PINAS

Ang Lihim ng Panginoon (Ikapitong Bahagi)

Sonspeak

Recent News:

official development assistance (ODA)

Matibay na relasyon ng PH-China, malaking pakinabang sa Pilipino?

by

MGA proyektong imprastraktura na pinondohan ng China at iba pang pautang, hindi ginamitan ng collateral.

 

Ni: Jonnlyn Cortez

SA kabila ng mga batikos, malinaw na nakikita ang matibay na relasyon sa pagitan ng China at Pilipinas. Patuloy ang pagpopondo at pagpapautang ng karatig bansa sa mga proyekto ng gobyernong Duterte, na sinasabing malaking pakinabangan sa maraming Pilipino.

Sa likod ng mga kontrobersya, sinabi ni Finance Secretary Carlos Dominguez III na ang pagkakasundo ng dalawang bansa ay makakatulong upang harapin ang mga pandaigdigang problema. Sa katunayan, isa ang China at Pilipinas sa nangunguna pagdating sa paglago ng ekonomiya sa buong Asya.

“With our increased cooperation, we can better defy the adverse developments at the global level and continue our rapid expansion to benefit our people,” wika ni Dominguez.

Dagdag pa niya, naghahanda na ang China upang tugunan ang mga prediksyon ng mas mabagal na “global growth” sa pamamagitan ng isang pinagsamang polisiya, kabilang ang pagpapalakas ng consumer demand at expansionary monetary policy.

“The rest of the region depends much on China’s impressive growth. We are confident this great nation will continue its remarkable economic transformation,” pagpapatuloy ni Dominguez.

Katulad ng China, nasa posisyon din ang Pilipinas upang panatilihin ang pagpapalawak ng ekonomiya.

“Despite the adverse trends in the global economy, we are confident our internal growth engines will continue driving the economy to support a GDP (gross domestic product) expansion of 7 percent — this is our fighting target,” pahayag ni Dominguez.

Sabay ang mga programang imprastraktura ng gobyernong Duterte na “Build, Build, Build” sa mas malaki at malawak na proyektong Belt and Road ng China.

Hindi na nga makakaila ang paglago ng kalakalan at turismo sa pagitan ng dalawang bansa. Tumaas ng 13 porsyento ang kabuuang kalakalan ng Pilipinas at China noong isang taon, habang 27 porsyento naman ang nilaki ng bilang ng turista na dumating sa bansa noong 2017.

“Improved interconnections between the economies in this part of the world will raise all ships. We look forward to a seamless network for the flow of goods, the exchange of best practices and boundless cooperation in the coming years,” he said.

PANGULONG Rodrigo Duterte pinagmamalaki ang matatag na relasyon sa pagitan ng China at Pilipinas, at ang pakinabang nito sa tao.

 

Pakinabang ng Pilipino 

Sa harap ng Filipino-Chinese businessmen sa 32nd biennial convention of the Federation of Filipino-Chinese Chambers of Commerce and Industry Inc. kamakailan, sinabi ni Pangulong Rodrigo Duterte ang malaking pakinabang sa matatag na relasyon ng China at Pilipinas.

“The meaningful ties of friendship forged between Chinese and Filipinos have enabled us to empower our people, especially those who are vulnerable and marginalized,” wika ng pangulo. “By devoting your resources to the improvement of our society, the Federation has consistently played a vital role in ushering a period of greater cooperation [and] understanding not only in the promotion of business and trade, but also in facing various challenges that we face as a nation.”

Bunsod nito, nagpasalamat ang presidente para sa kanilang suporta sa kampanya ng administrasyon laban sa korapsyon, kriminalidad at iligal na droga.

“Through your deeds, you have become our important partner in building the foundations of a more inclusive and sustainable society,” wika ni Duterte.

Hinimok naman ng presidente ang Filipino-Chinese businessmen na gumawa ng mas maraming inisyatibo upang mapabuti ang paglago ng industriya at malinang ang business environment sa bansa. Humiling din si Duterte ng patuloy na kooperasyon mula sa grupo sa pagbuo ng mas progresibong Pilipinas.

“It is my hope that your remarkable traits and values will continue to fuel your pursuit of a dynamic and vibrant Chinese-Filipino business community that contributes to our nation’s overall advancement,” pagtatapos ng pangulo.

Dalawang bagong tulay popondohan ng China 

Handang pondohan ng China ang pagpapagawa ng dalawang bagong tulay sa Visayas at Mindanao.

“The Davao-Samal Bridge Project in Mindanao and the Panay-Guimaras-Negros Interisland Bridge Project in Western Visayas are also two other projects in the pipeline for possible Chinese financing,” wika ni Dominguez sa isang pahayag.

Idudugtong ng Davao-Samal Bridge ang Davao City sa Samal Island, habang ang Panay-Guimaras-Negros Interisland Bridge naman ay bababaybayin ang mga lalawigan ng Iloilo hanggang Negros Occidental.

Kabilang sa pangalawang batch ng mga proyektong posibleng pondohan ng China ay ang Safe Philippines Project Phase 1, Subic-Clark Railway Project, limang tulay sa kabuuan ng Pasig-Marikina River at Manggahan Floodway at ang proyektong Ambal-Simuay River at Rio Grande de Mindanao River Flood Control.

Pinangunahan umano ni Undersecretary Mark Dennis Joven ang delegasyon ng bansa upang makipag-usap sa mga opisyal ng Export-Import Bank of China (China-EXIM) at China International Development Cooperation Agency (CIDCA).

“Both sides discussed the updates of ongoing projects, as well as those in the pipeline,” wika ni Joven. “The Chinese side also conveyed its continuing commitment to support the infrastructure projects of the Philippines, including its openness to provide available sources of financing for other projects.”

Nakipagpulong din si Joven kasama ang mga representante ng National Economic and Development Authority (NEDA), Department of Budget and Management (DBM), Bases Conversion and Development Authority (BCDA), and the Department of Public Works and Highway (DPWH) kay CIDCA Chairman Wang Xiaotao upang pag-usapan ang general arrangements ng pagbibigay ng pondo at paraan kung paano mapapabilis ang proseso ng popondohang proyekto ng China.

Mga kritiko walang tiwala — Dominguez 

“You of no faith in your country,” yan ang sagot ni Dominquez sa mga kritiko ng administrasyon.

Natatakot umano ang mga mamumuna na hindi kayang bayaran ng gobyerno ang utang sa China para sa mga proyektong imprastraktura ni Duterte.

“The Philippines has never, never defaulted on its loans,” wika ni Dominguez. “The Philippines has not done it even in the worst of times, and the worst time was right after Marcos.”

Hindi umano pumalyang magbayad ang Pilipinas sa anumang utang kahit pa wala na itong pera.

“The Philippines has no history of defaulting on its loans. So why are people saying now that we will default? They have no faith in the Philippines? I don’t know why people are saying, ‘there might be a default.’ That means to say those people have no faith in their own country,” dagdag pa ni Dominguez.

Binigyang-diin pa ni Dominguez na walang collateral na ginamit ang gobyerno sa mga nakuhang pautang sa anumang bansa. Hinimok pa niya ang mga kritiko na suriin ang mga kasunduan na pinasok ng administrasyon na pawang naka-post lahat sa website ng Department of Finance (DoF).

Dati nang sinabi ni Dominguez na hinding-hindi mahuhulog ang Pilipinas sa tinatawag na debt-trap ng China. “In conformity with the Constitution and our laws, none of the pipeline projects funded with official development assistance (ODA) from countries like Japan and China allow for the appropriation or takeover of domestic assets in the event of failure to pay, which is unlikely,” paliwanag niya.

“The government’s borrowing program remains very conservative in the sense that we only borrow to invest in projects that will generate economic gains which are greater than the borrowing cost. No infrastructure project is funded through ODA without going through a rigorous system of reviews and approvals by the Cabinet and the President, and unless there is certainty that the project is economically viable and highly beneficial for the Filipino people,” dagdag pa ni Dominguez.

Pinas, delikado nga ba sa debt trap?

by

Sina Pangulong Rodrigo R. Duterte at Chinese President Xi Jinping, pagpapakita ng lumalakas na ugnayan ng dalawang bansa.

 

Ni: Quincy Joel Cahilig

Tuloy-tuloy ang kaliwa’t kanang mga infrastructure projects sa ilalim ng Build, Build, Build program ng Duterte administration. Nakapaloob sa PHP 8.7 trillion na malawakang infrastructure program ang pagpapatayo ng mga kalsada, tulay, paliparan, train lines, irrigasyon, at dam sa iba’t-ibang bahagi ng bansa. Sa pagtatapos ng mga proyekto sa 2022, inaasahang bibilis pa ang paglago ng ekonomiya ng Plipinas.

 

Galing sa buwis, official development assistance (ODA), at commercial loans ang pondong ginagamit sa pagsasakatuparan ng Build, Build, Build projects. Ayon kay Finance Secretary Carlos Dominguez III, sa ganitong paraan ay mas madali at mabilis ang implimentasyon kumpara sa Private Public Partnership (PPP) funding na ginawa ng nakaraang administrasyon para sa infrastructure projects.

“The ODA plus a hybrid, that is generally what we are doing. There are proposals for PPP. We are entertaining those proposals. Our method of using government financing is working, it’s faster. We are pushing as quickly as we can. I think it’s moving more quickly,” wika ni Dominguez.

Isa ang China sa mga bansang pinanggagalingan ng mga loan pangtustos sa Build Build Build projects. Hindi lingid sa karamihan na blooming ang relasyon ngayon ng dalawang rising economies sa Asia. Ito ay sa kabila ng mga isyu ng pang-aagaw ng China ng teritoryo at yamang-dagat sa West Philippine Sea, pagpuslit ng mga bilyong-pisong drug shipments dito sa bansa mula China, at ang pagdagsa ng mga illegal Chinese workers sa Pilipinas.

 

Nguni’t batay sa mga report, mas mataas ang interest rates ng loans mula China kumpara sa ibang mga bansa. Isang halimbawa ang Chico River Irrigation Project, kung saan pinautang ng China ang pamahalaan ng P3.135 bilyon na may yearly interest na 2 percent, na magma-mature sa loob ng 20 taon, kasama na ang pitong taon na grace period.

Noong 2016, nag-offer ang Beijing ng $9 bilyong halaga ng ODA sa Pilipinas. Kabilang dito ang mga sumusunod na proyekto: New Centennial Water Source-Kaliwa Dam Project, South Long Haul Project ng Philippine National Railway, Davao-Samal Bridge Construction Project, Ambal-Simuay River at Rio Grande de Mindanao River Flood Control Projects, Pasig-Marikina River at Manggahan Floodway Bridges Construction Project, Subic-Clark Railway Project, Safe Philippines Project Phase 1, at Rehabilitation of the Agus-Pulangi Hydroelectric Power Plants Project.

Sa state visit ni Chinese President Xi Jinping sa bansa kamakailan, 29 na kasunduan naman ang pinirmahan sa pagitan ng Manila at Beijing. Kasama sa mga ito ang ilang proyekto tulad ng Davao City Expressway Project at Panay-Guimaras-Negros Island Bridges Project.

Mas mataas ito kung ikukumpara sa P51.3 bilyon na loan ng Pilipinas sa Japan International Cooperation Agency (JICA) para sa first phase ng subway system. Ang loan sa JICA ay may 0.1 percent interest rate at payable sa loob ng 40 na taon, na may 12-year grace period.

Ang mapait na sinapit ng Sri Lanka 

Dahil dito, marami ang nangangamba na baka ginagamit ng China ang debt trap diplomacy para ibaon sa pagkakautang ang Pilipinas hanggang sa mapilitan ang gobyerno na ipambayad sa kanila ang ilang bahagi ng ating teritoryo.

May posibilidad na sapitin ito ng Pinas dahil ganoon ang nangyari sa Sri Lanka. Pinautang ng China ang bansa ng $1.1 bilyon para sa pagtatayo ng Hambantota port, na pinangunahan ng isang Chinese contractor. Dahil nahirapan ang Sri Lanka na bayaran ang loan, napilitan nitong ipa-lease sa China ang port sa loob ng 99 na taon. Bagay na itinuturing ng mga eksperto na banta sa soberanya ng Sri Lanka at ayon sa mga ulat, nagtatayo na ang China ng mga pasilidad dito na parte ng kanilang Belt and Road Initiative.

Babala ni Magdalo Party-list Representative Gary Alejano, may nakatagong layunin ang China sa pagpapautang nito sa Pilipinas para mapondohan ang Build Build Build. 

 

Naniniwala si Magdalo party-list Representative Gary Alejano na ang Build, Build, Build ay bahagi ng Belt and Road Initiative, na naglalayong gawing pinakamalakas na bansa sa buong mundo ang China pagsapit ng 2049. Nakapaloob dito ang pagpatatatag ng trade and infrastructure network na mag-uugnay sa Asia, Europe, at Africa. Aniya, nakita ni Pangulong Rodrigo Duterte na kailangang makasali ang bansa sa naturang hakbangin ng China, na isang rising superpower.

Babala ng mambabatas, hindi dapat maging kampante ang gobyerno sa tulong na ibinibigay ng China dahil isa lamang itong pagbabalat-kayo.

“Kunwari nagbibigay ng suporta pero the main reason noon is to link these countries to China and to pull them into their own influence thereby removing them from their competition which is the United States,” aniya. “This is the power struggle between the United States and China, the United States, being an established power, challenged by a rising power, China. Nagkataon lang na yung Pilipinas, nandun sa gitna.”

Pinas, di masisilo

Sa gitna ng mga pangamba, mismong China na ang nagpahayag na imposible para sa Pilipinas na mahulog sa debt trap. Sa halip ay malaking tulong pa ang maidudulot ng naturang loans sa bansa.

“China’s loans only account for a very limited share of the Philippines’ foreign debts. It’s impossible for the Philippines to fall into the so-called “debt trap” due to these loans,” wika ni China Foreign Ministry Spokesperson Geng Shuang.

“We believe the relevant projects will further improve the livelihood and boost economic growth of the Philippines, providing new impetus for its national development,” dagdag pa ni Geng.

Siniguro din ng mga economic manager ng Duterte Administration na di tuluyang malulugmok sa utang ang bansa.

“This is totally unfounded. The financing we availed of are soft loans at the lowest possible interest rates and the longest possible term arrangements,” wika ni Dominguez.  Ipinaliwanag din niya na, sa pagtatapos ng Duterte administration, ang magiging estimated debt ng Pilipinas sa Chinese government ay nasa 4.5 porsyento lang ng kabuuang utang ng bansa.

Sinalag din ni Budget Secretary Benjamin E. Diokno ang mga alegasyon na papunta ang Pilipinas sa patibong na pautang ng China at sinabing maingat ang gobyerno pagdating sa loans.

“We’re very careful. We have a very rigorous process. The list of projects came from us, not from them. We have a cut-off, the project has to have an economic internal rate of return of at least 10%. If the economic rate of return exceeds the cost of borrowing, it’s a go, it makes sense. The rate of return (points to the) social worthiness of the projects,” wika ni Diokno.

Paliwanag pa ng budget secretary, kakayanin ng Pilipinas na i-absorb ang mga foreign loans dahil sa napakababang debt-to-gross domestic product ratio. Aniya, ang kabuuang utang ng bansa ay nasa 42.1 porsyento ng GDP, na inaasahang babagsak sa 37.9 porsyento sa pagtatapos ng Duterte admin.

Dagdag pa niya, maganda ang naging koleksyon ng buwis ngayong taon kaya mataas ang kumpiyansa na di lalampas sa 3% of GDP ang fiscal deficit ngayong 2018 sa kabila ng malakihang paggastos ng gobyerno sa pagtatayo ng mga infrastructure.

“We’re collecting more. Since revenue will be much higher due to the Christmas season, we usually collect more. We front-loaded our expenditures so we’re not going spend so much in the fourth quarter. So there’s no danger that we will breach our 3% deficit to GDP ratio,” wika ni Diokno.

Bagong proyekto ng World Bank malaking pakinabang ng mga Pilipino

by

World Bank nagpondo ng tatlong proyekto sa bansa sa unang quarter ng taon

 

Ni: Jonnalyn Cortez

Kabilang sa linya ng mga proyekto ng World Bank sa Pilipinas sa unang quarter ng 2018 ang tatlong proyekto na nagkakahalaga ng $156.06 milyon.

Ayon sa datos mula sa website ng internasyonal na institusyong pinansyal, ang tatlong proyektong ito ay ang Philippines Stage II Hydro-chlorofluorocarbon (HCFC) Phase-out, Philippines Health Financing Strengthening at Philippines Customs Modernization Project.

Malaki ang maitutulong ng mga nasabing proyektong ito, lalo na nga sa kaunlaran ng ating bansa. Sa katunayan, malaki rin ang magiging pakinabang ng mga Pilipino rito pagdating sa kalusagan, pati na rin sa kapaligiran.

Alamin kung anu-ano nga ba ang mga ito.

 

Philippine Health Insurance Corporation kabilang sa proyekto ng World Bank

 

PHILIPPINES HEALTH FINANCING STRENGTHENING

Paglalaanan ng World Bank ng pondong $1.75 milyon ang Philippines Health Financing Strengthening. Kahit pa nga ito ang pinakahuling proyektong tutustusan ng nasabing institusyon, ito naman ang may pinakamababang pondo.

Layunin nitong pagbutihin ang kakayahan ng Philippine Health Insurance Corporation (PHIC) sa pagsasagawa ng obserbasyon at mga paraan ng pagbabayad.

Makakatulong din ito upang linangin at ipatupad ang mga bagay na maaaring makatulong upang mapabuti ang kalidad ng datos at unawain at ipatupad ang mga pangunahing indikasyon sa paggawa at pamantayan ng pag-uulat. Kabilang din dito ang palakihin ang kapasidad na analytical ng PhilHealth.

Susuportahan din ng proyekto ang pagpapatunay at pagpapatupad ng sistemang Philippines Diagnosis Related Grouping (DRG) at pagbutihin ang pamamahala ng mga impormasyon dito.

“The small grant project supports Philippines Health Agenda that aims to achieve universal health coverage (UHC) and will specifically aim to provide technical assistance to strengthen national capacities to implement UHC policies and programs,” ayon sa dokumento ng World Bank.

Nagtakda ng planong reporma ang Philippine Health Agenda 2016-2022 na may layuning tiyaking may “financial risk protection” at magandang resulta ng kalusugan para sa mga Pilipino.

Nakatuon ang agenda na ito na siguraduhing ang lahat ng Pilipino ay may “financial access” at “equitable geographic” sa komprehensibong mga serbisyong pangkalusugan na may iba’t ibang antas ng kalinga sa unang pakikipag-ugnayan pa lang sa ating sistema ng pangangalagang pangkalusugan.

Layunin naman ng Department of Health (DOH) na makamit ang Universal Health Coverage sa taong 2022. Prayoridad din nito ang direksyon ng Health Financing (2017-2022) upang garantiyahan ang unibersal na access sa komprehensibong pangangalaga sa antas ng pangunahing uri ng aruga at ang pagpapatuloy ng pagbibigay kalinga sa pamamagitan ng referral.

PHILIPPINES STAGE II HYDRO-CHLOROFLUOROCARBON (HCFC) PHASE-OUT

Naglaan naman ng $4.3 milyon ang World Bank para sa proyektong Philippines Stage II HCFC Phase-out.

Layunin naman nitong suportahan ang hakbang ng ating bansa upang matugunan ang obligasyon na ihinto ang paggamit ng HCFC sa taong 2020. Ito ay bilang pagsunod sa Montreal Protocol at isa sa mga kinakailangang gawin para sa Kigali Amendment.

Isang uri ng kemikal na ginagamit na pampalamig ang Hydro-chlorofluorocarbons o HCFC. Naglalabas ito ng polusyon na nagpapanipis sa proteksyon ng ozone layer ng mundo na siya namang nagiging sanhi ng pagbabago-bago ng klima.

Kabilang sa mga bahagi ng proyektong ito ang pagbibigay pondo sa pagpapalit ng mga pasilidad ng apat na napiling gumagawa ng mga air-conditioner. Mula sa paggamit ng teknolohiya ng HCFC, gagamit ng teknolohiya na hindi makakapinsala sa ating ozone layer at di makakaapekto sa pagbabago ng klima.

Kabilang din dito ang tulong teknikal na bahagi na sadyang idinisenyo upang palakasin ang mga kakayahan ng mga ahensya ng gobyerno, mga teknikal na institusyon at mga pribadong grupo na mamahala sa pag-angkat, pagluwas, paggamit, paghawak, at paghinto ng paggamit ng HCFC.

“The proposed project is designed to address a specific reduction target (i.e., 2020, 35 percent HCFC consumption reduction target and 40 percent by 2021) in accordance with the agreed phase out schedule with the Multilateral Fund,” paliwanag ng World Bank sa dokumento nito.

Sinasabing ang layuning pag-unlad ng Philippines Stage II HCFC Phase-out ay partikular na may kinalaman sa “Engagement Area 4 – Resilience to Climate Change, Environment and Disaster Risk Management.”

Makakamit ang layuning ito sa pamamagitan ng pagbawas at tuluyang pag-alis ng paggamit ng HCFC ng mga pabrika at gumagawa ng air-conditioner. Mangyayari rin ito sa pamamagitan ng paglulunsad ng paggamit ng mga alternatibo na may mababang Global Warming Potential (GWP).

Ipatutupad ang proyektong ito sa loob ng limang taon mula 2018 hanggang 2022. Kabilang din dito ang mga institusyon ng gobyerno tulad ng Department of Environment and Natural Resources at Land Bank of the Philippines.

 

Bureau of Customs gagawing moderno ng World Bank

 

PHILIPPINES CUSTOMS MODERNIZATION PROJECT

Pinakamalaki sa nasabing tatlong proyekto ang Philippines Customization Modernization Project. May pondo itong $150 milyon mula sa World Bank.

Layunin nitong pababain ang gastos sa mga transaksyong pangkalakalan sa pamamagitan ng pagpapaikli ng kinakailangan gamiting oras upang iproseso ang mga deklarasyon ng Customs.

Ninanais ng proyektong ito na mapabuti ang transparency at kalakalan sa Customs. Nais din nitong pabutihin ang koleksyon ng kita ng gobyerno.

 “The project will support the modernization of systems, procedures and operational activities in line with accepted international standards for the processing and clearance of imported and exported goods,” pahayag ng World Bank sa dokumento nito.

Inamin naman ni Customs Commissioner Isidro Lapeña na ang sistema ng mga kompyuter sa Bureau of Customs ay sadyang mabagal kumpara sa mga administrasyong customs sa ibang mga bansa. Sinabi niya ito sa isang artikulo mula sa PortCalls Asia.

Inaasahan nito na ang proyekto ng World Bank ay tataasan ang pamantayan ng BOC na kayang makipagsabayan sa pandaigdigang pamantungan, tulad na lamang ng ibang mga administrasyong customs na natulungan na nito.

Kilala ang World Bank bilang pangalawa sa pinakamalaking pinagkukunan ng Official Development Assistance (ODA) ng mga bansa. Ayon ito sa datos noong Disyembre 2017. Pinalawak ng tagapaghiram na Washington ang kabuuang suporta sa ODA na may kabuuang $3.19 bilyon noong nakaraang taon.

Binubuo ang tulong na ito ng $4.93 milyon na halaga ng grant at $3.24 bilyon na halaga ng mga pautang. Kumikita ang World Bank sa kabuuan ng 20.99 porsyento ng “portfolio” ng ODA ng Pilipinas. Ito ay naitala rin noong Disyembre 2017.

Pagbisita ni Chinese President Xi Jinping may dalang mabuting balita

by

Xi Jinping

Xi Jinping bibisita sa Pilipinas.

 

Ni: Jonnalyn Cortez

Nakatakdang bumisita ang Presidente ng China na si Xi Jinping sa bansa sa darating na Disyembre at inaasahang may dala itong magandang balita.

Ayon kay Budget Secretary Benjamin Diokno, maaring ianunsyo ni Xi ang karadagdagang budget na laan sa Pilipinas para sa mga proyekto sa ilalim ng programang Build, Build, Build ni Pangulong Rodrigo Duterte.

Matatandaang ipinangako ni Duterte na aayusin ang mga lumang imprastraktura sa bansa sa pamamagitan ng nasabing programa. Kinukuha naman nito ang suporta ng China at Japan upang makatulong bunuin ang P8 hanggang P9 trilyon na pondo na kinakailangan para dito.

KARAGDAGANG PONDO

Unang ipinangako ng Beijing ang pagbibigay ng $9 bilyon na pondo ng estado para sa Maynila. Kabilang sa unang bahagi ng proyekto ang paggawa ng dalawang tulay sa kabisera na parehong nakatakdang matapos sa 2020.

Maliban dito, sinabi ni Diokno sa isang panayam sa Early Edition ng ANC na maaari pa itong maragdagan sa darating na panahon.

“I think that will be, like a secret, that will be announced by President Xi when he comes here in November after the Papua New Guinea APEC meeting. That’s the plan,” anito. “I can’t tell. I think there will be some good surprises, more funding.”

Magkakaroon din diumano ng pledging session sa darating na pagbisita ni Xi sa bansa.

10 KASUNDUAN SA PAUTANG

Nakatakda naman pirmahan ni Xi ang hindi bababa sa 10 na kasunduan sa pautang pagdating nito sa Pilipinas.

Maiging sinusubaybayan ng parehong panig ng Pilipinas at China ang pananalapi para sa mga malakihang proyektong imprastraktura sa bansa. Ngunit sinabi ni Diokno sa isa mga mamamahayag sa isang press briefing na sadyang maingat ang administrasyong Duterte sa pagsusuri sa mga proyektong katulad nito.

“First of all, there’s a feasibility study, either funded by the Asian Development Bank or the World Bank. After that, the implementing agencies will iron them out and then submit to the National Economic and Development Authority. In Neda, the Investment Coordination Committee will scrutinize them before submitting to the President,” paliwanag ni Diokno.

“We are very careful in the process. And our rule of thumb is, if the project gives us a rate of return of at least 10 percent or higher, then it’s a go because we can borrow at a much lower cost.”

Siniguro naman ni Diokno na ang gobyerno ng Pilipinas ay gumagawa ng masigasig na hakbang sa pagproseso ng pag-apruba ng mga proyektong ito.

 

Chinese Ambassador Zhao Jianhua nangako ng marami pang proyekto sa susunod na taon.

 

KARAGDAGANG IMPRASTRAKTURA SA 2019

Inihayag naman ni Chinese Ambassador Zhao Jianhua na makakaasa ang mga Pilipino ng marami pang proyektong imprastraktura na popondohan ng China ang gagawin sa susunod na taon.

Sinabi ni Zhao sa pahayag nito sa groundbreaking ceremony para sa Two China-Aid Bridges Project sa kabuuan ng Pasig River na pinapabilis ng gobyerno ng China ang pagsisikap nitong makapaghatid ng mga higit na kinakailangang pampublikong imprastraktura sa Pilipinas.

Ilan sa mga proyektong ito ang Kaliwa Dam, PNR South Long-Haul Railway, Subic-Clark Railway at Mindanao River flood-control project.

 “More of such projects are already in the pipeline and are expected to roll out starting from next year,” ani Zhao.

Naghatid din ng magandang balita ang ambassador ng sabihin nitong positibong isinasaalang-alang ng China ang pagbigay ng soft loans para sa lima pang karadagdagang tulay na magkokonekta sa dalawang panig sa kabuuan ng Pasig River.

Pinangako ni Zhao na gagawin nila ang lahat ng kanilang makakaya upang ipatupad ang implementasyon ng kalidad ng mga proyektong ito.

PROYEKTONG ‘BUILD, BUILD, BUILD’ NI PANGULONG DUTERTE

Tugon naman ang pagsisikap na mapabilis ang pagtatayo ng mga proyektong imprastrakturang pinondohan ng China sa panawagan ni Pangulong Duterte para sa mabilis na pagkumpleto sa lahat ng proyektong imprastraktura sa ilalim ng programang Build, Build, Build.

“I am therefore directing the DPWH [Department of Public Works and Highways] and the other agencies concerned to ensure that the construction of these bridges will be finished within 30 months or earlier,” sabi ng Pangulo sa isang pahayag.

Dagdag pa nito, mapapabilis ang mga programang imprastraktura na magpapabuti ng pagkokonekta at pagkilos sa buong bansa sa pamamagitan ng kanilang pinagsama-samang pagsisikap

“Together, let us join hands in uplifting the lives of our people [through] channels that will give [them] the decent and comfortable lives that our people rightfully [deserve],” dagdag pa nito.

Bukod sa dalawang nabanggit na tulay na ginagawa sa Pasig River, sinimulan na rin ang iba pang proyekto tulad ng dalawang Dangerous Drug Abuse Treatment at Rehabilitation Centers sa Mindanao sa tulong ng China.

Sinimulan na rin ang pagtatayo ng Chico River Pump Irrigation Project, na unang proyektong imprastraktura na pinondohan ng China gamit ang soft loan.

 

China nagbigay ng malaking pondo para sa proyektong imprastraktura sa bansa.

 

USAPING GEOPOLITICS

Isinasagawa naman ang kasalukuyang pagtutulungan ng China at Pilipinas sa pagtatayo ng mga imprastraktura sa bansa sa gitna ng muling pagsisimula ng geopolitics sa pagitan ng mga ito.

Sinabi ni Duterte na siya at ang Pangulo ng China na si Xi ay parehong sumang-ayon na talakayin ang geopolitics, partikular na nga ang kaso ng arbitrasyon sa West Philippine Sea sa ibang pagkakataon.

Dagdag pa nito, bukas ang Pilipinas na pahintulutan ang China na pag-nilay-nilayan ang mga bagay-bagay bago nila simulan ang talakayan. Gayumpaman, nananatili ang tiwala ng Pangulo na magiging patas ang China at mananaig ang katarungan.

TAKOT SA PAGMAMAY-ARI NG MGA LUPAIN

Siniguro naman ni NEDA Undersecretary para sa Investment Programming na si Rolando G. Tungpalan na walang kaugnayan sa pagmamay-ari ng lupa ang mga proyektong pinondohan ng China sa Pilipinas. Nangangahulugan ito na ang mga kontratista ay mananatiling mga kontratista at hindi magmamay-ari ng anumang mga lupa.

Nilinaw naman ni NEDA Assistant Secretary para sa Investment Programming na si Jonathan L. Uy na hindi nagbibigay ang pamahalaan ng Pilipinas ng sovereign equity o pagmamay-ari sa mga official development assistance (ODA) partners. Ito ay kahit pa China, Japan o Korea ang tumutustos sa mga proyekto sa bansa.

Dagdag pa nito, kung hindi masigasig sa pagsunod sa mga batas at regulasyon ng Pilipinas ang mga kasosyo sa pag-unlad o magpataw ng ilang mga kondisyon bago magbigay ng pondo para sa mga proyekto ng ODA, mapipilitan ang pamahalaan na isailalim ang mga proyekto sa isa pang pagsusuri.

Close Bitnami banner
Bitnami