PINAS

Ang Lihim ng Panginoon (Ikapitong Bahagi)

Sonspeak

Recent News:

memorandum of understanding (MOU)

Mas mabilis, reliable na internet target sa 2020

by

CONSUMERS makakaranas ng mas magandang serbisyo sa Disyembre.

 

Ni: Jonnalyn Cortez

MARAMING nagrereklamo sa usad pagong na internet sa Pilipinas. Malayong-malayo sa bilis ng network connection sa ibang bansa. Kaya upang ibsan ang problema, nais ng Department of Information and Communications Technology (DICT) na magtayo ng 50,000 cell site towers upang i-develop ang serbisyo ng mga telecommunication companies sa bansa.

Sinabi ni Acting DICT Secretary Eliseo Rio Jr. na kinakailangan ng $4.5 bilyon na puhunan upang pondohan ang common tower project.

Sa ngayon, meron lamang 18,000 cell towers sa Pilipinas at may pinakamababang density sa buong rehiyon ng Asean na 0.14 kada 1,000 subscribers. Malayong-malayo sa 0.5 kada 1,000 subscribers sa ibang bansa.

Ang pagtatayo ng mga karagdagang towers ang nakikita ng gobyerno na solusyon upang maiayos ang komunikasyon at information service sa bansa pagdating ng 2020.

ACTING DICT Secretary Eliseo Rio Jr. inihayag ang planong pagtatayo ng 50,000 cell site towers sa buong bansa.

 

DICT, telcos magtatayo ng common towers  

Plano ng DICT na makipagtulungan sa mga telcos sa bansa upang mapabilis ang pagpapatayo ng common towers.

Sa isang pahayag, sinabi ni Rio na nais ng departamento na gumawa ng  Memorandum of Understanding (MOU) kasama ang Telecommunications Commission (NTC) at telcos upang itayo ang 50,000 cell site towers sa loob ng pitong taon.

“Telcos will be the end-user of these common towers so we fully need their cooperation to improve our overall telecommunication landscape,” pahayag ni Rio.

DICT, NTC at ang telcos ang mamimili ng mga lugar kungsaan itatayo ang common towers.

Sa unang taon, target na makapagpatayo ng 3,000 towers na madadagdagan hanggang 10,000 sites sa panlima hanggang pampitong taon.

Umaasa ang DICT na mapapatupad ang common tower policy sa loob ng isang buwan matapos mailabas ng telcos ang listahan ng lugar na napiling pagtatayuan ng mga ito.

Mayroon ng napirmahang kasunduan ang DICT sa 15 tower firms para sa pagpapakalat ng towers sa bansa. Kailangan naman ng tower partners na makipagkasundo sa telcos upang itayo ang imprastraktura.

Pipirma naman ng isang memorandum of agreement ang DICT kung saan nakalagay na magbibigay ng tulong ang departamento sa pagkuha ng permits, right of way, at iba pang pwedeng ibigay na suporta ng gobyerno sa pagpapatayo ng towers.

“Our telcos’ infrastructure are still 2G, which means it could only provide ‘talk and text.’ [Subscribers] don’t need much towers for these, and our existing towers can accommodate all the text messages sent by consumers, which is estimated at 1.2 billion per day. But to accommodate more calls, you need more towers,” wika ni Rio.

“We need to put up to connect mobile devices wirelessly to a tower so we can go to the next generation of mobile networks or 5G.”

MAS maaayos na serbisyo ng internet at komunikasyon target sa 2020.

1,000 lugar na pagtatayuan ng mga tower     

Inihayag ni Rio na nakapili na ng 1,000 lugar ang telco players na Globe, Smart, at ang bagong Mislatel consortium, kung saan itatayo ang common tower projects.

Sa ngayon, meron ng 19 na kumpanya ang pumirma ng MOU sa DICT para sa naturang tower projects.

Gayunpaman, inihayag ni Vicente Castelo ng Globe Telecommunication ang kanilang hinaing ukol sa mahabang proseso sa pagpapatayo ng tower.

Kinakailangan ng 25 permits, kabilang rito ang mula sa local government units, upang makakuha ng approval bago makapagpatayo ng isang cell site tower.

Una nang nilinaw ni Nacionalista Party Rep. Luis Raymund Villafuerte ng Camarines Sur ang direktiba ng Palasyo sa DICT na paikliin ang oras ng proseso para sa konstruksyon ng cell sites at iba pang imprastraktura na may kinalaman sa telcos mula sa walong buwan hanggang sa isang linggo na lamang. Magiging isang sensyales din ito na seryoso ang gobyerno na tanggalin ang red tape.

Matapos paikliin ang proseso, ang susunod na gagawin ay bawasan ang kinakailangang bilang ng mga permit.

Dapat din tumugon ang gobyerno sa hiling ng mga telco na gawing standard ang bayad sa pagkuha ng mga permit upang maiwasan ang anumang uri ng korapsyon at pag-usapan ang mga isyu ukol sa pagtatayo ng telecommunication facilities sa loob ng private subdivisions at exclusive villages.

Sinabi ni Rio na ang technical working group ng departamento ay nakikipagpulong na sa Smart, Globe at Mislatel.

“The meeting continues so that in two to three months, we will have a proof of concept involving about one thousand towers, hard to get places, ‘yung mga missionary areas on the spectrum on where the towers are supposed to be,” wika ni Rio.

Ang proof of concept ay ang magpapahintulot sa mga telco na gumawa ng isang pamamaraan kung paano sisimulan ang pagtatag ng common towers sa mahigit 1,000 lugar sa buong bansa.

“… (F)rom the result of this proof of concept they can improve the mechanics of having a common tower in the Philippines moving towards putting up 50,000 towers in seven to 10 years,” paliwanag ni Rio.

Dagdag pa niya, umaasa ang DICT na mauumpisahan ang bidding process para sa common tower providers matapos ma-finalize ang proof of concept.

“Pero bahala na ‘yung telcos (na pumili)… Ayaw namin na gobyerno ang pipili because hindi naman kami ang magbabayad sa common towers, it will be the telcos,” sabi ni Rio.

DICT target makapagtayo ng 50,000 cell site towers sa buong bansa sa loob ng pitong taon upang mapabilis ang serbisyo ng telecommunication companies.

 

Mas magandang serbisyo  

Sinimulan na ng Globe ang pagdadagdag ng cell sites sa bansa. Bago matapos ang taon, humigit-kumulang na 11 na bagong towers ang nakatakdang itayo sa Visayas para sa mas mabilis at maasahang internet connection, 22 naman rito ay itatayo sa Cebu.

Siniguro ni Visayas and Mindanao Globe Telecom external affairs head Patrick Gloria na patuloy na inaayos ng kumpanya ang kanilang network coverage sa mga lugar kung saan mahina ang signal at matatawag na “congested.”

“We are both building and upgrading cell sites in the Visayas,” wika ni Gloria.

Sinabi niya na mas tumaas ang demand ng consumers sa mas maayos na internet connection, lalo na ngayong marami ng gumagamit ng digital media. Ito ang nagtulak sa Globe upang magtayo ng karagdagang cell sites upang makapagbigay ng mas maayos na serbisyo.

“There is a need to build more cell sites to give everyone a better internet experience,” wika nito.

Inamin ni Gloria na mayroong network congestion sa bansa dahil na rin sa pagdami ng populasyon at lumalaking demand sa data usage, lalo na sa Metro Manila.

Noong nakaraang dalawang taon, 2,000 subscribers lamang ang gumagamit ng isang cell site. Ngayon, 4,000 subscribers na ang nakikinabang dito.

“It’s a good problem for us. That is why we are ramping up our network coverage,” pagtatapos ni Gloria.

Pinas at Jordan ang hakbang pasulong

by

Jordan

Ni: Eugene B. Flores

KAAKIBAT ng makasaysayang pagbisita ni Pangulong Rodrigo Duterte at kanyang gabinete sa Jordan ay ang mga kasunduang pinirmahan ng dalawang bansa upang mas mapagtibay ang relasyon sa pagitan nila.

Naunang bumisita ang pangulo sa Israel bago ito lumipad patungong Jordan upang makipagkita kina King Abdullah II, ilang negosyanteng Jordanian at mga kababayang Pilipino doon.

Ito ang kauna-unahan pagkakataon sa kasaysayan na may bumisitang pinuno mula Pilipinas sa dalawang bansang nabanggit matapos ito ng pagtatag ng diplomatikong relasyon sa pagitan ng dalawang bansa at Pilipinas noong 1976.

Ilan sa mga napag-usapan ng dalawang pinuno ay tungkol sa depensa ng Pilipinas sa mga banta ng terorismo, mga oportunidad na magreresulta sa trabaho, at ibang mga kasunduan ukol sa negosyo.

Pagsugpo sa terorismo pagtutulungan 

Aminado ang dalawang bansa na pareho itong binubulabog ng mga extremist na grupo kaya’t naging matinding pagsubok ang pagsugpo sa mga ito lalo na’t patuloy ang paglago ng mga miyembro nito.

“So I think one of the main things that bind us together is the scourge of terrorism which is a challenge for our region and your region, for your country and my country,” sabi ni King Abdullah kay pangulong Duterte sa kanilang pagpupulong.

Aminado rin ang hari ng Jordan na ang problemang ito ay magtatagal ng mahigit isang dekada.

Bagay na sinang-ayunan ng pangulo, “And terrorism is the scourge of mankind today and it will take us about a lot more years to stop it. I really do not know how long. God’s will. But Insha’Allah, I hope that it will – maybe. Not so much for this generation but for the next generation for them to live comfortably,” wika nito.

Bilang tugon sa problemang kinahaharap ng dalawang bansa, sinabi ni Pangulong Duterte, “the arms that would be of great help. If there’s any value, it is of value and the friendship that goes with it.”

Kaugnay nito, nagbigay ang Jordan sa Pilipinas ng dalawang Cobra attack helicopter.

Pinirmahan din nila Department of National Defense Secretary Delfin Lorenzana at Jordan Armed Forces-Arab Army Joint Chiefs of Staff Chairman, Lt. Gen. Mahmoud Freihat ang Memorandum of Understanding (MOU) ukol sa defense cooperation.

Ayon kay Presidential Spokesman Harry Roque, ibibigay ang mga helicopter sa Pilipinas sa Hulyo 2019 matapos ang pagsasanay ng mga pilotong Pilipino.

Dagdag pa nito na magbibigay din ng mga rifle, rocket-propelled grenade, at mortar ang Jordan.

Madaling pagne’negosyo sa Pilipinas 

Inimbitahan ng Pangulo ang mga negosyanteng Jordanian na kasama sa business forum na magtatag ng mga negosyo sa Pilipinas at nangako ito na magiging madali ang mga transaksyon para sa kanilang mga negosyo.

“There is one thing which I would like to guarantee you, maybe you’ve heard some other time of the Philippines being corrupt. Yes, most of them in the past. But I tell you now, I give you my solemn commitment that if you go there, it will be business with ease,” wika ng Pangulo.

Ginarantiya rin niya ang pagbalik ng mga pinuhunan ng mga ito at makaaasahang walang kurapsyon na mangyayari.

Aniya, pinag-iisipan din nito ang pagbubuo ng isang departamento upang tumanggap ng mga aplikasyon mula sa mga banyagang investor upang hindi na kakailanganging kumuha pa ng panibagong permit o clearance ang mga ito.

Binanggit din ng pangulo na kailangan ng bansa ng pera na magmumula mula sa mga investor upang matugunan ang pangangailangan ng lumalaking populasyon sa bansa.

“We have a lot of Filipinos in good numbers and they are here to make a living because things are pretty hard up,” saad pa nito.

Upang mas maengganyo ang mga negosyante, sinabi rin ng pangulo na bukas ang pamahalaan para sa family planning sa bansa na ukol sa kanya ay napipigilan dahil sa mga relihiyosong grupo.

Pinirmahan din nina Department of Trade and Industry Secretary Ramon Lopez at State for Investment Affairs Minister Muhannad Shehadeh ang MOU para rito.

Nasaksihan din ng Pangulo ang pagpirma sa walong letters of intent (LOIs).

Pinirmahan din ang MOU para sa political consultations sa pagitan ng Department of Foreign Affairs (DFA) at Expatriates ng Jordan. Pinangunahan ito nina DFA Secretary Alan Peter Cayetano at  Expatriates Minister Ayman Safadi.

Pinangunahan naman nina Department of Labor and Employment (DOLE) Secretary Silvestre Bello III at Labor Minister Samir Murad sa paglalagda sa The Cooperation Framework for Employment of Domestic Workers at MOU sa Labor Cooperation.

Pinagtibay din ang marine relations ng dalawang bansa matapos pirmahan nina Jordan Maritime Commission Director General Salah Ali Abu Afifeh at Philippine Ambassador to Jordan Akmad Atlah Sakkam ang kasunduan sa pagitan ng Maritime Industry Authority of the Philippines at Jordan Maritime Commission.

Taas noo sa pagka’Pilipino 

Nagbigay naman ng mensahe ang pangulo para sa mga kababayang nasa Jordan sa pamamagitan ni Ambassador Sakkam. “His message is to all Filipinos: Stand up with head erect, look people into the eyes, be a Filipino,” Sakkam said. “That is the message for this visit: To encourage our people to respect themselves and be honorable.”

Mahalaga rin umano ang pagbisita ng Pangulo upang mamulat ang negosyante sa dalawang bansa upang makita ang potensyal ng bawat isa.

Permanent ban ng mga OFW sa Kuwait

by

Pinas News

DINEKLARA  na ni Pangulong Rodrigo Duterte ang permanenteng ban ng pagpapadala ng mga overseas Filipino workers (OFWs) sa Kuwait.

Ito ay matapos ang hidwaan sa diplomatiko kaugnay sa kumakalat na video ng pagligtas ng tauhan ng Philippine embassy sa mga Pilipinong manggagawa  mula sa kanilang mapang-abusong employers.

Nagbunsod ito upang patalsikin ng Kuwaiti government si Philippine Ambassador to Kuwait Pedro Villa dahil isa raw itong pang-iinsulto sa sovereignty ng kanilang bansa.

Wala nang makikita pang dahilan ang pangulo upang ipagpapatuloy ang nakatakda na sanang paglagda sa memorandum of understanding (MOU) sa pagitan ng dalawang bansa para sa kapakanan at kaligtasan ng maraming mga Pilipinong manggagawa sa Middle Eastern country.

Hindi naman nagtanim ng sama ng loob ang pangulo sa bansang Kuwait dahil malaki na rin naman ang naitulong ng bansa upang maiahon sa hirap ang maraming mga Pilipino bagkus ay nagpapasalamat pa siya sa naging  tulong nito sa kanyang mga mamamayan.

Nais lamang ng pangulo na umuwi na ang mga Pilipinong nanatiling nagtatrabaho sa kanilang bansa lalo na ang mga household worker na bumuo sa 60% sa 260,000 bilang ng mga OFWs sa Kuwait.

Dahil karamihan sa mga biktima ng pang-aabuso ay mula sa mga nanunungkulan bilang household worker sa bansa.

Ano na lamang ang ma-ging kahihinatnan kung obligadong umuwi na sa bansa ang lahat ng mga Pilipinong  kasalukuyang  nanunungkulan doon?

Malaking sakripisyo ito ng bansa lalo na sa ekonomiya at mismo ng mga OFWs na uuwi sa bansa at haharap sa kawalang tiyak na may trabahong naghihintay sa kanila sa Pilipinas.

Kahit man na pinahayag ng pangulo na marami nang naghihintay na trabaho sa bansa ngunit hindi ito sapat para sa daan-daang libong mga manggagawa na uuwi.

Kung sakali mang mawala na sa listahan bilang destinasyon ng mga OFWs ang bansang Kuwait ay may natatanaw namang maaaring alternatibong patunguhan ng mga manggagawa.

Naroroon ang bansang China na naghahanap ng 100,000 English teacher, ang bansang Japan na nangangailangan din ng Household worker sa lumiliit na populasyon nito, at plano ring gawing alternatibong bansa ang Russia para sa mga OFW.

Mas maigi pa sigurong harapin na lamang ang mga sakripisyong mahaharap sa pagpapauwi ng mga Pilipino mula sa Kuwait kaysa may mangyayari na namang mamatay dahil sa pang-aabuso ng amo sa Kuwait.

Sa hindi kalaunan ang mga alternatibong bansang ito ay magiging destinasyon na ng mga manggagawang Pilipinong nais mangibang bansa na mas ligtas para sa mga Pilipino kaysa nakakatakot na mga mapang-abusong mga amo sa bansang Kuwait.

Ika nga kung may isang pinto mang isinara ay may ibang mga pinto naman ang bubukas.

OFW deployment ban sa Kuwait: Matatapos na ba?

by

Ni: Quincy Joel V. Cahilig

NAKATAKDANG lagdaan ng Pilipinas at Kuwait ang memorandum of understanding (MOU) sa Abril, kung saan nakasaad ang mga probisyon na nagbibigay proteksyon sa mga Overseas Filipino Workers (OFW) mula sa sari-saring pang-aabuso sa kanilang pagtatrabaho sa naturang Gulf State.

Nakasaad sa naturang kasunduan, na bunga ng pagpupulong ng mga opisyal ng dalawang bansa sa Maynila kamakailan, ang mga sumusunod:  Ang pagbabawal sa mga Kuwaiti employer na kunin ang pasaporte ng empleyadong OFW; pagkakaroon ng sariling bank account ng OFW upang mamonitor ng gobyerno kung tama ang pagpapasahod ng employer; ang pagkakaroon ng Standard Employment Contract sa pagitan ng OFW at kaniyang amo; probisyon sa pagbibigay ng wastong pagkain, bahay, pananamit, at health insurance; pagbabawal sa mga employer na kumpiskahin ang cellphone at ibang communication gadgets ng OFW; at ang pagbabawal sa mga employers na ipasa sa ibang amo ang mga OFW nang walang pahintulot.

Kabilang din sa MOU ang pagsiguro na hindi bababa sa USD 400 o nasa PHP 20,000 ang sweldong tatanggapin ng OFW mula sa kanyang amo kada buwan.

Ang final draft ng MOU ay nasa mga kamay na ni Pa-ngulong Rodrigo R. Duterte. Inaalam na lamang kung sa aling bansa pipirmahan ang kasunduan sa unang linggo ng Abril, ayon sa Department of Labor and Employment (DOLE).

Napipinto na kaya ang wakas ng total deployment ban?

Matatandaang nagpatupad ng total deployment ban ng OFW sa Kuwait ang Department of Labor and Employment, ayon sa utos ni Pangulong Duterte, matapos ang pagkakadiskubre sa bangkay ng Filipina household worker na si Joanna Demafelis na nakasilid sa freezer sa loob ng isang abandonadong apartment sa naturang Gulf State nitong Pebrero.

Bukod pa sa kaso ni Demafelis, maraming sumbong ng pangaabuso sa mga OFWs sa nasabing bansa ang natanggap ng Overseas Wor-kers Welfare Administration, na nagtulak sa iba’t-ibang sangay ng gobyerno ng Pilipinas na suportahan ang natu-rang hakbangin ng Pangulo.

Ngunit daan-daang mga manggagawang Pinoy na nakatakda na sanang lumipad at magtrabaho sa Kuwait ang naapektuhan ang kabuhayan ng deployment ban. Nananawagan ang mga ito na pahintulutan na silang makapagtrabaho sa nasabing bansa upang matustusan ang pangangailangan ng kanilang mga pamilya at mabawi ang mga ginastos sa pagproseso ng kanilang mga papeles.

Bago ipatupad ang ban, isa ang Kuwait sa mga pa-ngunahing bansang pinupuntahan ng mga OFWs. Base sa datos, nasa 240,000 na mga Pinoy ang nagtatrabaho dito.  Umabot naman sa USD 735 milyon o katumbas ng PHP 37.5 milyon ang halaga ng OFW remittances mula Enero hanggang Nobyembre 2017.

Paglilinaw ni DOLE Se-cretary Silvestre Bello III, kahit mapirmahan ng Pilipinas at Kuwait ang MOU ay hindi nangangahulugang tatanggalin na ng gobyerno ang total deployment ban. Aniya, baka ang mga skilled workers muna ang pahihintulutang makapagtrabaho sa nasabing Gulf State.

“If there will be a signing, this is one step towards the possible lifting [of the deployment ban], pero I also made a statement [na] if there will be a lifting, it will only be for a moment a lifting of the ban with respect with the skilled workers,” wika ni Bello.

Dagdag ng kalihim na ang pagtatanggal ng deployment ban ay nakadepende rin sa takbo ng kaso ni Demafelis dahil nais umano ni Pangulong Duterte na makuha ang hustisya para sa pinaslang na 29-anyos na household service worker na tubong Iloilo.

Sa kanyang talumpati sa graduation exercises ng Philippine National Police Academy Maragtas Class of 2018, inilahad ng Pangulo ang kaniyang mga kundisyon para alisin ang total deployment ban sa Kuwait, na dapat aniya ay nakasaad sa MOU bago niya ito pirmahan.

“I demanded that it will be a contract of government-to- government and that there will be some mandatory provisions like they [domestic helpers] should be allowed to sleep for 7 hours a day, fed nutritious food. We will not allow leftovers to be eaten by our countrymen,” wika ni Pangulong Duterte.

Sinabi din ng Pangulo na pagbabawalan niya ang pagkukumpiska sa mga pasaporte ng OFWs at dapat ay pinahihintulutan sila na makapag-holiday.

 “I have said that we are not slaves. Maybe our only fault is that we are poor,” wika ni Pangulong Duterte.

Senado: Deployment ban, dapat palawakin

Kung tatanungin ang mga senador, ang OFW deployment ban ay hindi lang dapat ipataw sa Kuwait kundi ma-ging sa mga bansa na alipin ang pagtingin sa mga Pilipinong manggagawa.

Kamakailan ay inihain sa Senado ang Senate Resolution 676, na orihinal na akda nina Sen. Manny Pacquiao at Sen. Sonny Trillanes, na nagrerekomendang ipagbawal ang pagpapadala ng mga Filipino household workers sa mga bansang walang paggalang sa kanilang mga karapatan na nagpapahintulot sa mga employers ang  pagkuha at pagtago ng mahahalagang papeles at cellphone, gayon din ang pagbebenta sa mga OFWs na parang mga alipin.

Ang nasabing resolusyon ay inisponsoran ni Senate President Aquilino Pimentel III at sinoportahan ng lahat ng miyembro ng Mataas na Kapulungan.

“However, we can—and we should—limit the places where they seek employment in to only those countries that provide Filipino workers the same rights and protections given to nationals of that country,” wika ni Pimintel sa kanyang talumpati.

Dagdag pa niya, mara-ming Pilipino ang na-ngingibang bansa upang makapaghanap ng trabahong makapagbibigay sa kanila ng malaking sweldo para matugunan ang pa-ngangailangan ng kanilang pamilya. At hangga’t hindi sapat ang oportunidad ng trabaho sa bansa, asahan na magpapatuloy ang pag-lipad ng mga manggagawang Pinoy sa abroad—sa kabila ng mga kinakaharap na panganib at kalumba-yan—para lang makaahon sa kahirapan.

Dahil dito, nararapat lamang aniyang bigyang proteksyon ng gobyerno ang mga OFWs.

“Let us put an end to the practice of allowing our citizens to fall into the hands of cruel people who make no distinction between slaves and staff. The Filipino is not a slave,” pagtatapos ni Pimentel.

Kasunduan sa pagitan ng Pilipinas at Kuwaiti government, isinasapinal na

by

Pinas News

Pagitan ng Pilipinas at Kuwaiti government, isinasapinal na ng gobyerno ang final draft ng kasunduan sa pagitan ng Pilipinas at Kuwait para sa proteksyon ng mga OFW.

Ginawa ni Pangulong Rodrigo Duterte ang anunsyo sa kanyang talumpati sa graduation ng Philippine National Police Academy (PNPA) Maragtas Class of 2018 sa Silang, Cavite.

Ayon sa pangulo, dinagdagan pa niya ang laman ng lalagdaang memorandum of understanding (MOU).

Kabilang dito ang pagkakaroon pitong oras na tulog ng mga OFW, pagbibigay ng masustansyang pagkain, hindi pagkumpiska sa mga pasaporte at pagkakaroon ng holidays.

Humingi rin ang pangulo ng government to government contract sa Kuwait.

Close Bitnami banner
Bitnami