PINAS

Ang Lihim ng Panginoon (Ikalawang Bahagi)

Sonspeak

Recent News:

Ninoy Aquino International Airport (NAIA)

Mahigit 100 distressed OFW’s galing Abu Dhabi, UAE, balik-bansa na

by

 

CHERRY LIGHT

MAPAIT man ang karanasan ay mababahid pa rin sa kanilang mukha ang kasiyahan nang dumating sa Ninoy Aquino International Airport (NAIA) galing Abu Dhabi UAE ang nasa 117 distressed Overseas Filipino Workers, karamihan sa mga umuwing batch ay mga biktima ng human trafficking.

Pagmamaltrato, over work, hindi tamang pagpapasuweldo, hindi makataong pagtrato sa kasambahay, run away at iba pa.

Ito ang halos pare-parehong salaysay ng mga umuwing undocumented overseas Filipino workers galing UAE.

Malungkot man ang karanasan ay masaya namang nakabalik sa Pilipinas  ang mahigit isang daang distressed overseas Filipino na pawang mga galing sa Abu, Dhabi.

Lulan ng Philippine Airlines Flight PR 659 at lumapag sa NAIA airport terminal 2 ang nasa 117 repatriates.

Sa ekslusibong panayam ng SMNI, isa si Katryn ang kabilang sa biktima ng human trafficking na nagbakasali sa Abu Dhabi para sa inaasahang magandang kapalaran niya doon.

Dahil dito lesson na para sa kanya kung gaano kahirap ang magtrabaho lalo na’t kung hindi dokumentado.

Habang si Marites Dolendres ay tumakas din sa kanyang employer dahil kahit simula sa pagkamatay ng kanyang asawa at pagkalibing ay hindi sya pinayagang makauwi ng Pilipinas, masakit para sa kanya na hindi man lang niya nakapiling ang kanyang yumaong asawa kahit man lang sa huling hantungan.

Gayunpaman kahit umuwing walang naidala para sa kanilang pamilya ay nakahanda namang tumulong ang pamahalaan sa kanila.

Sinalubong sila ng mga opisyal mula sa  Overseas Workers Welfare Administration o OWWA, DFA, DSWD at maging ang TESDA para mag-alok ng libreng  skills training program para sa umuwing Pinoy workers galing abroad.

Pansamantala munang itutuloy sa half way house ng OWWA ang mga  Pinoy repatriates na  walang mauuwian dito sa Manila habang pinoproseso naman ang kani-kanilang tiket pabalik ng probinsya.

DOTr, nagbabala sa mga airlines company na magsasayang ng slot sa NAIA

by

SMNI NEWS

Binalaan ng Department of Transportation (DOTr) ang lahat airline operator na mapapatunayang hindi ginamit ng tama ang kanilang slot sa Ninoy Aquino International Airport (NAIA).

Ayon sa DOTr, maaaring patawan ng mas mahigpit na parusa ang mapapatunayang pasaway na airline operators.

Ito ay matapos lagdaan ng iba’t-ibang aviation agencies ang Joint Memorandum Circular No. 2019-01.

Kabilang sa mga lumagda sina Manila International Airport Authority (MIAA) General Manager Ed Monreal, Civil Aviation Authority of the Philippines (CAAP) Director General Jim Sydiongco, at Civil Aeronautics Board (CAB) Executive Director Carmelo Arcilla.

Sa ilalim ng kasunduan, target ng mga opisyal na ma-decongest o mabawasan ang siksikan sa NAIA na pangunahin at pinaka-malaking paliparan sa bansa.

Napagkasunduan ng mga opisyal ang pagsuri ng timeslot committee sa resulta ng monitoring ng mga coordinator sa performance ng airline companies.

Maaari namang bawiin o i-suspende ng mga opisyal ang slot allocations ng mga airline companies na sinadyang hindi gamitin ang ibinigay na slots.

Napapanahon na upang magtayo ng panibagong paliparan

by

Pinas News

LUMAGANAP sa buong mundo ang nangyaring pagsadsad ng Xiamen airplane sa paliparan ng Ninoy Aquino International Airport (NAIA) kung saan muntik nang masayang ang buhay ng mga nasa loob ng naturang eroplano kung hindi lamang sa mahusay sa pagtimon ng piloto ay maaaring maararo pa ang mga kalapit na kabahayan sa paligid ng paliparan na mangahulugan na karagdagang buhay ang mawawala.

Pasalamat pa rin tayo na kahit malaki man ang naging epekto ng insidente ay walang buhay na nawala. Malaking abala ang idinulot ng pangyayari dahil libu-libong mga pasahero ang nagsiksikan sa paliparan dahil sa pagkaantala ng kanilang mga flight.

Hindi inaasahan na ganito pala ang mangyayari kapag may disgrasya sa paliparan. Halos dalawang araw na nagsara ang NAIA na nag-iwan ng mahigit dalawang daang flights na nakansela at libu-libong pasahero ang naantala.

Kahit man na nagbukas na ang paliparan matapos ang halos dalawang araw na paghihintay ay patuloy pa rin ang pagkansela ng mga flights dahil na rin sa domino effect na inihatid ng maraming kanselasyon.

Isipin na lamang ang epektong idinulot sa mga pasahero dahil maaaring mawalan sila ng trabaho na kanilang inaasahang magbibigay sa kanila ng ginhawa sa buhay partikular na sa mga overseas Filipino workers. Maraming mga negosyante ang nagreklamo dahil hindi nakarating sa kanilang business meetings, at iba pang oportunidad na nawala.

Ganito ang magiging eksena sa paliparan ng NAIA kapag mangyari ulit ang ganitong insidente. Walang magagawa ang mga pasahero kundi pahabain ang pasensya sa mahabang paghihintay at pagkaantala. Dapat lamang ay bigyan ng katugunan ang ganitong katulad na problema kaya nararapat na palawakin pa ang paliparan.

Ilang taon ding nakaraos ang NAIA sa milyun-milyong pasahero bawat taon gamit lamang ang dalawang runways.

Napapanahon na magkaroon na tayo ng mas malawak na paliparan na kayang serbisyuhan ang milyun-milyong pasahero sa bawat taon. Huwag na nating hintayin na may maganap na namang ganitong insidente.