PINAS

Ang Lihim ng Panginoon (Ikapitong Bahagi)

Sonspeak

Recent News:

NBP

Mga pulis na nagtangkang magpuslit ng sigarilyo at alak sa NBP, pinaiimbestigahan ng DOJ

by

POL MONTIBON

AGAD na inatasan ni Justice Secretary Menardo Guevarra si Bureau of Corrections Director General Gerald Bantag na magsagawa ng malalimang imbestigasyon sa nadiskubreng pagpapasok ng mga kontrabando ng mismong mga bantay na pulis sa loob ng New Bilibid Prison (NBP).

Sinabi ni Guevarra na nais niyang matukoy agad ang puno’t dulo ng kontrobersya dahil ang naturang insidente na inilarawan pa niya na “very disturbing report” o masyadong nakababahala dahil sa kabila ng mga paghihigpit ay patuloy pa rin pala itong nangyayari sa loob ng pambansang piitan.

Aminado naman ang kalihim na wala sa kapangyarihan ng DOJ na ipag-utos ang pagsibak sa mga sangkot na pulis na inaakusahang nasa likod ng pagpupuslit ng kontrabando sa Bilibid.

Ipinaliwanag ni Guevarra na hindi maaaring makialam ang DOJ sa direktang operasyon sa Bilibid pero maaari naman nilang tawagan ang pansin ng BuCor mismo kung ano ang dapat na gawin para matiyak na tama at mas maayos ang pamamahala sa NBP.

Kamakailan nang lumabas ang ulat na mayroong mga pulis na nagpupuslit ng tabacco, alak at cellphone sa compound ng NBP at nakumpiska sa kanila ang ilang pakete ng tobacco na itinago sa loob ng kahon at dalawang litro ng alak na inilagay naman sa bote ng iced tea.

Ibinebenta umano ang mga alak sa halagang P10, 000 hanggang P20, 000 kada bote.

 

Bentahan para sa “hospital referral pass” sa Bilibid, matagal na –Dela Rosa

by

SENADOR Ronald Dela Rosa

 

JUN SAMSON

INAMIN ni dating BuCor chief at ngayo’y Senador Ronald Dela Rosa na noon pa man sa kanyang panunungkulan ay may balita ng bentahan kapalit ng “hospital referral pass” sa loob ng New Bilibid Prison.

Ito ay kasunod ng pagsiwalat ni Senator Bong Go sa pagdinig kamakailan na hindi lamang GCTA ang binebenta maging ang hospital pass sa loob ng kulungan. 

 

Ayon kay Dela Rosa, ilang mga high offender na nakakulong sa Bilibid Building 14 ang pabalik-balik sa mga hospital sa loob ng NBP na hindi naman totoong may sakit pero nais lang doon isagawa ang mga transaksyon nila sa droga kasama ang iba pang preso.

Aniya, isa sa mga nakita niyang pabalik-balik sa hospital ay sina Raymond Dominguez na siyang pumatay sa anak ni VACC Commisioner Boy Evangelista.

Pinabulaanan naman ni Dela Rosa na may pinirmahan siyang hospital pass para kay ex-Caluan Mayor Antonio Sanchez para maipagamot sa ospital sa labas ng NBP pagkatapos nitong inamin na may mga preso siyang pinayagan na magpagamot sa ibang hospital dahil sa malubhang karamdaman.

 

8 high profile drug convicts sangkot sa hospital pass for sale sa NBP

by

SENATOR Christopher Bong Go

 

MARGOT GONZALES

IBINUNYAG ni neopyte Senator Christopher Bong Go na nasa walong high profile drug inmates ang sangkot sa di umanoy hospital-pass-for sale na nangyayari sa loob ng New Bilibid Prison.

Pagbubunyag ni Go nagpapanggap na may sakit at nagpapa-admit ang mga ito sa hospital para makagamit ng telepono at maisagawa ang kanilang illegal drug transactions sa loob ng kulungan. Aniya karamihan sa mga illegal transactions ay nangyayari sa Medical Ward 3, Medical Annex at Building 14.

Tumanggi namang pangalanan ni Go ang walong convicts na sangkot sa anomalya pero aniya isa sa mga ito ay pastor. Sinabi naman ni Go na isa ring high profile inmate ang nagsumbong sa kaniya sa nangyayaring Hospital pass for sale nang bumisita ito sa NBP kamakailan.

 

Paggamit ng videoconferencing technology sa mga court hearing, aarangkada na sa Setyembre

by

 

HANHAN JANE SANCHO

Sisimulan na sa Setyembre a-uno ang paggamit ng videoconferencing technology sa mga pagdinig sa mga akusadong sangkot sa kasong kriminal.

Ito ay matapos aprubahan ng Supreme Court (SC) noong Hunyo a-25 taong kasalukuyan ang mga guidelines sa paggamit ng videoconferencing technology.

Layon nito na matiyak na mapangalagaan ang constitutional rights sa court proceedings ng mga akusado na nakaditine sa mga district, city o provincial jail o sa national penitentiary.

Nakasaad sa guidelines na gagawin ang videoconferencing sa loob ng dalawang taon sa Davao City Hall of Justice at Davao City Jail, Special Intensive Care Area (SICA), Camp Bagong Diwa, Bicutan at sa New Bilibid Prison (NBP) sa Muntinlupa City.

 

Bagong batalyon ng PNP-SAF, idineploy para magbantay sa Bilibid

by

Idineploy na ang bagong batalyong PNP-Special Action Force na magbabantay sa New Bilibid Prisons.

Sa gitna ito ng mga ulat na muling nagbabalik sa naturang kulungan ang iligal na kalakalan ng droga.

Ayon kay Justice undersecretary Antonio Kho Jr., nag-take over na ang bagong batalyon ng SAF para bantayan ang NBP maximum security compound.

Tiniyak naman ni Kho na mareresolba ang mga ulat na nalipat na sa medium security compound ang illegal drug trade.

Nasa apatnaraang SAF troopers ang na-assign sa Bilibid Hulyo noong nakaraang taon.

Inatasan na ni Justice secretary Vitaliano Aguirre ang National Bureau of Investigation (NBI) para magsagawa ng imbestigasyon at magsampa ng kaukulang kaso sa mga sangkot sa pagbabalik ng illegal drug trade.

DDB chair Santiago, inirekomendang kapalit ng nagbitiw na BuCor chief

by

Inirekomenda ni justice secretary Vitaliano Aguirre II si dating Armed Forces of the Philippines Chief of Staff General Dionisio Santiago bilang kapalit ng nagbitiw na si Bureau of Corrections (BuCor) chief Benjamin delos Santos.

Si Santiago ay kasalukuyang chairman ng Dangerous Drugs Board (DDB).

Sa isang statement, nagpasalamat naman si Aguirre sa serbisyong ibinigay ni delos Santos sa gobyerno.

Illegal drug trade sa New Bilibid Prison (NBP).

Close Bitnami banner
Bitnami