN SA PEACE TALKS

Samantala, sinabi naman ni Sison na bukas pa rin siya sa panunumbalik ng peace talks. Nguni’t nasa mga kamay ni Duterte, aniya, ang pagsasakatuparan nito.

“It is up to him to end his position of having terminated the peace negotiations with Proclamation 360,” pahayag ni Sison.

“The standing policy of the NDFP (National Democratic Front of the Philippines) is to negotiate with the GRP (Philippine government) anytime he (Duterte) is ready to resume the peace negotiations in accordance with The Hague Joint Declaration and further agreements,” dagdag ni Sison sa isang statement.

Pinuna din ni Sison ang pag-alok ng Pangulo ng pabahay at trabaho sa mga susukong rebelde, na ayon sa kaniya ay maari isang uri ng panunuhol.

Nguni’t sinang-ayunan ng 79-anyos na CPP founder ang paniniwala ng kanyang dating estudyante, na ngayo’y pinuno na ng bansa, na magpapatuloy ang pag-iral ng NPA sa kabila ng kanilang pagpanaw.

“He is correct though in saying that the NPA will continue to exist even after he and I are gone from the surface of the earth, if by implication he means positively that the root causes of the armed conflict must be addressed and solved by social, economic and political reforms,” sabi ni Sison.

Kredibilidad ng war on drugs kinuwestyon, matapos maabswelto sa drug charges ang mga drug lords 

by

 

Pinas News 

Kinuwestyon ngayon ng Makabayan Bloc sa Kamara ang kredibilidad ng war on drugs ng Duterte administration kasunod ng pagkakaabswelto ng umanoy  big time drug lords na sina Kerwin Espinosa,Peter Lim at iba sa kasong isinampa ng PNP-CIDG.

Batikos agad ang isinalubong ng Makabayan Bloc sa Kamara matapos hingan ng reaksyon sa pagkakaabswelto ng umano’y mga big time drug lords sa kasong isinampa  na may kinalaman sa iligal na droga.

Ayon sa grupo, kwestyunable na ang war on drugs ng pamahalaan dahil mistulang kinakanlong pa nito ang mga lantad na mga drug lords sa bansa.

Mungkahi naman ng grupo kay Pangulong Rodrigo Duterte, sibakin sa pwesto si DOJ Secretary Vitaliano Aguirre at ihinto ang war on drugs.

Samantala, bumuo na ang DOJ ng bagong panel of prosecutors na hahawak sa ihinaing motion for reconsideration ng PNP-CIDG sa pagkakabasura ng national prosecution service sa drug case laban kina Peter Lim at aminadong drug lord na si Kerwin Espinosa.

Sa bisa sa Department Order 151 na pirmado ni Justice Sec. Vitaliano Aguirre, itinalaga nito bilang bagong mga miyembro ng panel na sina Senior Assistant State Prosecutor Juan Pedro Navera, Assistant State Prosecutor Ana Noreen Devanadera at Prosecution Attorney Herbert Calvin Abugan.

Itinalaga din muna bilang acting prosecutor general para sa kasong ito si Senior Deputy State Prosecutor Richard Anthony Fadullon.

Ang nasabing panel ang inaasahang reresolba sa motion for reconsideration ng PNP-CIDG-MCIU matapos ibasura ng naunang panel of prosecutors ang drug case laban kina Peter Lim alyas Jaguar, Kerwin Espinosa, Peter Co, Lovely Impal, Marcelo Adorco, Max Miro, Ruel Malindagan, Jun Pepito at ilan pang John Does.

Samantala, ipinag-utos naman ng DOJ sa NBI ang pagiimbestiga sa National Prosecutions Service na nagabswelto sa mga nabanggit na personalidad sa kasong may kaugnayan sa iligal na droga.

 

Close Bitnami banner
Bitnami