BASE sa pang-araw araw na hinahakot at nakokolekta na basura sa lungsod ng Maynila ng DPS ay aabot sa 1800 tons kada araw
Ayon sa pagmomonitor ng DPS, nitong katatapos na pasko bumaba ang volume ng mga basura kung ikukumpàra noong nakaraang taon.
Ito ay makaraan makiusap si Manila City Mayor Isko Moreno na panatilihin ang kalinisan o cleanliness ang ipatupad.
PANAHON na para masawata ang Recto University na pugad ng mga paggawa ng mga illegal at mga pekeng dokumento.
Ito ang sinabi ni Manila City Mayor Isko Moreno matapos salakayin kamakailan ang ‘Recto University at maaresto ang 42 na kataong nakuhaan ng sampung pirasong pekeng dokumento.
Nagbabala si Manila City Mayor Isko Moreno sa lahat ng establisyemento sa Recto sa illegal na gumagawa ng naturang aktibidad, na mananagot sila sa batas.
Matatandaang sinalakay kamakailan ng Manila Police District Special Mayor’s Reaction Team (MPD SMaRT) kasama ang mga miyembro ng Bureau of Permit and Licensing, Special Weapons and Tactics (SWAT) Team, at Police Station 3, at naaresto ang 42 kataong sangkot umano sa mga paggawa ng mga pekeng dokumento.
Kinumpiska bilang ibidensya ang mga MIMEO graphing machine, LG computer with CPU, dalawang pirasong EPSON printers, 3 computer LCD monitors, 3 metal dry seals at iba pa.
Naniniwala si Mayor Isko na ang mga nakuhang ibidensya na nakakagawa ng mga identification cards, certificates, diplomas, at iba pang public documents.
Binalaan nito ang ilang miyembro MPD , at mga barangay official na nagpapabaya sa kanilang tungkulin at nagbibigay ng proteksyon sa iligal na gawain ay mananagot sila sa batas .
NAALARMA ang isang mambabatas sa sunud-sunod na pagdukot sa mga Chinese national sa bansa.
Hiniling ni ACT-CIS Cong. Eric Yap sa kamara na imbestigahan ang insidente upang matukoy at madakip ang mga nasa likod ng pagdukot na ang mga suspek ay pawang Chinese national din.
Sinabi ni Yap na kapag nagpatuloy ang ganitong pagdukot ay baka isipin ng mga dayuhan na hindi kaya ng ating mga pulis na pangalagaan ang kanilang seguridad.
Ginawa ito ni Yap matapos mag-viral sa social media ang kuha ng CCTV footage sa ginawang pagdukot sa isang babaeng Chinese national na sapilitang isinakay sa isang van sa Makati City.
Umaasa si Yap na sa lalong madaling panahon ay mareresolba ang nasabing insidente.
Mayor Isko Moreno, pinangunahan ang pagsalakay sa mga pagawaan ng pekeng dokumento sa Recto
PINANGUNAHAN ni Manila City Mayor Isko Moreno ang isinagawang pagsalakay ng Manila Police District sa mga pagawaan ng mga pekeng dokumento sa Recto University.
Nakumpiska ang isang makinang ginagamit sa paggawa ng mga pekeng diploma, birth certificate, transcript of records, driver’s license, NBI clearance at iba pang government-issued na mga dokumento.
Hindi bababa sa 40 na indibidwal ang nahuli at ilang may-ari ang nadiskubreng walang kaukulang permit para magnegosyo sa lungsod.
Matatandaang binantaan ni Moreno ang barangay chairman na nakakasakop sa tinaguriang ‘Recto University’ o ang mga pagawaan ng pekeng dokumento matapos matuklasan ang mga pekeng resibo ng Bureau of Permits at ID ng Manila City Hall.
POL MONTIBON
MAHIGPIT na pinatutukan ngayon ni Manila City Mayor Isko Moreno sa Manila Veterinary Inspection Board (VIB) ang lahat ng mga palengke sa Maynila upang hindi sila malusutan ng mga negosyanteng nagtitinda ng botcha ng baboy.
Ayon sa alkalde ang mga ganitong buwan na papasok ang Disyembre ay sinasamantala ng ilang negosyante ang patagong pagtitinda ng mga botcha ng karne ng baboy, baka, at kalabaw.
Matatandaan kamakailan ay may nakumpiska ng aabot sa 263 kilos ng mga ribs ng mga baboy ng mga official at miyembro ng Manila City hall meat inspectors office na umanoy pinaghihinalaang double dead o botcha sa New Antipolo market sa Blumentritt, Manila noong nakaraang linggo.
Ayon kay Dr. Nick Santos, hepe ng Manila Veterinary Inspection Board (VIB), ang mga nasabing karne ay maputla na at may mabaho nang amoy at iba na rin ang kulay kung ikukumpara sa sariwang katay na baboy
Sinabi ni Santos ang sinomang nahuli nila na nagtitinda ng botcha ay nahaharap sa kasong paglabag ng Republic Act No. 10611 o ang Food Safety Act kasama na ang Republic Act No. 10536 o ang “Meat Inspection Code of the Philippines.”
