Millennials

Kasabay ng pagbabago ng millennials sa industriya ng pagkain ay ang pag-usbong nito at pagbibigay halaga sa kalusugan at locally-sourced na mga rekado at sangkap.

Ni: Jonnalyn Cortez

Gumawa ng ingay ang henerasyon ng mga millennials sa pagitan ng pagsisimula ng mga bagong trends mula sa pananalita hanggang pananamit, lalo na nga sa pagkain. Sa henerasyon na ito nagsimula ang mga food hubs, banchetto, food market, samgyupsal, milk tea, at marami pang ibang food trends.

Sa katunayan, sa pag-aaral na isinagawa ng Technomic noong 2019, napag-alamang mas madalas na kumakain ang mga millennials sa labas kaysa sa bahay. Dahil dito, nagsimulang mabago ang industriya ng pagkain dahil sa mga millennials.

Mga lugar at uri ng pagkain na paborito ng millennials

One-third ng agahan, kalahati ng tanghalian, at apat sa sampung hapunan ng mga millennials ay ginagawa nila sa labas. Madalas ito sa mga fast-food restaurants (85 porsyento), street-food carts (82 porsyento), cafeterias sa opisina (81 porsyento), at karinderya (80 porsyento). Malaking porsyento rin ang kumakain sa mga cafes na nagsisilbi ng mga espesyal na inumin, katulad ng kape at milk tea (76 porsyento), at mga baked na cake, tinapay, at iba pa (74 porsyento). Sinundan naman ito ng mga restaurants (74 porsyento) at vending machines (56 porsyento).

Halos lahat nga raw ng mga Pilipinong millennials (84 porsyento) ay gustong makasubok ng mga bagong pagkain at flavors. Apatnapu’t tatlong porsyento naman ang nagsasabing gusto nilang subukan ang mga bagong lugar na pwedeng kainan.

Walo sa sampung mga millennials ay gusto ang lutuing Pinoy at Amerikano. Anim sa sampu naman ang gusto ng Korean at Japanese food, habang kalahati rito ay mas hilig ang Chinese cuisine.

Mas madalas din kumain ang mga Pilipinong millennials sa labas kumpara sa ibang mga millennials sa buong Asya.

Photo food trend 1: Millennials, malaki ang impluwensya sa pagbabago ng industriya ng pagkain ngayon.

Pag-usbong ng food delivery

Ayon sa Word Text, nais ng mga millennials ng convenience pagdating sa pagkain. Sa katunayan, nang magsimula ang meal kit service sa Amerika noong 2007, naging $10-billion industry na to ngayong 2020, salamat sa mga millennials.

Ilan pa nga sa mga laging ginagawa ng mga millennials ay ang pag-order ng pagkain online o sa telepono. Sa ginawang Food and Health Survey ng International Food Information Council noong 2017, 55 porsyento ng millennials ay mas pinipili ang mas madaling bilhin na pagkain. Tatlo sa sampung mga millennials ay nagte-take out ng pagkain o nagpapa-deliver.

Hindi lamang basta-basta trendy ang gusto ng mga millennials, kundi ang mga healthy, locally-sourced at organic na pagkain.

Pagsikat ng organic at natural na pagkain

Gayunpaman, hindi dahil mas gusto ng mga millennials ng mabilisang pagkain ay wala na silang pakialam kung healthy o organic ito.

Bukod sa pagbago ng industriya ng pagkain, binago rin ng millennials ang kahulugan ng masustansyang pagkain. Imbes na mga low-fat foods, mas pinipili ng mga millennials ngayon ang mga natural, organic, locally-sourced, at sustainable na mga pagkain. Limampu’t dalawang porsyento o lagpas sa kalahati ng mga millennials ang kumakain ng gulay at organic na pagkain kumpara sa mga baby boomers.

Mas conscious din ang mga millennials kung saan gawa ang kanilang pagkain. Walumpung porsyento ang gustong malaman kung saan inani ang kanilang mga kakainin. Kaya nga naglabasan ang mga “locally-sourced” at “farm-to-table” na mga kainan at uri ng pagkain sa mga menu sa restaurants ngayon.

Bukod sa lasa, mahalaga rin sa millennials ang experience na dala ng pagkain.

Food trend at social media

Syempre pa, bukod sa pagiging healthy, gusto rin ng mga millennials ma-experience ang mga bagong trend sa pagkain. Kung dati ay masaya na ang mga kabataan sa pizza at fries, ngayon, gusto na nila ng unique at customizable na mga pagkain. Ito rin ang dahilan kung bakit naglabasan ang iba’t-ibang uri ng mga pagkain mula sa mga flavors ng inumin hanggang sa mga iba’t-iba at pinaghalo-halong mga sangkap at rekado. Andyan ang avocado toast, tuyo pizza, matcha milk tea, DIY pizza, at marami pang iba.

Apatnapung porsyento ng mga millennials ay gustong sumubok ng iba’t-ibang pagkain kahit pa kumakain sila sa iisang restaurant lamang, ma-pa vegan food o cultural cuisines man ito. Mabenta rin sa millennials ang mga unique na design sa restaurant na maituturing na Instagrammable o Instagram-worthy.

Nasabi na rin naman ang Instagram, isa pa sa mga bumago ng industriya ng pagkain ngayon, dahil na rin sa mga millennials, ay ang paggamit ng social media. Hindi lamang ang lasa, uri, at kaibahan ng pagkain ang labanan ngayon para sa mga millennials, kasama rin dito ang kakaibang experience na maaaring ipagmalaki sa social media. Ngayong henerasyon ding ito nagsulputan ang mga food reviews.

Pitumpu’t limang porsyento ng mga millennials ay mas kinukunsidera ang experience sa pagkain kaysa sa lasa o nourishment na taglay nito. Idagdag mo pa rito ang madalas na paggamit ng social media ng mga millennials, madalas silang gumawa ng food reviews online kahit lamang sa simpleng post na makakaimpluwensya o engganyo sa mga makakabasa.

Tunay ngang nabago ang industriya ng pagkain ngayon dahil sa mga millennials. Kahit pa ibang-iba ito kumpara sa mga nakaraang henerasyon, malaking tulong naman ang dala nito para sa naturang industriya.

Impluwenisya ng ‘millennials’ sa pagnenegosyo

August 21, 2017 by PINAS

Ni: Maynard Delfin

Binansagang Millennials ang mga kabataang ipinanganak mula 1980s hanggang 1990s. Tinatawag din silang Generation Y o ‘millennial generation’.

Ang salitang millennial ang ginagamit na deskripsyon sa isang indibidwal na lumaki at nagkaisip sa panahon ng ika-21 na siglo. Ang eksaktong panahon ng mga millenial babies ay nagkakaiba batay sa kung sino ang nagbibigay ng kahulugan nito.

Para kina Neil Howe at William Strauss, ang mga may-akda ng libro na nailimbag noong 1991 na Generations:The History of America’s Future, 1584 to 2069 at nagpasimula ng salitang millennial, ang mga ‘millennia’ ay mga indibidwal na ipinanganak sa pagitan ng 1982 at 2004.

Pagkakakilanlan ng Gen Y

Sinasabing malaki ang exposure ng Gen Y na kabataan sa teknolohiya tulad ng internet at iba pang mga makabagong gadget gaya ng computer, smart phone, computer games, at iba pang social media networking websites—Facebook, Twitter, at Instagram.

Kung may kapintasan ang mga Millennials, ito marahil ang pagiging tamad ng ilan. Ang iba naman ay “narcissistic” o mga indibidwal na gandang-ganda o bilib na bilib sa sarili. May ilan din namang di kayang magtagal sa isang trabaho.

Ayon sa pag-aaral, mas nakatuon ang mga kabataan ngayon sa mga usapin na may kinalaman sa pera, kasikatan, at pagkahilig sa mga materyal na bagay. Madalas ngang tinatawag ang mga kabataang ito na “generation me.”

Pinagkakagastusan at libangan

Karamihan sa Millennials ay hindi gastador (not big spenders). Mas pinahahalagahan nila ang mga magagandang karanasan kaysa sa pagbili o pag-iipon ng mga gamit. Nagdudulot ng mas labis na kasiyahan ang kanilang pagse-selfie kaysa sa tulad ng pagbili ng bagong kotse o relo ng kanilang mga magulang.

Sa halip na pagbili ng personal na gamit, mas pinagsusumikapan ng millennials na makaipon para sa kanilang mga paglalakbay, libangan, at pagkain. ‘Di makakaligtaan ang pagkuha ng mga larawan sa lahat ng kakainin o napuntahan at ang mabilis na pagpopost o pagshare sa Facebook, Instagram, at iba pang social media sites.

“If you’re a foodie, you can go out and have some incredible dining experience, and then you can curate it almost as if it were a thing,” ayon kay Howe. Ito marahil ay isa sa mga dahilan bakit mas dumarami ang mga kainan (fast food chains and restaurants) na nangangailangan ng mas maraming crew.

Pagkalinga sa komunidad

Batay sa mga survey, di masyadong interesado ang millennials sa tradisyonal na pulitika, bagkus sila ay mas may puso sa pangangalaga sa kanilang komunidad at pagboboluntaryo.

Ayon kay John Della Volpe, direktor ng polling sa Harvard University Institute of Politics, marami sa millennials ang nais na makapagbigay ng serbisyong pampubliko, lalo na sa komunidad. Mas sensitibo din sila sa mga usapin tulad ng cultural at racial diversity maging sa mga isyu ng gender sensitivity at equality.

Tungo sa pag-unlad

Sa pagkakaroon ng Pilipinas ng millennials na masigasig, may positibong pananaw, at may natatatanging kakayahan sa pagpapayabong ng mga negosyo, di nalalayong makamtan ng Pilipinas ang maunlad na ekonomiya sa mga susunod na dekada.

Nabanggit ni Maybank Group CEO Datuk Abdul Farid Alias sa isang ASEAN conference, “The Philippines is on the cusp of an economic transformation and the key driver will be its favorable demography.”

Dagdag pa ng opisyal na ang Pilipinas ay may batang populasyon na karamihan ay may median na 23 anyos at may bumababang fertility rate. Mga dahilan ito ng pagtaas ng bilang ng mga nagtatrabahong nasa hustong gulang na magsusulong ng domestic demand at patuloy na paglago ng ekonomiya.

Napapanahong pag-iisip

Sa lugar ng trabaho, malaki ang naiiambag ng mga millennial, dahil malikhain ang mga ito. Alam nila kung ano ang “trending” at ano ang “next big thing” at nakahahawa sa iba ang kanilang pagiging masigasig. 60% sa kanila ang naniniwala na mapag-aaralan ang pagbabago sa nakasanayan or innovation at handa silang pangunahan ang paggamit ng makabagong mga sistema at mga teknolohiya.

Wika pa ni Araceli Vizcaino, marketing manager ng Azazie tungkol sa mga millennial, “The Millennial generation believe that innovation can be learned and takes discipline, not spontaneous inspiration. They are willing to develop an innovation plan rather than sit back and wait for it to happen.”

At dahil na rin dito, madali silang makibagay sa anumang pangyayari, anumang bagong “trend” at “innovation” na lumabas sa merkado, at hindi sila madaling maligalig sa mga ganitong kaganapan.

“Millennials have lived in a time of change and evolution, so they’re used to it. They take unexpected circumstances in stride,” ayon pa din kay Vizcaino.

“This means that millennials can come up with new solutions for new issues, creating a culture that doesn’t rely too much on the status quo,” aniya pa.

At higit sa lahat, “fun-loving” ang bagong henerasyon, at kapag masaya ang isang millennial sa kanyang trabaho, natitiyak na magiging produktibo at maaasahan ito sa kanyang mga tungkulin.

Recent News: