PINAS

Ang Lihim ng Panginoon (Ikapitong Bahagi)

Sonspeak

Recent News:

MARGOT GONZALES

Karagdagang pondo para sa Voucher Program ng Senior High School, isinusulong

by

MARGOT GONZALES

NAKATAKDANG maghain si Senador Win Gatchalian ng panukalang dagdag pondo para sa Senior High School Voucher Program o SHS VP.

Ang SHS VP ay isang financial assistance program para mabigyan ang mga underprivileged pero mga qualified senior high school students na makapag aral sa mga private schools, state and universities and colleges.

Ayon kay Gatchalian kulang pa ng halos labing-apat na bilyong piso ang pondo para sa mahigit isang milyon at dalawang daang libong benepisyaryo ng programa.

Sa ngayon kasi dalawampu’t tatlong bilyong piso lamang ang nakalaan para sa SHS VP gayong nasa  tatlumpu’t anim na bilyong piso ang kailangan para sa naturang programa.

Giit ng Senador na kung walang sapat na pondo ang SHS VP ay mapipilitang lumipat sa mga pampublikong paaralan ang mga benepisyaryong nag-aaral sa mga pribadong paaralan, bagay na magiging sanhi aniya ng lalong pagsisikip sa ilang mga silid-aralan.

5% franchise tax sa POGO, lusot na sa Kamara

by

MARGOT GONZALES

APRUBADO na ng Kamara ang panukalang batas na magpapataw ng otomatikong 5% franchise tax sa bawat franchise ng Philippine Offshore Gaming Operations (POGO).

Nakasaad sa inaprubahang bersyon ng House Committee on Ways and Means na may 5% franchise tax ang ipapataw sa gross winnings ng mga POGO na lisensyado ng Philippine Amusement and Gaming Corporation (PAGCOR).

Nakapaloob din sa House Bill 5267 ang 25% tax na dapat bayaran ng sino mang dayuhan na empleyado ng gaming operations dito sa Pilipinas.

Sa kasalukuyan ay 2% franchise tax lang ang kinokolekta ng PAGCOR sa mga POGO, na may katumbas ng P8-B kita sa gobyerno.

Ayon kay Committee Chairman Albay Rep. Joey Salceda, na siya ding may akda ng panukala, posibleng umakyat sa P45 bilyon ang kita ng pamahalaan kada taon kapag naipasa ang proposed bill.

P4.1-T 2020 proposed national budget, target ng Senado na maisumite sa Disyembre

by

MARGOT GONZALES

UMAASA ang mga senador na maisumite sa tanggapan ni Pangulong Rodrigo Duterte sa kalagitnaan ng Disyembre ang P4.1-trillion na panukalang national budget para sa taong 2020.

Una nang sinabi ni Senate Majority Leader Juan Miguel Zubiri na magsasagawa ng marathon hearings ang Senate Finance Committee sa panukalang pambansang pondo upang hindi na maulit ang nangyaring delay sa budget ngayong taon.

Magugunita na nito lamang Abril-15 nang pirmahan ni Pangulong Duterte ang P3.757-trillion national budget ngayong taon, ngunit na-veto ang P95-bilyong alokasyon na hindi umano bahagi ng priority projects ng punong ehekutibo.

Responsableng paggamit ng social media  dapat ituro ng DepEd 

by

 

MARGOT GONZALES

 

NANANAWAGAN si Senador Win Gatchalian sa Department of Education na ituro ang responsableng paggamit ng social media bilang bahagi ng pangangalaga sa kalusugan ng isip o mental health.

Ito’y kasunod ng pagkakaugnay ng social media at internet sa pagtaas ng mga kaso ng depresyon at anxiety sa mga kabataan.

Sinasabi kasi ng mga eksperto na ang pagbababad sa social media at kawalan ng sapat na tulog  ang mga  pangunahing dahilan kung bakit dumarami ang mga kabataan na nakakaranas ng anxiety o depression.

Sa tala ng Department of Health humigit-kumulang 3.3. milyong Pilipino ang may depressive disorders samantalang sa pag aaral naman ng World Health Organization, lumalabas na sa mahigit 8,000 mag-aaral sa Pilipinas, halos 17 percent  ng mga mag-aaral na may edad 13-17 ang nagtangkang magpakamatay.

Iginiit naman ni Sen. Gatchalian, chairman ng Senate Committee on Basic Education, Arts and Culture kailangan nang ibalik ang subject na Good Manners and Right Conduct o GMRC sa mga paaralan kung saan pwede  dito ituro ang responsableng paggamit ng social media.

 

DOTr, idodonate ang 14th month pay sa mga biktima ng lindol

by

MARGOT GONZALES

IBIBIGAY ng mga opisyal ng Department of Transportation (DOTr) ang kanilang 14th month pay sa mga biktima ng lindol.

Kabilang sina Sec. Arthur Tugade, lahat ng undersecretary, assistant secretaries at heads of attached agencies sa mga magbibigay ng kanilang bonus.

Ayon kay Tugade, nakalikom na sila ng P1.2M sa nasabing donasyon at inaasahang lalo pa itong lalaki dahil sa mga magdodonate pang empleyado ng DOTr.

Unang inanunsyo ang gagawin nilang pagdodonate sa isang flag ceremony sa DOTr head office sa Clark Field Pampanga.

VP Leni Robredo bilang co-chairman ng ICAD

by

MARGOT GONZALES

 

HINIMOK ni Senate Minority Leader Franklin Drilon ang mga Pilipino at ang lahat ng drug information agencies na suportahan si VP Leni Robredo sa kaniyang magiging kampanya kontra droga.

Ito ay matapos tanggapin ni Robredo ang posisyon bilang Co Chair ng Inter Agency Committee on Anti-Illegal Drug o ICAD na inaalok sa kaniya ni Pangulong Duterte.

 

Ayon kay Drilon tiwala siyang magagampanan ng leader ng oposisyon ang kaniyang bagong posisyon bilang Co-Chair ng ICAD.

Aminado naman si Drilon na ang pagsugpo sa problema sa illegal drugs ay isang napakalaking trabaho.

Dahil sa pagtanggap ni Robredo sa posisyon ay pamamahalaan nito ang iba’t-ibang drug enforcement agencies tulad ng Philippine Drug Enforcement Agency, Dangerous Drugs Board and the Philippine National Police hanggang sa kaniyang huling termino sa Hunyo 30, 2022.

Close Bitnami banner
Bitnami