PINAS

Ang Lihim ng Panginoon (Unang Bahagi)

Sonspeak

Recent News:

Malacañang

Malacañang, ipinagmalaki ang pagiging overall champion ng Pilipinas 30th SEAG

by

HANNAH JANE SANCHO

IPINAGMALAKI ng Malacañang ang pagiging overall champion ng Pilipinas sa katatapos lamang na 30th Southeast Asian Games.

Sa pahayag ng Malacañang, binati ni Presidential Spokesperson Salvador Panelo ang mga miyembro ng Philippine contingent sa pagkakasungkit sa overall champion na may record breaking na 149 gold medals.

Binati rin nito ang lahat ng atleta at support staff na nakilahok sa SEA Games dahil sa kahanga-hanga aniyang ginawa ng mga ito sa pagbibigay ng karangalan na maipagmamalaki sa kani-kanilang bansa.

Nasaksihan din aniya ng lahat ang maayos na ugnayan, camaraderie at sportsmanship ng mga bansang kasapi sa Southeast Asia.

Dagdag pa ng kalihim na tama ang campaign slogan ng SEA games ngayong taon na “We Win As One”.

Samantala, opisyal nang ipinasa ng Pilipinas ang susunod sa pagho-host ng SEA games sa Vietnam.

Samantala, umani ng papuri at pasasalamat mula sa mga sports officials at atletang dayuhan ang pagho-host ng Pilipinas sa naturang aktibidad.

Ito ay dahil sa pag-iral ng pusong Pinoy kahit kapalit nito ang siguradong pagkapanalo sana ng gintong medalya.

Lubos ang pasasalamat ng mga Indonesian sports officials kay Pinoy surfer Roger Casugay matapos nitong iligtas sa tiyak na kapahamakan ang karibal na Indonesian surfer na si Mencos Cosomen habang naglalaban sa isang surfing event sa Monaliza Point sa La Union.

Nangunguna sa kompetisyon si Casugay ngunit isinantabi nito ang panalo ng gintong medalya at binalikan si Cosomen hanggang ligtas na naibalik sa pampang.

Todo-todo pasasalamat din ang ipinaabot ng koponan ng Timor Leste sa mga Pinoy dahil sa suporta na manalo ang koponan ng medalya sa palaro.

Bumilib naman si Thailand Lawn Bowl coach Daniel John Simmons sa world class sports facility sa Clark Freeport na isa sa mga naging venue ng Lawn Bowl Competition.

Namangha naman ang Malaysian official na si Abdul Kader, Director General ng International Sepak Takraw Federation sa venue ng Sepak Takraw sa Subic Gymnasium na tinawag niya itong pinakamagandang Sepak Takraw Venue sa kasaysayan ng SEA Games.

Dahil sa magandang pagho-host ng bansa sa 30th SEAG, hinikayat ni Olympic Council of Asia Vice President Wei Jizhong ang Pilipinas na lumahok sa bidding para sa 2030 Asian Games.

PNP, nagpupugay rin

‘Mission accomplished’ namang maituturing ang Philippine National Police (PNP) sa natapos na SEAG sa pamamagitan ng engrandeng closing ceremony sa New Clark City, Tarlac.

Ayon kay PNP Officer-In-Charge Police Lieutenant General Archie Francisco Gamboa, ikinararangal ng pambansang pulisya ang kanilang naging papel sa matagumpay na hosting ng Pilipinas sa naturang palaro.

Kinilala rin ni Gamboa ang kooperasyon at suporta ng publiko sa maayos na pagdaraos ng palaro.

Aabot sa 27,000 pulis ang dineploy ng PNP sa iba’t ibang mga lugar na pinagdausan ng SEAG at maging sa ibang mga lugar na binisita ng mga atleta para tiyakin ang seguridad ng mga dayuhan at lokal na panauhin.

Mga kontrobersiya sa hosting SEAG, pinaiimbestigahan sa Kamara at Senado

Naghain ang Makabayan Bloc sa Kamara ng resolusyon para paimbestigahan ang hosting ng Pilipinas sa kakatapos lamang na SEAG.

Sa ilalim ng House Resolution 602, inaatasan nito ang House Committee on Good Government and Public Accountability na imbestigahan, in aid of legislation, ang mga kontrobersiyang lumutang sa paggamit ng pondong inilaan sa biennial sporting event.

Maging ang Senado ay hinikayat din ni Sen. Panfilo Lacson na ituloy ang imnbestigasyon kahit nag-overall champion ang Pilipinas.

Sinabi ni Lacson na dapat ihiwalay ang panalo ng mga atleta sa isyu ng organizing committee.

Iginiit naman ni House Speaker Alan Peter Cayetano, head ng Philippine Sea Games Organizing Committee (PHISGOC), na handa siyang harapin ang anumang imbestigasyon laban sa kanya.

Mahigit kalahating bilyon, inisyal na kinita ng Pilipinas  – DOT

Umaabot sa mahigit kalahating bilyon ang naitalang kita ng bansa ayon kay Tourism Sec. Bernadette Fatima Romulo-Puyat, inisyal na report pa lamang ito at maaari pang lumobo kapag natanggap na nila ang datus mula sa iba pang tanggapan.

Umaasa si Puyat na aakyat pa ang revenue figure dahil maraming turista ang nagpasya na manatili at mamasyal sa bansa matapos ang makulay na closing ceremony ng SEAG sa New Clark City, sa Capaz, Tarlac.

SOGIE Equality Bill, sinusuportahan ni Pangulong Duterte

by

LGBTQ, suportado ni Pangulong Rodrigo Duterte

 

EYESHA ENDAR

 

SUPORTADO ni Pangulong Rodrigo Duterte ang pagpasa ng Sexual Orientation and Gender Identity and Expression o SOGIE Equality Bill na layong protektahan ang mga miyembro ng Lesbian, Gay, Bisexual, Transgender and Queer (LGBTQ) community mula sa diskriminasyon.

 

Sa isang statement, sinabi ni Senador Bong Go na nagpahayag ng buong suporta ang pangulo sa LGBTQ community matapos itong makipagkita sa LGBTQ advocates kasama si transgender woman Gretchen Custodio Diez sa Malacañang kamakailan.

 

Ayon kay Go, hihilingin ni Pang. Duterte sa 18th Congress na tiyaking maipasa ang SOGIE Equality Bill.

 

Kabilang din aniya sa proposals na napag-usapan sa pulong ang pagbuo ng isang komisyon para sa LGBTQ at pag-organisa ng isang national convention na magsisilbi bilang venue para maipaabot ang mga concern at makabuo ng mga proposal para ipromote at protektahan ang kapakanan ng LGBTQ community.

Atty. Roque, naalarma sa pagbasura ng kaso laban sa may-ari ng WellMed

by

TERRIJANE BUMANLAG

 

NAAALARMA ang abogado ng dalawang WellMed whistleblowers na si Atty. Harry Roque sa pagbasura ng Quezon City Court sa mga kasong kriminal laban sa may-ari ng WellMed Dialysis Center.

Nangangamba si Roque na madiskaril ang lahat ng pagsisikap para linisin ang PhilHealth sa paghahanda sa pagpapatupad ng Universal Health Care Law.

Nanawagan naman si Roque na agad sibakin sa pwesto si PhilHealth Senior Vice President Atty. Jojo del Rosario dahil sa paghahain ng defective complaint na siyang ibinasura ng korte.

Iginiit ni Roque na hindi dapat sinampahan ng kaso ang dalawang whistleblowers sa halip ay kinasuhan ang mga PhilHealth official na sangkot sa isyu ng ghost dialysis.

Kasong graft at plunder din aniya ang tamang kaso na dapat isinampa sa may-ari ng WellMed.

Sa kabila nito, tiniyak ng dating tagapagsalita ng Malacañang na maaring muling isampa ang kaso dahil ibinasura lang ito dahil sa technicality at walang double jeopardy.

 

Pressure sa pagpasa ng Department of OFW Bill, matindi

by

MATINDI ang pressure ngayon ng Malakanyang sa Kongreso para ipasa sa lalong madaling panahon ang Department of OFW Bill.

Sinabi ni House Speaker Alan Peter Cayetano na minamadali na ng Malacañang ang pagpasa sa panukala kaya doble kayod ngayon ang Kamara sa pagpasa nito.

Kabilang naman ang OFW Department Bill sa top 10 bills ni Speaker Cayetano kung saan inihain nito ang House Bill No. 2.

Tiniyak naman ni Cayetano na aabot sila sa deadline bago mag-Disyembre ngayong taon para ipasa ang isa sa mga priority bill ng Kongreso.

Sa susunod na linggo ay magsisimula na ang mga committee hearings sa Kamara.

SMNI NEWS

Ekstensiyon ng martial law sa Mindanao, ligal—Korte Suprema

by

Pangulong Rodrigo Duterte humiling na i-extend ang martial law sa Mindanao sa pangatlong pagkakataon.

Ni: Jonnalyn Cortez

SA kabila ng mga batikos, pinagtibay ng Korte Suprema na ligal ang pangatlong ekstensiyon ng pagdedeklara ng martial law sa Mindanao.

Sa botong 9-4 ng mga ma­histrado, ibinasura ng Mataas na Hukuman ang apat na petisyong kumuwestiyon ng constitutiona­lity ng Proclamation No. 216 ni Pangulong Duterte na nagdideklara ng pagpapatuloy ng martial law ng isa pang taon hanggang Disyembre 2019.

Ang siyam na mahistrado na bumotong pabor sa pagsawalang bahala ng apat na petisyon ay sina Chief Justice Lucas Bersamin at Associate Justices Diosdado Peralta,­ Mariano del Castillo, Estela Perlas-Bernabe, Andres­ Reyes Jr., Alexander Gesmundo, Jose Reyes Jr., Ramon Paul Hernando at Rosmari Carandang.

Samantala, ang apat na hindi sumang-ayon ay sina Senior Associate Justice Antonio Carpio at Associate Justices Marvic Leonen, Francis Jardeleza at Alfredo Benjamin Caguioa.

Inihayag ng tagapagsalita ng Mataas na Hukuman na si Brian Keith Hosaka na si Carandang ang nagsulat ng ruling, ngunit hindi agad ito nailabas dahil kailangang hintayin ang isusumiteng opinyon ng iba pang mahistrado.

Ikinatuwa ni Maguindanao Gov. Esmael Ma­ngudadatu at Upi Mayor Ramon Piang ng Maguindanao ang ginawang pagpapalawig ng martial law.

“We have not been seeing politicians bringing with them so many security escorts when they go around since it was first declared in May 2017,” wika ni Mangudadatu.

“From the very start we in Maguindanao have been very supportive of that. We have militant groups in the province that the police and military are trying to address and martial law is one measure that can hasten their security efforts.”

Sinabi naman ni Piang na para sa kabutihan­ ng nakakarami ang gina­wang­ ekstensiyon, kaya’t kanilang sinusuportahan.

Pagtanggol sa ruling

Pinangunahan nina Albay 1st District Rep. Edcel Lagman ng Makabayan bloc sa Kongreso na pinamumunuan ni Bayan Muna party-list Rep. Carlos Zarate, dating Commission on Elections chairman Christian Monsod, ang grupo ng mga gurong Lumad at estudyanteng kinakatawan ng Free Legal Assistance Group ang pag-kuwestiyon sa legalidad ng pagpapalawig ng martial law sa pangatlong pagkakataon.

Daing nila, walang tamang batayan na magbibigay-katwiran sa ginawang ekstensiyon na naa­ayon sa 1987 Constitution.

“(The Supreme Court)has once again stretched the boundaries of judicial interpretation,” pahayag ni Bayan Muna chairman Neri Colmenares ukol sa desisyon ng mataas na hukuman.

“It paves the way for imposing martial law nationwide even if there is no threat to public safety,” dagdag pa nito.

Ayon kay Colmenares, kailangan ng Konstitu­syon ng aktwal na pangyayari ng rebelyon at pag­sakop upang ideklara ang martial law at kung kinakailangan na ito para sa kaligtasan ng publiko.

Dagdag pa ng tuma­takbong senador sa dara­ting na eleksyon sa Mayo, kung may rebel­yon man at hindi naman nanganga­nib ang seguridad ng pu­bliko, maaaring gamitin ng pre­sidente ang kanyang ka­kayahang utusan ang militar upang labanan ang rebelyon at hindi magdeklara ng martial law.

Diumano, maaaring­ magresulta ng mas mara­ming karahasan sa isla ang desisyong ito ng Korte Suprema, pahayag ni Colmenares.

Sa kabilang dako, ipinagtanggol ng gobyerno ang constitutionality ng ekstensiyon. Isa sa mga binanggit nitong dahilan kung bakit kailangan ng martial law sa Minda­nao ay ang nangyaring pagpapasabog sa isang simbahan sa Jolo, Sulu, na kumitil sa buhay ng 23 at nakasakit sa halos 100 katao kamakailan.

Sinabi ni Solicitor General Jose Calida na maituturing na rebelyon ang mga pag-atakeng iyon na inuugnay ng pamahalaan sa New People’s Army sa Mindanao. Idinagdag pa niya na isa pang patunay na may banta sa seguridad ng publiko dulot ng local terrorist groups ang naganap ang pagpapasabog.

Inihayag din niya ang datos mula sa Armed Forces of the Philippines (AFP) na mayroong 424 na aktibong miyembro ng Abu Sayyaf terrorist group sa 138 barangay sa Basilan, Sulu, Tawi-Tawi at Zamboanga; 264 na aktibong miyembro ng Bangsamoro Islamic Freedom Fighters naman ang nasa 50 barangay; 59 na miyembro ng Saulah Islamiyah; anim na miyembro ng Maguid group at 85 na miyembro ng Turaifie group.

Binigyang-diin niya ang pagdagsa ng mga banyagang terorista sa bansa na siyang tumutulong nang puspusan sa pagsasanay sa local terrorist fighters. Sa katunayan, apat sa mga ito ang nakapasok sa Pilipinas noong nakaraang taon habang 60 naman ang nakasulat sa watchlist ng AFP.

Sinabi rin ni Calida na ang desisyon ng Kongreso na aprubahan ang hiling ng Pangulo ay “beyond judicial review.”

Laban sa rebelyon at terorismo

Malugod na tinanggap ng Malacañang ang desisyon ng Korte Suprema ukol sa pagpapalawig ng martial law. Inihayag ni Presidential Spokesperson Salvador Panelo na ipinakita lamang nito na ang tatlong sangay ng gobyerno ay mayroong isang paninindigan na labanan ang puwersa ng rebelyon at terorismo sa bansa at tapusin ang gulo sa Mindanao.

“As we fast-track the rehabilitation of war-torn Marawi and promote security and peace and order in Mindanao, we ask the Filipino nation not to waver in their support of our republic’s defenders. Let us remain vigilant and prevail against these anti-democratic forces,” wika ni Panelo sa isang pahayag.

Pinasalamatan naman ni Defense Secretary Delfin Lorenzana ang Mataas na Hukuman sa pagsang-ayon sa hiling ng gobyerno. “(Martial law) has and will continue to greatly help our counter terrorism (operations) and fight against rebellious forces in Mindanao,” wika nito.

Ikinatuwa rin ni House Speaker Gloria Macapagal-­Arroyo ang desisyon ng Korte Suprema na pinatunayan ang constitutionality ng ekstensiyon.

“It’s good. We’re very happy, because we voted to extend it,” wika ng da­ting pangulo ng Pilipinas.

Matatandaang sina­ng-­ayunan ng Kongreso ang pagpapalawig ng mar­tial law sa Mindanao hanggang Disyembre 31 ng taong ito sa botong 235-28-1. Meron namang 223-23-0 na boto sa Kongreso at 12-5-1 sa Senado.

Unang nagdeklara ng martial law si Duterte nang magkaroon ng gulo sa Marawi City sa pagitan ng pwersa ng gobyerno at Islamic State-inspired Maute terrorists.

Pinagtibay rin ng Korte Suprema ang constitutionality ng una at pangalawang deklarasyon ng martial law sa Mindanao.

Magkasalungat na bersyon ng 2019 budget bill, aayusin ng Kongreso at Senado 

by

KONGRESO at Senado aayusin ang magkasalungat na bersyon ng national budget bills.

 

Ni: Jonnalyn Cortez

PAGKATAPOS ng mahabang paghihintay at ilang diskusyon, inaprubahan na ng Senado sa pangatlo at huling pagbasa ang House Bill 8169 o ang proposed P3.757 trilyong 2019 national budget.

Ang chairman ng Committee on Finance na si Senator Loren Legarda ang nag-sponsor ng 2019 General Appropriations Bill (GAB), kabilang na ang mga amyenda rito.

Isang bicameral conference committee ang binuo upang ayusin ang mga salu-salungat na probisyon ng magkaibang House at Senate bills.

“We hope to be able to immediately reconcile the differences between the House and Senate versions so that we may approve the budget within the remaining session days that we have,” sabi ni Legarda.

Meron na lamang hanggang Pebrero 8 ang Upper at Lower Houses upang plantsahin ang pagkakaiba ng kanilang mga bersyon at i-ratify ang minumungkahing budget bago ang recess ng Kongreso para sa darating na eleksyon sa Mayo 13.

“This is very important because the passage of our national budget every year comes with the hope of achieving real lasting growth for Filipinos, especially the poor and the most vulnerable,” dagdag ni Legarda.

Ibinahagi naman ni House appropriations committee chair Rep. Rolando Andaya Jr. na nakapagtakda na ang mga senador at miyembro ng konseho ng ground rules para sa isang maayos, transparent at mabilis na bicameral conference.

Nangako rin ang representante ng unang distrito ng Camarines Sur na hahanapin ang common ground na lubhang pakikinabangan ng mga tao at isulong ang full transparency ng deliberasyon.

SENADO inaprubahan ang House Bill 8169 o ang proposed na P3.757 trilyong national budget para sa 2019.

 

Transparency sa budget

Upang alisin ang agam-agam ng mga tao, nais ni Andaya na buksan sa publiko ang bicameral conference committee meetings.

Wala naman nakikitang masama si Senator Joseph Victor Ejercito sa mungkahi upang siguraduhin ang transparency sa budget.

“Why not? We in the Senate mostly have institutional insertions. (We have) nothing to hide,” wika nito.

Sinang-ayunan din ni Senator Panfilo Lacson ang suhestiyon at iminungkahi ang live media coverage ng bicam proceedings.

Inihayag naman ni Legarda na gagamitin ng bicameral panel ang 2019 National Expenditure Program (NEP) bilang point of reference, ngunit isinasaalang-alang rin nito ang bersyon ng GAB mula sa Kongreso at Senado.

PANGULONG Rodrigo Duterte inaasahang pipirmahan ang 2019 budget bill sa araw ng mga puso.

 

Mga pagbabago sa budget 

Inihayag ni Legarda na prayoridad pa rin ng Senado sa bersyon nito ng 2019 budget ang edukasyon, healthcare, pangkabuhayan, trabaho at social services.

“The 2019 national budget supports the infrastructure program of the government while also taking care of the human capital so that economic growth addresses the needs of the people, especially the poorest sector,” pahayag nito.

“It will also continue to fund programs to build our resilience to natural hazards and climate change and promote environmental integrity.”

Nabanggit naman ni Ejercito ang pagtutulak nito sa restoration ng budget ng Department of Health (DOH) para sa Health Facilities Enhancement Program na nagkakahalaga ng P16.796 bilyon.

“Most of the government hospitals, regional, district, and provincial are the ones that I made sure there is adequate funding for expansion, improvements and upgrades,” wika ng dating mayor ng San Juan City.

Dagdag naman ni Legarda, kabilang sa mga restored budget ay ang P4.797 bilyon mula sa P7 bilyon na requirement para sa Human Resource for Health Development.

“We reflected realignments within the unprogrammed fund to provide for the Rice Competitiveness Enhancement Fund of P10 billion; Coconut Farmers and Industry Development Fund of P10 billion; implementation of the Universal Health Care, P18 billion; and Organic Law for the Bangsamoro Region in Muslim Mindanao, P40 billion,” pahayag ng environmentalist.

“We are also supporting the endeavors of the Office of the Vice President to uplift the life of the poor through its various social programs through the additional funds that the committee has provided.”

Pinaliwanag din ni Legarda ang pagkabawas ng budget para sa Department of Foreign Affairs (DFA) ng P7.5 bilyon dahil inilipat ang South East Asian (SEA) games sa Philippine Sports Commission (PSC).

Nakakuha naman ng karagdagang pondo ang Department of Justice (DOJ) para sa pagbuo ng special task force, victims assistance program para sa Overseas Filipino Workers (OFW) at mga programa para sa proteksyon ng mga bata.

Nakatanggap naman ng P1.8 bilyon ang Bureau of Corrections (BOC) para sa konstruksiyon ng mga pasilidad sa bilangguan sa limang rehiyon.

Nakakuha naman ng karagdagang P48.766 milyon ang Department of National Defense (DND) para sa Task Force and Enhanced Comprehensive Local Integration Program para sa mga “rebel returnees.”

Dati nang sinabi ni Legarda na inalis nila ang ilang alokasyon para sa road right of way sa ilalim ng Department of Public Works and Highways (DPWH) at ang mga proyekto na hindi parte ng orihinal na submission ng departamento sa Department of Budget and Management (DBM).

Pagpapatibay sa proposed budget 

Inaasahang pipirmahan ni Pangulong Rodrigo Duterte ang 2019 national budget sa darating na araw ng mga puso sa Pebrero 14.

“Hopefully, we can ratify the budget bill soon and it will be ready for the signature of the President, except that it will take some time to be ready for signing because it takes a lot of time and documents to be finalized. Mahaba, printing pinakamabigat,” wika ni Senate President Vicente Sotto III.

Ikinatuwa naman ng Malacañang ang pag-apruba sa minumungkahing P3.757-trilyong budget pagkatapos ng mahabang paghihintay.

“The Palace is pleased to know that the Senate has passed on third and final reading the proposed 2019 National Budget,” pahayag ni Presidential Spokesperson Salvador Panelo sa isang statement.

“We note that our lawmakers are treating the matter as urgent as they are about to finalize the 2019 national budget in the bicameral conference committee deliberations.”

Pagkatapos pagtibayan, ang pinal at consolidated version ng proposed budget para kasalukuyang taon, ay isusumite sa opisina ng Presidente.

Sumusunod naman sa isang cash-based system ang 2019 budget na ang ibig sabihin ay kailangang gamitin ng mga ahensya ang kanilang buong budget sa loob ng isang taon. Naiiba naman ito sa dating sistemang ginagamit na pinahihintulutan ang paggamit ng budget ng hanggang dalawang taon.