PINAS

Ang Lihim ng Panginoon (Ikapitong Bahagi)

Sonspeak

Recent News:

MJ Mondejar

Project Gintong Alay, nais ibalik ng isang mambabatas

by

HOUSE Majority Leader at Leyte Rep. Ferdinand Martin Romualdez

 

MJ MONDEJAR 

NAIS ni House Majority Leader at Leyte Rep. Ferdinand Martin Romualdez na ibalik ang Project Gintong Alay ng dekada 70 para mapataas ang competitiveness ng mga atletang Pinoy na sasabak sa mga international sporting event.

Kaya naman ay nananawagan ngayon si Romualdez, na siya ring Chairman ng makapangyarihang House Committee on Rules sa pamahalaan, pribadong sektor at mga corporate sports patrons  na magpakita ng malasakit sa mga atletang Pinoy at tulungan sila na makamit ang tagumpay para sa bayan.

“If the country is to create sports superstars and excel in international sporting competitions like the Olympics, Asian and SEA Games, it must re-dedicate itself to the proven concept of the private and public sectors joining hands to spur sports development from the grassroots to the national and international levels,” wika ni Romualdez.

Sa ilalim ng Project Gintong Alay na unang inilunsad taong 1979, bibigyan ng pagkakataon ang mga private corporations na mag-adopt ng atleta sa ibat-ibang larangan ng palakasan para buhusan ng suporta hanggang sa maging world class competitors ang mga ito.

Kung maibabalik ang programa, ang corporate sponsors na ang sasagot sa allowance, pagkain, nutritional needs, at gagastos sa mga international sporting events na dadaluhan ng bawat atleta na sakop ng programa.

Ilan sa mga tanyag na atleta na produkto ng Project Gintong Alay ay track and field superstars na sina Lydia de Vega na may bansag na Asia’s Sprint Queen, Elma Muros, ang two-time Olympian na si Isidro del Prado at ang champion swimmer na si Eric Buhain.

Dahil dito, iginiit ni Romualdez na malaki ang kapasidad ng bansa na mag-produce ng mga kampyeon sa ibat-ibang larangan kaya napapanahon nang ibalik ang naturang programa.

Sa huli, ipinaabot ng kongresista ang kaniyang pagbati sa mga atletang Pinoy na sasabak sa 2019 SEA Games kung saan host country ang Pilipinas kasabay ng pag-asa na maraming gold medals ang makakamit ng bansa.

“Good luck to all our athletes and coaches competing in the SEA Games. As long as we work hard, nothing can prevent the Team Philippines from becoming champion. Fight hard, play fair and win big,” pagbati ni Romualdez.

 

Paglalagay ng rainwater harvesting facilities, lusot na sa committee level sa kamara

by

 

MJ MONDEJAR

LUSOT na sa House Committee on Metro Manila Development ang panukalang batas na mag-oobliga sa paglalagay ng rainwater harvesting facilities sa lahat ng development projects sa Metro Manila.

Sakop ng unnumbered bill ang lahat ng mga public, private, commercial, institutional, at residential developments sa loob ng kalakhang Maynila na layong bawasan ang mga insidente ng pagbaha dulot ng malalakas na pag-ulan.

Sa ilalim ng panukala, ang Department of Human Settlements and Urban Development at mga Local Government Units ang naatasang magmonitor kung sinusunod ba ang kautusan.

Hawak din ng LGUs ang pasya kung e-rerevoke ang building permit ng mga developers na bigong sumunod sa panukala.

Hindi bababa sa P500,000 at hindi naman lalagpas sa P2M na multa sa loob ng isang taon ang kakaharapin ng mga developers na walang rainwater harvesting facilities.

Action Center para sa mga OFWs, itinayo ng CLADS

by

CLADS Action Center, binuksan na

 

MJ MONDEJAR

NAGTAYO ang Coalition of Licensed Agencies for Domestic and Service Workers o CLADS ng sariling action center na maaaring lapitan ng mga nagbabalak, kasalukuyan at nagbabalik na mga Overseas Filipino Workers o OFWs.

Ang Action Center ay tutulong sa mga OFWs na may problema sa kanilang deployment at iba pang mga concerns na may kaugnayan sa kanilang hanay.

Espesyal na panauhin sa ribbon cutting ceremony ng CLADS Action Center sina Labor Secretary Bebot Bello at OWWA Administrator Hans Leo Cacdac na nagpaabot ng pasasalamat dahil sa malaking tulong ito para sa mga OFWs.

Ang CLADS Action Center ay matatagpuan sa GHR Building, 713, Remedios St. Malate Manila.

Maliban sa action center, inilunsad din ng CLADS ang kanilang 24/7 Hotline at Official Facebook page na maari ring tumanggap ng mga reklamo at concerns mula sa mga OFWs.

Samantala, bukod sa launching ng Action Center, nagkaroon din ng general membership meeting ang CLADS katuwang ang Overseas Placement Association of the Philippines o OPAP na ginanap sa New World Hotel sa Maynila kung saan niratipikahan ang code of ethics na binuo para sa OFW Department Bill.

Naging panauhin din sa nasabing pulong sina DOLE Secretary Bello at  Kabayan Partylist Rep. Ron Salo kung saan inilahad nito ang inputs ng kamara sa OFW Department Bill.

Sa huli, tiniyak ng CLADS na magpapatuloy ang ugnayan ng kanilang hanay sa pamahalaan para tiyakin ang maayos na deployment at pagbibigay proteksyon sa mga bagong bayani ng bansa.

Mayor Moreno, magtatayo ng libingan sa South Cemetery para sa mga Muslim

by

MANILA City Isko Moreno

 

MJ MONDEJAR

PLANO ngayon ni Manila City Isko Moreno na maglagay o magtayo ng libingan ng mga kapatid na Muslim sa south cemetery sa 2020, ito  ay matapos siyang bisitahin kamakailan ni Moro National Liberation Front (MNLF) Chairman Nur Misuari sa tanggapan ng alkalde para bigyan ng pansin sa Maynila ang mga    importansya sa Muslim Community na mabigyan ng disenteng libingan.

Ayon kay  Moreno kay Misuari na ikinukunsidera niya itong regalo sa Muslim Community at  ang Maynila ang  kauna-unahang lungsod sa National Capital Region na maglalaan ng sementeryo para sa Muslim sisters at brothers.

Ang libingan ng mga brother at sister na Muslim kapag namatay ay dadalhin pa sa  Bulacan, Taguig, o Mindanao para duon ilibing dahil sa kawalan ng  Muslim Cemetery sa Maynila.

 

Bodyguard para sa mga hukom, isinususulong a kamara

by

DEPUTY Speaker at Surigao Del Sur Rep. Johnny Pimentel
MJ MONDEJAR

ISINUSULONG ni Deputy Speaker at Surigao Del Sur Rep. Johnny Pimentel na magtatag ng tatlong libong bagong posisyon para mabigyan ng bodyguards ang mga judges.

Kasunod ito ng panibagong pagpatay kay Tagudin, Ilocos Sur Regional Trial Court (RTC) Branch 25 Judge Mario Anacleto Bañez.

Giit ni Pimentel, kailangan ng mga huwes nga­yon ang matinding proteksyon lalo na at patuloy ang pagtaas ng karahasan laban sa kanila.

Si Bañez ay tinambangan ng hindi kila­lang mga suspek kamakailan habang papauwi sakay ng kanyang Hyundai Accent sa Barangay Mameltac, San Fernando City, La Union.

Suportado rin ni Pimentel ang hakbang ni Chief Justice Diosdado Peralta na magtatag ng bagong protective service pattern tulad ng sa Unites States Marshals Services (USMS) Judicial Security Division (JSD).

 

Pagbibigay ng emergency powers kay Pangulong Duterte, isasantabi na

by

MJ MONDEJAR

 

ISASANTABI na ng Kamara ang pagbibigay ng emergency powers kay Pangulong Rodrigo Duterte  matapos ang mahabang panahon ng paghihintay.

Ayon kay House Speaker Alan Peter Cayetano, mismong si Pangulong Duterte na ang tumanggi sa panukalang emergency powers dahil nasa kalagitnaan na ng termino ang administrasyon para masolusyunan ang problema sa trapik.

Aniya, gahol na sa panahon ang pamahalaan para maresolba ang traffic congestion bago matapos ang termino ni Pangulong Duterte sa taong 2022.

Dahil diyan, sa halip na emergency powers, sinabi ni Cayetano na gagamitin na lamang ng Kamara ang oversight powers nito upang mapabilis ang mga proyekto at matiyak na hindi magiging problema ang right of way.

Makikipag-ugnayan din aniya sila sa mga Local Government Units (LGUs) para matiyak na matapos agad ang mga itinatayong imprastraktura lalo na ang mga mass transportation projects.

Matatandaan na taong 2016 pa ng hingin ng administrasyon sa Kongreso na mabigyan ng emergency power ang Pangulo para sa agarang pagresolba ng problema sa traffic na siya namang kinuwestyon ng ilang Senador.

Close Bitnami banner
Bitnami