PINAS

Ang Lihim ng Panginoon (Ikapitong Bahagi)

Sonspeak

Recent News:

Metro Manila

Pinas, kaisa sa Coastal Cleanup Day

by

Ang mga manggagawa ay naghihiwalay ng PET plastic para i-recycle sa pasilidad ng PetStar na pinondohan ng Coca-Cola Mexico at ng pitong regional bottling partners bilang world’s largest food-grade bottle-to-bottle PET plastic recycling plant.

 

Ni: Noli C. Liwanag

NGAYONG Setyembre ay buwan ng pagdiriwang sa buong mundo ang 2018 International Coastal Cleanup Day.

Ipinagdiriwang ang 33rd International Coastal Cleanup Day sa Sabado ng umaga, Setyembre 15 na may temang “Building a Clean Swell for Future Generations.”

Inilaan ang araw na ito upang linisin ang mga basura sa mga baybaying-dagat sa buong mundo, kabilang na ang mga lawa at ilog. Ito ay bilang pagpapaalala sa mga mamamayan na pangalagaan ang  mga baybayin at yamang-dagat.

Mahalaga na ating pangalagaan at pagyamanin ang mga karagatan dahil isa ito sa pangunahing pinagkukunan natin ng pagkain. Maliban dito, mahalaga rin ang karagatan sa paglikha ng oxygen at tahanan ito ng humigit-kumulang sa 97 porsiyento ng mga yamang-dagat at mga organismo na napakahalaga sa ating ecosystem.

Subalit, nagpapakita ito na hindi sapat ang kaalaman ng mga tao na ang mga baybayin ay hindi basurahan.

 

SA nakarang 32nd International Coastal Cleanup day na may temang “Together for our Ocean”, naging “ICC Host Town” ang bayan ng San Narciso, sa lalawigan ng Zambales, upang pangunahan ang paglilinis sa dalampasigan.

20-M BASURA NALINIS

UMABOT sa 800,000 volunteers sa buong mundo ang nagkaisa upang matanggal ang mahigit 20 milyong piraso ng basura noong 2017 International Coastal Cleanup.

“Nearly 800,000 volunteers in 107 countries came together and removed more than 20 million pieces of trash from beaches and waterways. That’s 20 million fewer potential impacts on birds, whales, turtles and other marine wildlife. We picked up 9,285,600 kilograms of trash over 30,472 kilometers of coastlines, rivers and underwater areas,” ayon sa Ocean Conservancy’s 2018 International Coastal Cleanup Report na inilibas noong Hunyo.

SA 32nd International Coastal Cleanup Day na may temang “Together for our Ocean” noong September 16, 2017, malaki ang naiambag ng Pilipinas sa pagkolekta ng basura kung saan umabot sa 216,244 Filipinos ang namulot ng mahigit 400,000 pieces ng basura sa mahigit 1,105 kilometers na beaches at waterways.

Ang mga nakuhang items ay tumimbang ng 227,000 kilograms o katumbas ng 151 average cars.

Ang paglilinis ay pinangasiwaan ng ICC Philippines at Philippine Coast Guard Auxiliary bilang national coordinators ng cleanup sa pakikisa sa mga institutional partners na ahensiya ng gobyerno tulad ng Department of the Interior and Local Government (DILG), Department of Education (DepEd), Department of Environment and Natural Resources (DENR), Department of Transportation (DOTr), Department of Public Works and Highways (DPWH) at Department of Tourism (DOT).

METRO MANILA, KARATIG LALAWIGAN NILINIS 

PINAALALAHANAN ng mga health officials ang publiko sa panganib ng paglusong sa baha dahil sa sakit na leptospirosis na maaaring makuha sa ihi ng daga at mikrobyo mula sa maruming tubig baha.

Subalit ang tunay na problema sa Metro Manila ay ang basura at ang dumi sa mga imburnal na dumadaloy hindi lamang sa panahon ng malakas na pag-ulan kundi sa buong taon sa pamamagitan ng maraming daluyan ng tubig na dumidiretso sa ilog Pasig at papunta sa Manila Bay.

Matatandaang naglabas ng desisyon ang Korte Suprema noong 2008 na nag-uutos sa 13 ahensiya ng pamahalaan, sa pangunguna ng DENR, “to clean up, rehabilitate and preserve Manila Bay.”

Binigyan ng korte ng kanya-kanyang tungkulin ang 13 ahensiya. Kasama rito ang DILG na inutusang makipagtulungan sa mga lokal na pamahalaan na malapit sa Manila Bay—mula Bataan, Pampanga, Bulacan, hanggang Metro Manila at Cavite—para ihinto ang pagtatambak ng basura at mga dumi ng mga pabrika sa mga sapa at ilog na dumadaloy sa Ilog Pasig at iba pang mga ilog papunta sa Manila Bay.

Nagsimula na ang tag-ulan sa bansa at ang mga sapa at makikipot na kalsada sa mga lugar ng iskuwater ay lubos na maapektuhan ng pagbaha saan mang bahagi ng Metro Manila.

Ang mahalaga, panahon na para sa pagbuo ng isang komprehensibong plano para linisin ang Manila Bay. Sampung taon na ang nakalipas mula nang ilabas ng Korte Suprema ang desisyon at ang kautusan nito ngunit tila walang nangyayari tungkol dito.

MANILA BAY CLEANUP NG COK

UMABOT sa 7,000 miyembro ng Youth for United World, global organization na produkto ng matagumpay na Focolare Movement sa Italy noong 1943, ang nagkaisa at nagsagawa ng programa para labanan ang lumalalang polusyon.

Nakiisa ang Coca-Cola Philippines sa layuning ng naturang youth-riented organization.
“The youth of today are the future stewards of the planet, and it is a great opportunity to be partnering with them in sharing our vision of a more sustainable world. We hope that through partnerships like these, Coca-Cola becomes an ally of the youth as we contribute in finding better solutions to the various concerns of the communities and the environment,” sabi ni Samantha Sanchez, Coca-Cola Philippines public affairs and communications manager.

Ang kahabaan ng Cavite-Laguna Expressway ay ilan lamang sa nalalabing wildlife reserves sa Metro Manila. Kilala bilang Las Piñas-Paranaque Critical Habitat and Ecotourism Area (LPPCHEA), ang naturang lugar ay planong ayusin at alagaan upang maging permanenteng wildlife sanctuary at mangrove forest.

Bukod dito, inilunsad ng Coca-Cola Company ang World Without Waste program na naglalayong malinang ang kaisipan ng mamamayan sa buong mundo hinggil sa problema ng walang tigil na pagtatapon ng basura sa karagatan, Ilog at mga estero.

Kaya, nagtakda ang kumpanya ng softdrink ng layuning maidisenyo ang packaging lifecycle ng botelya at lata upang makatulong sa pagkolekta at pag-recycle ng bote at softdrinks can.

BOC, nalusutan pa rin?

by

Pinas News

NAPAKALAKING katanungan kung bakit sa kabila ng kampanya laban sa korupsyon ng administrasyong Duterte ay nakakalusot pa rin ang mga gawain ng masasamang elemento sa bansa.

Magkasamang nakikibaka ang Philippine National Police (PNP), Philippine Drug Enforcement Agency (PDEA) at ang Bureau of Customs (BOC) laban sa iligal na droga upang hindi makapasok sa bansa ngunit bakit nakalusot pa rin ang malaking halagang ito sa mga kamay ng mga otoridad?

Kagaya na lamang sa nakaraang linggo nadiskubre na may nakalusot na shipment ng iligal na droga na nagkahalaga ng P7 bilyon matapos na madiskubre ang apat na magnetic lifting equipment na naglalaman ng naturang droga sa labas ng isang warehouse sa loob ng CRS Subdivision sa Barangay F. Reyes, General Mariano Alvarez, Cavite.

Sa kasamaang palad ay wala ng laman ang mga naturang magnetic lifters at siguradong naikalat na ang mga laman nito sa mga lansangan sa Metro Manila at sa ibang lugar sa bansa.

Itong mga lifters ay kapareho sa naunang dalawang magnetic lifters na ipinakita sa Manila International Container Terminal na naglalaman ng 500 kilo na nagkahalaga ng P4.3 bilyon na shabu ilang araw lamang ang nakararaan.

Tinatayang nasa 1,000 kilo ang nakalusot na iligal na droga na may halagang halos P7 bilyon.

Hindi maaaring makalusot ang ganitong kalaking halaga ng iligal na droga kung walang tiwaling mga tauhan sa loob ng BOC kaya siguradong may tumulong sa international drug syndicate upang mailusot ang iligal na kontrabando.

Masyado nang mapamaraan ang mga international drug syndicate sa paglusot ng iligal na droga sa bansa dahil nagawa pa nilang malusutan ang mga otoridad sa kabila ng maigting na kampanya laban dito at mas lalo silang matapang ngayon. Bakit kaya? Dahil nga ba may mga kaugnay silang mga matataas na tao at may posisyon sa lipunan?

Sa mga unang impormasyon, nabatid na mula sa Golden Triangle syndicate mula sa Taiwan ang mga droga. Labing siyam katao ang tinitingnan ng anti-drug agency na mga person of interest sa drug shipments kabilang ang labing-isang Chinese nationals.

Nakalulungkot na lamang isipin na ang isang toneladang shabu ay kumakalat na sa mga lansangan ngayon. Marami na naman ang magtatamasa nito na mga durugista na siyang may malaking bahagi ng krimen sa bansa.

Sana ay tuluyan nang masugpu ang katiwalian at mga walang kaluluwang opisyal sa pamahalaan na walang ibang hinahangad kundi ang kanilang sariling interes kahit hindi kaila sa kanila na malaking kasamaan ang maidudulot ng kanilang mga masamang gawain sa bansa.

Tipid Stores para sa Tipid Budget

by

Ni: Crysalie Ann Montalbo

SA kasalukuyang panahon, hindi pa rin biro ang pang araw-araw na gastusin kaya nais nating makapagtipid ngunit hindi rin naman nating hahayaang  malimitahan tayo sa mga bagay na gusto nating mabili at makuha.

Dito sa ating bansa, one-third ng kabuuang populasyon ay mga milenyal.  At   alam  ng  nakararami,  sila ang pinakamalaking target ng maraming kumpanya    pagdating sa pagbebenta ng kanilang mga produkto. Nagbubukas ito ng maraming pagkakataon sa mga kumpanya na magtayo ng mga tindahan na kukumbinsi sa puso ng bawat milenyal.

Likas na sa ating mga Pinoy na maghanap ng mga budget-friendly store na makakatugon sa ating mga pangangailangan araw-araw. Nagiging numero-uno rin at tila dagdag puntos nga ang atraksyon na nagsisilbing estratehiya upang mas mahikayat pa ang mga mamimili na puntahan ito.

Kaya kung ito ang uri ng tindahang hinahanap mo, maaari kang magtungo sa mga tinadahan na siguradong papatok sa’yo, sa’yong pamilya, kasintahan at pati sa mga magkakaibigan.

Ating silipin ang dalawa sa mga tindahan na tumutugon sa iyong hinahangad na sulit na pamimili.

 

ANG Miniso ay isa mga kilalang mall store na dinarayo ng mga milenyal ngayon. 

 

MINISO Japan Store

Itinatag ang MINISO noong 2013 ng Chinese entrepreneur na si Ye Guofu at Japanese designer Miyaki Junya. Sa loob ng maikling oras ay binuksan ang mahigit 1,800 stores sa 40 na bansa. Ayon kay Ye, ang MINISO ay isang negosyong may brick-and-mortar na modelo na itinayo kasama ang e-commerce. Sa tulong ng mabuting pagsusuri sa kanilang mga kostumer at  kakaibang atraksyon, nagawa nila itong maging kakaiba kumpara sa mga online store, ang magbigay ng magandang karanasan.

“Moreover, as a consumer myself, I deeply understand that consumers all desire a combination of high quality and low price, instead of low price and poor quality. And after going around Europe, America, Japan and South Korea and learning from their retailing expertise, we established MINISO,” sabi ni Ye sa isang panayam.

Malaking bahagi sa pagtatayo ng MINISO ang kanilang tema ng minimalism o ang pagiging simple, hindi gaanong magarbo, na mabilis tinanggap ng mga konsyumer. At ito rin ang nagpapatunay na hinahabol ng mga mamimili ang simpleng istilo ngunit magandang kalidad na aayon sa kanilang pananaw.

Nakapagpatayo na rin ng mahigit 20 stores ang MINISO dito sa Pilipinas. Sa loob ng MINISO ay may mga produkto na siguradong hahanap-hanapin ng mga mamimili lalo na sa mga naghahangad ng simple ngunit fashionable na kagamitan. Mayroon ditong mga health and beauty products, digital accessories, school and office supplies, mga panregalo at marami pang iba.

Bukod sa pagiging simple, layunin rin ng MINISO na magtamo ng mataas na kalidad ng produkto na hindi hinahayaan malagay sa alanganin ang proteksyon ng ating kapaligiran. Inilalaan din ang ligtas na materyales na ginagamit sa pagbuo ng mga produkto.

 

Ang DAISO JAPAN  ay kilala rin bilang  isang “Japanese dollar store.”

 

 Daiso japan store

Ang Daiso ay itinayo noong 1972 sa pangunguna ni Hirotake Yano. Una itong pinangalanan bilang Yano Shoten subalit sa ‘di kalaunan ay naging isang corporate company at tinawag itong Daiso noong 1977.

Dulot ng kanilang magandang konsepto na 100 yen store, nabigyan sila ng pansin nang inilabas ito noong Abril 1991.

Sa kanilang misyong “Find Surprises & Fun!” ay talagang binabalik-balikan ng maraming kostumer ang tinaguriang Japanese dollar store. Bukod sa napaka-cute na disenyo ng kanilang mga produkto ay talaga nga namang mura pa at pasok na pasok sa iyong budget. Mabibili ang kanilang produkto simula sa halagang P88.

Tulad ng Miniso, ang Daiso ay nagbebenta rin ng produkto na may kinalaman sa health and beauty, mga kagamitang pang opisina at eskuwelahan, mga budget-friendly na panregalo para sa magulang, kapatid, kaibigan o kasintahan.

Sa ngayon ay may mahigit na 4,000 stores na ang Daiso sa buong mundo kabilang na rito ang Pilipinas.

 

DITO sa Japan Home Center, makikita mo ang kanilang kakaibang istilo sa mala-Pinoy na produkto.

 

Japan Home Center

Nagsimula ang lahat noong 2004. Mula sa pagiging isang seksyon lamang ng nangungunang hardware chain store dito sa Pilipinas, bago matapos ang taon, ang Japan Home Center ay nagbukas ng sarili nilang tindahan sa Market Market, Bonifacio Global City na mainit na sinalubong ng publiko. At matapos ang isang taon ay nagbukas ang nasa 15 branches sa Metro Manila. Sa ngayon ay tuloy-tuloy pa rin ang paglawak ng JHC sa buong bansa.

Ang prinsipyong “costumer first”  ay isang kaugalian na makikita rin sa mga empleyado ng Japan Home Center.

 

Sa kanilang prinsipyong “Costumer First,” ang Japanese Home Center ay may pareho ring layunin tulad ng iba pang budget-friendly stores, ang makapagbigay ng magandang serbisyo sa pamamagitan ng kanilang mataas na kalidad, mababang presyo at ang pagkaengganyo ng kanilang mga mamimili. Ipinagmamalaki nila ang kanilang slogan na “Check Us First.”

Kakaiba ang estratehiya ng Japan Home Center. Ito ay isang Japanese na tindahan ngunit ang kanilang produkto ay mala-Pinoy ang istilo. Tulad ng Daiso, nagsisimula ang presyo ng kanilang produkto sa halagang P88.

Hindi lang milenyal ang pwedeng mamili dito. Maaari mo ring yayain ang iyong nanay o tatay dahil may mabibili ring kasangkapan na kakailanganin sa iyong bahay.

Gabay sa mga Nais Mag-negosyo

Ang pagiging budget-friendly ng Pinoy ay hindi naging sagabal sa mga kumpanyang naghahangad ng maunlad na pagkakakitaan. Bagkus, ito ay nagsisilbing susi sa kanila upang mas maging malikhain pagdating sa pagpaplano o pagtatayo ng negosyo.

Pagiging Handa sa Bagyo: Mabisang Paraan ng Pagiging Matatag

by

Pinas News

NITONG nakaraang linggo lamang ay naranasan sa iba’t  ibang parte ng Luzon tulad ng Bulacan, Bataan, Pampanga, Laguna, Cavite , Batangas kasama na ang Metro Manila, ang mga pagbaha dulot ng magkasunod na bagyong “Maria” at “Henry”.

Bagama’t ang mga nasabing bagyo ay hindi tuluyang tumama sa lupa o nag landfall, naranasan pa rin ng ating mga kababayan ang malakas na pagbuhos ng ulan na tumagal ng mahabang oras kasabay pa nito ang high tide na lalo pang dumagdag sa matinding pagbaha sa ka-Maynilaan at iba pang karatig pook.

Maraming paaralan ang nagdeklara na walang pasok ganun na rin ang ilang opisina at ahensya ng pamahalaan at ilang pribadong kompanya. Ilan sa ating mga kababayan ay kinailangang ilikas at ilipat sa evacuation centers para masagip ang kanilang buhay sa banta ng lumalaking tubig sanhi ng walang tigil na pag-ulan at pag-apaw ng ilog sa ilang bayan at lalawigan.

Ang mga pangyayaring ito ay hindi na bago sa karanasan ng mga Pilipino. Ito ay maliit na pagsubok lamang kung ito ay ating ihahaham-bing sa sakunang idinulot ng bagyong “Yolanda,” “Ondoy” at “Pablo” kung saan mara-ming buhay ang nawala, mga ari-arian ang nawasak at mga pananim na nasira.

Ngunit ang mahalagang tanong ay: Maiiwasan ba natin ang pagdating ng mga bagyo sa ating bansa? Marahil ay hindi dahil ang mga bagyo ay isang bagay na hindi natin kayang kontrolin dahil ito’y kalikasan na nakabatay sa pisikal, topograpikal at heograpikal na mga kadahilanan. Bagama’t puwedeng ma-forecast, matiyagan at sundan ng Philippine Atmospheric, Geophysical, and Astronomical, Services Administration (PAGASA) kung gaano ito kabilis, kalakas at kalaki, wala silang kakayahan na pigilin o palihisin ang bagyo sa kadahilanang ang Pilipinas ay isang arkipelago o isang kapuluan na na napaligiran ng West Philippine Sea at Pacific Ocean kung saan ang bagyo ay namumuo at kumikilos.

Ayon kay Greg Bankoff (2003) sa kanyang librong  “Cultures of Disaster: Society and Natural Hazard in the Philippines”, bahagi na ng buhay ng mga Pilipino ang mga kalamidad tulad ng bagyo, lindol at pagputok ng bulkan.

Subalit ang mas mahala-gang tanong ay kaya ba nating paghandaan ang pagdating ng mga bagyo? Ang malinaw na sagot ay oo. Dahil ang paghahanda ay isang bagay na nasa ating pagiisip, pakiramdam at pagkilos na tayo ay may kontrol at pagpapasya. Dito pumapasok ang pagbabago tungo sa isang pamumuhay na matatag o ang sinasabing culture of resilience.

Naputanayan na nating mga Pilipino na kaya nating buma­ngon sa ano mang uri ng pagsubok o kalamidad na dumaan sa ating buhay at bahagi ng kakayahang ito ang pagiging handa (disaster preparedness). Kaya’t hindi nating kaila­nganang baliwalain ang mga disaster drills, workshops at trainings ng mga ahensya ng gobyerno tulad ng National Disaster Risk Reduction and Management Council (NDRRMC), ganun na rin ng mga paaralan at kompanya upang masigurong tayo’y la-ging handa at ligtas sa banta ng sakuna.

Lagi nating tandaan ang mga paghahanda at pagsasanay na ito ang magiging susi sa ating kaligtasan, kasiguruhan at katatagan.

Ang kaso ng Leptospirosis at ang pag-puksa rito

by

 

Secretary Duque bumisita sa mga biktima ng leptospirosis

 

Ni: Jonnalyn Cortez

Patuloy na tumataas ang bilang ng may leptospirosis o yung sakit na nakukuha sa ihi ng daga dahil na rin sa sunud-sunod na pag-ulan at malawakang pagbaha. Kamakailan lang, nagdeklara na ng leptospirosis outbreak ang Department of Health (DOH) sa ilang lugar sa Metro Manila.

Ayon sa isang sistematikong pagsusuri na inilathala sa “Epidemiology and Infection” noong 2012, isa ang leptospirosis sa pinaka-karaniwang sakit na nakukuha kaugnay sa panahon. At dahil nagsimula na nga ang panahon ng tag-ulan, mas mataas ang tyansang marami ang mabiktima nito.

Ano nga ba ang leptospirosis?

Ayon sa World Health Organization (WHO), ang  leptospirosis ay isang uri ng bacterial infection na nagmumula sa ihi ng daga. Apektado ng sakit na ito ang buong mundo, ngunit mas laganap ito sa rehiyong may tropikal at subtropikong klima. Maging ang mga hayop ay maaaring magkaroon ng ganitong uri ng sakit.

Dahil na rin sa mga naninirahang daga sa ating kapaligiran, malaki ang banta ng pagkakaroon ng leptospirosis kapag nagbaha. Sa oras na lumusob sa baha ang isang tao na may bukas na sugat o galos sa balat at magkaroon ng direktang kontak sa kontaminadong tubig, maaari itong madapuan ng ganitong uri ng sakit.

Maaari rin itong makuha mula sa ihi ng hayop na may kaparehong sakit na magkakaroon ng kontak sa mucous membranes ng mata, ilong, at bibig. Bukod sa baha, nakukuha rin ang leptospirosis sa lupang kontaminado ng ganitong karamdaman.

Mga palatandaan at sintomas

Makikita ang mga palatandaan at sintomas ng leptospirosis sa loob ng lima hanggang 14 na araw pagkatapos makakuha ang biktima ng ganitong uri ng impeksyon. Maaari ring lumabas ang mga senyales sa loob ng dalawa hanggang 30 araw.

Ilan sa mga sintomas nito ay mataas na lagnat, pananakit ng kalamnan, sakit ng ulo, namumulang mata, panginginig, pagsusuka, pagtatae, at pamamantal. Kadalasang na naihahalintulad ang mga sintomas ng leptospirosis sa ibang mga pangkaraniwang sakit tuwing tag-ulan tulad ng dengue, typhoid, at viral hepatitis.

Ayon naman sa Center for Disease Control and Prevention, maaaring mabilis na magkaroon agad ng leptospirosis pagkatapos lamang magkaroong ng kontak sa sakit na ito. Maaari ring makaramdam ng ilang sintomas ng sabay sabay.

Bunsod nito, mahalagang maagang makita at magamot ang karamdaman na ito upang maiwasan ang mala-lang komplikasyon. Sa katunayan, matapos ang unang antas ng hindi nagamot na karamdaman, lalabas uli ang mga ganitong uri ng sintomas, ngunit mas malala at maaaring nakamamatay.

Ilan nga sa mga palatandaang malala na ang sakit ay ang paninilaw ng kulay ng balat at mata dahil na rin sa kidney failure, makutim na kulay ng ihi, mapusyaw na kulay ng dumi, madalang na pag-ihi, matinding sakit ng ulo, liver failure, at meningitis.

Dahil dito, pinapayuhang magpatingin agad sa doktor ang sinomang makakaranas ng ganitong mga uri ng sintomas. Sinabi rin ng WHO na pinakaepektibo ang pagpuksa sa sakit na ito kapag nagamot nang maaga.

Pag-iwas sa ganitong uring sakit

Lubhang mapanganib na magkaroon ng leptospirosis ang mga taong nagtatrabaho sa sakahan, tindahan ng mga hayop, mga pagawaan ng karne, mga manggagawa sa agrikultura, at syempre pa, ang mga sumuong sa baha.

Upang maiwasan ang ganitong uri ng sakit, pinapayo ng WHO at DOH na iwasang sumuong sa baha o magsuot ng bota, guwantes, at mask kung kinakailangan talagang lumusob dito. Siguraduhin ding maghugas o maligo pagkatapos lumusob sa tubig baha. Hugasan at linisin ding mabuti ang mga sugat lalo na sa paa at hita.

Panatilihin ding malinis ang kapaligiran at gumamit ng bitag at lason para sa daga upang mapuksa ang mga ito. Uminom lamang ng malinis na tubig at gumamit ng iba pang uri ng transportasyon upang maiwasan ang pagsuong sa baha.

 

Pag-iwas sa self-medication

Matinding pinaaalalahanan naman ni Health Secretary Francisco Duque III ang mga Pilipino na iwasang mag self-medicate kapag nakaramdam na ng mga sintomas ng leptospirosis. Ito ang kanyang sinabi sa kanyang pagbisita sa mga pasyente na may ganitong uri ng sakit sa East Avenue Medical Center (EAMC) sa Quezon City.

“Let us not self medicate because we are talking about a prescription antibiotic here,” anito. Dagdag pa niya, kinakailangan pa umanong suriin ng mga doktor kung kinakailangan uminom ng antibyotiko upang gamutin ang mga pasyenteng may ganitong inpeksyon.

Ginagamot ang leptospirosis sa pamamgitan ng pag-inom ng antibyotiko na kailangang maibigay sa unang sintomas pa lamang ng sakit, ayon sa WHO. Kinakailangan naman nang mas matinding gamutan ang mga may malubhang kaso nito upang gamutin ang mga komplikasyon.

Mahigpit na tinututulan ng DOH ang basta-bastang pag-inom ng antibyotiko ng walang reseta dahil maaari itong maging sanhi ng pagiging “anti-microbial resistant” ng katawan at pagkapinsala ng internal organs.

Tanging mga doctor lamang ang makapagbibigay ng tamang dami at bilang ng gamot na prophylaxis na kailangang inumin ng pasyente depende na rin sa antas ng pagkakaroon ng ganitong sakit na nakadepende rin sa kung gaano kalala ito.

Sa kabilang dako, sinang-ayunan naman ni Philippine Society for Microbiology and Infectious Disease diplomate na si Dr. Daisy Tagarda ang mga sinabi ni Duque. Anito, mas mabuting kumonsulta sa isang doktor bago gumawa ng sariling medikasyon upang gamutin ang leptospirosis.

“The most effective prevention of leptospirosis is avoidance of exposure. But if we don’t have a choice, we can take prophylaxis to decrease the chances of incidences,” anito.025

Dagdag pa niya, hindi nila ipinapayo ang ganitong uri ng gamot sa mga may allergic reactions, buntis, at mga batang pasyente. “It can cause yellowish or discoloration of the teeth of children and even of the baby in the womb,” paliwanag ni Tagarda.

Sa karagdagan, pinayuhan naman ni National Kidney and Transplant Institute (NKTI) deputy director for medical education and research na si Romina Danguilan ang publiko na agad humingi ng tulong sa mga lokal na health centers ng DOH kung kinakailangan.

Handa naman ngayon ang NKTI na tanggapin ang dumaraming biktima ng leptospirosis. Sa katunayan, pansamantala na nitong ginawang ward ang gym ng ospital at nagdagdag ng mga hemodialysis machines para sa mga pasyente.

Ngayon lamang buwan ng Hulyo, maaari ng makakuha ng “coverage package” na nagkakahalaga ng P11,000 ang mga miyembro ng PhilHealth para sa may mga pangkaraniwang antas hanggang malalang kaso ng leptospirosis.

Handa na ba tayo sa Pederalismo?

by

Matagal nang ikinakampanya ni Pangulong Rodrigo Duterte at ng partido niyang PDP-Laban ang Pederalismo para sa pag-asenso ng Pilipinas.

 

Ni: Quincy Joel Y. Cahilig

ISA sa mga pangunahing ikinakampanya ni Pangulong Rodrigo Duterte, maliban sa giyera kontra droga at kurapsyon, ay ang pagpapalit ng klase ng gobyerno ng bansa mula unitary state tungo sa Pederalismo.

Matatandaan na bago pa ang pag-anunsyo niya sa pagsabak sa presidential elections noong 2016 ay lumibot sa bansa si Duterte, at kinakampanya ang pagpapalit ng gobyerno tungong Pederalismo.  At nang manalo bilang pangulo, siniguro niyang mangyayari ang pagbabagong ito sa loob ng kaniyang termino.

Subalit sa ikalawang taon ng kaniyang pagkapangulo, sa kabila ng malaking bilang ng kaniyang mga tagasuporta, marami pa ring mga Pinoy ang walang ideya kung ano nga ba ang Pederalismo at ang pagbabagong maidudulot nito sa buhay ni Juan Dela Cruz.

Base sa survey ng Social Weather Stations, 37 porsyento lamang ng mga Pilipino ang pabor na maipatupad ang federal system; samantalang 1 sa 4 na Pinoy ang may kaalaman sa nasabing sistema ng gobyerno.

Aminado naman ang Malacañang na ang resulta ng survey ay indikasyon na kailangan ng ibayong kayod sa panig ng gobyerno sa pagpapakalat ng impormasyon patungkol sa Pederalismo.

Ayon kay Presidential Spokesperson Harry Roque, kailangan kumilos ang lahat ng nasa gobyerno, lalo na ang Consultative Committee (ConCom), na inatasan ng Pangulo na pag-aralan ang 1987 Constitution, lalo na’t tapos na ng kumite ang draft ng bagong Saligang-Batas, na nakatakdang ihain sa Pangulo bago ang kanyang State of the Nation Address ngayong Hulyo.

“Well apparently, the information drive is not enough. We’ll need to work harder given that the shift to federalism is the cornerstone of the Duterte administration,” wika ni Roque. “We expect that the next step of the commission is the information drive on what the changes and benefits the people can expect.”

Naniniwala naman si Senador Francis Pangilinan na sinasabi ng survey na hindi pa hinog ang Pederalismo at hindi dapat ito ipilit.

“Maliwanag sa resulta ng SWS survey na tatlo sa bawat apat na Pilipino ang hindi alam ang panukalang pagpalit ng sistema ng gobyerno sa Pederalismo na hindi pwedeng pwersahin ang Chacha,” wika ni Pangilinan, chairman ng Senate Committee on Constitutional Amendments and Revision of Codes.

Dagdag niya, bukod sa pagpapakalat ng impormasyon, dapat mas palakasin ng pamahalaan ang mga programa at institusyon upang mahikayat ang mamamayan na suportahan ito.

“Paano mauunawaan ng mamamayan nang malaliman ang Pederalismo kung wala namang maliwanag at konkretong mungkahi tungkol dito?” aniya.

 

ISANG ilustrasyon ng Pederalismo sa Pilipinas.

 

Pederalismo nga ba ang kasagutan?

Sa ilalim ng Pederalismo, magkakaroon ng mga estado sa Pilipinas, na bawa’t isa ay may sariling pamahalaan na may kapangyarihang ma-kagawa ng kani-kanyang mga batas sa kanilang mga nasasakupan. Ibig sabihin, mayroong mga bagay na ligal sa isang estado na bawal naman sa iba. At bawa’t estado ay malaya mula sa central o federal government. Ganito ang sistemang umiiral sa gobyerno ng US. At naniniwala ang mga nagsusulong nito na ito ang kasagutan sa kahirapan at kurapsyon sa bansa.

Naniniwala si dating Chief Justice Reynato Puno, chairman ng ConCom, Pederalismo ang kasagutan sa mga problemang hindi malutas-lutas sa ilalim ng kasalukuyang unitary government.

“The antidote is federalism, because the essence of federalism is non-concentration of power…“The essence of federalism is not just delegation of power but equitable distribution of the powers of government between the federal government and the government of its constituent states,” wika ni Puno sa ginanap na 1st National Forum and Public Consultation kamakailan.

Aniya, kalaganapan ng kahirapan sa bansa ay dulot ng sentralisadong gobyerno natin ngayon, na nakatuon ang pansin at serbisyo sa National Capital region at tila napapabayaan na ang ibang mga rehiyon at probinsya.

“Our government is Metro Manila-centered.  All things, everything orbits in Metro Manila.  The result is inevitable: Metro Manila and the neighboring regions wallow in prosperity.  The other regions suffer in poverty,” dagdag ni Puno.

Ayon naman kay ConCom Senior Technical Assistant at Spokesperson Ding Generoso, sa ilalim ng bagong Saligang-Batas, palalakasin pa ang kapangyarihan ng Ombudsman kontra kurapsyon. Ipinapanukala ng kumite na mula Office of the Ombudsman ay gawin itong Federal Ombudsman Commission, kung saan maraming commissioners ang tututok sa mga kaso at reklamo laban sa mga matataas na opisyal ng gobyerno, na magpapabilis ng proseso.

“We can say that there has been really no significant reduction in graft and corruption in government. We’re talking about hundreds of billions of money lost. We have to speed up the investigation and prosecution and resolution of all graft cases and avoid what has become a buzzword in the government’s fight against corruption, the inordinate delay,” paliwanag ni Generoso.  “By having a Commission, you can have more commissioners looking at different cases.

 

Tinatalakay ng mga miyembro ng Consultative Committee (ConCom), na inatasan ng Pangulo na pag-aralan ang 1987 Constitution tungo sa pagbabago ng Saligang-Batas at sistema ng gobyerno.

 

Wala sa klase ng gobyerno ang problema

Sa kabila ng pagtitiyak ng mga miyembro ng ConCom sa benepisyong dala ng Pederalismo, may mga nagbababala din na hindi tiyak na solusyon ang Pederalismo—at baka makasama pa ito para sa Pilipinas.

Tinawag ni dating Chief Justice Hilario Davide, Jr. na “anti-poor” ang Pederalismo dahil doble-dobleng buwis ang ipapataw sa mga tao sa ilalim ng naturang Sistema, na dagdag pasanin ng bawa’t Pinoy.

“Federalism is anti-poor because if you are a citizen of the country, and you belong into a state, the state would be imposed upon you — one form of taxation, that is the state tax; and at the same time, the federal government would also impose a tax against you…You have to maintain the state of the region and at the same time, you have to contribute to the central government. So, totally unavoidable,” paliwanag ni Davide.

Ayon naman sa political analyst na si Richard Heydarian, kahit anong klase pa ng gobyerno ang ipatupad, kung mananatili ang pag-iral ng pang-aabuso at pananamantala sa mga institusyon, ay mabibigo lamang ito.

Ipinunto din niya na mayroong mga developing countries, tulad ng Pilipinas, ang may federal government na nakararanas ng “extreme po-verty and hunger” gaya ng India, Brazil, at Nigeria.

“So long as the Philippine state remains weak, with oligarchs controlling our political office and the economy, whatever form of government we adopt is bound to fail. That’s why any Charter Change should come along with a more comprehensive reform of our whole institutions, not just form of government,” wika ni Heydarian.

Close Bitnami banner
Bitnami