PINAS

Ang Lihim ng Panginoon (Ikapitong Bahagi)

Sonspeak

Recent News:

National Bureau of Investigation

Bureau of Immigration, naka-alerto dahil sa ulat ng teroristang papasok sa bansa

by

 

JHOMEL SANTOS

NAKAALERTO na ang Bureau of Immigration (BI) sa galaw ng tatlong indibidwal na lumalabas bilang potential terrorists mula sa isang Asian country na planong pumasok sa Pilipinas.

Ayon kay Justice Secretary Menardo Guevarra, isa sa tatlong pangalan na umano’y terorista ang dumating na sa bansa pero iprinesenta ang kanyang sarili sa National Bureau of Investigation (NBI) at pinabulaan na may koneksyon sa anumang terorista.

 

Sinabi ni Guevarra na batay sa impormasyon mula sa BI ay wala pang arrival records ang dalawang iba pang pangalan.

Una nang ipinag-utos ng Justice Chief sa NBI na i-validate ang impormasyon ukol sa umano’y terror plot sa Northern Luzon.

May hanggang katapusan naman ng Agosto ang NBI para magsumite ng kanilang initial report.

 

Dengvaxia, napupulitika nga

by

Ni: Jun Samson

HABANG tumatagal ay lalong lumalawak ang usapin tungkol sa dengue vaccine o dengvaxia. Marami ang naglabas ng galit, marami ang sumuporta o naki-ayon sa kasalukuyang administrasyon, may mga nakisimpatya din naman sa dating pamunuan ng Department of Health hanggang nagsanga-sanga na ang mga pangyayari. Bukod sa National Bureau of Investigation at forensic experts ng Public Attorney’s Office ay umabot pa sa kongreso ang imbestigasyon. May mga naghihinala tuloy na baka sinasamantala o inaabuso na daw ang isyu?

Umabot pa nga sa punto na sinampahan ng reklamo sa Commission on Elections sina dating Pangulong Noynoy Aquino III, dating Budget Secretary Florencio Abad, dating Health Secretary Janette Garin at iba pa dahil sa ipinatupad na P3.5-billion dengue vaccination program noong kasagsagan ng 2016 election campaign sa mga public schools sa Region 4-A.

Nilabag daw kasi ang Section 261 at Batas Pambansa 881 o Omnibus Election Code dahil nakasaad sa nasabing probisyon na ipinagbabawal sa gobyerno ang pagpapalabas at paggamit ng pondo ng pamahalaan para sa pangangampanya sa loob ng 45 araw bago sumapit ang halalan o 30 bago ang special election.

Dahil diyan kaya nasabi ng ilan na napupulitika na ang isyu. Matapos niyan ay binalaan pa ng Public Attorney’s Office si dating Health Secretary Esperanza Cabral na sasampahan nila ng kasong obstruction of justice kapag hindi tumigil sa pakikialam sa isyu ng dengvaxia. Pero may basehan nga ba ang patuloy na panawagan ni Cabral na ihinto na ng PAO ang mga pag-otopsiya o forensic laboratory test sa katawan ng mga batang biktima umano ng dengvaxia?

To the rescue naman ang  Department of Justice at sinabi nito na huwag itigil ng mga forensic experts ng  PAO ang pag-autopsy sa mga labi ng mga batang namatay dahil sa hinalang biktima ng Dengvaxia.

Naniniwala kasi si Cabral na wala nang saysay para ituloy ng  PAO ang pag-autopsy sa mga bata dahil batay anya sa clinical review ng mga forensic pathologist ng Philippine General Hospital duon sa 14 na batang namatay ay labintatlo duon ang namatay na wala umanong kaugnayan sa dengvaxia.

Kaugnay nito’y patuloy na iginigiit ni Cabral na dapat tumigil na ang PAO at ipaubaya na lang ang trabahong ito sa mga forensic pathologist ng PGH. Ang resulta ay lumalala ang banggaan ng PAO at mga doktor na tutol sa autopsy.

Para sa aking sariling pananaw o opinyon ay hindi na mahalaga kung ito man ay napupulitika o sadyang marami lang ang gustong magmalasakit. Ang mahalaga ay lumitaw ang katotohanan at mapanagot sa batas ang mga nagpabaya at nagkulang. Marami tuloy ang naglabasang mga katanungan! Epektibo ba ang dengvaxia o hindi? Sapat ba ang panahon ng pag-aral bago ito ibinakuna? Nakatulong ba o mas nakasama ba ito sa mga naturukan? Pinagkakitaan kaya ito?

Sana lang sa dulo o sa huli ay mabigyan ng hustisya ang mga namatay at mga naulila kung may pagkukulang nga ang ilang opisyales. Kalimutan na sana ang mga personal na interes at isaalang-alang na lang ang kapakanan ng mga namatayan kung totoo nga na dengvaxia ang naging dahilan ng pagkamatay ng mga bata. Dahil isa tayong democratic country kaya hayaan muna natin na gumulong ang due process. Ang masakit lang, halos araw-araw ay may nababalita na may batang namatay at itinuturong dahilan ang dengvaxia. Naniniwala ako na kahit lahat tayo ay hindi doktor pero  matatalino ang sambayanang Pilipino at patuloy na nag-oobserba at nagmamasid sa mga pangyayari.

Online paluwagan,’ invest wait & earn nga ba?

by

Pinas News

Isa sa popular na social media site ngayon ay ang Facebook. Bukod sa mabilis gamitin ay user-friendly din ang app na ito. Sa ngayon maging mga bata at matatanda ay mayroon nito. Simula noong naipakilala ito ni Mark Zuckerberg, taong 2004, ay nag-clicked na agad ito sa mga tao. Saan mang panig ng mundo, kilala at ginagamit ang app na Facebook.

 

ADVANTAGE NG FACEBOOK

Isa sa pakinabang ng Facebook app ngayon ay ang pagkakaroon ng komunikasyon sa mga mahal mo sa buhay na nasa ibang bansa. Sa Facebok, mayroon silang Messenger na nagsisilbing tulay para makausap ang mga mahal sa buhay na nasa malalayong lugar. Kumbaga, dati ay mayroong telegrama sa panahon ngayon mayroon namang Facebook Messenger. Mas mabilis nga lang sa Facebook Messenger kumpara sa telegrama noon. Ang pagiging updated din sa mga current events o news ang isa sa kapaki-pakinabang ng Facebook. Karamihan o kadalasan ng mga news agencies ngayon ay mayroon ng Facebook page para mas mabilis maihatid ang mga balita. Mayroon din namang ginagamit ang Facebook para magkaroon ng pagkakakitaan. Gaya na lamang ng mga online shops, online marketing at ang nauuso ngayon na online paluwagan.

 

PALUWAGAN SA PILIPINAS

Paluwagan ang tawag ng mga Pilipino na kung saan sinasabing isang form o strategy ng money lending at savings system dito sa Pilipinas. Nauuso o kilala ang paluwagan sa isang malaking grupo ng magkakakilala at pwede din naman sa isang kumpanya. Tinuturing din na isang uri ng pag-iipon ang paluwagan dito sa Pilipinas.

Paano nga ba makapagsisimula o tumatakbo ang paluwagan? Kadalasan sa paluwagan ay nagsisimula sa isang grupo ng magkakaibigan, officemates, kapitbahay at kapamilya mismo. Ang grupo ay magdedesisyon kung paano ang kanilang bayaran. Mayroong daily, weekly at monthly basis depende sa halaga na napag-uusapan.

Sa grupo na ito ay mayroong tinatawag na collector/treasurer na siyang responsable sa paghahawak ng pera ng mga miyembro at siya din ang responsable sa pagpapasahod/sweldo sa mga ito.

 

ONLINE PALUWAGAN, GOOD OR BAD?

Marami ang nahuhumaling o naaakit sumali sa ganitong klase ng sistema sapagkat kilala at dahil sa may tiwala ang mga taong sumali dito. Ngunit paano ka nga ba makasisiguro na ang mga kasali sa paluwagan ay mapagkakatiwalaan? Lalo pa’t kung ito ay online basis? Dala ng makabagong teknolohiya ang ganitong uri ng money scheme.

May mga kumakalat o nauuso ngayon sa Facebook na ganitong klase ng paluwagan na tinatawag nilang online paluwagan. Kagaya lamang ng aktwal na paluwagan ang online paluwagan, pinagkaiba lang sa online paluwagan ay hindi mo kilala ang mga kasali.

Paano nga ba makasisiguro na ang online paluwagan na iyong nasalihan ay legit o hindi scam lamang? Ayon sa website na onlinepaluwagan.blogspot.com, bago ka sumali sa ganitong klase ng money scheme ay kailangan mo munang suriin nang mabuti kung ito ay legal. Hindi naman nagkukulang ang ahensiya ng Department of Trade & Industry (DTI) na bigyan ng babala ang publiko tungkol dito. Ngunit sa kabila nito, mayroon pa rin namang hindi maiwasan ang sumali dito sapagkat sa mabilis ang return ng nilabas na pera. Noong nakaraang taon lamang ay may 20 indibidwal na ang nagoyo ng milyong piso na dumulog sa tanggapan ng National Bureau of Investigation (NBI).

 

ILLEGAL ONLINE PALUWAGAN, OFW ANG TARGET

Noong taong 2016, naiulat na may nakapanloko gamit ang internet na halos P17-million. Sinasabing si Jay-Ann Mendoza, ang tagapagtatag ng “Anne Diyosa Love Online Paluwagan,” ay nahuli sa Merville matapos magreklamo ng kanyang mga nabiktima na kadalasan ay Overseas Filipino Workers (OFWs).

Ayon sa nagreklamo na si Jessa Hernadez, “Alam ko malaki ang kikitain. Yung kapital namin, halos magdodoble siya.”

‘‘Nag try ako ng Php 20,000. Yung Php 20,000 in three days, naging Php 28, 000 so okay. Hanggang sa hindi ko na siya nailabas. Every pay out ko niro-rolling ko lang. Instead dinadagdagan ko pa,” ayon din sa isa pang complainant na may pangalang Abby.

Pero pagkatapos daw ng ilang buwan ay nabatid nilang nagdeklara  si Ms. Lozada ng pagkabangkarote.

Sinampahan ng large-scale estafa si Ms. Lozada na itinanggi namang hindi niya tinakbo ang mga pera ng mga nag-invest.

Samantala, mayroon din namang naiulat nitong taon lamang ng Hunyo na sangkot sa “Online Paluwagan Casino Investment” scam sa isinagawang entrapment Operation ng Disctrict Police Intelligence Operation Unit (DPIOU) at District Intelligence Division (DID) ng Manila Police District. Ang biktima nito ay isang 24-anyos na accountant ng isang Japanese engineering company na may pangalang Raine. Ibinahagi ni Raine na pinangakuan siya na kikita ng Php 400 kada araw kapag nag invest ng Php 1,000.

 

PALUWAGAN: PERA O GADGET

Ngayong nauuso ang online paluwagan, marami na rin ang nakakaisip ng iba’t ibang pakulo. Gaya na lamang ng online paluwagan pero imbes na pera ay gadget ang iyong makukuha. Isa ang Queen’s Online Paluwagan na may ganitong gimik. Makikita sa kanilang Facebook page ang mga gadgets na maaari mong makuha, depende kung kailan ang naka schedule na sahod mo. Ilan sa mga gadget paluwagan na maaari mong makuha sa Queen’s Online Paluwagan ay ang mga Vivo at Samsung phones. Kadalasan na hulog dito ay P1,100 kada linggo na tatagal ng halos 10 linggo cash o gadget paluwagan man ito.

Bale, ang makukuha mo sa loob ng 10 linggo ay Php11,000 ngunit babawasang ng remittance fee at admin fee, na ang makukuha na lamang ng sasahod ay Php 10, 000 na lamang.

Nagsimula noong taong 2016 ang Queen’s Online Paluwagan at hanggang sa kasalukuyan ay aktibo pa rin ito at patuloy na nagkakaroon ng followers sa Facebook. Sa kabila ng pagkakaroon ng negative comments tungkol sa Online Paluwagan, pinapapatunayan ng Queen’s  Online Pauwagan na hindi sila magpapaapekto sa mga ito. Bukod sa cash at gadgets, may iba ding ini-o-offer ang Queen’s paluwagan gaya ng mga laruang pambata na swak na pangregalo.

Alam naman natin na isa sa mabisa at mabilis na pagkukuhanan ng pera o inaasam na gadget ang Online paluwagan ngayon, pero pinag dodoble ingat pa rin ng DTI ang publiko sa ganitong klase ng scheme. Huwag basta- basta magapadadala at magpapasilaw sa mga nakikita sa Facebook page, maaaring totoo at maaaring hindi din naman. Kaya, bago sumali sa ganitong klase ng scheme, siguraduhing ligal ang iyong sasalihan upang di masayang ang perang iyong pinagpaguran at pinag-ipunan.

Ilan sa mga gadgets at laruang pambata mula sa Queen’s Online Paluwagan

Dengvaxia vaccine, gamot ba o salot?

by

Ni:Jun Samson

TAHIMIK na kumikilos at nagsimula na ang National Bureau of Investigation (NBI) sa pagkalap ng mga ebidensya at posibleng testimonya ng mga magulang ng mga batang nabakunahan ng Dengvaxia. Ito ay matapos na inatasan ni Justice Secretary Vitaliano Aguirre II ang NBI na agad simulan at tutukan ang imbestigasyon sa kontrobersya ng P3.5-billion dengue vaccine na proyekto ng Department of Health (DOH). Ipinatupad o pinasimulan ang naturang proyekto nuong April 2016 sa panahon ni Dating Pangulong Noynoy Aquino at noon ay Health Secretary Janette Garin.

Layunin ng Department Order No. 763 na nilagdaan ni Aguirre na matukoy ng NBI at masampahan ng kaso ang mga sangkot sa umano’y palpak at mapanganib na proyekto at posibleng magdulot ng panganib sa kalusugan ng mga binakunahan.

Iniutos ito ni Aguirre matapos na ipinatigil ng DOH ng kasalukuyang administrasyon ang paggamit ng Dengvaxia vaccine mula sa French supplier nito na Sanofi Pasteur. Ayon mismo sa ilang eksperto ay sinasabing ang pagbakuna nito ay makakapagpalala pa sa taong hindi pa nadapuan ng dengue. Base sa inisyal na datos o talaan ay mahigit sa 733,000 na mga kabataan na may edad mula siyam na taon pataas mula sa mga public schools sa Metro Manila, Central Luzon, Cavite, Laguna, Batangas, Rizal at Quezon province ang naturukan o nabigyan na nuon ng nasabing bakuna.

Hanggang sa kasalukuyan ay patuloy na tinutunton ng DOH ang talaan ng mga estudyanteng nabakunahan sa mga nasabing lugar para agad na masuri ang kanilang kalagayan o kalusugan. Nais naman ng ilang mga mambabatas na bukod sa mapanagot sa batas ang mga sangkot sa insidente ay mabawi din ang P3.5-billion na ibinayad sa Sanofi. May ilang mga ulat pa nga na naglabasan na may mga kabataan na naturukan ng Dengvaxia ang namatay na umano, pero ang insidenteng ito ay hindi pa makumpirma ng DOH.

Maging ang Department of Justice (DOJ) na siyang nag-utos sa NBI na bigyang prayoridad ang imbestigasyon ay naalarma na rin sa sitwasyon, kaya patuloy ang panawagan ng DOJ sa mga magulang ng mga apektadong kabataan na makipag-ugnayan at makipagtulungan sa NBI o sa DOH para maresolba at maagapan ang naturang problema.

Kaugnay nito ay tiniyak naman ng kasalukuyang pamunuan ng DOH na ginagawa na nila ang lahat ng mga pamamaraan para maagapan ng posibleng malaking problema na maaaring idulot nito sa mga kabataan. Sa panig naman ng DOJ ay kabilang sa iping-utos nito sa NBI na imbestigahan din ang posibilidad na may graft and corruption na naganap sa nasabing transaksyon sa kontratang pinasukan ng Aquino Administration at

Sanofi Pasteur

Hindi biro ang insidenteng ito dahil buhay ang pinag-uusapan at nakataya dito, pero hindi maiwasan ng ilan nating mga kababayan na magbiro at tinawag nila ito na ‘denggoyvaxia’ vaccine dahil mistula anyang na-denggoy o naloko raw tayo ng nasabing proyekto, na ayon pa sa kanila ay tila pinagkakitaan pa yata ng ilang tiwaling mga opisyal ng pamahalaan? Sana lang ay walang bata na mapahamak dito at sana rin ay mapanagot sa batas ang lahat ng mga nagpabaya sa tungkulin kaya naipatupad ang pagbabakuna ng dengvaxia kahit na hindi pa pala tiyak na solusyon ito o para hindi tamaan ng dengue ang isang tao.

Ang sigurado lang sa ngayon ay natatakot at nangangamba na ang mga magulang ng mga nabakunahan na sana ay huwag ma-dengue ang kanilang mga anak dahil sinabi na nga ng DOH na mas magiging malala ang epekto ng dengue sa mga batang binakunahan nuon na hindi pa natamaan ng nasabing sakit. Tila lumilitaw na bukod sa pinagkakitaan ay mistulang ginawang testing ground ang mga public school students sa ilang mga lalawigan sa Pilipinas para matukoy kung epektibo ba ang Dengvaxia vaccine? 

DOJ, naglabas ng lookout bulletin order vs 125 bandido

by

Naglabas ng lookout bulletin order ang Department of Justice laban sa mga miyembro ng Maute Group at Abu Sayyaf Group.

Inatasan ni Justice Secretary Vitaliano Aguirre II ang Bureau of Immigration na arestuhin ang sinuman sa isang daan at dalawampu’t limang miyembro ng bandidong grupo na magtatangkang lumabas ng bansa.

Inilabas ni Aguirre ang kautusan matapos maglabas ng arrest order si Defense Secretary Delfin Lorenzana laban sa Maute,  abu Sayyaf at mga tagasuporta nito dahil sa rebelyon sa Marawi City.

Samantala, tukoy na National Bureau of Investigation ang siyamnapu’t lima sa isang daan at dalawampu’t limang miyembro ng bandidong grupo habang tatlumpu naman ang nakilala pa lamang sa kanilang mga alyas.

Close Bitnami banner
Bitnami