NAPATAY sa airstrike ang senior commander ng Al-Shabab Militant Islamist group sa Somalia.
Ito ang kinumpirma ng mga kamag-anak ng napatay na si Bashir Mohamed Qorgab.
Ang airstrike ay isinagawa ng pinagsanib na puwersa ng US at Somalia laban kay Qorgab.
Una nang nag-alok ng $5-M na reward ang US noong 2008 kung sino ang makakapagturo sa kinaroroonan ni Qorgab.
Si Qorgab ay sinasabing sangkot sa pang-atake sa mga military bases at mga militant attack sa Kenya.
INILABAS na ng selection committee ng Metro Manila Film Festival (MMFF) ang walong official entries na mapapanood sa pinakaunang summer edition ng nasabing festival.
Kabilang dito ang “A Hard Day” na pagbibidahan ni Ding Dong Dantes; “Tagpuan” nina Alfred Vargas, Shaina Magdayao at Iza Calzado; “Love The Way Ü Lie” na kinatatampukan nina Xian Lim at Alex Gonzaga; at “Isa Pang Bahaghari” kung saan tampok sina Philip Salvador at superstar Nora Aunor.
Kasama rin ang “Love or Money” na pinagbibidahan nina Coco Martin at Angelica Panganiban; “Coming Home” kung saan tampok sina Jinggoy Estrada, Martin del Rosario at Edgar Allan Guzman; “Ngayon Kaya” tampok sina Paulo Avelino, Janine Gutierrez at Rio Locsin; at “The Missing” nina Joseph Marco at Ritz Azul.
Ipapalabas ang mga ito sa mga sinehan nationwide simula Abril 11 (Black Saturday) hanggang Abril 21 ngayong taon.
SA kabila ng banta ng coronavirus disease o covid-19 ay itutuloy pa rin ng Japan Sumo Association ang nalalapit na Japanese Sumo Wrestling Tournament.
Ito ang inanunsyo ng Japan Sumo Association sa National TV.
Sa desisyon ng Japan Sumo Association, isasagawa ang naturang tournament ng walang manonood.
Ito ay para matiyak na hindi tumaas ang bilang na covid-19 cases sa naturang bansa.
Sa ngayon, ito na ang ikalawang sports event sa Japan na isasagawa ng walang spectators.
Magsisimula naman ang tournament sa ika-walo ngayong Marso na tatagal hanggang a-22.
SINALUBONG ng magarbong hero’s welcome ng kaniyang mga kababayan si South Korean director Bong Joon-Ho ng Oscar Award Winning Film na Parasite.
Nasa tatlundaang reporters at fans ang naghintay sa internationally acclaimed director pagkalapag pa lamang nito ng Incheon International Airport.
Pinasalamatan ni Bong Joon-Ho ang lahat ng sumalubong sa kaniyang pag-uwi at sa suporta ng mga ito sa pelikula.
Magugunitang gumuhit sa kasaysayan si Bong nang hakutin nito ang major awards sa prestihiyosong Oscars Academy Award kabilang ang best picture.
Ang ‘Parasite’ din ang kauna-unahang foreign language film na nagwagi sa nasabing kategorya sa kasaysayan ng academy award.
DAHIL sa takot sa banta ng 2019 Novel coronavirus, kinansela ng South Korean group na Seventeen ang kanilang world tour concert.
Sa kanilang social media account, inanunsyo ng kanilang agency ang pagkansela sa mga nakatakda nilang concert.
Sa anunsyo ng Pledis Entertainment, sinabi nito na inaalala nila ang kalusugan ng grupo kaya minabuting kanselahin ang world tour sa Pebrero at Marso.
Kabilang sa mga nakansela ang mga show sa Kuala Lumpur, Taipei, Madrid, Paris, London at Berlin.
Tiniyak naman ng grupo agad nilang iaanunsiyo ang mga susunod na concert tour sa kanilang social media page.
NAGSAGAWA ng tribute performance ang Boyband na Boyz II Men at singer na si Alicia Keys sa Grammy 2020 para sa pumanaw na Basketball legend na si Kobe Bryant.
Bilang pagbibigay pugay sa Basketball legend, inawit ng Boyz II Men at ni Alicia ang kantang “It’s so Hard to Say Goodbye”.
Hinandog din ng Popstar na si Lizzo kay Kobe ang opening performance nito para sa Grammys.
Nagkaroon naman ng moment of silence sa loob ng staples center bago opisyal na simulan ang event na pinangunahan ng recording academy CEO na si Harvey Mason Jr.
Isinagawa naman ang 62nd Grammy Awards sa Staples Center kung saan huling naglaro si Kobe para sa Lakers noong 2016 bago ito mag-retire.
