PINAS

Ang Lihim ng Panginoon (Ikaapat na Bahagi)

Sonspeak

Recent News:

Maynilad

Ilang probisyon sa lumang kasunduan ng gobyerno sa mga water concessionaire, tatanggalin

by

 

KUMPIYANSA si Justice Secretary Menardo Guevarra na posibleng matapos sa loob ng anim na buwan ang binabalangkas na bagong water concession agreement sa pagitan ng gobyerno at ng Maynilad at Manila Water.

Kaugnay nito’y kinumpirma ni Guevarra na sa binubuong bagong kasunduan ay tatanggalin na ang mga tinatawag na onerous provision na makikita o nakasaad sa lumang kontrata.

Kabilang na rito ang pagpasa ng corporate income tax, concession fees, arbitration cost at iba pang mga bayarin sa mga consumers.

Ipinaliwanag ni Guevarra na nagawang ipasa sa mga consumers ang nasabing mga bayarin at nakasaad pa sa lumang kontrata na ang mga concessionaires ay itinuturing na mga contractor ng MWSS at hindi public utilities.

Kung maging negatibo anya ang pagkakaintindi ng mga foreign investors sa hakbang na ito ng gobyerno ay may iba pa naman daw mga investors ang posibleng interesado na mamuhunan sa Pilipinas.

….

Krisis sa tubig, krisis ng pamamahala

by

 

Louie C. Montemar

 

MILYUN-MILYON sa atin ang patuloy na walang access sa malinis na tubig at maayos na sewage system.  Sa paglobo ng ating populasyon, lalo lamang tumitingkad ang kakapusan ng bansa sa tubig.  Dahil sa malalang kalagayang pangkalusugan na kaakibat nito, ilang henerasyon ng mga Filipino ang patuloy na natatali ng matinding karukhaan.  Bilang paglalarawan, higit sa 800 na bata limang taon at pababa ang namamatay araw-araw dahil sa mga sakit kaugnay ng sanitasyon at kakulangan sa malinis na tubig.

Sa ganitong kalagayang mala-krisis, lalo lamang tumitindi ang pangangailangan ng bansa ng isang pamumunong maalam at may tunay na pagsasa-alang-alang sa interes ng lahat.  Ito ba ang nakikita natin sa kasalukuyang administrasyon?

Sa unang tingin, parang nakakabilib nga ang pagmamatigas ng pamahalaan sa harap ng sinasabing mataas na singil sa tubig at sa ilang taon nang pamamayagpag ng iilang mga mayayamang pamilya—ang oligarkiya—na may control sa distribusyon ng tubig lalo na sa kalakhang Maynila.  Ang mga mabibigat at matalas na salita mula sa Malakanyang ay parang tubig na pangtighaw sa mga taong uhaw sa pag-asa.  Tila nakakita sila ng isang kampiyon sa Malakanyang.

Subalit ito nga ba ang tunay na sitwasyon?

Sa kabilang banda, maaaring tignan na tila batang nagdadabog ang pamahalaan at sinasabing dinaya siya ng kanyang mga kalaro. Hindi naman kasi biro ang pagtatayo, pagpapalago, at pag-aalaga sa isang sistema ng patubig na dati ay higit pa ngang hindi episyente ang pagseserbisyo.  Kung magiging patas tayo sa Maynilad at Manila Water, dapat din isipin natin na malaki na rin naman ang naiambag nila sa paglawak ng lugar na napaglilingkuran sa patubig.

Sa pag-atras naman ng mga distributors na ito sa pagtataas ng singil sa kuryente at sa pagkolekta ng dapat na makukuha sana nilang kabayaran mula sa pamahalaan dahil sa isang kasong kanila namang ipinanalo laban sa kasalukuyang administrasyon, lumalabas na may sapat na kapangyarihan ang Malakanyang upang itakda ang presyo ng tubig. Iyon nga lamang, sa kalaunan, maaring binabansot naman ng desisyong ito ang pag-unlad ng sistema at serbisyo sa tubig sapagkat lumiliit ang kapital na maipupuhunan sa pangangalaga at pagpapalago nito.

Higit pa dito, makaaapekto rin sa tiwala ng mga namumuhunan sa ating bansa ang biglaang pagpapawalang-bisa ng mga kontratang kaugnay ng nasabing usapin, lalo na’t may tila pinapaborang ibang mamumuhunang korporasyon ang nakaupo—ang PrimeWater na hindi rin naman kapuri-puri ang rekord sa mga lugar na siniserbisyuhan nito sa ngayon.

Higit sa lahat, kailangan mailinaw na ang pinakamalalang suliranin sa ngayon ay ang kakulangan ng panggagalingan ng sapat na tubig at hindi lamang ang distribusyon nito.  Dito, walang ibang masisisi ang pamahalaan kundi ang sarili nito. Hindi nito handang tugunan ang suliranin na ito. Lubos na kakailanganin pa rin niya ang kooperasyon ng lahat, maging ng pribadong sektor na sa ngayon ay nagsisilbing tila pamunas lamang ng kanyang dumi.

At, hindi lamang krisis sa tubig ang mayroon ngayon; mayroon rin tayong krisis sa pamamahala.

Manila Water, bukas sa lahat ng paraan para masuplayan ng tubig ang mga kostumer

by

MANILA Water, pinag-aaralan kung paano matugunan ang pangangailangan ng kanilang mga kostumer kabilang dito ang pagkuha ng suplay ng tubig mula sa mga Water District ng Laguna, Cavite at Bulacan.

 

SMNI NEWS

PINAG-aaralan na ngayon ng Manila Water ang mga posibleng paraan na maaari nilang gawin upang matugunan ang pangangailangan ng kanilang mga kostumer.

Kasunod ito ng patuloy na pagbaba ng lebel ng tubig sa Angat Dam kung saan mas mababa na ito ngayon sa 160 meters na critical level.

 

Ayon kay Manila Water Spokesperson Jeric Sevilla, kabilang sa kanilang tinitingnan ngayon ang pagkuha ng suplay ng tubig mula sa mga Water District ng Laguna, Cavite at Bulacan.

“We welcome lahat ng efforts to be able to provide additional supply for Metro Manila,” pahayag ni Sevilla.

Sa isinagawang pagdinig kamakailan ng joint committee sa Kamara hingil sa water shortage ay ipinanukala ng, DENR, Maynilad, Manila Water at Local Water Utilities Administration (LWUA) na magkaroon ng Department of Water na siyang mangangasiwa ng tubig sa bansa.

Pinag-usapan din ang pagdagdag ng dam na posibleng itatayo sa Quezon Province, Pampanga, Nueva Ecija at Bulacan bilang tugon sa water shortage na nararanasan tuwing summer season.

Sa kabila naman ng mga pag-ulang nararanasan sinabi ng Pagasa Weather Bureau na posibleng abutin pa ng isang buwan bago bumalik sa normal ang tubig sa Angat Dam.

Close Bitnami banner
Bitnami